ЭЛДЭВ ЧИМЭЭ

God of war тоглоом дээр номыг тэтгэгч Монгол Улс үндэстний өмнө онцгой тангарагтай догшин сахиус дүрсэлжээ. 🔥100
Жамсранг зарим нь Түвд бурхан гэж байна. 1 Жамсран бол бурхан биш харин номыг тэтгэгч Монголын сахиус. Тэр тусмаа Түвд улсыг харж даасан тэнгэр биш, харин Монголчуудын дайны тэнгэр байсан.
2т гэвэл 3р далай лам ирж Монголын догшин дайны тэнгэрүүдийг номын агуу хүчээр номхотгож шашиндаа оруулснаар Жамсран нь буддын шашныг хамгаалагч, номыг тэтгэгч, хязгааргүй хүчтэй Монголын догшин дайны сахиус юм. Жамсран нь муу муухай бүхнийг даран номхотгох тангарагтай буюу ад зэтгэр, өвчин, хорлолоос хамаг амьтныг авран хамгаалах тангарагтай юм.
Ер нь буддын шашны сүм хийд, өвөрмөц бурхад гадныханд их сонирхолтой санагддаг юм байна лээ. Бид нар л сая талбай дээр Бурхан багшийн их дүйчин өдрийг тэмдэглэсэнд буруу шаагаад байгаа болохоос гадны жуулчдад бол маш сонирхолтой онцгой үзүүлбэр шиг санагддаг.
Дэлхийд 500 сая буддын шашинтнууд байна, ирээдүйд 1 тэрбумд хүрнэ, бас буддын шашин сонирхдоггүй ч гадны жуулчдад өвөрмөц санагдсан зүйлд дуртай хүмүүс их байдаг. Утга учрыг нь ойлгохгүй ч Гандан дээр янз бүрийн жуулчид ирж бурхдад мөргөж хүндлэл үзүүлдэг.
Хятад улс гэхэд “Black Myth Wukong” буюу Буддын шашны алдарт зохиол болох Тансан лам баруунд зорчсон тэмдэглэлийн гол дүрийн баатар болох Сүн Укунтай тоглоом хийж дэлхийд их ашиг олж, бас тэр хэрээр Хятадын соёлыг бусад улсаас онцгойруулж чадаж байна.
Хятал улсын бараг гол билэг тэмдэг нь Сүн Укун болж байхад Монголын гол билэг тэмдэг Жамсран сахиус болгож болно.
Жамсран бол Түвд сахиус биш, зөвхөн Монголыг даасан сахиус.
Бидний муулдаг энэ шарын шашин бол үнэндээ Монгол аавын хүү л үүсгэсэн шашин. Буддын шашин бүр Хүннүгийн үеэс ч яригддаг шүү археологийн олдвороор батлагддаг.
Хубилай хаан ч буддын шашныг онцгой ихээр дэмжин санхүүжүүлж байсан. Буддын шашинг төрийн их шашин болгож Пагма ламыг Монголд авчирч залсан байдаг.
Хэлэх гэсэн гол санаа бол Буддын шарын шашны энэ өвөрмөц дүр төрх бол дэлхий дахин даяаршиж байгаа энэ цаг үед бусад улс үндэстнүүдээс ялгаатай ондоошуулж байгаа зүйлсийн нэг яах аргагүй мөн шүү.
Ялангуяа 2 хөршийн дунд орших улс бол ардчилал, бурхны шашин нь биднийг тусгаар улс гэдгийг гэрчилдэг.
Бид өөрсдийн хэдэн мянган жил үргэлжилж ирсэн өв соёлоо муулалгүй, орчин үетэйгээ нийцүүлж байх нь бидэнд хэрэгтэй.
Өв соёлоо харин ч дэлхийд сурталчилж аялал жуулчлал татах, Монголыг олон зүйлээр таниулаад явж байвал уг нь үүн шиг хэрэгтэй юм байхгүй.
Япончууд өөрсдийн шашин, шашны бурхад өв соёлоо анимэ, киногоор дамжуулж дэлхийд сурталчилж, өөрсдөө ч ашиг олонгоо бас давхар Японыг алдартай болгож байна шд. Бидэнд өв соёлын бодлого хэрэгтэй.
Кино, анимэ, тоглоомоороо зөвхөн Монголын онцлогтой соёлоо сурталчилж байвал.