CSV Biissen

❤️Zesumme fir de gudden Zweck – Télévie 2026 zu Biissen ❤️
2026 engagéiert sech d’CSV mat voller Iwwerzeegung fir den Télévie. Am Zenter Biissen weise mir nach eng Kéier, datt Solidaritéit, Zesummenhalt an Engagement wichteg Grondwäerter an eiser Gesellschaft sinn.
🩵💛🤍D’Kriibsfuerschung brauch eis Ënnerstëtzung an dofir wëlle mir als Gemeinschaft e staarkt Zeeche setzen. Politik heescht fir eis net nëmmen Entscheedungen treffen, mee och Verantwortung iwwerhuelen an aktiv hëllefen.
E grousse Merci un all déi dëst Event méiglech gemaach hunn.
📍 Bissen

🎉 Gratulatioun un d’Joëlle Fagny seng Wal als nei Presidentin vun der CSV Sektioun Biissen, an un de Mike Graas als Vize-President, déi gëschter eestëmmeg gewielt goufen!

Mir sinn iwwerzeegt, datt si mat vill Engagement, frëschem Wand an neien Iddien d’Zukunft vun eiser Sektioun matgestalte wäerten. 💪✨

E grousse Merci geet och un de Carlo Mulbach, deen iwwer vill Joren als President eng immens wichteg Aarbecht geleescht huet. Mir soen him Merci fir säin Asaz a wënschen him alles Guddes fir d’Zukunft!

D‘CSV Biissen on Tour, um Nationalkongress zu Ettelbréck.

Gëschter Owend hat d’AG vun der CSV Sektioun Biissen stattfonnt. A Präsenz vun eisem Bezierkspresident Maurice Bauer an eiser Bezierks-Co-Presidentin Martine Gruber hu mir eis Membere begréisst.

Och eise Generalsekretär Alex Donnersbach war bei eis op Besuch an huet e spannenden an informativen Virtrag zu den Opportunitéite vun der Lëtzebuerger Wirtschaft am Kader vun erhéichten Ausgabe fir d'Verteedegung gehalen.

Am Laf vum Owend hu mir och Membere Merci gesot an si fir hir laangjäreg Memberschaft an der CSV geéiert.

Villmools Merci un all déi dobäi waren fir deen flotten an interessanten Owend! 🇱🇺

CSV Biissen um Tour BEZIERKSKONGRESS ZENTRUM 2026
Félicitatiounen dem nei gewielte President, Maurice Bauer, an der Vice-Presidentin, Martine Gruber.

D'GANZ EQUIPE VUN DER CSV BIISSEN WËNSCHT IECH SCHÉI CHRËSCHTDEEG.

🎄 CSV Biissen um Chrëschtmaart 🎄
E grousse Merci un all d’Veräiner an un d’Gemengenaarbechter fir hiren engagéierten Asaz, deen zu engem wonnerschéinen an erfollegräiche Chrëschtmaart zu Biissen bäigedroen huet. 🙏✨
Zesumme schafe mir eng staark a lieweg Gemeng.🎅🤝🎁

Eis Sectioun um CSG-Themenowend mam Léon Gloden.

ERAUSFUERDERUNGEN AN DER GEMENGEPOLITIK - FUTUR STATUT ELU LOCAL

Léif Pappen, mir wënschen Iech e schéinen Dag mat der Famill.

Vive de Grand-Duc Guillaume!
Vive Lëtzebuerg!
Vive Europa!