Life in Bits

🚨 කැනඩා ක්‍රිකට් ආයතනයේ ICC සාමාජිකත්වය අත්හිටුවයි! 🇨🇦🏏

📌 සාමාජිකත්ව වගකීම් සහ පාලන රීතීන් බරපතල ලෙස උල්ලංඝණය කිරීම හේතුවෙන් කැනඩා ක්‍රිකට් ආයතනයේ (Cricket Canada) සාමාජිකත්වය වහාම ක්‍රියාත්මක වන පරිදි අත්හිටුවීමට ජාත්‍යන්තර ක්‍රිකට් කවුන්සිලය (ICC) පියවර ගෙන තිබේ.

📌 අහමදාබාද් නුවර පැවැති ICC විධායක මණ්ඩල රැස්වීමේදී මෙම තීරණය ගෙන ඇත්තේ කැනඩා ක්‍රිකට් පරිපාලනය තුළ සිදුව ඇති බව කියන දූෂණ, තරඟ පාවාදීම් සහ විවිධ අක්‍රමිකතා පිළිබඳ චෝදනා සැලකිල්ලට ගනිමිනි.

📌 මෙම තීරණය ක්‍රීඩකයන්ට බලනොපාන අතර, කැනඩා කණ්ඩායම්වලට ICC තරඟාවලි සඳහා සහභාගී වීමේ අවස්ථාව සුපුරුදු පරිදි හිමිවේ.

📌 කැනඩා ක්‍රිකට් වෙත ලැබෙන ප්‍රතිපාදන සෘජුවම ලබා නොදෙන අතර, ඒවා ICC දැඩි අධීක්ෂණය යටතේ පවතින විශේෂ පාලන ක්‍රමවේදයක් (Controlled funding) හරහා පමණක් මුදා හැරේ.

🏆 A Historic Night for the Red Army! Back-to-Back IPL Titles for Bengaluru! 👑❤️

History has been made at Ahmedabad! Royal Challengers Bengaluru (RCB) defeated Gujarat Titans (GT) by 5 wickets in the epic IPL 2026 Grand Finale yesterday (May 31) at the Narendra Modi Stadium, successfully defending their crown to clinch consecutive IPL titles! 🔥

🏏 MATCH SUMMARY:
Gujarat Titans: 155/8 in 20 overs (Washington Sundar 50*, Rasikh Salam 3/28)

Royal Challengers Bengaluru: 161/5 in 18 overs (Virat Kohli 75*)

👑 King Kohli Delivers on the Big Stage!
When it mattered the most, Virat Kohli stood tall! Anchoring the chase with absolute class, he smashed an unbeaten 75 off just 42 balls to anchor RCB home and rightfully earned the Player of the Match honors. 🏏✨

🏅 TOURNAMENT AWARDS:
🧡 Orange Cap (Most Runs): Vaibhav Sooryavanshi

💜 Purple Cap (Most Wickets): Kagiso Rabada (29 wickets)

With this monumental feat, RCB joins Mumbai Indians and Chennai Super Kings as only the third team in IPL history to successfully defend their title. A sleepless but unforgettable night of celebration for millions of RCB fans worldwide! 🔴💨

🏆 RCB රසිකයන්ට ඓතිහාසික රාත්‍රියක්! පිට පිටම දෙවැනි වරටත් IPL කිරුළ Bengaluru වෙතට! 👑❤️

මැයි 31 දින අහමදාබාද්හි නරේන්ද්‍ර මෝදි ක්‍රීඩාංගණයේ පැවැත්වුණු IPL 2026 අවසාන මහා තරගයෙන් Gujarat Titans (GT) කණ්ඩායම කඩුලු 5කින් පරදා, පිට පිටම දෙවැනි වරටත් (Back-to-Back) IPL ශූරතාව දිනාගන්නට Royal Challengers Bengaluru (RCB) සමත් වුණා! 🔥

🏏 තරගයේ කෙටි සටහන:
Gujarat Titans: පන්දුවාර 20කදී කඩුලු 8කට ලකුණු 155 (වොෂින්ටන් සුන්දර් 50*, රසික් සලාම් 3/28)

Royal Challengers Bengaluru: පන්දුවාර 18කදී කඩුලු 5කට ලකුණු 161 (විරාත් කෝලි 75*)

