ឯកឧត្តមបណ្ឌិត ងួន ញុិល - H.E Nguon Nhel

ឯកឧត្តមកិត្តិនីតិកោសលបណ្ឌិត ងួន ញ៉ិល អនុប្រធានទី១ រដ្ឋសភា នៃព្រះរាជាណាចក្រកម្ពុជា នាព្រឹកថ្ងៃសុក្រ ៩កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ១៥ ខែតុលា ឆ្នាំ២០២១ នេះ បានអញ្ជើញដឹកនាំគណៈប្រតិភូរដ្ឋសភា ចូលរួមថ្វាយកម្រងផ្កា គោរពព្រះវិញ្ញាណក្ខន្ធ ព្រះករុណា ព្រះបាទសម្ដេច ព្រះនរោត្ដម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ « ព្រះបរមរតនកោដ្ឋ » គម្រប់ខួប ៩ឆ្នាំ នៅមណ្ឌប សួនច្បារខាងកើតវិមានឯករាជ្យ ក្នុងខ្លឹមសារ « ចងចាំជានិច្ចព្រះរាជគុណូបការៈ ព្រះករុណា ព្រះបរមរតនកោដ្ឋ » ៕

ថ្ងៃអាទិត្យ ៤កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែតុលា ឆ្នាំ២០២១ នេះ ឯកឧត្ដមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្រ្តៃយ៍គណៈកម្មាធិការកណ្ដាលគណបក្សប្រជាជនកម្ពុជា អនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំបានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំ៖
- ពេលព្រឹកជាមួយគណៈកម្មាធិការគណបក្សប្រជាជនកម្ពុជា ស្រុកសន្ដាន់ និងអស់លោកជាប្រធានគណបក្សឃុំទាំង៩ ។
- ពេលរសៀលជាមួយគណៈកម្មាធិការគណបក្សប្រជាជនកម្ពុជា ស្រុកប្រាសាទសំបូ និងអស់លោកជាប្រធានគណបក្សឃុំទាំង៥ ដោយមានតំណាងគណបក្សខេត្តចូលរួមផងដែរ ។

ក្នុងកិច្ចប្រជុំទាំងពីរខាងលើ ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ស្វាគមន៍បើកកិច្ចប្រជុំ និងបានបញ្ជាក់ជូនថាយើងទទួលបានឯកសារ និងធ្វើការផ្សព្វផ្សាយរួចហើយនូវឯកសារ សេចក្ដីសម្រេចរបស់គណៈអចិន្រ្តៃយ៍ គណៈកម្មាធិការកណ្ដាលគណបក្សប្រជាជនកម្ពុជា ស្ដីពី ផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អណត្តិទី៥ នៅថ្ងៃអាទិត្យ ទី៥ ខែមិថុនា ឆ្នាំ២០២២ ។ បន្ទាប់មក ឯកឧត្ដមបណ្ឌិត បានអនុញ្ញាតឲ្យឯកឧត្ដម លុក សម្បត្តិ សមាជិកគណៈអចិន្រ្តៃយ៍ គណបក្សខេត្តធ្វើបទបង្ហាញអំពីសន្ទស្សន៍ផែនការនៃការកសាងសមាជិកគណបក្សគ្រប់ឃុំក្នុងស្រុកសន្ដាន់ និងស្រុកប្រាសាទសំបូរ គឺត្រួតពិនិត្យតាំងពីថ្នាក់ភូមិមកតែម្ដង ។

បន្ទាប់មក ឯកឧត្ដមកិត្តិនីតិកោសលបណ្ឌិត ងួន ញ៉ិល បានមានប្រសាសន៍ អរគុណ និងកោតសរសើរ ចំពោះគណបក្សគ្រប់ថ្នាក់ ក្រុមការងារទាំងអស់ដែលបានខិតខំអនុវត្តការងារកន្លងមកទទួលបានលទ្ធផលល្អប្រសើរ និងត្រូវខិតខំថែមទៀតផងដែរ ចំពោះភូមិខ្លះៗដែលនៅខ្វះតិចតួចនោះ ។ ឯកឧត្ដមបណ្ឌិត បានមានប្រសាសន៍ជូនអង្គប្រជុំអំពីស្ថានភាពនយោបាយដូចជា សកម្មភាពបដិវត្តពណ៌ជាដើម ស្ថានភាពសេដ្ឋកិច្ច ស្ថានភាពសន្តិសុខ ក្នុងសកលលោកកន្លងមក ក៏ដូចនៅក្នុងព្រះរាជាណាចក្រកម្ពុជាយើង ដែលអាចជះឥទ្ធិពលជាអវិជ្ជមានដោយសារក្រុមអមិត្តខ្លះមកលើការបោះឆ្នោតជ្រើសរើសក្រុមប្រឹក្សាឃុំ-សង្កាត់ របស់យើង។

