Naturpark Öewersauer

Loscht op e Picknick⁉

Entdeckt an eisem Naturpark-Shop op 15, rue de Lultzhausen zu Esch-Sauer eis flott Lunchboxen an Upcycling Bestecketui'en.

Dat Besonnescht dorunner⁉

👖 D’Etui’e sinn aus alen Jeans hiergestallt an am Atelier vun Autisme Luxembourg asbl gebitzt ginn.

✈️ Och d’Besteck huet eng zweet Chance kritt: Et handelt sech ëm Läffelsgeschier, dat mir vun Luxair Luxembourg Airlines recuperéiert hunn.

Praktesch, nohalteg a mat enger schéiner Geschicht hannendrun 🌍♻️

Natur Pur? 🌿

Esou heescht ee wonnerschéine Wanderwee 🥾, dee beim Parking op der Misärsbréck start. Zur Auswiel stinn zwee Tier: ee vu 7 km an eng kuerz Variant vun 1,7 km.

ℹ Fir dee groussen Tour sollt een ongeféier 4 Stonnen aplangen. Ënnerwee begéint een ëmmer erëm faszinéierend Plazen. 😊

👉Profitéiert iwwerdeems weekends an op Feierdeeg vun der Stauséi-Navette, déi ronderëm de Stau fiert an iech ënnert anerem no un den Ausgangspunkt vun dësem Wanderwee bréngt. D'Haltestell heescht Misärsbréck.🚏

Mir hunn eis gefreet bei der Aweiung dobäi ze sinn a si gespaant ze gesi, wéi de Projet sech entwéckelt. ☺️

E klengen Abléck an den Tournage, dee mir haut um Solarboot haten ☺️

👉Demnächst kritt dir hei d‘Resultat ze gesinn.

E grousse Merci u jiddereen, deen eis dobäi ënnerstëtzt huet - dir wart formidabel. 👏

Repair Café zu Heischent ⚒️

👉Hues Du eppes wat misst gefléckt ginn⁉ Beim Repair Café kriss du gehollef - egal op et sech ëm elektresch, elektronesch, textil oder soss eng kleng Reparatur handelt. 💪

Käschten⁉ Eng fräiwëlleg Spend.

👉Rendez-Vous Samschdes, den 6. Juni tëschent ⏰ 9 an 12 Auer am Centre Culturel zu Heischent (Neiewee).

ℹ Natierlech kann een och einfach op d'Plaz kucke kommen an eng Taas Kaffi an ee gutt Stéck Kuch 🍰 genéissen.☺

Fotoen: Caroline Martin

Reservéiert elo ären Tour mam Solarboot ☀

Dir wëllt vum gudde Wieder profitéieren an de Stauséi emol aus enger anerer Perspektiv kenneléieren⁉

👉 Dann ass elo de Moment ze reservéieren. Mir hu fir dës Woch nach Plazen op verschiddene Faarte fräi a freeën eis iech d'Waasserregioun vu Lëtzebuerg méi no ze bréngen.

ℹ All d'Detailer an de Link fir online ze reservéieren fannt dir op eisem Site ☺️

https://www.naturpark-sure.lu/offer/das-solarboot/

Foto: Nathalie Leger

Kanneraktivitéit: Op de Spuere vun de Bestëbser 👀

Donneschdes, den 11. Juni proposéiere mir vu 14 bis 17 Auer en Entdecker-Nomëtteg zu Wooltz. Zesumme gi mir am urbane Raum op d'Sich no Bestëbserinsekten. D'Kanner léieren, wéi d'Bestëbsung funktionnéiert a wéi villfälteg d'Bestëbser sinn. 🐝

👉Duerno baue mir nach en Insektenhotel a maache Seedbombs. D'Aktivitéit ass fir Kanner ab 6 Joer. Umeldung iwwer dëse Formulaire: https://forms.office.com/e/jJ7NbhTFQB

Foto: Caroline Martin

Workshop: Naturno Gaardegestaltung 👀

Samschdes, den 13. Juni proposéiere mir e Workshop iwwer d'Grondlage vun enger naturnoer Gaardegestaltung. Zesumme gestalte mir beim Dreamland Creative Space eng Fläch fir direkt d'Theorie a Praxis ëmzesetzen.

👉 Hei alleguer d'Detailer am Iwwerbléck:

✅ Samschdes, den 13. Juni vu 14 bis 17 Auer zu Wooltz
✅ D'Participatioun ass gratis
✅ Umeldung iwwer de Formulaire https://forms.office.com/e/h3C0tLgVKX

Foto: Caroline Martin

UPDATE: déi 2 fräi Plazen fir en Donneschdeg si verginn. Mir hunn awer elo och d‘Imeldunge fir eng weider Tour am August fräigeschalt. D‘Umeldunge lafen iwwer de selweschte Link. ☺️

‼ Last Minute Call: 2 Plaze fräi fir eis guidéiert Kanutour 🛶👀

Opgrond vun enger Ofmeldung hu mir kuerzfristeg 2 Plaze fräi fir d'Kanu-Tour, déi mir en Donneschdeg, 28. Mee zu Lëlz um Stauséi ubidden. D'Tour ass vu 17 bis 20 Auer an ënnerwee kritt dir spannend Informatiounen iwwer d'Planzen- an Déierewelt am a ronderëm de Stauséi.

👉 D‘Exkursioun ass gratis, Umeldung iwwer de Formulaire: https://forms.office.com/e/55hnVigbnn

Foto: Caroline Martin