03/08/2026
🏛️ 🇱🇰 මධ්‍යම පළාත් අධ්‍යාපන දෙපාර්තමේන්තුවේ "සුපිළිපන් සතිය" – 2026
රාජ්‍ය සේවයේ විනිවිදභාවය සහ වගකීම් සහගත බව තහවුරු කිරීමේ අරමුණින් මධ්‍යම පළාත් අධ්‍යාපන දෙපාර්තමේන්තුව විසින් ජූලි 27 සිට 29 දක්වා "සුපිළිපන් සතිය" ඉතා සාර්ථකව ක්‍රියාත්මක කරන ලදී. ඒ යටතේ අප දෙපාර්තමේන්තුව මඟින් ප්‍රධාන වැඩසටහන් කිහිපයක් පවත්වන ලදී.
🔹 ජූලි 27 (සඳුදා) - "සුපිළිපන් නීතිගරුක රාජ්‍ය සේවයක්"
දෙපාර්තමේන්තුවේ සියලුම නිලධාරීන් දැනුවත් කිරීමේ විශේෂ වැඩසටහනක් පවත්වමින් සුපිළිපන් සතියේ කටයුතු ආරම්භ කරන ලදී.
🔹 ජූලි 28 (අඟහරුවාදා) - "සුපිළිපන් ඩිජිටල් රාජ්‍ය සේවයක්"
ආයතනික කටයුතු වඩාත් කාර්යක්ෂම හා ඵලදායී ලෙස කරගෙන යාමට පවතින තාක්ෂණික මෙවලම් සුපිළිපන්නභාවයෙන් යුතුව යොදා ගන්නා ආකාරය පිළිබඳව නිලධාරීන් දැනුවත් කෙරිණි.
මහනුවර දිස්ත්‍රික් ලේකම් කාර්යාලය සංවිධානය කළ සුපිළිපන් පා ගමන සඳහා අප දෙපාර්තමේන්තුවේ නිලධාරීන් 15 දෙනෙක් ද සහභාගී වූහ.
🔹 ජූලි 29 (බදාදා - ඇසළ පොහොය දිනය) - "මානව ගරුත්වයෙන් පිරි සුපිළිපන් සමාජයක්"
සුපිළිපන්නභාවය සංකල්පය බෞද්ධ දර්ශනය ඇසුරෙන් පැහැදිලි කරමින් සැකසූ විශේෂ ධර්මදේශනයක් පටිගත කර ආයතනික WhatsApp සමූහය වෙත යොමු කරන ලදී.
ජනතාවට වඩාත් කාර්යක්ෂම හා ගුණදායක රාජ්‍ය සේවයක් ලබා දීම වෙනුවෙන් අප මේ ගෙන යන උත්සාහය ඉදිරියටත් අඛණ්ඩව ක්‍රියාත්මක වේ.
