Kano State Consumer Protection Council

Kano State Consumer Protection Council Protecting Consumers Interest

KCPC TA DUBA INGANCI DA NAUYIN JARKOKIN MAN GIRKI A KASUWAR GALADIMAHukumar Kare Haƙƙin Masu Sayayya ta Jihar Kano (KCPC...
26/09/2026

KCPC TA DUBA INGANCI DA NAUYIN JARKOKIN MAN GIRKI A KASUWAR GALADIMA

Hukumar Kare Haƙƙin Masu Sayayya ta Jihar Kano (KCPC) ta gudanar da aikin duba inganci da nauyin jarkokin man girki da wasu ’yan kasuwa ke sayarwa a Kasuwar Galadima da ke Kano.

An gudanar da aikin ne domin tabbatar da cewa ana bin ƙa’idoji da dokokin da s**a shafi kare haƙƙin masu sayayya, tare da duba tsaftar wuraren da ake gudanar da sana’ar, domin kare lafiyar al’umma.

Da yake jawabi, Sakataren Zartarwar Hukumar, Dr. Ibrahim G. Muhammad , ya bayyana cewa Hukumar za ta ci gaba da yin duk mai yiwuwa wajen tabbatar da kare haƙƙin masu sayayya da kuma tabbatar da cewa kayayyakin da ake sayarwa suna da inganci.

Ya buƙaci al’umma da su riƙa sanya ido tare da kula da dukkan kayayyakin da suke saya, musamman kayayyakin abinci, yana mai cewa rashin kulawa daga masu sayayya na iya ba da dama ga wasu ’yan kasuwa marasa gaskiya su gurɓata ko su sauya ingancin kayayyaki.

Dr. Ibrahim Garba Muhammad ya kuma yabawa Gwamnatin Jihar Kano bisa irin goyon baya da gudunmawar da take bai wa Hukumar wajen tabbatar da kare haƙƙin masu sayayya da kuma ɗaukar matakan da s**a dace kan duk wani laifi da ya shafi masu sayayya.

A ƙarshe, ya ja hankalin masu harkar man girki da su marawa Hukumar baya wajen yaƙi da gurbatattun kayayyaki da kuma bin ƙa’idojin da aka gindaya, domin kare lafiyar al’ummar Jihar Kano.

Daga:
Jamilu Mustapha Yakasai
Daraktan Wayar da Kai na Hukumar KCPC

KCPC TA SAKE ZIYARTAR KASUWAR ’YAN LEMO DOMIN BIBIYAR GYARAN DA AKA BA SUA kokarin da Hukumar Kare Haƙƙin Masu Sayayya t...
25/09/2026

KCPC TA SAKE ZIYARTAR KASUWAR ’YAN LEMO DOMIN BIBIYAR GYARAN DA AKA BA SU

A kokarin da Hukumar Kare Haƙƙin Masu Sayayya ta Jihar Kano (KCPC) ke yi na bibiyar matakan gyaran da take bayarwa ga ’yan kasuwa, Sakataren Zartarwa na Hukumar, Dr. Ibrahim G. Muhammad, ya sake kai ziyara Kasuwar ’Yan Lemo domin duba irin gyaran da aka samu, musamman kan umarnin da Hukumar ta bayar na dakatar da amfani da sinadaran kabaid da ake amfani da su wajen saurin nunar da kayan marmari.

Da yake jawabi a gaban shugabannin ƙungiyar, Dr. Ibrahim Garba Muhammad ya bayyana cewa bibiyar irin waɗannan kasuwanni bayan ba su umarnin gyara na da matuƙar muhimmanci, domin tabbatar da cewa an samu cikakken gyara tare da kiyaye haƙƙin masu sayayya.

Ya ja hankalin shugabannin ƙungiyar ’yan kayan marmari, musamman masu sayar na ’yan lemo, da su tabbatar da cewa sun guji amfani da duk wani sinadari wajen saurin nunar da kayan marmari, yana mai cewa yin hakan ya saba wa ƙa’idoji da dokokin kare haƙƙin mai saye.

