Yangon Region Public Transport Committee -YRTC

25/09/2026

ယှဉ်ပြိုင်ကျော်တက်မောင်းနှင်ခြင်း၊ ဘေးတံခါးဖွင့်မောင်းနှင်ခြင်း (၃) ကြိမ်အထက် စည်းကမ်းဖောက်ဖျက် သည့် YBS ယာဉ်မောင်းများအား အသိပညာပေးဆွေးနွေးပွဲ (၈/၂၀၂၆) YRTC တွင် ကျင်းပ
၂၄-၉-၂၀၂၆ (ကြာသပတေးနေ့)
၁။ ရန်ကုန်တိုင်းဒေသကြီးပုဂ္ဂလိက သယ်ယူပို့ဆောင်ရေးကြီးကြပ်မှုကော်မတီ (YRTC) မှ ကြီးမှူးကျင်းပ သော ယှဉ်ပြိုင်ကျော်တက်မောင်းနှင်ခြင်း၊ ဘေးတံခါးဖွင့်မောင်းနှင်ခြင်း (၃) ကြိမ်အထက် စည်းကမ်းဖောက်ဖျက် သည့် YBS ယာဉ်မောင်းများအား အသိပညာပေးဆွေးနွေးပွဲမှတ်စဉ် (၈/၂၀၂၆)ကို ၂၄-၉-၂၀၂၆ (ကြာသပတေးနေ့) နှင့် ၂၅-၉-၂၀၂၆ (သောကြာနေ့) များတွင် နံနက် ၉:၃၀ မှ နေ့လည် ၁၅:၂၅ နာရီ အထိ YRTC ရုံးချုပ် သင်တန်း ခန်းမ၌ ကျင်းပပြုလုပ်ခဲ့ပြီး စည်းကမ်းဖောက်ဖျက်သည့် YBS ယာဉ်မောင်း စုစုပေါင်း(၁၀၀) ဦးတို့ တက်ရောက် ခဲ့ပါသည်။
၂။ ယင်းဆွေးနွေးပွဲ၌ YRTC ၏ တွဲဖက်အတွင်းရေးမှူးဦးလျန်ကျင့်မန်က အဖွင့်အမှာစကား ပြောကြားရာ တွင် ဆွေးနွေးပွဲ တက်ရောက်လာကြသည့် YBS ယာဉ်မောင်းကြီးများ စိတ်၏ချမ်းသာခြင်း၊ ကိုယ်၏ ကျန်းမာ ခြင်းနှင့်ပြည့်စုံပါစေလို့ နှုတ်ခွန်းဆက်သပါကြောင်း၊ ယနေ့ဆွေးနွေးပွဲသို့ တက်ရောက်လာသည့် YBSယာဉ်မောင်း ကြီးများသည် ရိုးရိုးယာဉ်မောင်းကြီးများမဟုတ်ဘဲ ယှဉ်ပြိုင်ကျော်တက်မောင်းနှင်ခြင်း၊ ဘေးတံခါးဖွင့်မောင်းနှင် ခြင်းစသည့် ပြစ်မှုများအား (၁) ကြိမ်မက (၃) ကြိမ်နှင့်အထက် စည်းကမ်းဖောက်ဖျက်သည့် ယာဉ်မောင်းကြီးများ ဖြစ်ကြောင်း၊ YBS လောက၏ အဓိကအကျဆုံး ပုဂ္ဂိုလ်များဖြစ်သလို ခရီးသည် ၁.၇ သန်းခန့်ကို နေ့စဉ်ပို့ဆောင် ပေးနေပြီး ခရီးသွားပြည်သူများ၏ အသက်အိုးအိမ် စည်းစိမ်များအား ယာဉ်မောင်းကြီးများ၏ လက်ထဲတွင်ပေး အပ်ထားရခြင်းကြောင့် ယာဉ်လမ်းအန္တရာယ် ကင်းရှင်းစေရေးအတွက်လည်း အဓိကအကျဆုံး ပုဂ္ဂိုလ်များပင်ဖြစ် ပါကြောင်း၊ ယာဉ်တိုက်မှုများ ဖြစ်ပွားပါက