SMART GUYS

❝ စနစ်ကျရမယ်၊ အားလုံးပူးပေါင်းမယ်၊ ရလာဒ်ထွက်ရမယ် ❞ ဆိုတဲ့ ကျွန်တော်တို့ရဲ့ ဆောင်ပုဒ်နဲ့အညီ ထိရောက်တဲ့ခရီးစဉ်တစ်ခုဖြစ်ဖို့က အလွန်အရေးကြီးလှပါတယ်။

ဒါကြောင့် စစ်ကိုင်းမှာရှိတဲ့ ငလျင်ဒဏ်သင့်ပြည်သူတွေကို သွားရောက်ကူညီကြမယ့် ခရီးစဉ်မှာ လိုက်ပါကြမယ့် အဖွဲ့ဝင်များအနေနဲ့ ဒီအချက်လေးတွေကို သိရှိ၊ လိုက်နာပေးစေလိုပါတယ်ခင်ဗျာ။

နံပါတ် (၁) ယုံကြည်မှုက အဓိက

အပြန်အလှန် လေးစားယုံကြည်မှုဟာ အဖွဲ့အစည်းတိုင်းရဲ့ သော့ချက်ဖြစ်ပါတယ်။ ဒါကြောင့် အချင်းချင်းယုံကြည်မှု တည်ဆောက်နိုင်စေဖို့ရာ ခရီးစဉ်တစ်လျှောက် တစ်ဦးကို တစ်ဦး ထိခိုက်နစ်နာစေမယ့် အပြုအမူ၊ အပြောအဆိုတွေကို ရှောင်ကြဉ်ကြရပါမယ်။ ဒါမှသာလျှင် အချင်းချင်း ရင်းနှီးမှုတည်ဆောက်နိုင်မှာဖြစ်သလို ခရီးစဉ်ချောမွေ့စေမှာပါ။

နံပါတ်(၂) ပွင့်လင်းမြင်သာ ထုတ်ပြောပါ။

အမှားတစ်ခုခုလုပ်မိတဲ့အခါ နှုတ်ဆိတ်မနေပဲ ပွင့်ပွင့်လင်းလင်းပြောပြနိုင်ပါတယ်။ တစ်ဦးရဲ့ အခက်အခဲဟာ အားလုံးရဲ့ အခက်အခဲဖြစ်လို့ မောင်နှမတွေလို သဘောထားပြီး တိုင်ပင်လို့ ရပါတယ်။ ထို့အတူ တစ်ယောက်ယောက်က ဖွင့်ပြော၊ တိုင်ပင်လာခဲ့ရင်လည်း ဝေဖန်အပြစ်တင်တာမျိုးမလုပ်ပဲ ဖြေရှင်းနိုင်မယ့် နည်းလမ်းကို အတူစဉ်းစားပေးခြင်းဖြင့် သက်သောင့်သက်သာရှိတဲ့ ခရီးစဉ်ကို အတူဖန်တီးကြပါမယ်။

နံပါတ်(၃) လုပ်ရပ်တိုင်းကို စဉ်းစားပါ

အဖွဲ့အစည်းရဲ့နာမည်နဲ့ သွားမယ့်ခရီးစဉ်ဖြစ်တဲ့အပြင်၊ တခြားအဖွဲ့အစည်းနဲ့ ပူးပေါင်းဆောင်ရွက်ကြရမယ့်ခရီးစဉ်ဖြစ်တာနဲ့အညီ ကိုယ်ရဲ့လုပ်ရပ်တိုင်းက အဖွဲ့အစည်းရဲ့ နာမည်နဲ့ ဂုဏ်သိက္ခာအပေါ် တိုက်ရိုက်သက်ရောက်နေတယ်ဆိုတာကို သတိပြုပေးပါ။

အခုလို ခက်ခဲတဲ့ခရီးစဉ်မှာ ပူးပေါင်းပါဝင်ပေးကြတဲ့ တစ်ယောက်ချင်းစီတိုင်းကို Management team က ကျေးဇူးအများကြီးတင်ရှိရပါတယ်ခင်ဗျာ။
စိတ်ထားတူတဲ့ မောင်နှမတွေချည်း စုစည်းကြတဲ့ ခရီးစဉ်လေးမှာ မလိုလားအပ်တဲ့ပြဿနာတွေ မရှိရလေအောင် တာဝန်ယူမှု၊ တာဝန်ခံမှုကိုယ်စီနဲ့ လုပ်ဆောင်ကြဖို့ မေတ္တာရပ်ခံပါတယ်နော် 🤍🙏🏻