ឯកឧត្ដមបណ្ឌិត ក៏បានមានប្រសាសន៍បកស្រាយ ផ្ដល់អនុសាសន៍ដឹកនាំសម្រាប់គណបក្ស និងក្រុមការងារអនុវត្តបន្ត អំពីយុទ្ធសាស្រ្ត យុទ្ធវិធី និងការប្ដេជ្ញាចិត្តរបស់គណបក្ស ដើម្បីយើងទទួលបានជ័យជម្នះធំធេងក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ ក្នុងពេលខាងមុខដែលនាំឲ្យគណបក្សយើងឆ្លងទៅទទួលបានជោគជ័យក្នុងការបោះឆ្នោតជ្រើសតាំងសមាជិករដ្ឋសភា នីតិកាលទី៧ និងការបោះឆ្នោតជាបន្តបន្ទាប់ទៀត ៕

ថ្ងៃអាទិត្យ ៥ រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ ខែកញ្ញា ឆ្នាំ២០២១នេះ ឯកឧត្ដមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្រ្តៃយ៍គណៈកម្មាធិការកណ្ដាលគណបក្សប្រជាជនកម្ពុជា អនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំ បានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំ៖
- ពេលព្រឹកជាមួយគណៈកម្មាធិការគណបក្សប្រជាជនកម្ពុជា ស្រុកសន្ទុក និងលោក លោកស្រី ជាប្រធានគណបក្សឃុំទាំង១០ របស់ស្រុក ។
- ពេលរសៀលជាមួយគណៈកម្មាធិការគណបក្សប្រជាជនកម្ពុជាស្រុកតាំងគោក និងលោក លោកស្រី ជាប្រធានគណបក្សឃុំទាំង៨ របស់ស្រុក ។

ក្នុងកិច្ចប្រជុំទាំងពីរខាងលើ ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ស្វាគមន៍បើកកិច្ចប្រជុំ និងបញ្ជាក់ជូនថាការជួបប្រជុំធ្វើការងាររបស់យើងនៅពេលនេះ គឺដើម្បីត្រៀមលក្ខណៈសម្បត្តិឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ខាងមុខ ។

ឯកឧត្តមបណ្ឌិត ក៏បានមានប្រសាសន៍ថ្លែងអំណរគុណ និងកោតសរសើរចំពោះគណបក្សគ្រប់ឃុំ គណបក្សស្រុក និងក្រុមការងារដែល បានខិតខំបំពេញការងារទទួលបានលទ្ធផលល្អកន្លងមក និងត្រូវខិតខំអនុវត្តបន្តទៀតផងដែរលើការងារពង្រឹងមូលដ្ឋាន និងកសាងសមាជិកគណបក្សចំពោះភូមិ-ឃុំខ្លះដែលនៅមិនទាន់គ្រប់ផែនការ ។ បន្ទាប់មក ឯកឧត្ដមបណ្ឌិត បានអនុញ្ញាតឲ្យ ឯកឧត្តម លុក សម្បត្តិ សមាជិកគណៈអចិន្ត្រៃយ៍គណបក្សខេត្តកំពង់ធំ ធ្វើបទបង្ហាញអំពីសន្ទស្សន៍នៃការកសាង និងពង្រឹងសមាជិកគណបក្សគ្រប់ឃុំក្នុងស្រុកសន្ទុក និងស្រុកតាំងគោក និងពិនិត្យតាំងពីភូមិ មកតែម្តង ។

ឯកឧត្តមបណ្ឌិត ក៏បានមានប្រសាសន៍ផ្តល់អនុសាសន៍ដឹកនាំ ដូចជាការងារចំពោះមុខគឺការងារឃោសនាជាដើមដែលមាន ឯកឧត្ដមកិត្តិនីតិកោសលបណ្ឌិត ងួន ញ៉ិល ជាប្រធានគណៈកម្មការឃោសនា និងសោតទស្សន៍ ចំណុះគណៈបញ្ជាការយុទ្ធនាការបោះឆ្នោតរបស់គណៈកម្មាធិការកណ្តាលគណបក្សប្រជាជនកម្ពុជាដែលមាន សម្តេចអគ្គមហាសេនាបតីតេជោ ហ៊ុន សែន ជាប្រធាន ។