သက်ဆိုင်ရာယာဉ်ထိန်းရဲမှ အရေးယူဆောင်ရွက်မှာ ဖြစ်သော်လည်း YRTCမှ မဖြစ်ပွားခင် ဆွေးနွေးအသိပေးခြင်း ဖြစ်ပါကြောင်း၊ ယှဉ်ပြိုင်ကျော်တက်၍မောင်းနှင်ခြင်းနှင့် ဘေးတံခါး ဖွင့်မောင်းနှင်ခြင်းတို့ကြောင့် ယာဉ်ပေါ်မှပြုတ်ကျ၍ ခရီးသွားပြည်သူတို့၏အသက်များ ဆုံးရှုံးနေရကြောင်း မိမိ ယာဉ်ဘေးတံခါးဖွင့် မမောင်းနှင်ခြင်းဖြင့် တန်ဖိုးရှိသည့်လူ့အသက်ကိုကယ်တင် ရာရောက်ပါကြောင်း၊ ယာဉ် တိုက်မှုဖြစ်ပွားပါက YRTC မှ ယာဉ်မောင်းနှင်ခွင့်မပြုတော့ဘဲ ရာသက်ပန်ထုတ်ပယ် ယာဉ်လုပ်သားအဖြစ် သတ် မှတ်ပြီး လက်တွဲဖြုတ် သွားမှာဖြစ်ကြောင်း၊ မတော်တဆ ယာဉ်တိုက်မှုဖြစ်လျှင် လူသေဆုံးမှု ရှိမှာမဟုတ်ဘဲ၊ အရှိန်ပြင်းမောင်းနှင်မှသာ လူသေဆုံးမှုဖြစ်ပွားနိုင်ကြောင်း၊ လောဘ၏စေ့ဆော်မှုကြောင့် ဒေါသဖြစ်လာပြီး မောဟများကြောင့် ယာဉ်မောင်းကြီးများနှင့် မိမိကိုမှီခိုသူမိသားစုလည်း ဒုက္ခရောက်ရမှာဖြစ်ပြီး ပြစ်ဒဏ်လည်း ခံယူရမှာဖြစ်ကြောင်း၊ မိမိတို့ကျေးဇူးရှင်ဖြစ်သည့် ခရီးသွားပြည်သူများ၏ လိုရာခရီးကို အန္တရာယ်ကင်းစွာဖြင့် ပို့ဆောင်ပေးရမည့်တာဝန်မှာ ယာဉ်မောင်းကြီးများတွင် ရှိပါကြောင်း၊ YBS ယာဉ်များသည် ယာဉ်ကြီးများဖြစ် သောကြောင့် လမ်းမကြီးများတွင် စည်းကမ်းဖောက်ဖျက်ပါက ထင်ရှားစွာသိမြင်နိုင်သောကြောင့် စည်းကမ်း လိုက်နာ၍ မောင်းနှင်ခြင်းဖြင့် YBS ၏ပုံရိပ်ကို မြှင့်တင်ပေးစေလိုကြောင်း၊ အသက်များနှင့် ရင်းနှီးထားရသည် ဖြစ်သည့်အတွက် ခေါ်ယူဆွေးနွေးပေးနေရခြင်းဖြစ်ကြောင်း၊ မစဉ်းစားမဆင်ခြင်ဘဲ လုပ်လိုက်သည့်ကိစ္စတစ်ခု ၏အကောင်း/အဆိုး အကျိုးသက်ရောက်မှုတွင် မိမိကိုယ်တိုင်နှင့် ခရီးသွားပြည်သူများအပေါ်လည်း တိုက်ရိုက် အချိုးကျမှာဖြစ်ပြီး YRTC အနေဖြင့် ခရီးသွားလုပ်သားပြည်သူများ ယာဉ်အန္တရာယ် ကင်းဝေးမှုအား ပီတိဖြစ်ပေး ရုံသာရှိပါကြောင်း၊ ကောင်းမွန်သည့်အကျိုးကျေးဇူးအား ယာဉ်မောင်းကြီးများ ချက်ခြင်းခံစားရမှာဖြစ်ပါကြောင်း၊ ထို့အပြင် မူးယစ်ဆေးဝါးသုံးစွဲ၍ ယာဉ်ကိုမောင်းနှင်ခွင့်မပြုကြောင်း၊ စပယ်ယာတင်ဆောင်၍ မောင်းနှင်ပြီး ယာဉ် စီးခပို၍တောင်းခံပါက ထုတ်ပယ်ယာဉ်လုပ်သားအဖြစ်သတ်မှတ်ရန် တိုင်းဒေသကြီးအစိုးရအဖွဲ့မှ ညွှန်ကြား ထားပြီးဖြစ်ကြောင်း၊ ယာဉ်မောင်းအား ထုတ်ပယ်ယာဉ်လုပ်သားအဖြစ် သတ်မှတ်မည်ဆိုပါက ပထမဦးစွာ စုံစမ်း စစ်ဆေးရေးခုံရုံးဖြင့် သေချာစွာ စစ်ဆေးမေးမြန်းပြီးမှ တင်ပြလာသည့် အချက်များအား စီမံ ခန့်ခွဲမှုအစည်း အဝေး တွင် ဝိုင်းဝန်းဆုံးဖြတ်ပြီးမှသာ ထုတ်ပယ်ယာဉ်လုပ်သားအဖြစ် သတ်မှတ်၍ခွင့်ပြုတာဖြစ် ပါကြောင်း၊ ကောင်းမွန်သည့် ယာဉ်မောင်းတစ်ဦးကို မည်သူမျှ ထုတ်ပယ်၍မရပါကြောင်း၊ မိမိအနေဖြင့် ခရီးသွား ပြည်သူ တစ်ဦးတစ်ယောက်ကိုမှ ထိခိုက်ဒဏ်ရာရမှု၊ သေဆုံးမှုကို မဖြစ်ပွားစေလိုကြောင်း၊ မိမိမောင်းနှင်သည့် ယာဉ်ပေါ်တွင် စီးနင်းလိုက်ပါသည့် ခရီးသည်များကို ကိုယ်ချင်းစာစိတ်ထားပြီး ဘေးကင်းလုံခြုံစွာဖြင့် စနစ်တကျ ပို့ဆောင်ပေးနိုင်ရေးအတွက် ဆွေးနွေးပွဲမှလိုက်နာရမည့် စည်းမျဉ်းစည်းကမ်းများကို နှလုံးသွင်းဂရုပြုမှတ်သား နာယူဆောင်ရွက်သွားရန်နှင့် ဆွေးနွေးပွဲပြုလုပ်ပေးခြင်းကြောင့် ယာဉ်တိုက်မှု (၁) ခု၊ ထိခိုက်ဒဏ်ရာရရှိမှု (၁) ခု၊ သေဆုံးမှု(၁)ခုပဲဖြစ်ဖြစ် လျော့နည်းသွားပါကဆွေးနွေးပွဲပြုလုပ်ပေးရကျိုးနပ်ပါကြောင်းနှင့် YRTC ၏ အဓိက ရည်မှန်းချက်ကြီးဖြစ်သော “Safe Public Tran sportation to All” “ဘေးကင်းလုံခြုံပြီး ဝန်ဆောင်မှုကောင်း မွန်သည့် အများပြည်သူသယ်ယူပို့ဆောင်ရေးစနစ်” ဖြစ်ထွန်းလာရေးအတွက် YRTC နှင့်အတူ ပူးပေါင် ဆောင် ရွက်ပေးကြပါရန် အမှာစကားပြော ကြားခဲ့ပါသည်။
၃။ ဆက်လက်၍ YRTC ၏ တွဲဖက်အတွင်းရေးမှူး ဦးလျန်ကျင့်မန်က ယာဉ်မောင်းများသိသင့် သိထိုက်သည့် ယာဉ်အန္တရာယ်၊ လမ်းအန္တရာယ်ကင်းရှင်းရေးဆိုင်ရာ ဆွေးနွေးချက်များ၊ တာဝန်ယူမှုတာဝန်ခံမှုရှိသည့် ယာဉ် မောင်းတစ်ယောက်ဖြစ်ရေး လုပ်ဆောင်ရန်အချက်များကို တင်ပြဆွေးနွေးခဲ့ပါသည်။ ဆက်လက်ပြီး ကုန်းလမ်း