15/10/2026
"කැලණිය ප්‍රාදේශීය කර්මාන්ත ප්‍රවර්ධන කමිටුව පිහිටුවීම"
2026 ඔක්තෝබර් 15 වන දින, කැලණිය ප්‍රාදේශීය ලේකම්තුමියගේ සහ ගම්පහ කුඩා ව්‍යාපාර සංවර්ධන අංශයේ සහකාර අධ්‍යක්ෂ තුමියන්ගේ මඟපෙන්වීම යටතේ, කැලණිය ප්‍රාදේශීය ලේකම් කාර්යාලයේදී “කැලණිය ප්‍රාදේශීය කර්මාන්ත ප්‍රවර්ධන කමිටුව” පිහිටුවීම සිදු කෙරිණි.
ප්‍රදේශයේ දේශපාලන අධිකාරිය , සහකාර ප්‍රාදේශීය ලේකම්තුමිය, කර්මාන්ත ක්ෂේත්‍රයට සම්බන්ධ රේඛීය රාජ්‍ය ආයතනවල නිලධාරීන්, මූල්‍ය ආයතනවල නියෝජිතයන් සහ ප්‍රදේශයේ ව්‍යවසායක සංගම්වල නියෝජිතයන්ගේ සහභාගීත්වයෙන් මෙම කමිටුව ස්ථාපිත කරන ලදී.
කැලණිය ප්‍රදේශයේ කර්මාන්ත හා ව්‍යවසායකත්ව ක්ෂේත්‍රයේ සංවර්ධනය ප්‍රවර්ධනය කිරීම, අදාළ පාර්ශ්වකරුවන් අතර සම්බන්ධීකරණය ශක්තිමත් කිරීම සහ ව්‍යවසායකයන්ගේ ගැටලු සඳහා සාමූහික විසඳුම් සෙවීම අරමුණු කරගනිමින් මෙම වැඩසටහන සංවිධානය කෙරිණි.
කැලණිය ප්‍රාදේශීය ලේකම් කාර්යාලයේ කුඩා ව්‍යාපාර සංවර්ධන නිලදාරී හා ව්‍යවසායකත්ව සංවර්ධන නිලදාරී විසින් මෙම වැඩසටහන සංවිධානය කරන ලදී.
මෙම වැඩසටහන සදහා ඉදිරියේදී සම්බන්ධ වීමට අවශ්‍ය නම් 0772342639 දුරකථන අංකය අමතන්න.