សម្រាប់គណបក្សគ្រប់ថ្នាក់ និងក្រុមការងារគណបក្សទាំងអស់ អនុវត្តបន្តដើម្បីសម្រេចឲ្យបានទៅតាមការប្តេជ្ញាចិត្តជាយុទ្ធសាស្រ្តរបស់គណបក្សគឺរក្សា និងបង្កើនប្រៀបឈ្នះ និងឈានទៅទទួលបានជ័យជំនះធំធេងក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលខាងមុខដែលជាស្ពានចម្លងទៅទទួលបានជោគជ័យក្នុងការបោះឆ្នោតជ្រើសតាំងសមាជិករដ្ឋសភា នីតិកាលទី៧ និងការបោះឆ្នោតជាបន្តបន្ទាប់ទៀត ។

ឯកឧត្តមបណ្ឌិត ក៏បានមានប្រសាសន៍បកស្រាយជូនអង្គប្រជុំអំពីការវិវត្តស្ថានភាពថ្មីៗអំពីនយោបាយ វិស័យសេដ្ឋកិច្ច និងសន្តិសុខ សង្គម ទាំងក្នុងពិភពលោក ក្នុងតំបន់ និងក្នុងប្រទេសកម្ពុជា យើងផងដែរ ៕

នារសៀលថ្ងៃចន្ទ ១៤កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី២០ ខែកញ្ញា ឆ្នាំ២០២១ ឯកឧត្ដមកិត្តិនីតិកោសលបណ្ឌិត ងួន ញ៉ិល អនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានគណៈកម្មការរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP11) បានអញ្ជើញជាអធិបតីភាព ដឹកនាំកិច្ចប្រជុំគណៈកម្មការរៀបចំ ដើម្បីពិនិត្យអំពីវឌ្ឍនភាពការងារដែលបានរៀបចំកន្លងមក និងពិភាក្សាអំពីទិសដៅការងារបន្តដូចជា ផ្នែកខ្លឹមសារ និងឯកសារកិច្ចប្រជុំការងាររដ្ឋបាល ពិធីការ និងជាពិសេសការងារបច្ចេកទេសព័ត៌មានវិទ្យា (ICT) ឆ្ពោះទៅរៀបចំ និងដឹកនាំកិច្ចប្រជុំភាពជាដៃគូអាស៊ី-អឺរ៉ុបលើកទី១១ (ASEP11) តាមអនឡាញ ONLINE ឬហៅថាតាមប្រព័ន្ធនិម្មិត (Virtual Meeting) ដែលនឹងប្រព្រឹត្តទៅនៅថ្ងៃទី១៦ ខែវិច្ឆិកា ឆ្នាំ២០២១ ដែលសភានៃព្រះរាជាណាចក្រកម្ពុជាធ្វើជាម្ចាស់ផ្ទះ ។ កិច្ចប្រជុំនេះមានការអញ្ជើញចូលរួមពី ឯកឧត្តម លោកជំទាវ ប្រធានអនុគណៈកម្មការរៀបចំទាំង៦ ប្រធានគណៈប្រតិភូ ប្រធានដឹកនាំកិច្ចប្រជុំក្រុមពិភាក្សាទាំងបី និងមន្ត្រីជំនាញមួយចំនួនផងដែរ ៕

ថ្ងៃសៅរ៍ ១២ កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៨ ខែកញ្ញា ឆ្នាំ២០២១ ឯកឧត្ដមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្រ្តៃយ៍គណៈកម្មាធិការកណ្ដាលគណបក្សប្រជាជនកម្ពុជាអនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំ អមដំណើរដោយ ឯកឧត្ដម ជា អឿង អនុប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំ សមាជិករដ្ឋសភា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានស្រុកប្រាសាទបល្ល័ង្គផងដែរបានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំ៖
- ពេលព្រឹកជាមួយគណៈកម្មាធិការគណបក្សប្រជាជនកម្ពុជាស្រុកប្រាសាទបល្ល័ង្គ និងលោក លោកស្រី ជាប្រធានគណបក្សឃុំទាំង៧ របស់ស្រុក ។
- ពេលរសៀលជាមួយគណៈកម្មាធិការគណបក្សប្រជាជនកម្ពុជាក្រុងស្ទឹងសែន និងលោក លោកស្រី ជាប្រធាន
គណបក្សសង្កាត់ទាំង៥ របស់ក្រុង ។
ក្នុងកិច្ចប្រជុំទាំងពីរខាងលើក៏មានការអញ្ជើញចូល រួមពីតំណាងគណៈអចិន្ត្រៃយ៍គណបក្សខេត្ត និង តំណាងគណបក្សស្រុក-ក្រុងទាំងពីរខាងលើផងដែរ ។

