APC Social Media Organisation Katsina State

Call Contact the organization

APC Social Media Organisation Katsina State All Progress Congresses

Gwamna Radda Ya Ƙaddamar da Tsarin Sauyin Yanayin Jihar Katsina Na 2025- 2030Gwamnan Jihar Katsina, Malam Dikko Umaru Ra...
21/10/2026

Gwamna Radda Ya Ƙaddamar da Tsarin Sauyin Yanayin Jihar Katsina Na 2025- 2030

Gwamnan Jihar Katsina, Malam Dikko Umaru Radda, ya ƙaddamar da Manufar Sauyin Yanayi ta Jihar Katsina da littafin tarihin nasarorin gwamnatin sa a fannin kare muhalli, tare da bayyana samar da makamashi na zamani na sama da megawatt 30, a wani ɓangare na shirin cimma megawatt 70 nan da shekarar 2031.

Gwamnan ya bayyana hakan ne a taron sauyin yanayi karo na biyu kan ayyukan sauyin yanayi da zuba jari a fannin muhalli na shekarar 2026, wanda aka gudanar a Transcorp Hotel, Abuja ranar Laraba, 21 ga Oktoba, 2026.

Ya bayyana cewa manufar sauyin yanayin za ta taimaka wajen shigar da batutuwan kare muhalli cikin tsare-tsaren ci gaba da kasafin kuɗi, da ƙarfafa haɗin gwiwar hukumomi, tare da samar da hanyoyin samo jarin da zai taimaka wajen yaƙi da sauyin yanayi.

Gwamna Radda ya kuma bayyana shirin Katsina One Tree Initiative, wanda ke da burin dasawa da kula da bishiyoyi miliyan 11 zuwa shekarar 2030, inda za'a dasa bishiyoyi miliyan biyu kafin ƙarshen shekarar 2026.

Haka kuma, ya bayyana cewa gwamnatinsa ta zuba sama da naira biliyan 7.6 wajen samar da fitilu masu amfani da hasken rana a kan tituna masu tsawon kusan kilomita 100, don inganta tsaro da bunƙasa amfani da makamashi.

Gwamnan ya jaddada cewa nasarar yaƙi da sauyin yanayi na buƙatar haɗin gwiwar gwamnati, masu zuba jari, abokan ci gaba, masana da al'umma, yana mai cewa manufar ita ce samar da sakamakon da zai inganta rayuwar jama'a tare da kare muhalli ga al'ummomi masu zuwa.

A yayin taron, an kuma ƙaddamar da kyautuka na musamman ga ɗalibai da s**a yi nasara a shirin kula da dashen Itatuwa "Green Prize for Students", domin ƙarfafa ɗalibai su ƙara fahimtar ƙalubalen sauyin yanayi tare da samar da sabbin dabarun kare muhalli.

A nasa jawabin, Mai Ba Gwamna Shawara kan Sauyin Yanayi, Farfesa Alamin Mohammed, ya ce taron ya nuna ƙudirin gwamnatin Katsina na inganta kare muhalli, bunƙasa makamashi na zamani da kuma shigar da matasa cikin ayyukan magance sauyin yanayi.

Shugaban Kwamitin Sauyin Yanayi na Majalisar Wakilai, Hon. K**a Nkemkanma, da Ministan Fasaha, Al'adu, Yawon Buɗe Ido da Bunƙasa Sana'o'in Zamani, Barista Hannatu Musa Musawa, sun yaba da matakan da gwamnatin Katsina ke ɗauka, tare da jaddada muhimmancin samar da jari da aiwatar da tsare-tsaren kare muhalli yadda ya kamata.

Wakilin Majalisar Ɗinkin Duniya, Ashraf Usman, shi ma ya yaba da ƙoƙarin jihar, yana mai buƙatar ƙarfafa haɗin gwiwa wajen bunƙasa makamashi mai tsafta, noma mai jure sauyin yanayi da farfaɗo da muhalli.

Taron ya samu halartar manyan baki daga sassa daban daban na fadin Nigeria.

MS Ingawa
SSA, Media & Strategy
Katsina State Government

October 21, 2026.