👑 King Kohli ගේ සුපිරි මෙහෙයුම!
පිළිතුරු ඉනිම ක්‍රීඩා කළ RCB වෙනුවෙන් නැවත වරක් තම වගකීම අකුරටම ඉටුකළ විරාත් කෝලි, පන්දු 42කදී නොදැවී ලකුණු 75ක් රැස් කරමින් කණ්ඩායම ජයග්‍රහණය කරා රැගෙන ගියා. ඔහු තරගයේ වීරයා (Player of the Match) ලෙසද පිදුම් ලැබුවා. 🏏✨

🏅 තරගාවලියේ විශිෂ්ටයින්:
🧡 Orange Cap (වැඩිම ලකුණු): වෛභව් සූරියවංශී (Vaibhav Sooryavanshi)

💜 Purple Cap (වැඩිම කඩුලු): කගීසෝ රබාඩා (Kagiso Rabada - කඩුලු 29)

මුම්බායි සහ චෙන්නායි කණ්ඩායම්වලට පසුව තමන් සතු IPL ශූරතාව සාර්ථකව රැකගත් තෙවැනි කණ්ඩායම ලෙස RCB ඉතිහාසයට එකතු වෙද්දී, RCB රසිකයන්ට නම් මේක "ඊයේ රෑ නින්ද නොගිය" තරම් සතුටුදායක ජයග්‍රහණයක්! 🔴💨

🚨 පල්ලේගම හේමරතන නාහිමියන්ගේ ධුරය තාවකාලිකව අත්හිටුවයි;

ඊතලවැටුණු වැවේ ඥාණතිලක නාහිමියන් වැඩබලන අටමස්ථානාධිපති ධුරයට!

📌 පල්ලේගම හේමරතන හිමිට එරෙහිව එල්ල වී ඇති චෝදනා පිළිබඳව පවතින අධිකරණ කටයුතු අවසන් වී, අවසන් තීරණයක් ලැබෙන තෙක් ඔහුගේ 'නුවර කලාවියේ ප්‍රධාන සංඝනායක' පදවිය අත්හිටුවීමට මල්වතු මහා විහාරීය කාරක මහා සංඝ සභාව තීරණය කර ඇත.

📌 උතුරු මධ්‍යම දිසාවේ ප්‍රධාන සංඝනායක, රුවන්වැලි චෛත්‍යාරාමාධිකාරී ඊතලවැටුණු වැවේ ඥාණතිලක නායක හිමියන් ව තාවකාලිකව අටමස්ථානාධිපති ධුරයේ කටයුතු ආවරණය කිරීම සඳහා පත් කිරීමට අටමස්ථාන කමිටුව තීරණය කර තිබේ.

🏗️ ණය බරින් තොරව රට ඉදිරියට 👍

🏗️ රඹුක්කන - ගලගෙදර අධිවේගී මාර්ගය යළි ඇරඹීමේ සුබ පෙරනිමිත්ත

💶 රටක් විදිහට අපිට හැමදාම ඇහුණේ "ණය උගුලක හිරවෙලා, ව්‍යාපෘති ඔක්කොම නැවතිලා" කියන අසුබ ආරංචි විතරයි. හැබැයි රඹුක්කන සිට ගලගෙදර දක්වා මධ්‍යම අධිවේගී මාර්ගයේ තුන්වැනි අදියර, රුපියල් බිලියන 112 ක සම්පූර්ණ දේශීය අරමුදල්වලින් විතරක් ආයෙත් පටන් ගන්න ගත්ත තීරණය, අපේ රටේ සංවර්ධන ඉතිහාසයේ ලොකු හැරවුම් ලක්ෂ්‍යයක්.

💶 අතීතයේ අපි හැම මහා පරිමාණ පාරක්ම හැදුවේ විදේශ රටවලින් හෝ ජාත්‍යන්තර බැංකුවලින් ඉහළ පොලියට ණය අරගෙන. ඒකෙන් වුණේ අපේ දරුවොත් ඒවට වගකියන්න වුණු එකයි. හැබැයි මේ ව්‍යාපෘතියට එකම සතයක්වත් විදේශ ණය හෝ ආධාර ගන්නේ නැහැ. මේක මුළුමනින්ම අපේ රටේ සල්ලි. ඒ කියන්නේ මේ පාර හැදුණාම, ඒකෙන් ලැබෙන ලාභය රට ඇතුළෙම ඉතිරි වෙනවා මිසක් පිටරටවලට පොලිය විදිහට ඇදිලා යන්නේ නැහැ.