ក្នុងកិច្ចប្រជុំនោះ ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ស្វាគមន៍បើកកិច្ចប្រជុំ និងបញ្ជាក់ជូនថាការជួបប្រជុំធ្វើការងាររបស់យើងនៅពេលនេះគឺដើម្បីត្រៀមលក្ខណៈសម្បត្តិឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ខាងមុខ ។ បន្ទាប់មក ឯកឧត្ដមបណ្ឌិត បានអនុញ្ញាតឲ្យ ឯកឧត្តម លុក សម្បត្តិ សមាជិកគណៈអចិន្ត្រៃយ៍គណបក្សខេត្តកំពង់ធំ ធ្វើបទបង្ហាញអំពីសន្ទស្សន៍នៃការកសាង និងពង្រឹងសមាជិកគណបក្សគ្រប់ឃុំ និងពិនិត្យតាំងពីភូមិមកតែម្តង ។

បន្ទាប់មក ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ អរគុណ និងកោតសរសើរចំពោះគណបក្សស្រុក-ក្រុង គណបក្សគ្រប់ឃុំ-សង្កាត់ និងក្រុមការងារគណបក្សចុះជួយស្រុក-ក្រុង ដែលបានខិតខំអនុវត្តការងារទទួលបានលទ្ធផលក្នុងពេលកន្លងមក តែក៏ត្រូវខិតខំថែមទៀតផងដែរអំពីការងារពង្រឹងមូលដ្ឋាន កសាងសមាជិកគណបក្សចំពោះភូមិមួយចំនួនតូច ដែលនៅមិនទាន់គ្រប់ផែនការ និងពិសេសត្រូវខិតខំការកសាងសមាជិកគណបក្សក្នុងយុវជន។ បានមានប្រសាសន៍អំពីការវិវត្តសភាពការណ៍ថ្មីៗទាក់ទង ការងារនយោបាយ សេដ្ឋកិច្ច សន្តិសុខសង្គម ក្នុងប្រទេស ក្នុងតំបន់ និងសកលលោក ។

ឯកឧត្តមបណ្ឌិត ក៏បានមានប្រសាសន៍ផ្តល់អនុសាសន៍ដឹកនាំ សម្រាប់គណបក្សគ្រប់ថ្នាក់ និងក្រុមការងារគណបក្សទាំងអស់សម្រាប់អនុវត្តបន្តដើម្បីសម្រេចឲ្យបានទៅតាមការ ប្តេជ្ញាចិត្តជាយុទ្ធសាស្រ្តរបស់គណបក្សគឺរក្សា និងបង្កើនប្រៀបឈ្នះ និងឈានទៅទទួលបានជ័យជំនះធំធេងក្នុងការ បោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលខាងមុខ ដែលជាស្ពានចម្លងទៅទទួលបានជោគជ័យក្នុងការបោះឆ្នោតជ្រើសតាំងសមាជិករដ្ឋសភា នីតិកាលទី៧ និងការបោះឆ្នោតជាបន្តបន្ទាប់ទៀត ៕

ព្រឹកថ្ងៃសុក្រ ១១កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែកញ្ញា ឆ្នាំ២០២១នេះ ឯកឧត្ដមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្រ្តៃយ៍គណៈកម្មាធិការកណ្ដាលគណបក្សប្រជាជនកម្ពុជាអនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំ បានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំជាមួយ ឯកឧត្តម លោកជំទាវ ជាអនុប្រធានក្រុមការងារគណបក្សថ្នាក់កណ្តាលចុះជួយខេត្ត ជាប្រធាន-អនុប្រធានក្រុមការងារគណបក្សចុះជួយបណ្តាស្រុក និងជាសមាជិក សមាជិការ ព្រឹទ្ធសភា រដ្ឋសភា មណ្ឌលខេត្តកំពង់ធំ ដោយមាន ឯកឧត្តម តំណាងគណៈអចិន្ត្រៃយ៍គណបក្សខេត្តកំពង់ធំចូលរួមផងដែរ ។ កិច្ចប្រជុំបានរៀបចំនៅគេហដ្ឋាន ឯកឧត្ដមកិត្តិនីតិកោសលបណ្ឌិត ងួន ញ៉ិល ក្នុងភូមិត្រពាំងស្វាយ ឃុំបល្ល័ង្គ ស្រុកបារាយណ៍ ខេត្តកំពង់ធំ ។