MashaAllahu Congratulation DG APC Social Media Organisation Katsina State Hon Saifullahi Nuhu As Member of the Directora...
21/10/2026

MashaAllahu Congratulation DG APC Social Media Organisation Katsina State Hon Saifullahi Nuhu

As Member of the Directorate Of Youths Mobilization of the Tinibu/Dikko Campaign Council.

Hukumar UNICEF Ta Yaba Ma Gwamnatin Katsina Kan Tsare-tsare Masu Kyau Domin Inganta Lafiyar YaraGwamnatin Jihar Katsina ...
21/10/2026

Hukumar UNICEF Ta Yaba Ma Gwamnatin Katsina Kan Tsare-tsare Masu Kyau Domin Inganta Lafiyar Yara

Gwamnatin Jihar Katsina tare da haɗin gwiwar UNICEF sun amince da kafa tsarin haɗin gwiwa domin aiwatar da shirin tallafa wa yara (Universal Child Benefit), da nufin rage matsalar tamowa, rashin zuwa makaranta da ƙarancin abinci a gidaje.

An cimma matsayar ne yayin da Gwamna jihar Malam Dikko Umaru Radda ya karɓi tawagar UNICEF ƙarƙashin jagorancin Shugaban Ofishin UNICEF na shiyyar Kano, Shafeeq UrRehman, a Gidan Gwamnatin Katsina.

Shirin zai haɗa da tallafin kuɗi ga iyalai masu rauni, noman lambuna a gida, bunƙasa harkokin noma, dawo da yara makaranta da sauran hanyoyin kare jin daɗin al’umma.

UNICEF ta yaba da ƙoƙarin gwamnatin jihar wajen ƙara zuba jari a harkokin lafiyar yara cikin shekaru uku da s**a gabata, tare da bayyana Katsina a matsayin abin koyi wajen shirye-shiryen da s**a shafi yara.

Bangarorin biyu sun kuma amince da kafa kwamitin ƙwararru da zai tsara yadda za a aiwatar da shirin da kuma samar da tsarin kuɗaɗen gudanar da shi.

Gwamna Radda Ya Ƙaddamar da Shirin Tallafin Fara Kasuwanci Ga Ɗalibai Na Katsina Graduate Entrepreneurship Fund (KGEF)Gw...
20/10/2026

Gwamna Radda Ya Ƙaddamar da Shirin Tallafin Fara Kasuwanci Ga Ɗalibai Na Katsina Graduate Entrepreneurship Fund (KGEF)

Gwamnan Jihar Katsina, Malam Dikko Umaru Radda, ya jaddada aniyar gwamnatin sa na ci gaba da tallafa wa ɗalibai, waɗanda s**a kammala karatu da matasa masu fasahar ƙirƙire-ƙirƙire, ta hanyar faɗaɗa damar karatu, horar da sana’o’i da bunƙasa harkokin kasuwanci.

Gwamnan ya bayyana hakan ne a ranar Talata, yayin bikin rufe makon ɗalibai na farko na Jihar Katsina da raba kyaututtuka, wanda aka gudanar a Jami’ar Umaru Musa Yar’Adua da ke Katsina, ƙarƙashin Ofishin Mataimaki na Musamman ga Gwamna kan Harkokin Ɗalibai, Hon. Muhammad Nuhu Nagaske, wanda Ɗalibai daga manyan makarantu 55 s**a halarta.

A yayin taron, Gwamna Radda ya buƙaci malamai, farfesoshi da masu bincike yan asalin Katsina da su kafa ƙungiya da za ta taimaka wa gwamnati da shawarwari da bincike domin magance ƙalubalen da ke fuskantar jihar.

Gwamnan ya kuma bayyana cewa sama da mutum 360 da s**a kammala karatu suna samun horo kan noma da kasuwancin noma a cibiyar Songhai, inda gwamnati ke shirin faɗaɗa shirin zuwa kusan mutum 1,000, a fannoni da s**a haɗa da kiwon kaji, kiwon kifi da sarrafa kayan amfanin gona.

