Tobwaan Kiribati Party

E rabwa ana kamataata HE Taneti Maamau iaon ana iango te Tautaeka ni katean ana High Commission Kiribati ibukin Aotiteria ao New Zealand.

E oti aio man ana kaeka nakon ana titiraki ni kan maataata te Leader n te Kaitara iaon rakan ana atu ni mwane te MFAI ibukin te ririki 2026.

E boutokaaki moan warekan ana biira n onono ana Tia Tei temanna Tarawateinainano te aba n tobwa, nakon te Tua ae Maungatabu, iaon bitakin ana tai te Beretitenti man 3 nakon 2 te term, ao maiun te Maneaba ni Maungatabu man 4 te ririki nakon 6 te ririki. E bon tiku naba ikotan te ririki n te 12 te ririki.

E rabwa ana kaeka te Tautaeka ae e boutokaia ao e angania Taan Tei aia tai bwa a na okiria aia botannaomata imwain kauouan warekana.

Te Mauri Te Raoi ao Te Tabomoa

E rabwa bwa e a bwaati te Kataumwane ibukin Kiribati n te ririki 2026 n te mwaiti ae $423.1 mirion.

E rabwa te Uea

Ana itera TKP nakon ana onono temanna ana Tia Tei Tarawateinainano nakon te Tua ae Maungatabu iaon te reitaki ma aban tinaniku e ira ana kaeka te Beretitenti ae e boutokaia ma e na okiraki te botannaomata tera nanona nako iai.

Ngaia are TKP e boutoka moan warekan te onono aio ma te kantaninga bwa Taan Tei a na oki ni kaongora ao ni kamatata te onono ao ni karekea nanoia imwain kauoan warekana are e nang kabwataki iai bwa ai te Tua.

N te onono ao e rangi ni uarereke taekana bwa e nang ti iraorao Kiribati ma aaba ake a kinaaki iroun te UN ma ake iai reitakia ma aaba ake a kinaaki iroun te UN.

E aki noora te kanganga n te onono aio TKP ngaia e boutokaia ao e na okiraki te botannaomata imwain kabwatakina.

Tekeraoi ao e na buokira te Uea.

Bon te kabwara bure nakon te nonori nakon ana onono temanna ana Tia Tei Tarawateinainano n aron kabwakakin aia constituency allowance ana Taan Tei te Maneaba ni Maungatabu bwa aongkoa TKP e a bon ti tataraa aroia.

E na uringaki bwa TKP e tabeakina te botannaomata mai inano nako eeta ni kataia bwa a na akea ae na tiku ke n tio i buki ke "no one left behind" ngaia are Taan Tei e tabeakinia naba TKP.

Ngkai e mwemwe ana bira n onono ana Tia Tei Tarawateinainano ao TKP e taraa nanoia kain Tarawateinaninano rinanon aia Tia Tei bwa a mwannanoia Taan Tei inanon te Maneaba ni Maungatabu ao tiaki ti kaain TKP.

N te Tua ae Salaries and Allowances of MPs and Salaries Tribunal, ao iai aia allowance ami Taan Tei ae aranaki bwa te constituency allowance. Te mwane aio buokaia Taan Tei ni karaoan tibwangaia n aia tai ni kaongora n aron te mweaka ao baoia. Aron reken te mwane aio ngkana a oki ni kaongora ami Taan Tei ao a na uoti rititi ibukin aia mweaka ao e na kaboaki mwina man te allowance aio. Akea te rititi ao e aki reke te mwane aio.

Angiina ami Taan Tei e kanganga reken te mwane aio e ngae ngke e aranaki bwa te allowance ma e aki kona n reke ni karokoa iai moa te rititi. Tiaki aron allowances ae a bon bwaka naba bwa are bon ana mwane ke ana entitlement te Tia Tei. E riki ni kanganga reken te rititi iaan ae a bon kakamanga are ko anga am mweaka ke taua ni bai n te maneaba ao ko na manga tuatua te rititi. Tao ngkana e bebete irouia tabeman ma angiina e a bon kanganga.

Ngaia are ngkai e a mwemwe te onono aio ao e nora riaina TKP ngkai bon aia entitlement Taan Tei ao e na kabwakaki naba n aron taian allowances ake a bwabwaka nakoia. Tiaki n ae aaki tauaki mwina n tuan te mwane ma are e na bon oti naba n te PV n aron nikabane bwakamwane aika kakaraoaki.

Ae nanona e a ti bitaki aron kabwakaana bwa e nang bon bwaka naba nakon te Tia Tei n aron naba allowances ake tabeua. Te kantaninga bwa man kabwatakin te onono aio ao e nang manena te mwane aio ngkanne ibukin aia mweaka ami Taan Tei.

Taraan e bon aki naba tau ni kabotauaki ma karaoan aia mwakuri Taan Tei bwa $2000 n te ririki ma e na bwakara e kakawaki iai te ibuobuoki ibukin karaoan tibwangaia ami Taan Tei.

Ngaia are e aki kakoaua TKP ae e ti iaiangoa arona ma e iangoia ma raona ni kabane inanon te Maneaba ni Maungatabu are ai bon ibukia naba kain Kiribati ae bwanin. Te kantaninga bwa a na rangi ni kakaitau naba kain te itera are te iterana ma tao bon iai aan aia totoko ma ti a bon katikua nakoia ma aia botannaomata. Te kaaitau riki nakon te Tia Tei are noora te itera aio.

E rabwa te Uea ibukin bwaai ni kabane.

Aio te kamataata nakon te post are e kabotauaki te freight refund ma aia constituency allowance Taan Tei.

E rangi ni kaokoro te freight refund ma te constituency allowance. Te constituency allowance bon aia entitlement ke aia mwane Taan Tei ae riai n reke nakoia ibukin karaoan aia mwakuri ibukia aia botannaomata, e aki kainanoa te receipts n aron kabwakaan allowances. Bwa ai bon te kamanga ae ko na kabwakaa am mweaka ao ko manga tuatua te receipt n aron are maroroakinaki.

Angina Taan Tei a tuai man anaa aia constituency allowance iaan bukina anne. Ma ngaia e a karaoaki te onono e aonga ni mamena te entitlement ke te mwane anne ibukin karaoan tibwangaia ami Taan Tei.

Te kaitau riki nakon temanna ana Tia Tei Tarawateinainano n ana onono ibukiia Taan Tei ni kabane n te Maneaba ni Maungatabu.

Te freight refund tiaki te entitlement ma bon te kabomwi nakon kantokan te kakoo are e kabwakaaki n te shipping line ao ngaia e na bon kainanoi beeba ni kakoaua ibukin te refund. Tao bon ti nikoan te process e aonga ni bebete aron reken te refund ma e kakoauaki bwa iai naba ae a reke kawaina irouia ao e a nakoraoi aron aia refund.

Ti kaokia riki e kairua ae e na kabotauaki te entitlement ma te kabomwi ni kantokan kakoo.

Te kantaninga e reke te mataata.

E rabwa te Tautaeka ni kariaiakakia taan mwakuri n te Tautaeka ao n ana Kambwana nako aika kaain KPC ao KUC bwa a na anaa teuana te b**g ni motirawa man aia leave ibukin irakin bukamaruan

Kamaiuan Kiribati 2025.

E rabwa aio e kakawaki naba ataakina...

https://www.facebook.com/share/1DJ6WoLqrr/