déi gréng Luerenzweiler

Grénge Mëttwoch

Haut um 19h30 beim Paula (Café des Sports)

Emmer erem gäeren dobai - d‘Grouss Botz an der Gemeng Luerenzweiler Merci jidferengem deen och erem dest Joer dobai war 🫶☀️♻️🚮🗑️🚯🍻🥂🌻

Déi gréng Luerenzweiler wënschen schéin Ouschtern

Hei eng weider Ufro un de Schäfferot, déi mir den 11. Mäerz agereecht hunn. Am Gemengerot hu mir keng Äntwert kritt.
Laut Gemengegesetz ass de Schäfferot verflicht, spéitstens no engem Mount schrëftlech ze äntweren, wann dat net am Gemengerot geschitt.
Mir waarden nach ëmmer op eng Reaktioun…

Mir hunn am leschte Gemengerot 6 Froe gestallt. An de nächsten Deeg wëlle mir dës no an no op eiser FB Säit presenteieren.

Haut fänke mir u mat der Medicis-Affär.

Als éischt déi gutt Noriicht:
No ganzen 10 Méint hunn den aktuelle wéi och de viregte Schäfferot endlech de Montant vun hirer Zousazkrankekeess Versécherung un d’Gemeng rembourséiert.. Mir begréissen dëse Schrëtt.

Mee loosse mir kloer sinn: Dat ass net aus eegener Initiative geschitt.

Et war den Drock vun der Oppositioun, deen hei gewierkt huet:
– 3 Ufroen, fir dëst Thema ëmmer nees op den Ordre du jour ze setzen
– e gemeinsame Flyer mat der DP
– an eng Rei Artikelen an der Press (Lëtzebuerger Wort, 100,7 an RTL)

All dës Schrëtt hunn dozou bäigedroen, datt sech endlech eppes beweegt huet.

Datt d’Buergermeeschtesch eis elo reprochéiert, mir hätten hinne keng Zäit gelooss a wieren direkt un d’Press gaangen, kënne mir esou net stoe loossen.

Mir hunn der Majoritéit vu Mee 2025 bis September 2025 Zäit ginn, fir ze handelen – leider ouni Resultat. Eréischt dono si mir un d´Ëffentlechkeet gaangen.

Ugespéngelt fannt dir d´Ufro un de Schäfferot.

Affaire(s) à suivre

Luerenzweiler Gemengerot: Net all d'Äntwerte sinn op den Dësch komm Eng schlecht Gestioun vun de Finanzen an eng illegal Zousazassurance suergen an der Luerenzweiler Gemeng schonn zanter enger Zäit fir Ierger.

‼️Muer ass um 17h GEMENGEROT.
✅Mir hunn am ganzen 6️⃣Froen op den Ordre du jour setze geloos. ( 2x CSV DP GRENG; 3x GRENG DP; 1x GRENG)
Kommt laanscht lauschteren a maacht iech selwer e Bild. 🌻
💚💙🧡