လူသားချင်းစာနာထောက်ထားသောစိတ်ဖြင့် ငလျှင်ဒဏ်ခံရသောဒေသများရှိ ပြည်သူများအတွက် ကယ်ဆယ်ရေးနဲ့ပြန်လည်ထူထောင်ရေး လုပ်ငန်းများတွင် အသုံးပြုရန်အတွက် Hinthada university chemistry major မှကျောင်းသူကျောင်းသားများမှ စုပေါင်း၍ ငွေကျပ်နှစ်သိန်းခွဲ(၂၅၀၀၀၀)တိတိကို ပါဝင်လှူဒါန်းပေးထားပါတယ်

ပြီးခဲ့တဲ့ရက်က ကျွန်တော်တို့အဖွဲ့ စစ်ကိုင်းနဲ့ မန္တလေးမှာ ရှိတဲ့ ငလျင်ဘေးသင့် ပြည်သူတွေကို သွားရောက်ကူညီဖြစ်ခဲ့ပါတယ်။

ခုနှစ်ရက်သားသမီးများရဲ့ အလှူငွေများနဲ့ ကျွန်တော်တို့အဖွဲ့သားများရဲ့ လုပ်အားကို စုပေါင်းပြီး အိမ်ခြေ ၁၀၀ ကျော်နဲ့ ဆရာလေး အပါး ၁၀၀ ကျော်အတွက် ထောက်ပံ့ငွေများကို ကူညီနိုင်ခဲ့ပါတယ်ခင်ဗျာ။

DB Bag တွေနဲ့ အခြားဆေးဝါးတွေကိုလည်း ထိထိရောက်ရောက်အသုံးပြုနိုင်မယ့် မြေပြင်က ကယ်ဆယ်ရေးအဖွဲ့တွေဆီကို အပ်ခဲ့ပါတယ်။
အလေအလွင့်နည်းစွာနဲ့ ထိရောက်အောင် လှူနိုင်ခဲ့ပေမဲ့ မရလိုက်တဲ့ အိမ်ခြေတွေ အများကြီးရှိနေပါသေးတယ်။ ဒါ့အပြင် ဒီခရီးဟာ တစ်ရက်၊ တစ်ပတ်၊ တစ်လနဲ့ ပြီးသွားမယ့်ခရီးမဟုတ်တာကြောင့် ဒီတစ်ကြိမ်မြေပြင်ဆင်းတဲ့အခါမှာ အလှူ‌ငွေ လုံလုံလောက်လောက်နဲ့ ပိုပြီးထိရောက်စွာ ကူညီနိုင်ဖို့ ကျွန်တော်တို့တွေ စုပေါင်းပြီး အဖွဲ့လေးတစ်ခုဖွဲ့ထားပါတယ်။

အဓိကကတော့ မောင်နှမတွေ စုစည်းပြီး တကယ်လိုအပ်နေတဲ့နေရာတွေကို စနစ်တကျနဲ့ သေချာလေးလုပ်ပေးနိုင်ဖို့ ရည်ရွယ်ပါတယ်။

"စနစ်ကျရမယ်၊ အားလုံးပူးပေါင်းရမယ်၊ ရလဒ်ထွက်ရမယ်"
ဒီလို "မူ"နဲ့ ကျွန်တော်တို့ သွားပါမယ်။

ကျွန်တော်တို့ Smart Guys Group တာဝန်ခံအဖွဲ့မှာ
တာဝန်ခံ
တွဲဖက်တာဝန်ခံ
အတွင်းရေးမှူး
ဘဏ္ဍာရေးမှူး
သတင်းနှင့် ပြန်ကြားရေးမှူး
video Editor
Content Writer
Data Analysis & Research
HR Management
စည်းရုံးရေးနှင့် ပြည်သူ့ဆက်ဆံရေး စတဲ့ Professional field က လူငယ်တွေ အများကြီးပါဝင်ပါမယ်ခင်ဗျာ။