ឯកឧត្ដមបណ្ឌិត ងួន ញ៉ិល បានអញ្ជើញមានប្រសាសន៍ស្វាគមន៍បើកកិច្ចប្រជុំ និងបញ្ជាក់ជូនអំពីការត្រួតពិនិត្យការងារ និងការត្រៀមលក្ខណៈសម្បត្តិឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ដូចជាការងារចំពោះមុខគឺការឃោសនាជាដើមដែលមាន ឯកឧត្ដមបណ្ឌិត ងួន ញ៉ិល ជាប្រធានគណៈកម្មការឃោសនា និងសោតទស្សន៍ ចំណុះគណៈបញ្ជាការយុទ្ធនាការបោះឆ្នោតរបស់គណៈកម្មាធិការកណ្តាលគណបក្សប្រជាជនកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រធាន ។

ឯកឧត្ដមកិត្តិនីតិកោសលបណ្ឌិត ងួន ញ៉ិល បានមានប្រសាសន៍ ផ្តល់អនុសាសន៍ដឹកនាំសំខាន់ៗសម្រាប់ ឯកឧត្តម លោកជំទាវ យកទៅអនុវត្តបន្តដើម្បីសម្រេចឲ្យបានទៅតាមការប្តេជ្ញាចិត្តជាយុទ្ធសាស្រ្តរបស់គណបក្សគឺរក្សា និងបង្កើនប្រៀបឈ្នះឈានទៅទទួលបានជ័យជម្នះធំធេងក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលខាងមុខដែលជាស្ពានចម្លងទៅទទួលបានជោគជ័យក្នុងការបោះឆ្នោតជ្រើសតាំងសមាជិករដ្ឋសភា នីតិកាលទី៧ និងការបោះឆ្នោតជាបន្តបន្ទាប់ទៀត ៕

សារលិខិត ឯកឧត្តមកិត្តិនីតិកោសលបណ្ឌិត ងួន ញុិល អនុប្រធានទី១ រដ្ឋសភា នៃព្រះរាជាណាចក្រកម្ពុជាផ្ញើជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានៅក្នុងឱកាសដ៏មហានក្ខត្តឫក្សថ្លៃថ្លាប្រកបដោយសេចក្តីអភិរម្យសោមនស្សរីករាយ និងមានអត្ថន័យដ៏ជ្រាលជ្រៅជាប្រវត្តិសាស្រ្តជាតិ ដែលសម្តេចតេជោនាយករដ្ឋមន្រ្តីទទួលបានមេដាយ សហប្រធានកិច្ចប្រជុំកំពូលសន្តិភាពពិភពលោក២០២១ ( World Summit Peace ) ពីមហាសន្និបាតនៃក្តីសង្ឃឹមលើកទី៧ ក្រោមប្រធានបទស្តីពី "សន្តិភាពនៅតំបន់អាស៊ីប៉ាស៊ីហ្វិក" នៅព្រឹកថ្ងៃទី១២ ខែកញ្ញា ឆ្នាំ២០២១ ៕

កាលពីថ្ងៃអាទិត្យ ៦កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥, ត្រូវនឹងថ្ងៃទី១២ ខែកញ្ញា ឆ្នាំ២០២១ កន្លងនេះ ឯកឧត្ដមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្រ្តៃយ៍គណៈកម្មាធិការកណ្ដាលគណបក្សប្រជាជនកម្ពុជា អនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំ បានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំ ៖
- ពេលព្រឹកជាមួយគណៈកម្មាធិការគណបក្សប្រជាជនកម្ពុជាស្រុកស្ទោង និងលោក លោកស្រី ជាប្រធានគណបក្សឃុំទាំង១៣ របស់ស្រុក ។
- ពេលរសៀលជាមួយគណៈកម្មាធិការគណបក្សប្រជាជនកម្ពុជាស្រុកកំពង់ស្វាយ និងលោក លោកស្រី ជាប្រធានគណបក្សឃុំទាំង១១ របស់ស្រុក ។

