Siyasa Me Zafi

"𝙎𝙖𝙗𝙪𝙬𝙖𝙧 𝘼𝙢𝙖𝙧𝙮𝙖 𝙖 𝙎𝙞𝙮𝙖𝙨𝙖: 𝘼𝘿𝘾 𝙣𝙖 𝙎𝙝𝙞𝙧𝙞𝙣 𝙅𝙪𝙮𝙖𝙧 𝙙𝙖 𝙈𝙪𝙡𝙠𝙞𝙣 𝘼𝙋𝘾!"

A cewar rahoton Daily Trust, jam’iyyar African Democratic Congress (ADC) na shirin zama cibiyar haɗin gwiwar jam’iyyun adawa domin fuskantar Shugaba Bola Ahmed Tinubu a zaɓen shugaban ƙasa na shekarar 2027.

Shugaban ƙasa na jam’iyyar ADC, Dr. Ralphs Okey Nwosu, ya bayyana cewa jam’iyyar ta zama sabuwar amarya a siyasar Najeriya, inda wasu manyan jam’iyyun adawa ke kallon ta a matsayin tushe na haɗin gwiwa don ƙarfafa adawa a zaɓen 2027.

A wani yunkuri na ƙarfafa wannan haɗin gwiwa, jam’iyyar ADC ta haɗu da ƙungiyar Coalition for Democratic Mandate (COPDEM), tare da niyyar kafa wata babbar haɗin gwiwa da za ta haɗa mambobi miliyan 20 kafin zaɓen 2027.

Wannan ci gaba na zuwa ne a daidai lokacin da wasu manyan 'yan siyasa kamar Atiku Abubakar da Peter Obi ke jagorantar yunkurin kafa haɗin gwiwar jam’iyyun adawa domin fuskantar jam’iyyar APC a zaɓen mai zuwa.

A gefe guda kuma, wasu 'yan siyasa kamar Sanata Ali Ndume sun bayyana cewa wannan haɗin gwiwar jam’iyyun adawa ya kamata ya zama abin damuwa ga Shugaba Tinubu, duba da yadda adawa ke ƙoƙarin ƙarfafa kansu kafin zaɓen 2027.

Sai dai, wasu ƙungiyoyi masu goyon bayan Shugaba Tinubu sun soki wannan haɗin gwiwa, suna masu cewa yunkurin kawar da Shugaba Tinubu daga mulki ba zai yi nasara ba.

A halin yanzu, ana ci gaba da tattaunawa tsakanin jam’iyyun adawa domin ƙarfafa haɗin gwiwa da kuma fitar da ɗan takara guda da zai iya fuskantar Shugaba Tinubu a zaɓen 2027.

𝐙𝐀𝐁𝐄𝐍 𝟐𝟎𝟐𝟕: 𝐖𝐀 𝐍𝐄 𝐙𝐀𝐈 𝐈𝐘𝐀 𝐃𝐎𝐊𝐄 𝐓𝐈𝐍𝐔𝐁𝐔?

Zaben shugaban kasa na 2027 yana karatowa da sauri. Bayan kusan shekara guda da Bola Ahmed Tinubu ke mulki, mutane da dama sun fara tambaya:
𝐒𝐡𝐢𝐧 𝐚𝐤𝐰𝐚𝐢 𝐰𝐚𝐧𝐢 ɗ𝐚𝐧 𝐬𝐢𝐲𝐚𝐬𝐚 𝐝𝐚 𝐳𝐚𝐢 𝐢𝐲𝐚 𝐤𝐚𝐫ɓ𝐞 𝐦𝐮𝐥𝐤𝐢 𝐝𝐚𝐠𝐚 𝐡𝐚𝐧𝐧𝐮𝐧𝐬𝐚?

Ga wasu daga cikin manyan sunaye da ake hango za su iya kalubalantar Tinubu:

1. 𝐀𝐭𝐢𝐤𝐮 𝐀𝐛𝐮𝐛𝐚𝐤𝐚𝐫
Tsohon mataimakin shugaban kasa. Ya tsaya takara fiye da sau biyar, kuma yana da magoya baya musamman a Arewa.
𝐊𝐚𝐥𝐮𝐛𝐚𝐥𝐞: Yawan shekaru da gajiya daga fafatawa da bai kai ga nasara ba.

2. 𝐏𝐞𝐭𝐞𝐫 𝐎𝐛𝐢
Tsohon gwamnan Anambra da ɗan takarar Labour Party a 2023. Ya samu goyon bayan matasa da masu neman sauyi.
𝐊𝐚𝐥𝐮𝐛𝐚𝐥𝐞: Karancin tasiri a jihohin Arewa da rashin tsayayyen gungu na jam’iyya.

3. 𝐑𝐚𝐛𝐢𝐮 𝐌𝐮𝐬𝐚 𝐊𝐰𝐚𝐧𝐤𝐰𝐚𝐬𝐨
Jagoran Kwankwasiyya. Yana da karfi a Kano da wasu sassa na Arewa.
𝐊𝐚𝐥𝐮𝐛𝐚𝐥𝐞: Jam’iyyarsa NNPP ba ta da karfi sosai a wasu yankuna na ƙasar.

4. 𝐒𝐚𝐛𝐛𝐢𝐧 𝐟𝐮𝐬𝐤𝐨𝐤𝐢
Shin akwai sabuwar fuska da zata iya bayyana? Wani dan siyasa mai tsafta, karfin magana, da hadin kan jama'a daga kowane yanki?

𝐀𝐦𝐦𝐚 𝐓𝐢𝐧𝐮𝐛𝐮 𝐟𝐚?
Duk da ƙorafe-ƙorafe kan tsadar rayuwa da matsalolin tattalin arziki, yana da ikon gwamnati da tallafin jiga-jigai da gwamnoni.
Shin zai sake lashe zabe?

---

𝐓𝐚𝐦𝐛𝐚𝐲𝐨𝐲𝐢 𝐆𝐚 𝐌𝐚𝐬𝐮 𝐊𝐚𝐫𝐚𝐭𝐮:

Kuna ganin wa ne zai iya fuskantar Tinubu da gaske?

Kuna ganin Peter Obi ko Kwankwaso na da wata dama a 2027?

Ko kuwa wata sabuwar fuska ce za ta zo ta girgiza siyasar Najeriya?

𝐊𝐮 𝐛𝐚𝐲𝐲𝐚𝐧𝐚 𝐫𝐚’𝐚𝐲𝐢𝐧𝐤𝐮 𝐚 𝐜𝐨𝐦𝐦𝐞𝐧𝐭𝐬. 𝐊𝐮yi Share 𝐩𝐨𝐬𝐭 ɗ𝐢𝐧 𝐧𝐚𝐧 𝐝𝐨𝐧 𝐦𝐮 𝐣𝐢 𝐫𝐚’𝐚𝐲𝐨𝐲𝐢𝐧 𝐣𝐚𝐦𝐚’𝐚 𝐝𝐚𝐠𝐚 𝐤𝐨𝐰𝐚𝐧𝐞 𝐲𝐚𝐧𝐤𝐢.𝐒𝐢𝐲𝐚𝐬𝐚𝐫 𝐍𝐚𝐣𝐞𝐫𝐢𝐲𝐚 𝐟𝐚, 𝐦𝐞 𝐳𝐚𝐟𝐢 𝐜𝐞!