Ya kuma ce a wani mataki na rage zaman banza da rashin aikin yi bayan kammala karatu, gwamnatin jihar ta shirya tallafa wa matasan da s**a kammala karatu horo tare da basu tallafi ta hannun Hukumar Bunƙasa Kasuwanci ta Jihar Katsina (KASEDA), domin su samu damar fara sana’o’in dogaro da kai ƙarƙashin shirin (KGEF)

Tuni aka kammala tantance ɗaliban da za su amfana da shirin, wanda zai ba su damar amfani da ƙwarewar da s**a samu wajen kafa sana’o’i da bunƙasa ƙananan kasuwancinsu, maimakon dogaro da neman aikin gwamnati kaɗai.

A nasa jawabin, Mataimaki na Musamman ga Gwamna kan Harkokin Ɗalibai, Hon. Muhammad Nuhu Nagaske, ya yaba wa Gwamna Radda bisa goyon bayan da yake bai wa ɗalibai da matasa masu fasahar ƙirƙire-ƙirƙire, musamman amincewa da tallafin ₦500,000 ga masu ƙirƙire-ƙirƙire da s**a halarci taron a cibiyar Kano.

Shugaban kwamitin shirya taron, Hon. Lawal Rufa’i Safana, ya buƙaci gwamnati ta mayar da makon ɗalibai shiri na shekara-shekara domin bunƙasa ilimi, haɗin kai da ƙwarewar matasa.

MS Ingawa
SSA, Media & Strategy
Katsina State Government

October 20, 2026.

Gwamna Radda Ya Sanar da Ƙaddamar da Kotunan Zamani A Jihar Katsina Gwamnan Jihar Katsina Malam Dikko Umaru Radda, ya sa...
20/10/2026

Gwamna Radda Ya Sanar da Ƙaddamar da Kotunan Zamani A Jihar Katsina

Gwamnan Jihar Katsina Malam Dikko Umaru Radda, ya sanar da shirin zamanantar da tsarin shari’a ta hanyar amfani da fasahar zamani, gudanar da zaman kotuna ta yanar gizo, inganta samar da wutar lantarki da kuma ƙarfafa jin daɗin ma’aikatan shari’a.

Gwamnan ya bayyana hakan ne yayin buɗe taron shekara na shari'a (Legal Year) 2026/2027 na Babbar Kotun Jihar Katsina, inda ya sake jaddada aniyar gwamnatin sa na tabbatar da yancin kai a ɓangaren shari’a da kuma hanzarta gudanar da shari’a cikin adalci.

Ya bayyana cewa an amince da shirin sanya tsarin shari’a cikin na'ura mai kwakwalwa (Computer), tare da gudanar da zaman kotuna ta yanar gizo a hedikwatar Babbar Kotun da rassanta na Funtua, Daura, Malumfashi da Dutsin-Ma. Haka kuma, an fara sanya na’urorin samar da wutar lantarki ta hasken rana a hedikwatar kotun.

Gwamna Radda ya kuma bayyana matakan inganta jin daɗin alkalai, ciki har da samar musu da filayen gine-gine da alawus na musamman, tare da shirye-shiryen sabunta motocin aiki da samar da rancen motoci ga alkalai da sauran jami’an shari’a.

A nasa jawabin, Babban Alkalin Jihar Katsina, Mai Shari’a Musa Danladi Abubakar, ya bayyana cewa kotunan jihar sun karɓi shari’o’i sama da 86,000 a shekarar shari’ar da ta gabata, inda kotunan shari’ar Musulunci s**a karɓi 59,291, kotunan majistare s**a karɓi 22,842, yayin da Babbar Kotun ta karɓi 3,667.

Ya kuma buƙaci ƙarin ɗaukar ma’aikata da gyaran hedikwatar Babbar Kotun domin inganta ayyukan shari’a a jihar.

A nasa ɓangaren, Babbar Lauyar Gwamnati kuma Kwamishiniyar Shari’a, Hajiya Fadila Mohammed Dikko, ta tabbatar da aniyar ma’aikatarta na ci gaba da haɗin gwiwa da bangaren shari’a wajen kare haƙƙin jama’a da tabbatar da bin doka da oda.

MS Ingawa
SSA, Media & Strategy
Katsina State Government

October 20, 2026.