ក្នុងកិច្ចប្រជុំទាំងពីរខាងលើ ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ស្វាគមន៍បើកកិច្ចប្រជុំ និងបញ្ជាក់ជូនថាការជួបប្រជុំធ្វើការងាររបស់យើងនៅពេលនេះគឺដើម្បីត្រៀមលក្ខណៈសម្បត្តិឆ្ពោះទៅកាន់ការបោះឆ្នោតជ្រើសរើសក្រុមបឹក្សាឃុំ-សង្កាត់ អាណត្តិទី៥ នៅថ្ងៃទី៥ ខែមិថុនា ឆ្នាំ២០២២ ខាងមុខ ។ បន្ទាប់មក ឯកឧត្ដមបណ្ឌិត បានអនុញ្ញាតឲ្យ ឯកឧត្តម លុក សម្បត្តិ សមាជិកគណៈអចិន្ត្រៃយ៍គណបក្សខេត្តកំពង់ធំ ធ្វើបទបង្ហាញអំពីសន្ទស្សន៍នៃការកសាង និងពង្រឹងសមាជិកគណបក្សគ្រប់ឃុំ ទាំងពីរស្រុក និងពិនិត្យតាំងពីភូមិមកតែម្តង ។

បន្ទាប់មក ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍អរគុណ និងកោតសរសើរចំពោះគណបក្សស្រុក គណបក្សគ្រប់ឃុំ និងក្រុមការងារគណបក្សចុះជួយស្រុកទាំងពីរ ដែលបានខិតខំអនុវត្តការងារទទួលបានលទ្ធផល ក្នុងពេលកន្លងមកតែក៏ត្រូវខិតខំថែមទៀតផងដែរអំពីការងារពង្រឹងមូលដ្ឋាន កសាងសមាជិកគណបក្សចំពោះភូមិ-ឃុំមួយចំនួនតូច ដែលនៅមិនទាន់គ្រប់ផែនការ និងពិសេសត្រូវខិតខំការកសាងសមាជិកគណបក្សក្នុងយុវជន។

ឯកឧត្តមបណ្ឌិត ក៏បានមានប្រសាសន៍ផ្តល់អនុសាសន៍ដឹកនាំ សម្រាប់គណបក្សគ្រប់ថ្នាក់ និងក្រុមការងារគណបក្សទាំងអស់សម្រាប់អនុវត្តបន្តដើម្បីសម្រេចឲ្យបានទៅតាមការប្តេជ្ញាចិត្តជាយុទ្ធសាស្រ្តរបស់គណបក្សគឺរក្សា និងបង្កើនប្រៀបឈ្នះ និងឈានទៅទទួលបានជ័យជំនះធំធេងក្នុងការបោះឆ្នោតជ្រើសរើសក្រុមបឹក្សាឃុំ-សង្កាត់ នាពេលខាងមុខដែលជាស្ពានចម្លងទៅទទួលបានជោគជ័យក្នុងការបោះឆ្នោតជ្រើសតាំងសមាជិករដ្ឋសភា នីតិកាលទី៧ និងការបោះឆ្នោតជាបន្តបន្ទាប់ទៀត ៕

ព្រឹកថ្ងៃសុក្រ ៤កើត ខែភទ្របទ ឆ្នាំឆ្លូវ ត្រីស័ក ព.ស២៥៦៥, ត្រូវនឹងថ្ងៃទី១០ ខែកញ្ញា ឆ្នាំ២០២១ ឯកឧត្ដមកិត្តិនីតិកោសលបណ្ឌិត ងួន ញ៉ិល បានអញ្ជើញចាក់វ៉ាក់សាំងប្រឆាំងជំងឺកូវីដ-១៩ របស់ក្រុមហ៊ុនអាស្រ្តាហ្សេនីកា (AstraZeneca) ដូសទី៣ ឬដូសជំរុញនៅវិមានរដ្ឋសភា៕

* នៅព្រឹកថ្ងៃអាទិត្យ ១៣រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៥ ខែកញ្ញា ឆ្នាំ២០២១នេះ ឯកឧត្ដមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្រ្តៃយ៍គណៈកម្មាធិការកណ្ដាលគណបក្សប្រជាជនកម្ពុជា អនុប្រធានទី១ រដ្ឋសភា នៃព្រះរាជាណាចក្រកម្ពុជា និងជាប្រធានក្រុមការងារគណបក្សថ្នាក់កណ្ដាលចុះមូលដ្ឋានខេត្តកំពង់ធំ បានអញ្ជើញជាអធិបតីភាពដ៏ខ្ពង់ខ្ពស់កិច្ចប្រជុំជាមួយអស់លោកជាប្រធានគណៈកម្មាធិការគណបក្សប្រជាជនកម្ពុជាឃុំទាំង១០ ក្នុងស្រុកបារាយណ៍ខេត្តកំពង់ធំ នៅគេហដ្ឋាន ឯកឧត្តមកិត្តិនីតិកោសលបណ្ឌិត ស្ថិតក្នុងភូមិត្រពាំងស្វាយ ឃុំបល្ល័ង្គ ស្រុកបារាយណ៍ ខេត្តកំពង់ធំ ។