Ya kuma tabbatar musu da cewa Hukumar a shirye take ta taimaka wa ƙungiyar wajen tabbatar da bin doka, musamman idan aka samu wani daga cikin mambobin da ya ƙi bin umarnin da aka bayar na daina amfani da sinadain na kabaid

A nasa jawabin, Shugaban Ƙungiyar Masu Sayar da Kayan Marmari na ’Yan Lemo, Malam Safiyanu Abdullahi, ya bayyana jin daɗinsa kan ziyarar da Hukumar ta sake kai musu, yana mai cewa kasancewar jami’an Hukumar a kasuwarsu zai taimaka wajen ƙarfafa ƙungiyar a yaƙi da amfani da sinadaran da ba su dace ba.

Malam Safiyanu ya kuma jaddada cewa mambobin ƙungiyar suna ƙoƙarin kauce wa amfani da duk wani sinadari wajen saurin nunar da kayan marmari. Ya ce idan s**a k**a wani da ke amfani da irin waɗannan sinadarai, a shirye suke su miƙa shi ga Hukumar domin ɗaukar matakin da ya dace.

A ƙarshe, ya gode wa Gwamnatin Jihar Kano da Hukumar KCPC bisa ƙoƙarin da suke yi na yaƙi da gurbatattun kayayyaki da kuma kare lafiyar masu sayayya a jihar Kano.

Daga:
Jamilu Mustapha Yakasai
Daraktan Wayar da Kai na Hukumar KCPC

KCPC TA SASANTA RIKICI TSAKANIN KAMFANIN BAJAJ DA MATUKIN ADAIDAITA SAHU KAN BATUN GARANTIN KAYANHukumar Kare Haƙƙin Mas...
24/09/2026

KCPC TA SASANTA RIKICI TSAKANIN KAMFANIN BAJAJ DA MATUKIN ADAIDAITA SAHU KAN BATUN GARANTIN KAYAN

Hukumar Kare Haƙƙin Masu Sayayya ta Jihar Kano (KCPC) ta shiga tsakani tare da sasanta wani rikici tsakanin kamfanin BAJAJ da wani matukin Adaidaita Sahu, biyo bayan ƙorafin da matukin ya shigar kan wata matsala da ta taso a babur ɗin da ya saya.

Lamarin ya faru ne bayan wani matukin Adaidaita Sahu mai suna Tasi’u Musa ya sayi babur ɗin BAJAJ da nufin amfani da shi wajen gudanar da aikinsa na ɗan lokaci ba tare da fuskantar matsala ba. Sai dai, ba da jimawa ba ya fara fuskantar matsala, duk da cewa babur ɗin na ɗauke da garanti (Guarantee) daga kamfanin.

Bayan samun ƙorafin, KCPC ta gayyaci wakilan kamfanin BAJAJ domin tabbatar da gaskiyar lamarin da kuma nemo mafita ga matsalar.
Bayan tattaunawa tsakanin ɓangarorin, an cimma matsaya da ta kai ga gyara da kuma tallafa wa matukin, domin ya samu damar ci gaba da gudanar da aikinsa.

Da yake jawabi a madadin kamfanin BAJAJ, Mal. Idris Ibrahim Yusuf, ya bayyana cewa kamfanin a shirye yake ya karɓi duk wata buƙata da ta shafi haƙƙin masu sayen kayayyakinsa, tare da tabbatar da cewa za a ɗauki matakan da s**a dace domin kauce wa sake faruwar irin wannan matsala.

Tunda farko anasa jawabin SakatarenHukumar ta KCPC ya jaddada muhimmancin masu sayayya su san haƙƙoƙinsu, musamman dangane da garanti, ingancin kaya da kuma damar neman mafita idan kayan da aka saya s**a samu matsala

Dr Ibrahim Garba ya kuma Godewa kamfanin BAJAJ Bisa fahimta da karbar Gyara da su kayi tare da bukatar kaucewa faruwar haka anan Gaba

Daga
Jamil mustapha yakasai
Darakatan wayar da kai na Hukumar

KCPC INSPECTS BOTTLED WATER AND CHILDREN’S DRINK MANUFACTURING COMPANIES IN SHARADAThe Kano State Consumer Protection Co...
22/09/2026

KCPC INSPECTS BOTTLED WATER AND CHILDREN’S DRINK MANUFACTURING COMPANIES IN SHARADA

The Kano State Consumer Protection Council (KCPC) has conducted an inspection visit to some manufacturing companies located in the Sharada area of Kano State, including companies engaged in the production of bottled water and children’s drinks commonly consumed by schoolchildren.

