ЗЭВСЭГТ ХҮЧНИЙ БАРИЛГА-ИНЖЕНЕРИЙН ЦЭРЭГ

БАЯНХОНГОР АЙМГИЙН НЭГДСЭН ЭМНЭЛГИЙН ЯАРАЛТАЙ ТУСЛАМЖИЙН ТАСАГТАЙ ХАМТРАН АЖИЛЛАЛАА.

📌Зэвсэгт хүчний 339 дүгээр ангийн Эрүүл мэндийн төв Баянхонгор аймгийн Нэгдсэн эмнэлгийн яаралтай тусламжийн тасагтай хамтран “Амилуулах суурь тусламжийн (BLS) сургалтыг тус ангийн эмч, сувилагч, эмнэлгийн зааварлагч, хугацаат цэргийн алба хаагч нарт амжилттай зохион байгууллаа! ❤️🩺
Энэ удаагийн сургалтаар

✅ Амилуулах суурь тусламж
✅ Зүрх, уушгины сэхээн амьдруулалд (CPR)
✅ АМБУ маскаар амьсгал удирдах
✅ Яаралтай үед багаар ажиллах ур чадвар, ХӨХ КОД
✅ Практик дадлага, бодит нөхцөлд ажиллах арга барилуудыг эзэмшлээ. Амь аврах мэдлэг бол зөвхөн эмч, эмнэлгийн ажилтны бус хүн бүрийн эзэмших чадвар юм. 🌍❤️

ЗЭВСЭГТ ХҮЧНИЙ 339 ДҮГЭЭР АНГИ

УЛААН ЗАГАЛМАЙН НИЙГЭМЛЭГТЭЙ ХАМТРАН АЖИЛЛАЛАА.

📌Зэвсэгт хүчний 339 дүгээр ангийн Эрүүл мэндийн төвөөс Баянхонгор аймгийн Улаан загалмайн хороотой хамтран бие бүрэлдэхүүнд анхан шатны түргэн тусламж үзүүлэх мэдлэг, чадвар олгох зорилгоор “Зүрх, судасны сэхээн амьдруулах арга хэмжээ”, “Хахалтын үеийн анхны тусламж” сэдвээр ажлын байрны сургалтыг зохион байгууллаа.

ЗЭВСЭГТ ХҮЧНИЙ 339 ДҮГЭЭР АНГИ

“ЭНХИЙГ САХИУЛАГЧДЫН ӨДӨР”-ИЙГ УГТАН НЭЭЛТТЭЙ ХААЛГАНЫ ӨДӨРЛӨГИЙГ ЗОХИОН БАЙГУУЛЛАА.

🇺🇳Дэлхийн энх тайван, аюулгүй байдлын төлөө тууштай тэмцэгч энхийг сахиулагч нарыг алдаршуулах зорилгоор “Нээлттэй хаалганы өдөрлөг”-ийг Баянхонгор аймгийн Засаг даргын Тамгын газрын Нийгмийн бодлогын хэлтэс, Баянхонгор аймгийн Засаг даргын Тамгын газрын Цэргийн штаб, Зэвсэгт хүчний 339 дүгээр анги хамтран зохион байгууллаа.

🇺🇳Тус арга хэмжээнд Баянхонгор аймгийн Засаг даргын Тамгын газрын Нийгмийн бодлогын хэлтсийн дарга В.Наранчимэг, Цэргийн штабын тоо бүртгэлийн ахлах офицер хошууч Д.Бат-Өлзий, Зэвсэгт хүчний 339 дүгээр ангийн удирдлагууд, Баянхонгор аймгийн Баянхонгор сумын Ерөнхий боловсролын сургуулийн ахлах ангийн 150 гаруй сурагчид, тус ангийн бие бүрэлдэхүүн болон хугацаат цэргийн алба хаагчид оролцлоо.

🇺🇳Өдөрлөгийн үеэр энхийг сахиулагчдын үйл хэрэг, алдар гавьяа, түүхэн замналын талаар яриа таниулга, Баянхонгор аймгийн хөгжимт драмын театрын дуучид урлаг уран сайхан, гардан тулаан, жагсаалын үзүүлэх тоглолт болон орон тооны зэвсэглэлийн үзэсгэлэнг сурагчдад толилуулсан юм.