💶 රට බංකොලොත් වුණු වෙලාවේ මේ ව්‍යාපෘතිය අතරමඟ නතර කරලා දාලයි තිබුණේ. ඒ වෙනකොටත් කරලා තිබුණු ඉදිකිරීම්, කොන්ක්‍රීට් කණු වැස්සට තෙමිලා, අව්වට වේලිලා විනාශ වෙන්න ඔන්න මෙන්න තිබුණේ. ඒක මහජන මුදල් නාස්ති කිරීමක්. දැන් මේ වැඩේ ආයෙත් පණගැන්වීමෙන්, ඒ නාස්ති වෙන්න ගිය බිලියන ගණනක ජාතික වත්කම් ටික බේරගෙන, ඒවායින් නියම පල නෙළාගන්න අවස්ථාව ලැබෙනවා.

💶 විදේශීය සමාගම්වලට ව්‍යාපෘති දෙනකොට ලංකාවේ සල්ලි පිටරට යනවා. හැබැයි දේශීය අරමුදල්වලින් මේ ව්‍යාපෘතිය කරනකොට, ඒ බිලියන 112 ම කැරකෙන්නේ ලංකාවේ ආර්ථිකය ඇතුළේ. ලංකාවේ ඉංජිනේරුවන්ට, දේශීය ඉදිකිරීම් සමාගම්වලට, වැලි-ගල්-සිමෙන්ති සපයන අයට වගේම සාමාන්‍ය කම්කරු ජනතාවටත් මේ හරහා අලුත් රැකියා සහ ආදායම් මාර්ග උදාවෙනවා. ඒකෙන් රටේ සල්ලි රට ඇතුළෙම සංසරණය වෙනවා.

💶 කොළඹ - මහනුවර පාරේ වාහන තදබදයට අහුවෙලා ජනතාව විඳින දුක හැමෝම දන්නවා. රඹුක්කන - ගලගෙදර කොටස නිමවීමත් එක්කම, උඩරටට යන ගමන සෑහෙන්න ලෙහෙසි වෙනවා. කාලය ඉතිරි වෙනවා වගේම, අපතේ යන ඉන්ධන ප්‍රමාණය අඩුවෙලා රටේ සල්ලි ඉතිරි වෙනවා. මේක මධ්‍යම සහ සබරගමුව පළාත්වල කෘෂිකාර්මික හා සංචාරක ව්‍යාපාරවලට ලැබෙන ලොකුම තල්ලුවක්.

💶 කෙටියෙන්ම කිව්වොත්, මේක "අපිට පුළුවන්" කියන ආත්ම විශ්වාසය ලෝකයටම පෙන්වපු අවස්ථාවක්. ණය බරින් මිරිකිලා හිටපු රටක්, තමන්ගේම කකුල් දෙක උඩ හිටගෙන, තමන්ගේම සල්ලිවලින් මෙච්චර විශාල ව්‍යාපෘතියක් ආයෙත් පටන් ගැනීම රටක් විදිහට අපිට ආඩම්බර විය හැකි, ඉතාමත් ධනාත්මක ඉදිරි පියවරක්!

🌸 බුද්ධ වර්ෂ 2570 - රාජ්‍ය වෙසක් උත්සවය මහත් අභිමානයෙන් මාතරදී ඇරඹේ! 🌸🙏

සදාචාරාත්මක සහ ආධ්‍යාත්මික ගුණ වගාවෙන් පිරි සමාජයක් උදෙසා, බුදුදහමේ අකාලික පණිවිඩය ලොවටම බෙදා හරින බු.ව. 2570 රාජ්‍ය වෙසක් උත්සවය සහ වෙසක් සතිය අද දින ආරම්භ විය.

ගරු ජනාධිපතිතුමාගේ ප්‍රධානත්වයෙන් සහ පූජනීය මහා සංඝරත්නයේ ආශිර්වාදයෙන් යුතුව, මෙවර ප්‍රධාන රාජ්‍ය වෙසක් උත්සවය මාතර, තිහගොඩ, මිදෙල්ලවෙල පුරාණ විහාරස්ථානයේදී අද සන්ධ්‍යාවේදී ඉතා උත්කර්ෂවත් අන්දමින් පැවැත්විණි.

"දක්ෂිණ ප්‍රභා" වෙසක් කලාපයට සමගාමීව මාතර දිස්ත්‍රික්කය කේන්ද්‍ර කරගනිමින් ඇරඹි මෙම පුණ්‍ය මහෝත්සවය සමඟින්, අද සිට ක්‍රියාත්මක වන වෙසක් සතිය තුළ ආමිස හා ප්‍රතිපත්ති පූජාවන්ට මුල්තැන දෙමින් නිවැරදි දහම් මාවතට යොමු වීමට අප සැවොම අදිටන් කර ගනිමු!