Gwamna Radda Ya Yi Alkawarin Bai Wa Ƙungiyar Radda TikTokers Motar Bas, Ƙungiyar Tayi Alƙawarin Taimakawa Jam'iyyar APC ...
20/10/2026

Gwamna Radda Ya Yi Alkawarin Bai Wa Ƙungiyar Radda TikTokers Motar Bas, Ƙungiyar Tayi Alƙawarin Taimakawa Jam'iyyar APC A 2027

Gwamnan Jihar Katsina, Malam Dikko Umaru Radda, ya yi alkawarin samar da motar bas ga ƙungiyar Radda TikTokers Forum domin sauƙaƙa ayyukanta.

Gwamnan ya bayyana hakan ne lokacin da ya karɓi mambobin ƙungiyar da s**a gudanar da tattakin nuna goyon baya zuwa Gidan Gwamnatin jihar Katsina. Ya kuma jaddada aniyar gwamnatin sa na tallafa wa matasa da samar musu da damar koyon sana’o’i.

Tun da farko, shugabar ƙungiyar, Munirat Gwanda, ta tabbatar da aniyar mambobin ƙungiyar na tallafa wa Gwamna Radda a zaɓen 2027, tare da yin kira da a samar musu da motar bas da damar cin gajiyar shirye-shiryen koyon sana’o’i.

Taron ya samu halartar Shugaban Ma’aikatan gidan gwamnati, Hon. Abdulkadir Mamman Nasir, Kwamishinan Matasa da Wasanni, Injiniya Surajo Yazid, Mai Bawa Gwamna Shawara kan Harkokin Lantarki, Dr. Hafiz Ahmed, Shugaban gidauniyar Gwagware Alh. Yusuf Aliyu Musawa, da sauran su.

MS Ingawa
SSA, Media & Strategy
Katsina State Government

October 20, 2026.

Gwamna Radda Ya Jagoranci Tawagar Sanata Yari Ziyara zuwa Fadar Sarkin Katsina da DauraGwamnan Jihar Katsina, Malam Dikk...
20/10/2026

Gwamna Radda Ya Jagoranci Tawagar Sanata Yari Ziyara zuwa Fadar Sarkin Katsina da Daura

Gwamnan Jihar Katsina, Malam Dikko Umaru Radda, ya jagoranci Tawagar Daraktan Yaƙin Neman Zaɓen Shugaban ƙasa Bola Ahmed Tinubu, Sanata Abdul’aziz Abubakar Yari, zuwa fadojin Masu Martaba Sarakunan Katsina da Daura, Alhaji (Dr.) Abdulmumini Kabir Usman da Alhaji (Dr.) Umar Faruk Umar, domin neman goyon bayan masarautun da al’ummar jihar ga sake zaɓen Shugaba Tinubu a 2027.

Ziyarorin sun kasance wani ɓangare na shawarwarin da tawagar ke yi da sarakunan gargajiya da sauran masu ruwa da tsaki, yayin da Gwamna Radda ya jaddada goyon bayan Jihar Katsina ga jam’iyyar APC da gwamnatin Shugaba Tinubu.

Darakta janar na na yaƙin neman zaɓen Sanata Abdul'aziz Yari, ya isar da gaisuwar shugaban ƙasa ga al'ummomin masarautun na Katsina da Daura ya kuma nemi haɗin kai da neman goyon bayan al'ummar masarautun domin sake zaɓen Shugaban ƙasa Tinubu a zaɓen 2027.

A nasu ɓangaren, Sarakunan Katsina da Daura sun tarbi tawagar, tare da jaddada muhimmancin zaman lafiya, haɗin kai da haɗin gwiwa tsakanin gwamnati da masarautu domin ci gaban al’umma.

MS Ingawa
SSA, Media & Strategy
Katsina State Government

October 19, 2026.

