Өмнөговь аймаг Эрүүл Мэндийн газар

🚑🚑🚑ЯВУУЛЫН ҮЗЛЭГ арга хэмжээ БАЯНДАЛАЙ суманд ажиллаж байна.
Энэхүү арга хэмжээ нь Аймгийн Засаг даргын “ӨСӨЛТТЭЙ ӨМНӨГОВЬ" хөтөлбөрийн хүрээнд жил бүр зохион байгуулагддаг билээ.
📌Баяндалай суманд 05 дугаар сарын 30,31-ний өдрүүдэд:
🧑‍⚕️👩‍⚕️Үзлэгээр Бүсийн Оношилгоо Эмчилгээний төвийн НАРИЙН МЭРГЭЖЛИЙН ЭМЧ НАРЫН ҮЗЛЭГ, ЗӨВЛӨГӨӨ, ОНОШИЛГОО, ШИНЖИЛГЭЭ Дараах чиглэлээр хийгдэж байна.
🩺Дотор
🩺Чих хамар хоолой
🩺Нүд судлал
🩺Арьс харшил
🩺Эрэгтэйчүүд(Мэс засал, урологи)
🩺БЗДХ
🩺Эмэгтэйчүүд
🩺Ходоодны дуран
🩺Дүрс оношилгоо(Эхо, рентген)
🩺Халдварт сүрьеэ

ТӨРИЙН БАЙГУУЛЛАГУУДЫН АЖЛЫН ЦАГТ ЗОХИЦУУЛАЛТ ХИЙЛЭЭ.

Аймгийн Засаг даргын захирамжаар төрийн байгууллагуудын ажлын цагийн хуваарьт зохицуулалт хийлээ. Монгол Улсын Засгийн газрын 119 дүгээр тогтоолыг хэрэгжүүлэх ажлын хүрээнд төрийн байгууллагуудын ажлын уялдаа холбоог сайжруулах, албан хаагчдын ажлын бүтээмжийг нэмэгдүүлэх, амралт чөлөөт цагийг зохицуулах зорилгоор 2026 оны 06 дугаар сарын 02-ны өдрөөс 08 дугаар сарын 31-ний өдрийг дуустал ажлын цагийг 08:00-17:00 цаг болголоо.

Иргэд, олон нийт та бүхэн дээрх хугацаанд төрийн байгууллагуудаар шинэ цагийн хуваарийн дагуу үйлчлүүлнэ үү.

ЭХ-ХҮҮХЭД-НЯРАЙН ЭРҮҮЛ МЭНДИЙН ТУСЛАМЖ ҮЙЛЧИЛГЭЭНИЙ ЧАНАР, ХҮРТЭЭМЖИЙГ САЙЖРУУЛАХ ЗОРИЛГОТОЙ "ЭНХ-МЭНД" ҮНДЭСНИЙ ХӨТӨЛБӨР ӨМНӨГОВЬ АЙМАГТ ЭХЭЛЛЭЭ

Тус арга хэмжээ 2026 оны 5 дугаар сарын 28, 29-ний өдрүүдэд Бүсийн оношилгоо эмчилгээний төв дээр МАК ХХК, ЭХЭМҮТ-ийн эх, эмэгтэйчүүд, хүүхэд, нярайн чиглэлийн нарийн мэргэжлийн эмч нар иргэдэд үзлэг, зөвлөгөө, оношилгоо хийж, шаардлагатай тусламж, үйлчилгээг үзүүлэхийн зэрэгцээ орон нутгийн эмч, мэргэжилтнүүдэд зориулсан онол, дадлага хосолсон сургалтыг зохион байгуулж байна.

ЭМГЭНЭЛ

Бидний дотны хүмүүн, хүний сайхан хань, элбэрэлт сайхан ижий, бидний итгэлт хамтран зүтгэгч, эрхэм найз Буриадын Удвал нь 2026 оны 05 сарын 24-ны өдөр зуурдаар таалал төгсөж үр хүүхэд, хань ижил, элгэн садан, эрхэм нөхөд, хамт олон биднийгээ үүрд орхин нөхөж баршгүй хүнд гарз тохиолоо.

Тэрээр 2001 онд Өмнөговь аймгийн Цогт-Овоо сумын Эрүүл мэндийн төвд “Тогооч”- оор ажиллаж эхэлсэн. 2008 онд Өмнөговь аймагт “Эмчилгээний хоолзүйч”-ээр суралцаж мэргэжил дээшлүүлсэн.
Тэрээр салбартаа тасралтгүй 25 жилийн турш идэвх зүтгэл, мэдлэг чадвараа харамгүй зориулж эрүүл мэндийн салбарын хөгжил дэвшилд үнэтэй хувь нэмэр оруулж, хамт олноо манлайлан ажилладаг, нэр хүндтэй, сайхан сэтгэлтэй хүний дээд эрхэм хүмүүн байлаа.
Түүний минь аливаад чин сэтгэлээсээ ханддаг, хүнлэг зөөлөн, нийтэч нөхөрсөг, түвшин дөлгөөн, ажилч хичээнгүй, үнэнч шударга зан чанар бидний зүрх сэтгэлд үүрд хоногшин үлдэх болно.

Мөнх хөх тэнгэртээ амгалан морилж, эх сайхан орныхоо ариун хөрсөнд тайван нойрсог.
Ум ма ни бад мэ хум

Хүндэтгэсэн: Өмнөговь аймгийн эрүүл мэндийн газрын хамт олон.

🚑🚑🚑 Даланзадгад хотын өдрийг тохиолдуулан Хөгжимт жүжгийн театрын гадна талбайд 2026 оны 06 дугаар сарын 12-ны өдөр "Нүүдлийн клиник " ажиллана.
🩺Үзлэгээр НАРИЙН МЭРГЭЖЛИЙН ЭМЧ НАРЫН ҮЗЛЭГ, ЗӨВЛӨГӨӨ, ОНОШИЛГОО, ШИНЖИЛГЭЭ хийгдэнэ.
👨‍⚕️🧑‍⚕️Бүсийн Оношилгоо Эмчилгээний Төвийн нарийн мэргэжлийн эмч нар дараах чиглэлээр үзлэг хийнэ:
🩺Дотор
🩺Эмэгтэйчүүд
🩺Ходоодны дуран
🩺Дүрс оношилгоо(Эхо, рентген)
🩺Халдварт сүрьеэ чиглэлээр үзлэг хийгдэнэ.

📢Хамрагдах иргэдийн анхааралд: 🎯

🎯1. Эрүүл мэндийн даатгал 2019 оноос хойш тасралтгүй төлсөн байх
🎯2. Ходоодны дуранд хамрагдахаар бол өрхийн эмчдээ үзүүлэн өрхийн эмчийн өгсөн заавар зөвлөмжийн дагуу хувийн бэлтгэлээ сайтар хангасан байх.
🎯3. Эмчид үзүүлэхээр ирэхдээ эрүүл мэндийн дэвтэр өвчний түүх, холбогдох шинжилгээ, оношилгоо хийлгэсэн бичиг баримтын авч ирэх

🔊🔊Өрхийн эрүүл мэндийн төвөөс өгсөн заавар зөвлөмжийн дагуу зохион байгуулалттай идэвхтэй, соёлтой оролцохыг хүсье.