14/09/2026
මගී ප්‍රවාහන සේවාව ඩිජිටල්කරණය කිරීමේ ජාතික වැඩසටහනට සමගාමීව, පළාත් මාර්ගස්ථ මගී ප්‍රවාහන අධිකාරීන් අතර තොරතුරු තාක්ෂණය හා ඩිජිටල් ප්‍රවාහන කළමනාකරණය පිළිබඳ දැනුම හා අත්දැකීම් හුවමාරු කර ගැනීමේ වැඩසටහනක් ලෙස, 2026.09.08 දින වයඹ පළාත් මාර්ගස්ථ මගී ප්‍රවාහන අධිකාරියේ සභාපතිතුමා ඇතුළු නිලධාරීන් කණ්ඩායමක් මධ්‍යම පළාත් මාර්ගස්ථ මගී ප්‍රවාහන අධිකාරියේ ආරාධනයෙන් මහනුවර බහුවිධ මගී පර්යන්ත ව්‍යාපෘති කාර්යාලය වෙත ක්ෂේත්‍ර අධ්‍යයන චාරිකාවක නිරත විය.
මෙහිදී බස් රථ කළමනාකරණ පද්ධතිය (Bus Management System), GPS මගින් බස් රථ නිරීක්ෂණ පද්ධතිය (GPS Monitoring System) සහ බස් රථ මෙහෙයුම් හා කළමනාකරණ ක්‍රියාවලීන් පිළිබඳව ප්‍රායෝගික දැනුම හා අත්දැකීම් හුවමාරු කර ගන්නා ලදී.
මෙම අවස්ථාව සඳහා වයඹ පළාත් මාර්ගස්ථ මගී ප්‍රවාහන අධිකාරියේ සභාපතිතුමා, සාමාන්‍යාධිකාරිතුමිය ඇතුළු නිලධාරීන් ද, මධ්‍යම පළාත් මාර්ගස්ථ මගී ප්‍රවාහන අධිකාරියේ සභාපතිතුමා, සාමාන්‍යාධිකාරීතුමා, නියෝජ්‍ය සාමාන්‍යාධිකාරී (ධාවන), ව්‍යාපෘති කළමනාකරු, මහනුවර දිස්ත්‍රික් කළමනාකරු ඇතුළු ව්‍යාපෘතියට සම්බන්ධ නිලධාරීන් ද සහභාගී වූහ.
මෙවැනි දැනුම් හා අත්දැකීම් හුවමාරු වැඩසටහන් මගින් පළාත් මට්ටමේ මගී ප්‍රවාහන සේවාවන් නවීකරණය කිරීම, ඩිජිටල් තාක්ෂණය කාර්යක්ෂමව භාවිතා කිරීම සහ වඩාත් කාර්යක්ෂම හා ගුණාත්මක මගී ප්‍රවාහන සේවාවක් ස්ථාපිත කිරීම සඳහා වැදගත් දායකත්වයක් ලබා දෙනු ඇත.
On 08 September 2026, a delegation from the North Western Province Road Passenger Transport Authority (RPTA-NWP) visited the Kandy Multi-Modal Passenger Terminal Project Office, at the invitation of the Chairman of the Central Province Road Passenger Transport Authority.
The visit focused on sharing knowledge and practical experience on the Bus Management System, GPS-based Bus Monitoring System, and bus operations and management.
The program provided a valuable platform for inter-provincial knowledge sharing, collaboration and digital transport innovation, supporting the modernization of passenger transport services.
🤝 Sharing knowledge. Strengthening collaboration. Transforming public transport.
See less