The inspection was carried out as part of the Council’s ongoing efforts to ensure that products manufactured and supplied to consumers comply with relevant laws, regulations, and required safety and quality standards.

During the visit, officials of the Council assessed the equipment and facilities being used by the companies, as well as the production processes and other requirements that must be met before such products are introduced into the market.

The Council called on the
manufacturers to ensure that their products are safe, properly produced, and compliant with all applicable regulatory requirements.

The inspection is also aimed at strengthening consumer protection, preventing the circulation of substandard or unsafe products, and safeguarding the health and interests of consumers across the State

Signed:
Jamilu Mustapha Yakasai
Director, Public Enlightenment
22-9-2026

KCPC Ta Karɓi Baƙuncin Shugaban Hukumar Tattara Haraji ta Jihar Kano (KIRS)Hukumar Kare Haƙƙin Masu Sayayya ta Jihar Kan...
17/09/2026

KCPC Ta Karɓi Baƙuncin Shugaban Hukumar Tattara Haraji ta Jihar Kano (KIRS)

Hukumar Kare Haƙƙin Masu Sayayya ta Jihar Kano (KCPC), ƙarƙashin jagorancin Sakataren Hukumar, Dr. Ibrahim Garba Muhammad, ta karɓi baƙuncin Shugaban Hukumar Tattara Haraji ta Jihar Kano (KIRS), Alhaji Bashir Maitama, a ofishinsa.

Ziyarar ta kasance ta sada zumunci da kuma ƙarfafa alaƙa da haɗin gwiwa tsakanin hukumomin biyu, domin inganta ayyukan da s**a shafi ci gaban jihar da kuma jin daɗin al’ummar Kano.

A yayin ziyarar, shugabannin hukumomin biyu sun tattauna kan muhimman batutuwa da s**a shafi haɗin gwiwa da musayar ra’ayoyi wajen inganta ayyukansu.

Daga
Daraktan Wayar da Kai na Hukumar
Jamilu mustapha yakasai

Kungiyar Masu Flavour Ta Kano Ta Ba da Tabbacin Kaucewa Amfani ko Siyar da Gurbatattun FlavourKungiyar masu sana’ar Flav...
14/09/2026

Kungiyar Masu Flavour Ta Kano Ta Ba da Tabbacin Kaucewa Amfani ko Siyar da Gurbatattun Flavour

Kungiyar masu sana’ar Flavour ta Jihar Kano ta ba da tabbacin samar da kayayyaki masu inganci tare da kaucewa amfani ko siyar da gurbataccen Flavour a kasuwannin Jihar Kano.

Shugaban kungiyar, Malam Abubakar Isah, ne ya bayyana hakan yayin da Hukumar Kare Haƙƙin Masu Saye ta Jihar Kano (KCPC) ta gayyaci shugabancin kungiyar domin tattaunawa kan shirye-shiryen da Hukumar ke yi na fara sa ido da bincike a kasuwanni, da nufin gano tare da kawar da gurbatattun kayayyaki.

Ya ƙara da cewa kungiyar za ta ci gaba da haɗa kai da Hukumar wajen wayar da kan mambobinta game da illolin amfani ko siyar da Flavour wanda wa’adin amfani da shi ya ƙare ko kuma wanda ba shi da rajista daga hukumomin da abin ya shafa.

A nasa jawabin, Sakataren Zartarwar Hukumar KCPC, Dr. Ibrahim G. Muhammad ya bayyana cewa Hukumar ta gayyaci kungiyar ne domin ƙara haɗa ƙarfi da ƙarfi wajen yaƙi da kayayyakin da ka iya cutar da lafiyar al’umma.

Dr. Ibrahim ya kuma ba kungiyar tabbacin cewa Hukumar na shirin gudanar da sahihin bincike da sa ido a kasuwanni domin gano gurbatattun kayayyaki.

Ya ce wannan ne dalilin da ya sa Hukumar ta gayyaci shugabancin kungiyar, domin su sanar da mambobinsu tare da tabbatar da cewa ana bin ƙa’idoji da dokokin da s**a dace.

