គណៈកម្មាធិការជាតិរៀបចំការបោះឆ្នោត National Election Committee

ឯកឧត្តម ទេព នីថា អគ្គលេខាធិការ គ.ជ.ប បានដឹកនាំកិច្ចប្រជុំអគ្គលេខាធិការដ្ឋាន គ.ជ.ប ដើម្បីពិនិត្យ និងពិភាក្សាលើគម្រោងផែនការចំណាយថវិកាឆ្នាំ២០២៧ របស់ គ.ជ.ប និងសេចក្តីព្រាងប្រតិទិន និងផែនការមេសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់អាណត្តិទី៦ ឆ្នាំ២០២៧ នាព្រឹកថ្ងៃទី៩ ខែមិថុនា ឆ្នាំ២០២៦

ឯកឧត្ដម ទេព នីថា អគ្គលេខាធិការ គ.ជ.ប បានអញ្ជើញជាអធិបតីក្នុងពិធីបិទវគ្គបណ្តុះបណ្តាលជូនដល់ប្រធាន សមាជិក មន្រ្តីបច្ចេកទេសនៃលេខាធិការដ្ឋានរាជធានី ខេត្តរៀបចំការបោះឆ្នោត និងមន្រ្តីគណៈកម្មាធិការជាតិរៀបចំការបោះឆ្នោត ស្តីពី“ការស្រង់ស្ថិតិប្រជាពលរដ្ឋប៉ាន់ស្មាន និងការប្រើប្រាស់កម្មវិធីគ្រប់គ្រងស្ថិតិប្រជាពលរដ្ឋ គ្រប់គ្រងទីតាំងការិយាល័យបោះឆ្នោត និងការិយាល័យចុះឈ្មោះបោះឆ្នោត” សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នៅទីស្តីការ គ.ជ.ប នារសៀលថ្ងៃទី៨ ខែមិថុនា ឆ្នាំ២០២៦។

សេចក្តីប្រកាសព័ត៌មាន
គ.ជ.ប រៀបចំវគ្គបណ្តុះបណ្តាលស្ដីពីការស្រង់ស្ថិតិប្រជាពលរដ្ឋប៉ាន់ស្មាន សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦
- Join Telegram: https://t.me/nec_cambodia
- អាសយដ្ឋានវេប គ.ជ.ប៖ www.nec.gov.kh

ឯកឧត្ដម ម៉ុក ដារ៉ា អគ្គលេខាធិការរង គ.ជ.ប បានអញ្ជើញជាអធិបតីក្នុងពិធីបើកវគ្គបណ្តុះបណ្តាលជូនដល់ប្រធាន សមាជិក មន្រ្តីបច្ចេកទេសនៃលេខាធិការដ្ឋានរាជធានី ខេត្តរៀបចំការបោះឆ្នោត និងមន្រ្តីគណៈកម្មាធិការជាតិរៀបចំការបោះឆ្នោត ស្តីពី“ការស្រង់ស្ថិតិប្រជាពលរដ្ឋប៉ាន់ស្មាន និងការប្រើប្រាស់កម្មវិធីគ្រប់គ្រងស្ថិតិប្រជាពលរដ្ឋ គ្រប់គ្រងទីតាំងការិយាល័យបោះឆ្នោត និងការិយាល័យចុះឈ្មោះបោះឆ្នោត” សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នៅទីស្តីការ គ.ជ.ប នាព្រឹកថ្ងៃទី៨ ខែមិថុនា ឆ្នាំ២០២៦។

តបតាមការអញ្ជើញរបស់ប្រធានបណ្តាញពង្រឹងសមត្ថភាពរៀបចំការបោះឆ្នោតនៃប្រទេសនិយាយភាសាបារាំង (RECEF) ដែល គ.ជ.ប ជាសមាជិកពេញសិទ្ធិ ឯកឧត្តម ប្រាជ្ញ ចន្ទ ប្រធាន គ.ជ.ប បានចាត់តាំងឯកឧត្តម ឌឹម សុវណ្ណារុំ សមាជិក គ.ជ.ប និងជាប្រធានក្រុមប្រតិកម្មព័ត៌មាន គ.ជ.ប ដើម្បីដឹកនាំគណៈប្រតិភូ គ.ជ.ប ចូលរួមក្នុងសិក្ខាសាលា និងសន្និបាតប្រចាំឆ្នាំ លើកទី១៤ របស់បណ្តាញ RECEF ចាប់ពីថ្ងៃទី៩ ដល់ថ្ងៃទី១២ ខែមិថុនា ឆ្នាំ២០២៦ នៅទីក្រុង Namur ព្រះរាជាណាចក្រប៊ែលហ្សិក។
សិក្ខាសាលា និងសន្និបាតលើកនេះ ត្រូវបានរៀបចំឡើងនៅប្រទេសប៊ែលហ្សិក តាមការស្នើសុំពីអគ្គនាយកដ្ឋានអត្តសញ្ញាណកម្មនៃតំបន់ពិសេសវ៉ាឡង់នី នៃប្រទេសប៊ែលហ្សិក ដែលបានក្លាយជាសមាជិកពេញសិទ្ធិរបស់បណ្តាញ RECEF កាលពីសិក្ខាសាលា និងសន្និបាត លើកទី១៣ ឆ្នាំ២០២៥ នៅប្រទេសសមាជិកកោះមូរីស។
ជាមួយគ្នានេះ សិក្ខាសាលា និងសន្និបាតនេះ នឹងផ្តោតសំខាន់លើមូលបទស្តីពីការរៀបចំបញ្ជីបោះឆ្នោតមួយប្រកបដោយបរិយាបន្ន សុក្រឹតភាព ភាពពេញលេញ និងប្រកបដោយបច្ចេកវិទ្យាទំនើប។

ញត្តិគាំទ្រ

សេចក្តីប្រកាសព័ត៌មានរបស់អ្នកនាំពាក្យ​ គ.​ជ.ប​ ស្តីពីលទ្ធផលនៃកិច្ចប្រជុំរបស់គណៈកម្មាធិការជាតិរៀបចំការបោះឆ្នោត​ នាថ្ងៃទី២ ខែមិថុនា ឆ្នាំ២០២៦
- Join Telegram: https://t.me/nec_cambodia
- អាសយដ្ឋានវេប គ.ជ.ប៖ www.nec.gov.kh