Монгол наадам цогцолбор ОНӨТҮГ

🐎 Уяа морийг зөв хөлслөх нь — >Морь хурдлахын цаадах нууц.

Морь хурдан төрдөг, харин уяа түүнийг гүйцээдэг” . Хурдан морь гэдэг зөвхөн сайн угшил, элбэг тэжээлээр бий болдоггүй. Харин амьсгаа, тарга хүч, булчин шөрмөс, сэтгэл зүйг нь зөв тааруулж “тавируулснаар” жинхэнэ хурд гарна.

Хөлс авах гэдэг нь зүгээр нэг ус гаргах ажил биш. Энэ бол адууны биеийг онгойлгож, илүүдэл таргыг задлан, амьсгааг нь нээж, уралдааны ачаалалд бэлтгэдэг уяаны хамгийн нарийн эрдэм юм.

Уяач хүн морьныхоо:
• амьсгаа
• хөлс
• нүдний гал
• хоолны дуршил
• арьсны нимгэн зузаан
• булчин шөрмөсийн сулралыг хүртэл ажиглаж байж ачааллаа тохируулдаг.

🌟Учир нь морь хэлгүй ч биеэрээ бүхнээ илэрхийлдэг амьтан.

🐎Уяаны эхлэл

Шинээр уяанд орсон морийг шууд хүчтэй ажил хийдэггүй. Эхний өдрүүдэд уяж өнжүүлэх, гишгүүлэх, баалгах байдлаар гэдэс дотрыг нь амрааж, дасгадаг.

Морь бүр өөр араншинтай. Зарим нь амархан тавирдаг бол зарим нь удаан онгойж, илүү тэвчээр шаарддаг. Тиймээс сайн уяач хүн морь бүрт ижил арга хэрэглэдэггүй.

🌟Эхний хөлс — Уяаны өнгийг тодорхойлдог

Эхний хөлсөөр уяаны өнгө гардаг”
Учир нь анхны хөлс хэт чанга байвал морь няцарч, шөрмөс нь чангардаг. Харин хэт сул байвал бие нь онгойхгүй, тарга хүч нь задрахгүй үлдэнэ.

Тиймээс морийг эхлээд шогшуулж биеийг нь халаагаад, дараа нь салхи сөрүүлэн буцахдаа салхины дагуу хатируулж хөлс авдаг. Хоёр чихний уг, суга цавь орчмоор жигд хөлс бөгжигнөн гарах нь морь тавирч буйн шинж гэж үздэг.

Сайн хөлсний үед:
• амьсгаа жигд байх
• алхалт чөлөөтэй болох
• нуруу хүзүү сулрах
• чих сэрэмжтэй хөдөлж байх нь сайн шинж.

Харин:
• амаа ангайж шуухитнах
• толгойгоо унжуулах
• амьсгаа удаан тэнцэхгүй байх ажил ихдэх

🐎Морины хөлс үе шаттай гардаг

Адууны хөлсийг хараад ямар шатандаа явж байгааг нь шинждэг.

• Шавар хөлс — эхний үед гардаг бохир хөлс
• Тосон хөлс — арьсан доорх өөх задарч эхэлсний шинжтэй тосорхог хөлс
• Усан хөлс — биеийн гүнээс гарч буй тунгалаг шингэн хөлс
• Сувдан хөлс буюу “ясны хөлс” — маш нарийн, тунгалаг хөлс

🌟Их хөлс болгон сайн байдаггүй

Зарим хүн морь их хөлөрч байвал сайн гэж ойлгодог. Гэвч хэт хөлс авсан морь:
• махаа барина
• амьсгаа давчдана
• хоолноос гарна
• шөрмөс чангарна
• уралдааны сүүлд сууж эхэлдэг.

Харин тааруулж хөлс авсан морь уралдааны турш хүчээ жигд хуваарилж, амьсгаа тэнцүү ордог.

🌟Тиймээс сайн уяа гэдэг нь морийг ядраахдаа биш, бярыг нь зөв задлах ухаан юм.

Уяачид “Хөлс авах амархан, хөлс буулгах хэцүү” гэж ярьдаг. Морийг буугаад шууд орхивол шөрмөс нь царцаж, бие нь хөшдөг.