ပို့ဆောင်ရေးညွှန်ကြားမှုဦးစီးဌာန(ကညန) မှ စစ်ဆေးရေးမှူး(၂) မှ ယာဉ်အန္တရာယ်ကင်းရှင်းရေးနှင့် မော်တော် ယာဉ် စီမံခန့်ခွဲမှုဆိုင်ရာများ ရှင်းလင်းဆွေးနွေးခဲ့ပြီး၊ ထို့နောက် YBO ဒုတိယဌာနမှူးဦးဇင်ဝေအောင်မှ YBS ယာဉ် များတွင်တပ်ဆင်ထားသည့် Telematic Device၊ CCTV ၊ POS၊ Media Screen များနှင့်သက်ဆိုင်သည့် ကိစ္စရပ် များအားလည်းကောင်း၊ ထို့နောက် အမှတ်(၂) ယာဉ်ထိန်းရဲတပ်ဖွဲ့ခွဲမှူးရုံး (ရန်ကုန်တိုင်းဒေသကြီး) မှ တာဝန်ရှိသူ ကလည်း ယာဉ်တိုက်မှုဖြစ်စဉ် ဖြစ်ပွားရသည့်အကြောင်းအရင်းများနှင့် ရာဇသတ်ကြီးပုဒ်မများကို ရှင်းလင်းတင် ပြခဲ့သည်။ YRTC စည်းကမ်းထိန်းသိမ်းရေး နှင့် စစ်ဆေးရေးဌာန၊ ဒုတိယဌာနမှူးဦးသန့်စင်မှ ယာဉ်စည်းကမ်း ဖောက်ဖျက်သည့် (မီးနီဖြတ်၊ မဆင်မခြင်မောင်း၊ သတ်မှတ်လမ်းကြောင်းမမောင်း၊ အရှိန်ပြင်းမောင်း) ယာဉ် မောင်းများအား ယာဉ်စည်းကမ်းဆိုင်ရာ လိုက်နာရမည့်အချက်များနှင့် YBS ယာဉ်မောင်းများ အများဆုံးစည်း ကမ်းဖောက်လေ့ရှိသည့် ပြစ်မှုများအပေါ်သုံးသပ်၍ လိုက်နာသင့်သည့် အချက်များအားလည်းကောင်း စည်းကမ်း ထိန်းသိမ်းရေးနှင့်စစ်ဆေးရေးဌာန၊ ဒုတိယဌာနမှူးဒေါ်သင်းသင်းမာမှ ယာဉ်မတော်တဆမှုဖြစ်ပွားရသည့် အ ကြောင်းအရင်းများ၊ ပြစ်မှုပြစ်ဒဏ်(၁၃၈) ချက်ပါ ပြစ်ဒဏ်များအားလည်းကောင်း၊ သုတေသနနှင့်နည်းပညာဌာန၊ ဌာနမှူးဦးဖြိုးမင်းလတ်မှ YBS ယာဉ်မောင်းများအား Smart-Card ၏ အရေးပါမှု၊ Smart-Card နှင့် ပတ်သက် သည့် သိကောင်းဖွယ်ရာအချက်များနှင့် သက်ဆိုင်သည့်အကြောင်းအရာများ ဆွေးနွေးပို့ချခဲ့ပြီး တက်ရောက် လာသည့် ယာဉ်မောင်းများအား ယာဉ်စည်းကမ်း၊ လမ်းစည်းကမ်းဆိုင်ရာ မေးခွန်းများဖြေဆိုစေခြင်း စသည်ဖြင့် တက် ရောက်လာကြသည့် ယာဉ်မောင်းများနှင့် အပြန်အလှန်ဆွေးနွေးခဲ့ပြီး ဆွေးနွေးပွဲကို ညနေ ၁၅း၂၅ နာရီ အချိန် တွင် ရုတ်သိမ်းပါသည်။
ရန်ကုန်တိုင်းဒေသကြီး
ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC)