Ya godewa kungiyar bisa haɗin kai da goyon bayan da suke bai wa Hukumar wajen kare haƙƙin masu saye, yana mai cewa irin wannan haɗin kai yana taimakawa wajen cimma manufofin Hukumar da tabbatar da bin ƙa’idoji da dokokin kare masu amfani da kayayyaki a jahar kano

Daga:
Daraktan Wayar da Kai na Hukumar
Jamilu Mustapha Yakasai

Kungiyar Masu Sayar da Taba Sigari Ta Kano Ta Yi Alkawarin Yin Aiki Tare da KCPCKungiyar Masu Sayar da Taba Sigari ta Ji...
11/09/2026

Kungiyar Masu Sayar da Taba Sigari Ta Kano Ta Yi Alkawarin Yin Aiki Tare da KCPC

Kungiyar Masu Sayar da Taba Sigari ta Jihar Kano ta yi alkawarin yin aiki kafada da kafada da Hukumar Kare Haƙƙin Masu Saye ta Jihar Kano (KCPC), domin tabbatar da bin dokoki da ƙa’idojin da s**a shafi yadda ake sayar da taba sigari ga al’umma.

Da yake jawabi yayin wata ganawa da Hukumar ta gayyaci kungiyar, Shugaban kungiyar na Jihar Kano, Alhaji Ayuba Goza, ya bayyana cewa dukkanin ka’idoji da dokokin da s**a shafi sayar da taba sigari suna kunshe a jikin kwalayen taba.

Sai dai ya ce a wasu lokuta suna fuskantar matsaloli sak**akon jinkirin da ake samu wajen kai musu kayan taba daga wuraren da s**a saya, wanda hakan kan iya haifar da wasu matsaloli.

Alhaji Ayuba Goza ya yi alkawarin hada kai da sauran mambobin kungiyar domin tabbatar da ci gaba da kiyaye dukkanin ka’idoji da dokokin da s**a shafi sayar da taba sigarin a jahar kano

A nasa jawabin, Sakataren Zartarwar Hukumar Kare Haƙƙin Masu Saye ta Jihar Kano, Dr. Ibrahim Garba Muhammad, ya bayyana cewa doka ta haramta sayar da taba sigari ga yara ‘yan kasa da shekaru 18.

Ya kuma jaddada muhimmancin wayar da kan jama’a game da illolin taba sigari, da kuma tabbatar da cewa ana bin ka’idojin da s**a shafi bayanan da ke jikin kwalin taba, ciki har da wa’adin amfani da ita.

Dr. Ibrahim ya gode wa shugabancin kungiyar bisa amsa gayyatar da Hukumar ta yi musu, yana mai cewa KCPC za ta ci gaba da sa ido kan yadda ake sayar da taba sigari a fadin Jihar Kano, domin tabbatar da bin doka da kuma kare lafiyar al’umma

Daga:
Jamilu Mustapha Yakasai
Daraktan Wayar da Kai na Hukumar KCPC

KCPC TA RUFE SHAGON MAGANIN GARGAJIYA A ZOO ROAD MAI SUNA KASHIFUL ALIMHukumar Kare Haƙƙin Masu Saye ta Jihar Kano (KCPC...
11/09/2026

KCPC TA RUFE SHAGON MAGANIN GARGAJIYA A ZOO ROAD MAI SUNA KASHIFUL ALIM

Hukumar Kare Haƙƙin Masu Saye ta Jihar Kano (KCPC) ta samu nasarar rufe wani shagon maganin gargajiya mai suna Kashiful Alim, da ke kan Zoo Road, Kano

Wannan mataki ya biyo bayan wani ƙorafi da wani ɗan ƙasa ya shigar wa Hukumar, inda a halin yanzu jami’an Hukumar ke gudanar da cikakken bincike domin gano gaskiyar lamarin
Hukumar za ta sanar da al’umma halin da binciken yake ciki da zarar an kammala

Jamilu mustaph yakasai
DPE Consumer

09/09/2026

DAGA KCPC
8/9/2026

KCPC Ta Sasanta Rikicin Tsakanin Choice Air Cargo da Wani Dan Kasuwa

Hukumar Kare Haƙƙin Masu Saye ta Jihar Kano (KCPC) ta samu nasarar sasanta wani rikici da ya taso tsakanin kamfanin safarar kaya daga ƙasashen waje mai suna Choice Air Cargo da wani ɗan kasuwa, Alhaji Shuaibu Muhammad Sale.

