21/08/2026
இலங்கை பொலிஸ் சீருடையை மாற்றுவது தொடர்பாக பொதுமக்களின் கருத்து கோரப்பட உள்ளது!
இலங்கை பொலிஸாரின் பாரம்பரிய காக்கி நிற சீருடையில் மாற்றங்களை மேற்கொள்வது தொடர்பாக ஆலோசனைகள் முன்னெடுக்கப்பட்டு வருவதாகத் தெரிவிக்கப்படுகிறது.
தற்போதைய சீருடை நீண்டகாலமாக நடைமுறையில் இருந்து வரும் நிலையில், நாட்டின் வெப்பமண்டல காலநிலைக்கு ஏற்ற வகையிலும் பொலிஸ் அதிகாரிகளுக்கு அதிக வசதியை வழங்கும் வகையிலும் நவீன சீருடையை அறிமுகப்படுத்துவது குறித்து கவனம் செலுத்தப்பட்டுள்ளது.
காக்கி நிறத்திற்கு பதிலாக நீலம் அல்லது சாம்பல் போன்ற நிறங்களைப் பயன்படுத்துவது, இலகுவான மற்றும் காற்றோட்டமான துணிகளைத் தேர்வு செய்வது, நவீன பெல்ட்கள் மற்றும் வசதியான காலணிகளை வழங்குவது உள்ளிட்ட பரிந்துரைகள் தொடர்பாகவும் ஆலோசனைகள் இடம்பெறுவதாக கூறப்படுகிறது. இதற்கிடையில், பொலிஸ் அதிகாரிகளின் சீருடை மற்றும் காலணிகளை கொள்வனவு செய்வதற்காக ரூ.7,000 விசேட கொடுப்பனவு வழங்க அமைச்சரவை ஏற்கனவே அனுமதி வழங்கியுள்ளதாகவும் தெரிவிக்கப்பட்டுள்ளது.
எனினும், காக்கி சீருடை உடனடியாக நீக்கப்பட்டு புதிய சீருடை அறிமுகப்படுத்தப்பட உள்ளது என அதிகாரப்பூர்வமாக அறிவிக்கப்படவில்லை; தற்போது இது தொடர்பான ஆலோசனை மற்றும் கருத்து பெறும் கட்டத்திலேயே இருப்பது குறிப்பிடத்தக்கது.
