25/09/2026
රෝහල වෙනුවෙන් කළ ඔබගේ සේවය සදා අමරණීයයි…
පින් පමුණුවා කෘතගුණ සලකමු.
නිකවැරටිය මූලික රෝහලේ රෝහල් සංවර්ධන කමිටුවේ සාමාජිකයකු ලෙස කටයුතු කරමින්, රෝහලේ දියුණුව හා සුබසාධනය වෙනුවෙන් තම වටිනා කාලය, ශ්‍රමය සහ සහයෝගය නොමසුරුව ලබාදුන් අභාවප්‍රාප්ත සුදත් ආලෝක බණ්ඩාර මහතා වෙනුවෙන් තෙමස් පින්කම 2026.09.22 දින නිකවැරටිය මූලික රෝහල් පරිශ්‍රයේදී පැවැත්විණි.
රෝහල වෙනුවෙන් එතුමා කළ අමිල සේවයත්, රෝහලේ දියුණුව වෙනුවෙන් දැක්වූ කැපවීමත් කෘතවේදීව සිහිපත් කරමින්, එතුමා වෙනුවෙන් දානමය පින්කමක් සංවිධානය කිරීමටත්, එම උතුම් පුණ්‍යකර්මයට රෝහලක් ලෙස දායක වීමටත් හැකිවීම අප ලද භාග්‍යයක් ලෙස සලකමු.
රෝහල් සංවර්ධන කමිටුවේ මැදිහත්වීමෙන් පැවැත්වූ මෙම පින්කම සඳහා රෝහල් වෛද්‍ය අධිකාරීතුමා ඇතුළු වෛද්‍යවරුන්, හෙද සහ අනෙකුත් කාර්ය මණ්ඩල සාමාජිකයන්, නිකවැරැටිය මූලික රෝහලේ හිටපු ශල්‍ය විශේෂඥ වෛද්‍යය වජිර ජයසිංහ මහතා සහ රෝහල් සංවර්ධන කමිටුවේ වර්තමාන සාමාජිකයන් ද සහභාගී වූහ.
මෙය නිකවැරටිය මූලික රෝහල් පරිශ්‍රය තුළ පැවැත්වූ ප්‍රථම සාංඝික දානමය පින්කම වීම මෙන්ම, රෝහල් සංවර්ධන කමිටුවේ අභාවප්‍රාප්ත සාමාජිකයකු වෙනුවෙන් රෝහල් පරිශ්‍රය තුළ දානමය පින්කමක් පැවැත්වූ ප්‍රථම අවස්ථාව වීමද සුවිශේෂී වේ.
මෙහිදී අභාවප්‍රාප්ත සුදත් ආලෝක බණ්ඩාර මහතාට මෙන්ම අභාවප්‍රාප්ත සියලුම රෝහල් සංවර්ධන කමිටු සාමාජිකයන්ට පින් අනුමෝදන් කරමින්, වර්තමානයේ රෝහල් සංවර්ධන කමිටුවේ කටයුතු කරන සියලුම සාමාජිකයන්ටත්, රෝහල් කාර්ය මණ්ඩලයේ සියලු දෙනාටත් සෙත් ශාන්තිය ප්‍රාර්ථනා කරන ලදී.
විශේෂ ස්තූතිය..!
මෙම උතුම් පින්කම සාර්ථක කරගැනීම සඳහා දානමය කටයුතු මනා ලෙස සංවිධානය කළ වසන්ත මහතා, ගාමිණී මහතා ඇතුළු කණ්ඩායම වෙත අපගේ විශේෂ ස්තූතිය පිරිනමමු.
එමෙන්ම, මෙම පින්කම සාර්ථක කරගැනීම සඳහා කැපවීමෙන් සහ සහයෝගයෙන් කටයුතු කළ රෝහල් සංවර්ධන කමිටුවේ සියලුම ගරු සාමාජිකයන්ට අපගේ හෘදයාංගම ස්තූතිය පුද කරමු.
මෙම උතුම් අවස්ථාවේ සුන්දර මතකයන් කැමරා කාචයට හසුකර ගනිමින් සුරැකීමට දායක වූ චාමර මහතාට ද විශේෂ ස්තූතිය පුද කරමු.
මෙම උතුම් පුණ්‍යකර්මයෙන් රැස් වූ සියලු පින් අභාවප්‍රාප්ත සුදත් ආලෝක බණ්ඩාර මහතාටත්, අභාවප්‍රාප්ත සියලුම රෝහල් සංවර්ධන කමිටු සාමාජිකයන්ටත් අත්වේවා!
රෝහල වෙනුවෙන් කළ ඔබගේ අමිල සේවය සදා අමරණීය වේවා.!
සියලු දෙනාට නිදුක් නිරෝගී සුවය, දීර්ඝායුෂ හා සෙත් ශාන්තිය උදාවේවා..!
තෙරුවන් සරණයි!