Тиймээс:
• салхи уруудуулж тайван алхуулах
• амьсгааг нь тэнцүүлэх
• халууныг аажмаар буулгах
• хөлсийг нь зөөлөн хусах
• хүйтэн ус шууд уулгахгүй байх нь маш чухал.

Хөлсийг зөв буулгасан морь маргааш нь сэргэлэн, нүд галтай байдаг.

🏇 Морь бүр өөр уяатай

Даага, шүдлэнгийн яс шөрмөс бүрэн бэхжээгүй байдаг тул зөөлөн уяа тохиромжтой. Харин соёолон, азарга насанд хүчний хөлс илүү ордог.

Их насны морь туршлагатай ч амархан тамир баригддаг тул:
• ойр ойрхон шахахгүй
• сэргэлтийн хугацаа сайн өгөх
• хоол ус тааруулах шаардлагатай.

🌟Тиймээс “Бүх моринд таарах нэг уяа байдаггүй. Их хөлс авсан морь хурдан байдаггүй.

⭐️Дахин мэдээлэл оруулах тул page-ээ дагаарай.

Таалагдсан бол like дараад дэмжээрэй 🤝

⭐️Нийтлэл: Түрүү Баяр

Үндэсний их баяр наадмын тухай хуулийн нэмэлт өөрчлөлтийн төсөл батлагдвал ЦОЛ НЭМЭХ БӨХЧҮҮД👇👇👇

2026 ОНЫ БАЯР НААДАМ ОЙН АРГА ХЭМЖЭЭНИЙ ТОВ ГАРЧЭЭ..

Отгонтэнгэр хайрханы тахилга 2026.06.17 нд

Дархан хот 65 жил, Залуучууд театр 50 жил ой
Хөвсгөл аймаг Алаг-Эрдэнэ сум 100 жил

Архангай Цэцэрлэг сум 100 жил

Сэлэнгэ аймаг Бугант тосгон 100 жил

Эрдэнэт хот 50 жил 7-23 -25 нд

Төв Алтанбулаг 100 Баянчандмань 90 жил

Ховдын Ховд сум 80 жил

-Буянт сум 100 жил

-Дөргөн сум 70 жил

Эрдэнэзуу хийд 400 жилийн ой

Завхан Түдэвтэй сум 7 сард 100 жил ой

Хархорин сум 70 жил 7 сарын 24-27

Хэнтий аймаг Баянхутаг сумын 100 жил

Архангай Цахир сум 6сарын 26- 28 Даншиг наадам

Баянхонгор аймаг байгуулагдсаны 85 жил ой 7сарын 25-26

Баянхонгор Баян-овоо сум 80 жил

Баянхонгор аймаг Шинэжинст сум 70 жил

Сэлэнгэ 7.16-18 Хоймор фестиваль болно

Дундговь аймгийн баяр наадам,говийн бүсийн хурд 7сарын 24-26

Завхан аймгийн баяр наадам,баруун бүсийн хурд 7сарын 24-26

Сүхбаатар аймгийн баяр наадам,зүүн бүсийн хурд 7сарын 24-26

Сэлэнгэ Номгон САА н 50 жил 7сарын23-24

Сэлэнгэ Баруунбүрэн Бургалтай САА 50 жил

Хөвсгөл Ренчинлхүмбэ сургуулийн 100 жил

Сэлэнгэ Зэлтэр сумын сургуулийн 100 жил 7.сарын 14-15.

Төв аймгийн Өндөрширээт сумын сургуулийн 90 жилийн ой

Төв аймгийн Эрдэнэ сумьн сургуулийн 100 жилийн ой

Сүхбаатар аймаг Түвшинширээ сум сургуулийн 100 жил

Ховд аймгийн Дарви сум сургуулийн 100-н жил

Хэнтий аймаг Гурванбаян тосгон /Хурх/ сургуулийн 45 жил

Ховд Булган сум сургуулийн 90 жил ,
9 сард

Завхан аймаг Алдархаан сумын сургуулийн 100 жил зэрэг ойн баяр наадмуудын тов гарсан байна🇲🇳

За Манай хамгийн том бэлэг болох шилдгийн шилдэг шагнал Ононгийн Батболдын галын даага маань ийнхүү Хүйн мандлын дэнждээр хүрэлцэн ирлээ. Та бүхэн ирж аз одоо гийгүүлээрэй.

Цөөхөн байршилд аж ахуй нэгж авна