Rikicin ya samo asali ne sak**akon sauya tsarin jigilar kayan da aka yi, wanda ya sabawa yarjejeniyar farko da aka kulla tsakanin kamfanin da ɗan kasuwar.

Da yake ƙarin bayani, Alhaji Shuaibu Muhammad Sale ya bayyana cewa ya sayo wasu kaya daga ƙasar China domin a kawo su Najeriya, inda kamfanin Choice Air Cargo ya ba shi tabbacin cewa za a kawo kayan ne ta jirgin sama, kuma aikin ba zai wuce makonni biyu ba.
Sai dai, a cewarsa, lamarin bai kasance yadda aka tsara ba, domin kayan sun shafe kusan watanni uku kafin su iso, sannan daga baya ya gano cewa an kawo su ne ta jirgin ruwa. Hakan ya haifar da rashin fahimta tsakaninsa da kamfanin, musamman kan kuɗin jigilar kayan.

Shi ma da yake nasa jawabin, wakilin kamfanin a gaban Hukumar,
Malam Kabir Muhammad, ya bayyana cewa matsalar ta samo asali ne sak**akon wasu ƙalubalen da kamfanin ya fuskanta wajen jigilar kayan. Sai dai ya amince cewa an samu kuskure, tare da tabbatar wa Hukumar cewa kamfanin zai biya kuɗin jigilar kayan bisa tsarin kuɗin jigilar kaya ta jirgin ruwa.

Da yake jawabi tun da farko, Sakataren Zartarwar Hukumar, Dr. Ibrahim Garba Muhammad, ya bayyana cewa sasanta rikice-rikicen da ke tsakanin masu saye da ’yan kasuwa na daga cikin muhimman ayyukan Hukumar. Ya ce idan sulhu ya gagara, Hukumar kan ɗauki matakin tura batun zuwa kotu domin tabbatar da adalci.

Dr. Ibrahim ya gode wa kamfanin Choice Air Cargo bisa fahimta da haɗin kai da s**a nuna wajen warware matsalar, tare da jan hankalinsu da sauran ’yan kasuwa da su kiyaye dokoki da ƙa’idojin da Hukumar ta gindaya domin kare haƙƙin masu sayen kayayyaki a Jihar Kano.

Ya kuma yi kira ga al’umma da daidaikun mutane da su ci gaba da mara wa Hukumar baya wajen yaƙi da duk wani abu da ka iya tauye haƙƙin masu sayen kayayyaki, domin inganta harkokin kasuwanci da ɗaukaka martabar Jihar Kano

Sign
Jamilu Mustapha yakasai
Daraktan Wayar da Kai na Hukumar ta KCPC

Aci gaba da tabbatar da cewa ƙarfin wutar da ke jikin kwalayen Solar panel ya yi daidai da abin da suke samarwa ga Alum...
07/09/2026

Aci gaba da tabbatar da cewa ƙarfin wutar da ke jikin kwalayen Solar panel ya yi daidai da abin da suke samarwa ga Alumma

Sakataren Zartarwar Hukumar, Dr. Ibrahim Garba Muhammad, yau ma ya jagoranci ci gaba da gwaje-gwajen, domin tabbatar da cewa masu saye suna samun kayayyakin da s**a dace da bayanan da aka bayyana musu a jikin kwalayen.

Wannan mataki na daga cikin ƙoƙarin Hukumar na kare haƙƙin masu saye, da tabbatar da gaskiya, inganci da bin ƙa'idojin kasuwanci.

KCPC na tabbatar wa al’umma cewa za ta ci gaba da sa ido tare da daukar matakan da s**a dace domin kare masu Hakkokin su

Hukumar ta fara bincike kan korafe-korafen da s**a shafi bambancin ƙarfin wutar da aka rubuta a jikin Solar Panels da kuma ainihin ƙarfin da suke Samarwa

Daga:
Jamilu Mustapha Yakasai
Daraktan Wayar da Kai

Address

Kano

Website

Alerts

Be the first to know and let us send you an email when Kano State Consumer Protection Council posts news and promotions. Your email address will not be used for any other purpose, and you can unsubscribe at any time.

Shortcuts

Share

Category