* ឯកឧត្តមកិត្តិនីតិកោសលបណ្ឌិត ងួន ញ៉ិល បានអញ្ចើញមានប្រសាសន៍ស្វាគមន៍បើកកិច្ចប្រជុំ និងបានបញ្ជាក់ជូនថា យើងធ្វើការងារថ្ងៃនេះ ក្នុងន័យត្រៀមលក្ខណៈសម្បត្តិពីចម្ងាយឆ្ពោះទៅកាន់ការបោះឆ្នោតជ្រើសរើសក្រុមបឹក្សាឃុំ-សង្កាត់ អាណត្តិទី៥ នៅឆ្នាំ២០២២ ខាងមុខដើម្បីសម្រេចឲ្យបានតាមការប្តេជ្ញាចិត្តជាយុទ្ធសាស្ត្ររបស់គណបក្សប្រជាជនកម្ពុជា គឺរក្សាប្រៀបឈ្នះ និងឈានទៅទទួលបានជោគជ័យក្នុងការបោះឆ្នោតជ្រើសរើសក្រុមបឹក្សាឃុំ-សង្កាត់ សម្រាប់ចម្លងទៅទទួលបានជ័យជម្នះក្នុងការបោះឆ្នោតជ្រើសតាំងសមាជិករដ្ឋសភានីតិកាលទី៧ទៀត ។

* ឯកឧត្តមបណ្ឌិត បានមានប្រសាសន៍បញ្ជាក់ទៀតថា ក្នុងការងារពង្រឹងមូលដ្ឋាន និងការកសាង-គ្រប់គ្រងសមាជិកបក្ស កិច្ចប្រជុំរបស់យើងនៅពេលនេះគឺត្រួតពិនិត្យការកសាងសមាជិកបក្សចាប់ពីភូមិមកតែម្តង និងអង្គប្រជុំត្រូវពិភាក្សាគ្នាឲ្យបានច្បាស់អំពីការងារនេះ ។

ដោយបានការអនុញ្ញាតពី ឯកឧត្តមកិត្តិនីតិកោសលបណ្ឌិត ងួន ញ៉ិល, ឯកឧត្តម លុក សម្បត្តិ សមាជិកគណៈអចិន្ត្រៃយ៍គណបក្សខេត្ត បានអញ្ជើញធ្វើបទបង្ហាញលំអិតអំពីលទ្ធផល នៃការកសាងសមាជិកបក្សគ្រប់ឃុំ តាំងពីថ្នាក់ភូមិឡើងមក ។

* បន្ទាប់មក ឯកឧត្តមបណ្ឌិត ងួន ញ៉ិល បានអញ្ជើញមានប្រសាសន៍បូកសរុប និងផ្តល់អនុសាសន៍ដឹកនាំសម្រាប់គណបក្សខេត្ត ក៏ដូចគណបក្សឃុំទាំង១០ក្នុងស្រុកបារាយណ៍យកទៅអនុវត្តផងដែរ ៕

* នារសៀលថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២ ខែកញ្ញា ឆ្នាំ២០២១ ឯកឧត្តមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មការឃោសនា និងសោតទស្សន៍ ចំណុះគណៈបញ្ជាការយុទ្ធនាការបោះឆ្នោតរបស់គណៈកម្មាធិការកណ្តាលដែលមាន សម្តេចអគ្គមហាសេនាបតីតេជោ ហ៊ុន សែន ជាប្រធាននោះ បានអញ្ជើញជាអធិបតីភាពដ៏ខ្ពង់ខ្ពស់ក្នុងកិច្ចប្រជុំគណៈកម្មការរបស់ខ្លួន តាមអនឡាញ (ប្រព័ន្ធ ZOOM) ។