11/09/2026

ရန်ကုန်တိုင်းဒေသကြီး ယာဉ်အန္တရာယ် ကင်းရှင်းရေးကောင်စီ ယာဉ်လမ်းအန္တရာယ် ကင်းရှင်းရေး ဘက်စုံအထောက်အကူပြုအဖွဲ့ (MORS) ၏ ယာဉ်လမ်းအန္တရာယ် ကင်းရှင်းရေး ရက်သတ္တပတ်လှုပ်ရှားမှုအဖြစ် ရန်ကုန်တိုင်းဒေသကြီးအတွင်း ယာဉ်အန္တရာယ်၊ လမ်းအန္တရာယ် ကင်းရှင်းရေးဆိုင်ရာ ဟောပြောပွဲအား ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC) မှ ၉-၉-၂၀၂၆ ရက်နေ့ နံနက် (၁ဝး၀၀) နာရီအချိန်တွင် အ.ထ.က (၂) လမ်းမတော် ၏ မြတ်ပညာခန်းမ၌ ကျင်းပ ပြုလုပ်ခဲ့ပါသည်။
အဆိုပါဟောပြောပွဲတွင် ယာဉ်လမ်းအန္တရာယ်ကင်းရှင်းရေး ဘက်စုံအထောက်အကူပြု အဖွဲ့ (MORS) ဥက္ကဋ္ဌ၊ ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ (YRTC) ၏ တွဲဖက်အတွင်းရေးမှူး ဦးလျန်ကျင့်မန်၊ ကုန်းလမ်းပို့ဆောင်ရေးညွှန်ကြားမှုဦးစီးဌာန (အနောက်ပိုင်းခရိုင်) ဦးစီးအရာရှိ ဦးကျော်လွင်ဦး တို့က ယာဉ်အန္တရာယ်၊ လမ်းအန္တရာယ်ကင်းရှင်း ရေးဆိုင်ရာ အသိပညာပေး ဟောပြောပို့ချခဲ့ပြီး အ.ထ.က (၂) လမ်းမတော် ၏ ကျောင်းအုပ် ဆရာမကြီးနှင့်တကွ ကျောင်းသား၊ကျောင်းသူများ စုစုပေါင်း (၂၅၀) ဦးခန့် တက်ရောက်ခဲ့ပါသည်။

03/09/2026

#118ကားစီးတဲ့မိန်းကလေးတိုင်းသတိထားရအောင်ပါ
အဲ့လူက သုဝဏ္ဏဘက်ဆိုရင် 8ခွဲကားနဲ့အမြဲပါတယ်။ မိန်းကလေးတွေကို သားသမီးချင်းကိုချင်းမစာ နောက်ကနေလိုက်ထောက်နေတဲ့ကောင်ပါ။ vdရှိပါတယ် သူ့မှာ ထမင်းချိုင့်အိတ်နဲ့ ရုံးအိတ်ပါတယ် အဲ့ရုံးအိတ်နဲ့ကွယ်ပြီး နောက်ကနေ ကားကြပ်သလိုလိုနဲ့ကိုလိုက်ထိုးနေတာ ယောင်္ကျားလေးနားဆိုမကပ်ဘူး မိန်းကလေးရှိတဲ့ဘက်ခြမ်းပဲကပ်တာ ခုံနေရာရလို့ထိုင်နေရင်လဲ သူ့တကိုယ်လုံးနဲ့ပိတ်ပြီးသူ့ဟာပါကိုင်ပြတဲ့ထိကိုဆိုးပါတယ်
မတ်တပ်ရပ်နေရင်းနေရာပြောင်းလဲအတင်းကိုလိုက်ကပ်နေတဲ့ထိ တနှာငယ်ထိပ်ရောက်တဲ့နေတဲ့ကောင်
ယောင်္ကျားလေးများအနေနဲ့လဲကားပေါ်မှာ အဲ့လူကိုတွေ့ရငိမိန်းကလေးတွေကို ကူညီပြီးနေရာလဲပေးတာတို့ လုပ်ပေးပါ ။ မိန်းကလေးတွေအနေနဲ့လဲ ကိုယ့်နောက်ကိုအရမ်းထိလာရင် နေရာပြောင်းတာတို့ အော်တာတို့လုပ်ပစ် ဘာမမရှက်နဲ့ ရှက်ကမှာအဲ့လိုကောင်စားမျိုးတွေ

