جريدة الأبيار

كسر الخواطر مش باهي ، فلان ادبشه عطيب و افلان حوشه بلهون و ريت هضك وريت هذيك و الخ.....

يعلم الله في هل وقت راهو مالكم الا فعلكم الطيب في هل خلق ما اتزيدوهمش علي داهم

والله العظيم في ناس قاتلها العصر مايلاقيه ما تاكل و وين يطلعو يقعدو العرب ايقولو ريت افلان ايخش علي محل الخضره ياخذ في خضرته بالطروف و ريت خش عل غذائيه خذا باكو جبنه واحد و عدا للكوشا خذا طرفين خبزه

هضا كلام مش تأليف هضا والله العظيم واقع انشوفو و نسمعو فيه

ياعرب امسكو السانكم مالكم و مال هل كلام الفارغ و يلي عنده جار ينشد عليه و كانك عاونت و لا ساعدت واحد مفيش داعي اتشهدر بيه و راني عطيت و راني درت

والله العظيم يلي ارزقه الله و ما قسمش رزقه علي راقد هل ريح ايجي يوم و ياخذه منه الله و يعطيه لغيره

خوى بالله فيه اوبل مقطومه خضره ليوم اتضيق فى بنتى عند مسجد جبل عرفات
وفيها صبايا متخمرات اورجاله الله اعلم وتتكررت اول امس عند محل كليحا مع طفل بالله خليهافى عين الاعتبار ونزل عليهامنشور بلغنا الامن ولكن لاحياه لمن ينادىخوى بالله فيه اوبل مقطومه خضرليوم اتضيق فى بنتى عندمسجدجبل عرفات
وفيهاثلاث صبايا متخمرات اورجاله الله اعلم وتتكررت اول امس عندمحل كليحا مع طفل بالله خليهافى عين الاعتبار ونزل عليها منشور بلغنا الامن ولكن لاحياه لمن ينادى

منير سرافا يكتسح التلحيس

أحمد حسين الفسي المترشح الفردي للبلدية الأبيار كلمه طيبه في حقه

كلامي موجه للجميع وإلي كل شخص مقدم نفسه للسلطه خافو الله وانضرو لحال مدينتكم والمواطن لا تغركم حياة الدنيا الأجال محدوده والأعمار بيد الله اتقو الله يوم لا ينفع مال ولا بنون فكوكم من العنصريه وبيع الذمم وتصعيد لمصالح شخصية فيكم حد نضر للسكان حي الاكراد او لمستشفى الخارب او منطقه سيدي مهيوس او منطقه اسقفه وغيره من تهميش مانبيش انطيل عليكم سمحونا وان شاء الله ربي يجيب اللي فيه صلاح

كلمه صدق وأمانه في حق المترشح الفردي

كنه اللي يمسك منصب يقعد كي الوليه الرابط ما يخشو عليه غير هله ؟

لا حول ولا قوة الا بالله النار والعه في المقبرة القديمه حتى الموتى م نجيو أين الدفاع المدني وشن سبب الحريق في كاميرات مراقبة والناس الفازعه خالطه ردو بالكم من لي يدككو احذا القبور🕳️؟

اللي عاجبتني في الأبيار انه مافيهش لا حقد ولا حسد ولا تحفير وكل واحد ماشي في حاله والناس تحب الخير لبعضها

مواطن سحب مرتبه من المصرف بعد طلوع روحه وهو مروح راكب الحافلة كان فيه سراق سرق منه مرتبه سحبهم وماحسش بيه....

جاء سواق الحافلة طلب منه الأجرة ، حط يده فى جيبه مالقاش فيه شئ ..

أحمر وجهه وتحشم ومعش عرف مايقول !
غضب السواق وقاله باستهزاء :-

مش عيب عليك يامحترم لبس وهندام وجيبك فاضي ومفلس وراكب بالبلاش اخرى ....

وهنا إستعرض السارق نخوته و تقمص دور المتواضع

وقال للسواق :

خلاص ياخوي حساب الأستاذ عندي وطلّع من جيبه ودفع للسواق (من الفلوس اللي سارقهم) ...
أبتسم الراجل وقال للسراق :

الله يبارك فيك ويكثر من أمثالك وجميلك فوق راسي .
وقعدو الركاب يمدحو فى السراق ويثنو على أخلاقه العالية ... ويدعو له ولأمثاله بالخير والبركة .؟

ومن هاذاك الوقت وأعداد السراقين + تزيد + تزيد ..
حتى وصلو لأعلى المناصب ..
ومازال يتلقو فى الشكر والتقدير.
ومازال المواطن يعاني من اللي يسرق فيه ...
و مازالنا نحنا راكبين فى الحافلة ..
يسرقو فينا ونشكرو فيهم..!