What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00 Saturday 08:00 - 12:00

https://www.facebook.com/711002375410230/

Commune Rurale Ambohimangakely Ofisialy

Home
Madagascar
Antananarivo
Commune Rurale Ambohimangakely Ofisialy

Contact information, map and directions, contact form, opening hours, services, ratings, photos, videos and announcements from Commune Rurale Ambohimangakely Ofisialy, Town Hall, Antananarivo.

🇲🇬Tongasoa eto amin'ny pejy ofisialin'ny Kaominina ambanivohitra Ambohimangakely

🇫🇷Bienvenue sur la page officielle de la Commune Rurale d'Ambohimangakely

🇺🇸Welcome to the official page of the Rural Commune of Ambohimangakely

29/10/2026

Commune Rurale Ambohimangakely Ofisialy

29/10/2026

🇲🇨 FITSIDIHANA SY FANOKANANA SEKOLY TAO AKAMASOA

Akamasoa _ Ambohimangakely

Tonga nanatrika sy nanome voninahitra ny lanonana fandraisana an’Andriamatoa Prince Albert II de Monaco, izay mitondra ny anarana feno hoe Albert Alexandre Louis Pierre Grimaldi, tao Akamasoa, Atoa Ben’ny Tanànan’Ambohimangakely, Dr NAINA (Andrianarison Harinaina Olivier), niaraka tamin’ireo mpiara-miasa aminy.

🏫 Fanokanana sekoly ho an’ny ankizy malagasy

Nandritra izany lanonana izany no nanokanana sekoly iray tao an-toerana, ho fanamafisana ny ezaka amin’ny fanabeazana sy ny fanohanana ireo ankizy malagasy, ary ho fanohizana ny asa sosialy sy maha-olona tanterahin’i Mompera Pedro sy ny fikambanana Akamasoa.

Feno hafaliana ireo ankizy marobe tonga nanatrika ny lanonana, izay naneho ny hafaliany sy ny fankasitrahany nandritra izany fotoana manan-danja izany.

🏅 Ho mariky ny fankasitrahana, dia notoloran’Andriamatoa Prince Albert II de Monaco medaly volafotsy Atoa Ben’ny Tanànan’Ambohimangakely, Dr NAINA.

- Fotoana manan-danja izay maneho ny lanjan’ny fiaraha-miasa, ny fanabeazana ary ny fanohanana ireo asa sosialy ho fampandrosoana ny fiarahamonina.

🙏 Ny Kaominina Ambohimangakely dia maneho ny fankasitrahany sy ny fanajany an’i Mompera Pedro sy ireo mpiara-miasa aminy ao amin’ny Akamasoa, noho ny asa soa sy ny ezaka lehibe ataon’izy ireo ho an’ireo ankizy sy ny fianakaviana sahirana eto Madagasikara.

- Mendrika ny fankasitrahana ny fanoloran-tenany amin’ny fanabeazana, ny fanampiana ireo sahirana ary ny fanomezana fanantenana ho an’ireo ankizy malagasy, mba hananan’izy ireo hoavy tsaratsara kokoa.

🤝 Mirary ny hitohizan’izany asa mendrika izany ary enga anie mbola hisy hatrany ny firaisankina sy ny fiaraha-mientana ho tombontsoan’ny ankizy sy ny fiarahamonina malagasy.

Mankasitraka indrindra, Mompera Pedro, noho ny asa soa sy ny fitiavana asehonao amin’ireo mpiara-belona! 🇲🇬

Commune Rurale Ambohimangakely Ofisialy
Akamasoa

27/10/2026

ℹ️ VAOVAO MAHAFALY: Tonga naka an'i 👦 AVOTRINIAINA Rolland , teto amin’ny Kaominina Ambohimangakely ny fianakaviany. Tafaverina any amin’ny fianakaviany izy izao. 🙏

🤝 Mankasitraka ny olona tsara sitrapo sy ireo rehetra nandray anjara tamin’ny fampitana sy ny fizarana .

Mifanampy sy mifampiahy, fa ny zaza no harena sarobidy!

Commune Rurale Ambohimangakely Ofisialy

26/10/2026

🚨 FILAZANA 🚨

👦 Zazalahy iray, AVOTRINIAINA Rolland, 11 taona, no hita nirenireny. Nisy olona tsara sitrapo nanatitra azy teto amin’ny Kaominina Ambohimangakely.

MOMBA AZY :
* Anarana : AVOTRINIAINA Rolland
* Taona : 11 taona
* Anaran-dreniny : Zina

Araka ny fitantarany, dia niaraka tamin’ny reniny izy no niantsena teny Ambodivoara, saingy nifanary izy ireo, Tsy tadidiny ny toerana misy azy.

📞 FIFANDRAISANA : 034 89 461 13

🙏 Iangaviana ny fianakaviany, indrindra ny ray aman-dreniny, mba haka azy eto amin’ny Kaominina Ambohimangakely.

📢 Iangaviana ihany koa izay mahalala ny fianakaviany mba hampita ity vaovao ity, hahafahana mampody azy any amin’ny fianakaviany.