31/08/2026

ယှဉ်ပြိုင်ကျော်တက်၊ ဘေးတံခါးဖွင့်မောင်းနှင်ခြင်း (၃) ကြိမ်အထက် စည်းကမ်းဖောက်ဖျက်သည့် YBS ယာဉ်မောင်းများအား အသိပညာပေးဆွေးနွေးပွဲ (၇/၂၀၂၆)
၂၇/၈/၂၀၂၆ မှ ၂၈/၈/၂၀၂၆

23/08/2026

ရန်ကုန်တိုင်းဒေသကြီး ယာဉ်အန္တရာယ် ကင်းရှင်းရေးကောင်စီ ယာဉ်လမ်းအန္တရာယ် ကင်းရှင်းရေး ဘက်စုံအထောက်အကူပြုအဖွဲ့ (MORS) ၏ ယာဉ်လမ်းအန္တရာယ် ကင်းရှင်းရေး ရက်သတ္တပတ်လှုပ်ရှားမှုအဖြစ် ရန်ကုန်တိုင်းဒေသကြီးအတွင်း ယာဉ်အန္တရာယ်၊ လမ်းအန္တရာယ် ကင်းရှင်းရေးဆိုင်ရာ ဟောပြောပွဲအား ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ (YRTC) မှ ၁၉-၈-၂၀၂၆ ရက်နေ့ နံနက် (၀၉း၃၀) နာရီအချိန်တွင် အ.ထ.က (၃) တာမွေ ၏ သိပ္ပံအဆောင်၌ ကျင်းပ ပြုလုပ်ခဲ့ပါသည်။
အဆိုပါဟောပြောပွဲတွင် ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှု ကော်မတီ (YRTC) ၏ တွဲဖက်အတွင်းရေးမှူး ဦးလျန်ကျင့်မန်၊ ကုန်းလမ်းပို့ဆောင်ရေးညွှန်ကြားမှု ဦးစီးဌာန (ရန်ကုန်အရှေ့ပိုင်းခရိုင်) ဦးစီးအရာရှိ ဦးဇင်ဘိုဘိုဟိန်းနှင့် ကုန်းလမ်းပို့ဆောင်ရေး ညွှန်ကြားမှုဦးစီးဌာန (ရွာသာကြီး) စစ်ဆေးရေးမှူး(၃) ဦးတက်နေထွန်းတို့က ယာဉ်အန္တရာယ်၊ လမ်းအန္တရာယ်ကင်းရှင်းရေးဆိုင်ရာ အသိပညာပေး ဟောပြောပို့ချခဲ့ပြီး အ.ထ.က (၃) တာမွေ၏ ကျောင်းအုပ်ဆရာမကြီးနှင့်တကွ ကျောင်းသား၊ကျောင်းသူများ စုစုပေါင်း (၂၅၀) ဦးခန့် တက်ရောက်ခဲ့ပါသည်။