🇺🇳Мөн өдөрлөгт оролцогч ахлах ангийн сурагчид болон хугацаат цэргийн алба хаагчдын дунд танин мэдэхүйн асуултаар АХА тэмцээн зохион байгууллаа.

Тус тэмцээнд:
📌Тэргүүн байрт: Мотобуудлагын ротын хоёрдугаар салааны байлдагч Б.Баасандорж
📌Дэд байр: Политехник коллежийн сурагч Б.Номин-эрдэнэ
📌Гутгаар байрт: Политехник коллежийн сурагч н.Гансүх нар бусдыгаа манлайлан тэргүүллээ.

🇺🇳”Нээлттэй хаалганы өдөрлөг”-ийн төгсөлд хүрэлцэн ирсэн зочид сурагчдыг амтат үзэмний шүүс, жигнэмэг зэрэг амттангуудаар дайлан дурсгалын зураг татуулсан юм.

ЗЭВСЭГТ ХҮЧНИЙ 339 ДҮГЭЭР АНГИ

МЭДЭГДЭЛ

Батлан хамгаалахын сайдын хувьд, мөн үр хүүхдээ өсгөж буй эцэг хүний хувиар та бүхэнтэй яг ижилхэн эмгэнэж байна.

Зэвсэгт хүчний 339 дүгээр ангид алба хаах хугацаандаа амь насаа алдсан 19 настай хүүгийн эцэг эх, гэр бүл, төрөл төрөгсдөд гүн эмгэнэл илэрхийлье.

Одоогоор мөрдөн шалгах ажиллагааг цагдаа, прокурорын байгууллага явуулж байна. Болсон үйл явдлыг нуун дарагдуулах, асуудлаас зугтах гэсэн ямар ч оролдлогыг миний бие салбарын сайдын хувиар огт зөвшөөрөхгүй, бүх талаар хамтарч ажиллана. Одоогоор ЗХЖШ-аас албаны шалгалт явуулахаар ажлын хэсгийн бүрэлдэхүүн томилогдон шуурхай ажиллаж байна.

Цэргүүдийнхээ аюулгүй байдлыг хангаж чадаагүй тухайн ангийн удирдлагуудыг шалгалтын үр дүнд үндэслэж ажлаас чөлөөлөх хүртэл арга хэмжээг шуурхай авч ажиллахыг үүрэг болголоо.

Хэвлэл мэдээллээр цацагдаад буй камергүй сохор бүсүүдийг бид хяналтад авах гэж хичээсээр ирсэн. Гэхдээ хүний бие засах, усанд орох зэрэг хувийн нууцад халдаж, язгуур эрхийг зөрчин камержуулах боломжгүй байдаг.
БХЯ, ЗХЖШ-аас дүрмийн бус харилцааг таслан зогсоох чиглэлд сэтгэлзүйн хөдөлгөөнт бүлэг ажиллуулах, соён гэгээрүүлэх суртал хүмүүжлийн ажлууд, сохор бүсээс бусад газрыг бүрэн камержуулах, удаа дараагийн шаталсан сургалт зэргээр ажиллаж байгаа хэдий ч зөрчил гарсаар байна.
Иймд орох, гарах хаалганы хяналтыг сайжруулж, шалгалтыг алхам тутамдаа биеэр хэрэгжүүлж байх харуул хамгаалалтын шинэ журмыг мөрдүүлж эхэлнэ.

Миний бие Батлан хамгаалахын сайдын хувьд энэ асуудлыг эцсийг нь хүртэл хариуцаж, армийн соёл, дотоод уур амьсгалыг өөрчлөх, цэргүүдээ хамгаалах системийн шинэчлэлийг тууштай удирдан зохион байгуулах болно.

Энэ чиглэлд төрийн болон иргэний нийгмийн байгууллагууд, эцэг эхчүүдийн төлөөлөлтэй нээлттэй хамтран ажиллахад бэлэн.