#අපිවෙනස්වෙමු

🏏 ශ්‍රී ලංකා ක්‍රිකට් කණ්ඩායමේ ඉදිරි බටහිර ඉන්දීය කොදෙව් සංචාරය සඳහා වන සංචිත ශ්‍රී ලංකා ක්‍රිකට් ආයතනය විසින් නම් කර තිබෙනවා. 🇱🇰🏏

ඒ අනුව කණ්ඩායම් නායකත්වයන් සහ සංචිත පහත ලෙස වෙන් වී ඇත.

🔹 එක්දින (ODI) සහ විස්සයි විස්ස (T20I) කණ්ඩායම්
නායකත්වය: කුසල් මෙන්ඩිස්
උප නායකත්වය: කමිඳු මෙන්ඩිස්
සංචිතය: එක්දින සහ විස්සයි විස්ස සංචිත දෙක සඳහාම ක්‍රීඩකයින් 16 දෙනා බැගින් ඇතුළත් කර තිබෙනවා.

🔹 ටෙස්ට් (Test) කණ්ඩායම
නායකත්වය: ධනංජය ද සිල්වා
සංචිතය: ක්‍රීඩකයින් 17 දෙනෙකුගෙන් යුත් සංචිතයක් නම් කර තිබෙනවා.

කොදෙව් සංචාරයට පිටත්ව යන අපේ සිංහයන්ට ජයග්‍රහණය පතා අපගේ උණුසුම් සුබ පැතුම්! 🦁🏆

🔋 ශ්‍රී ලංකා බලශක්ති ක්ෂේත්‍රයේ දැවැන්ත හැරවුම් ලක්ෂ්‍යයක්! 🇱🇰🔋

මෙරට ප්‍රථම වාණිජ මට්ටමේ බැටරි බලශක්ති ගබඩා පද්ධතිය (BESS) කොළඹ වරායට ළඟා වී තිබේ.

රුපියල් බිලියන 40 ක දැවැන්ත ආයෝජනයකින් ක්‍රියාත්මක වන මෙම ව්‍යාපෘතියේ මූලික අදියර ලෙස මෙගාවොට් 20 ක ධාරිතාවයකින් යුත් බැටරි පද්ධතිය මෙලෙස මෙරටට ලැබී ඇත.

පුනර්ජනනීය බලශක්තිය (සූර්ය හා සුළං) වඩාත් කාර්යක්ෂමව ජාතික පද්ධතියට එක් කිරීමට හා ජාතික විදුලිබල පද්ධතිය ස්ථාවර කිරීමට මෙය උපකාරී වේ.

ඉදිරි මාස කිහිපය තුළ මෙම පද්ධතිය Hambantota (හම්බන්තොට) සහ Thalladi (තල්ලඩි) උපපොළවල් වෙත සම්බන්ධ කිරීමට නියමිතයි.

ඉදිරියේදී මෙගාවොට් 250 ක දෙවන අදියරක් සහ මෙගාවොට් 50 ක තෙවන අදියරක් ද ක්‍රියාවට නැංවීමට බලාපොරොත්තු වේ.

ශ්‍රී ලංකාව හරිත බලශක්තිය දෙසට තබන මෙම සුවිශේෂී පියවර පිළිබඳව ඔබේ අදහස කුමක්ද? පහළින් Comment කරන්න! 👇

🎭 ජාතික යෞවන නාට්‍ය තරගාවලිය - 2026 🎭

තරුණ ඔබ සතු රංගන, ලේඛන සහ නිර්මාණාත්මක දක්ෂතා ජාතික මට්ටමෙන් ඇගයීමට ලක් කෙරෙන දැවැන්තම වේදිකාවට දැන් දොරටු විවෘතයි.

අයදුම්පත් සහ නාට්‍ය පිටපත් බාරගන්නා අවසාන දිනය ජූනි මස 10 වනදායින් අවසන් වේ. ඔබේ නිර්මාණය අදම යොමු කරන්න.

📅 අවසාන දිනය: 2026 ජූනි 10

📞 වැඩි විස්තර සඳහා අමතන්න:
ගමගේ (සහකාර අධ්‍යක්ෂ) - 077 276 5153
සිරිලාල් - 071 823 6799

🏛️ සංවිධානය: සෞන්දර්ය කුසලතා සංවර්ධන අංශය, ජාතික තරුණ සේවා සභාව.