16/08/2026

ကြေညာချက်
၁၆-၈-၂၀၂၆

16/08/2026

07/08/2026

ယာဉ်အန္တရာယ် ကင်းရှင်းရေးလုပ်ငန်းများ အကောင်အထည်ဖော်ဆောင်ရွက်ရန် အတွက် ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီ (YRSC) ၏ ညွှန်ကြားချက်အရ ရန်ကုန်တိုင်းဒေသကြီးအတွင်း ယာဉ်အန္တရာယ်၊ လမ်းအန္တရာယ် ကင်းရှင်းရေး ဆိုင်ရာ ဟောပြောပွဲအား ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ (YRTC) မှ ၄-၈-၂၀၂၆ ရက်နေ့ နေ့လည် (၁၃:၀၀) နာရီအချိန်တွင် အမျိုးသားယဉ်ကျေးမှု နှင့်အနုပညာတက္ကသိုလ် (ရန်ကုန်) ၏ သရဖီအဆောင်၌ ကျင်းပပြုလုပ်ခဲ့ပါသည်။
အဆိုပါဟောပြောပွဲတွင် ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ (YRTC) ၏ တွဲဖက်အတွင်းရေးမှူး ဦးလျန်ကျင့်မန်၊ ကုန်းလမ်းပို့ဆောင်ရေးညွှန်ကြားမှု ဦးစီးဌာန၊ ခရိုင်ရုံး (ရန်ကုန်အရှေ့ပိုင်း) ခရိုင်ဦးစီးမှူး ဒေါ်နှင်းမာလာမိုးနှင့် ကုန်းလမ်းပို့ဆောင်ရေး ညွှန်ကြားမှုဦးစီးဌာန၊ ခရိုင်ရုံး (ရန်ကုန်အရှေ့ပိုင်း) ဦးစီးအရာရှိ ဦးကျော်သီဟတို့က ယာဉ်အန္တရာယ်၊ လမ်းအန္တရာယ်ကင်းရှင်းရေးဆိုင်ရာ အသိပညာပေး ဟောပြောပို့ချခဲ့ပြီး အမျိုးသားယဉ်ကျေးမှုနှင့် အနုပညာတက္ကသိုလ် (ရန်ကုန်) ၏ ဒုတိယပါမောက္ခချုပ်၊ တွဲဖက်ပါမောက္ခများ၊ ကထိကများ၊ လက်ထောက်ကထိကများနှင့် ကျောင်းသား၊ကျောင်းသူများ စုစုပေါင်း (၃၀၀) ဦးခန့် တက်ရောက်ခဲ့ပါသည်။

07/08/2026

ယာဉ်အန္တရာယ် ကင်းရှင်းရေးလုပ်ငန်းများ အကောင်အထည်ဖော်ဆောင်ရွက်ရန် အတွက် ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီ (YRSC) ၏ ညွှန်ကြားချက်အရ ရန်ကုန်တိုင်းဒေသကြီးအတွင်း ယာဉ်အန္တရာယ်၊ လမ်းအန္တရာယ် ကင်းရှင်းရေး ဆိုင်ရာ ဟောပြောပွဲအား ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ (YRTC) မှ ၅-၈-၂၀၂၆ ရက်နေ့ နေ့လည် (၁၃:၃၀) နာရီအချိန်တွင် သွားဘက်ဆိုင်ရာ ဆေးတက္ကသိုလ် ၏ တုနှိုင်မမှီခန်းမ၌ ကျင်းပပြုလုပ်ခဲ့ပါသည်။
အဆိုပါဟောပြောပွဲတွင် ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကြီးကြပ်မှု ကော်မတီ (YRTC) ၏ တွဲဖက်အတွင်းရေးမှူး ဦးလျန်ကျင့်မန်နှင့် ကုန်းလမ်းပို့ဆောင်ရေးညွှန်ကြားမှု ဦးစီးဌာနမှ ဦးစီးအရာရှိ ဦးကျော်လွင်ဦးတို့က ယာဉ်အန္တရာယ်၊ လမ်းအန္တရာယ်ကင်းရှင်းရေးဆိုင်ရာ အသိပညာပေး ဟောပြောပို့ချခဲ့ပြီး သွားဘက်ဆိုင်ရာဆေးတက္ကသိုလ် ၏ ဒုတိယပါမောက္ခချုပ်၊ တွဲဖက်ပါမောက္ခများ၊ ကထိကများ၊ လက်ထောက်ကထိကများနှင့် ကျောင်းသား၊ကျောင်းသူများ စုစုပေါင်း (၁၅၀) ဦးခန့် တက်ရောက်ခဲ့ပါသည်။

06/08/2026

၄-၈-၂၀၂၆
အမျိုးသားယဉ်ကျေးမှုနှင့်အနုပညာတက္ကသိုလ်