Mifanampy sy mifampiahy, fa ny zaza no harena sarobidy .

Aza adino ny mizara .

Commune Rurale Ambohimangakely Ofisialy

23/10/2026

🙏 FANKASITRAHANA AVY AMIN’NY MPONINA 🇲🇬

🚧 FANAMBOARAN-DALANA AO ANKADIEFAJORO AVARATRA – FOKONTANY IKIANJA 🚜

🤝 Maneho fankasitrahana feno ho an’ny Kaominina Ambohimangakely, tarihin’Atoa Ben’ny Tanàna Dr NAINA, ireo mponina ao Ankadiefajoro Avaratra, Fokontany Ikianja, noho ny ezaka fanamboaran-dalana izay tanterahina eny an-toerana.

🙏 Isaorana ny Kaominina amin’ny ezaka atao hanatsarana ny lalana, hanamorana ny fivezivezen’ny mponina ary hanatsarana ny fitaterana andavanandro.

- Fanantenana sy hafaliana ho an’ny mponina izao ezaka izao, ary antenaina ny hitohizan’ny fiaraha-miasa ho fampandrosoana ny tanàna.

MANKASITRAKA TOMPOKO! 👏🇲🇬

🏛️ KAOMININA AMBOHIMANGAKELY
Kaominina miasa ho anao!
« Tsy hisy Fokontany ho hadino. » 🤝

Commune Rurale Ambohimangakely Ofisialy

22/10/2026

⚠️ 🚫FAMPITANDREMANA HO AN’NY REHETRA ♻️

Tsy azo atao ny manary potika lamba avy amin’ny orinasa mpanao confection ao anatin’ny daba fanariam-pako. 🚫

🗑️ Ho an’ny fako avy any an-tokantrano ihany ny daba fa tsy natao handraisana ny fako avy amin’ny orinasa.

📌 Izay tratra mandika izany dia iharan’ny sazy avy hatrany.

🙏 Miangavy ny rehetra hanaja ny fahadiovana sy ny fitsipika napetraky ny Kaominina Ambohimangakely.

KAOMININA AMBOHIMANGAKELY — Miasa ho anao! 🏛️

22/10/2026

Kaominina Ambohimangakely, miasa ho anao! 💪🏘️

Commune Rurale Ambohimangakely Ofisialy

21/10/2026

🧹🗑️ MITOHY HATRANY NY FANADIOVANA NY TANÀNA! 🌿🏘️

Fokontany Tsarahasina Ambony – CMT

Nanatanterahana ny fanalana ireo fako niangona tao amin’ny Fokontany Tsarahasina Ambony, CMT, ho fanatsarana ny fahadiovan’ny tanàna sy ho fiarovana ny fahasalamantsika rehetra. 💪♻️

📢 ANTSO HO ANTSIKA MPONINA REHETRA!

Entanina isika rehetra mba samy handray andraikitra amin’ny fitandroana ny fahadiovan’ny manodidina antsika. 🏡🤝

🗑️ Rehefa vita ny fanalana sy fanadiovana ny fako dia hapetraka ny daba fanariana fako. Koa angatahina isika mba hanary ny fako ao anatin’izany, fa tsy hanaparitaka azy eny an-dalana na eny amin’ny toerana tsy tokony hanariana azy.

⚠️ Aoka tsy hiandry fanadiovana vao ho mailo amin’ny fako! Ny fahadiovan’ny tanàna dia andraikitsika rehetra, ary manomboka amin’ny tsirairay izany. 🌱✨

🤝 Andao hiara-hientana hanana tanàna madio, milamina ary mendrika hipetrahana!

Commune Rurale Ambohimangakely Ofisialy
Kaominina Ambohimangakely miasa ho anao.
🌿 Tsy hisy Fokontany ho hadino — Tanàna mandroso! 🇲🇬

16/10/2026

🚧 FANAMBOARAN-DALANA AO ANKADIEFAJORO AVARATRA – FOKONTANY IKIANJA 🚜

Mitohy hatrany ny ezaka ho fampandrosoana ny Kaominina Ambohimangakely. 🇲🇬

Ankadiefajoro Avaratra, Fokontany Ikianja, no anatanterahana ny asa fanamboaran-dalana, ho fanatsarana ny fivezivezen’ny mponina sy ny fitaterana, ary ho fanamorana ny fivezivezena andavanandro.

🤝 Ny Kaominina Ambohimangakely dia manohy miasa ho tombontsoan’ny vahoaka sy ho fampandrosoana ny tanàna, amin’ny ezaka tsikelikely sy araka ny fahafahana misy.

KAOMININA AMBOHIMANGAKELY
Kaominina miasa ho anao!
Tsy hisy Fokontany ho hadino.

Address

Antananarivo
103

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00
Saturday	08:00 - 12:00

Website

facebook.com

Alerts

Be the first to know and let us send you an email when Commune Rurale Ambohimangakely Ofisialy posts news and promotions. Your email address will not be used for any other purpose, and you can unsubscribe at any time.