* ឯកឧត្តមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ស្វាគមន៍បើកកិច្ចប្រជុំ និងបានបញ្ជាក់ជូនថា យោងសភាពការណ៍ និងភារកិច្ចនយោបាយគណបក្សនាពេលបច្ចុប្បន្ន និងយោងប្រតិទិន នៃការបោះឆ្នោតជ្រើសរើសក្រុមបឹក្សាឃុំ-សង្កាត់ អាណត្តិទី៥ ដែលបានកំណត់យកថ្ងៃទី៥ ខែមិថុនា ឆ្នាំ២០២២ ជាថ្ងៃបោះឆ្នោត ។ ដោយកាលបរិច្ឆេទនេះកាន់តែខិតមកជិតហើយ ដូចនេះគណៈអចិន្ត្រៃយ៍ នៃគណៈកម្មាធិការកណ្តាលបានចេញសេចក្តីណែនាំ ស្តីពីការងារឃោសនាឆ្ពោះទៅកាន់ការបោះឆ្នោតជ្រើសរើសក្រុមបឹក្សាឃុំ-សង្កាត់ អាណត្តិទី៥ កាលពីថ្ងៃទី៩ ខែសីហា ឆ្នាំ២០២១ កន្លងទៅ ហើយគណៈកម្មការឃោសនា និងសោតទស្សន៍ ត្រូវតែធ្វើការប្រជុំបែងចែកភារកិច្ច ។

* ដោយមានការដឹកនាំរបស់ ឯកឧត្តមបណ្ឌិត ងួន ញ៉ិល អង្គប្រជុំបានដំណើរការអំពីរបៀបវារៈសំខាន់គឺការពិភាក្សា និងពិនិត្យ សម្រេច លើសេចក្តីព្រាង សេចក្តីសម្រេចស្តីពីការបង្កើតសមាសភាព និងភារកិច្ចរបស់អនុគណៈកម្មការជំនាញចំណុះគណៈកម្មការឃោសនា និងសោតទស្សន៍ចំនួន ៤ គឺ ៖
១ . អនុគណៈកម្មការកសាងឯកសារនយោបាយបោះពុម្ព និងផលិតសម្ភារៈឃោសនា
២ . អនុគណៈកម្មការរៀបចំវេទិការតុមូល និងពិភាក្សាបេក្ខជនតាមមណ្ឌល
៣. អនុគណៈកម្មការសោតទស្សន៍ និងរៀបចំស្ប៉តគណបក្ស
៤ . អនុគណៈកម្មការសារព័ត៌មាន អ្នកនាំពាក្យ និងប្រតិកម្មរហ័ស

* ក្នុងឱកាសនោះដែរ ឯកឧត្តមកិត្តិនីតិកោសលបណ្ឌិត ងួន ញ៉ិល បានអញ្ជើញមានប្រសាសន៍ បូកសរុប និងផ្តាំផ្ញើដល់អង្គប្រជុំក្នុងការបំពេញការងាររបស់ខ្លួនតាមការបែងចែកភារកិច្ចនេះឲ្យទទួលបានលទ្ធផលល្អ ដើម្បីឆ្លើយតបទៅនឹងការប្តេជ្ញាចិត្តរក្សាប្រៀបឈ្នះរបស់គណបក្ស និងថ្លែងអរគុណផងដែរចំពោះឯកឧត្តម លោកជំទាវ ដែលបានចូលរួមមតិល្អៗក្នុងកិច្ចប្រជុំនេះ ៕

នាព្រឹកថ្ងៃព្រហស្បតិ៍ ៣ រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ ខែសីហា ឆ្នាំ២០២១ នៅគេហដ្ឋានក្នុង ភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ឯកឧត្តមកិត្តិនីតិកោសលបណ្ឌិត ងួន ញ៉ិល សមាជិកគណៈអចិន្ត្រៃយ៍គណៈកម្មាធិការកណ្តាល គណបក្សប្រជាជនកម្ពុជា និងជាប្រធានគណៈកម្មការឃោសនា និងសោតទស្សន៍នៃគណៈបញ្ជាការយុទ្ធនាការបោះឆ្នោតរបស់គណៈកម្មាធិការកណ្តាល បានអនុញ្ញាតឧ្យ ឯកឧត្តម អ៊ក គឹមហាន នាយករងខុទ្ទកាល័យ គ.៨៥ និងសហការីជួបពិភាក្សា និងសុំអនុសាសន៍ដឹកនាំអំពីការងារសំខាន់ៗរបស់គណៈកម្មការឃោសនា និងសោតទស្សន៍ ៕