Gwamna Radda Ya Ƙaddamar da Shirin Tallafa wa ’Yan Kasuwa Sama da 62,000Gwamnan Jihar Katsina, Malam Dikko Umaru Radda, ...
19/10/2026

Gwamna Radda Ya Ƙaddamar da Shirin Tallafa wa ’Yan Kasuwa Sama da 62,000

Gwamnan Jihar Katsina, Malam Dikko Umaru Radda, Ph.D., CON, ya ƙaddamar da Shirin Tallafa wa Ƙananan, Matsakaita da Ƙananan-Matakin Kasuwanci (nMSME) a Jihar Katsina, tare da shirin sanya alamomin tallata kasuwanci a kan manyan tituna, wanda zai amfani sama da ’yan kasuwa 62,000 a ƙananan hukumomi 34 na jihar.

An ƙaddamar da shirin a ranar Litinin, 19 ga Oktoba, 2026, a dakin taro na Bello Kofar Bai da ke Sakatariyar Gwamnatin Jihar Katsina. Shirin ya ƙunshi bayar da tallafin kuɗi kai tsaye, samar da kananun shagunan tafi da gidanka guda 2,000 na musamman domin gudanar da kasuwanci, da kuma sanya allunan tallata kasuwanci, a ƙarƙashin shirin gwamnatin jihar na Building Your Future Agenda.

Gwamna Radda ya bayyana shirin a matsayin muhimmin mataki na bunƙasa ƙananan kasuwanci, yana mai jaddada cewa irin waɗannan sana’o’i suna taka muhimmiyar rawa wajen samar da ayyukan yi, inganta rayuwar al’umma da faɗaɗa damar samun ci gaban tattalin arziki.

A ƙarƙashin shirin, kowane mai ƙaramar kasuwa zai iya samun tallafin ₦50,000, matsakaicin kasuwa ₦100,000, yayin da wanda ke gudanar da kasuwanci girma a cikin wannan rukuni zai samu ₦150,000. An tsara tallafin ne domin ƙara jarin kasuwanci, inganta samar da kayan kasuwa, da kuma taimaka wa ’yan kasuwa faɗaɗa sana’o’insu.

Gwamnan ya bayyana cewa an tsara shirin ne bayan gudanar da bincike da tantance yan kasuwa a dukkan ƙananan hukumomi 34, domin gano buƙatun ’yan kasuwa.

Shagunan, guda 2,000 za su fara mayar da hankali kan masu sana’ar gyaran tayoyi, yayin da allunan tallata kasuwar za su taimaka wajen ƙara musu fitowa fili da sauƙaƙa wa kwastomomi gane wuraren sana’arsu. Haka kuma, masu sana’a na cikin jiha ne za su ƙera shagunan tafi da gidanka, lamarin da zai samar musu da ƙarin damar samun aiki.

Shugaban Hukumar Bunƙasa Sana’o’i da Kasuwanci ta Jihar Katsina (KASEDA), Dr. Babangida Kabir Ruma, ya bayyana cewa hukumar ta riga ta bayar da sama da biliyan 3.5 a matsayin tallafin kuɗi marar ruwa ga ƙananan da matsakaitan masana’antu sama da 6,000. Ya ƙara da cewa ayyukan hukumar sun taimaka wajen samar da guraben ayyukan yi 5,373 da kuma taimaka wa yan kasuwa sama da 10,000 su samu rajista a hukumance a shekarar 2025.

Dr. Ruma ya bayyana fatansa cewa haɗa tallafin kuɗi da shagunan tafi da gidanka da allunan tallata kasuwanci zai ƙara inganta ayyukan ’yan kasuwa, faɗaɗa kasuwanninsu, ƙara kuɗin shiga na iyalai da kuma samar da ƙarin ayyukan yi.

Gwamna Radda ya kuma bayyana cewa ana samar da wani tsarin bayanan kasuwanci na zamani ta hanyar fasahar zamanin dijital, domin inganta tantance waɗanda s**a cancanci tallafi, sa ido kan aiwatar da shirye-shirye da kuma jagorantar tsara manufofin bunƙasa kasuwanci.

Gwamnan ya yi nuni da karramawar da jihar ta samu a matakin ƙasa kan bunƙasa ƙananan kasuwanci da amfani da fasahar zamani. Ya kuma kawo misalin Kosai Republic, ɗaya daga cikin kasuwancin da KASEDA ta tallafa wa, wanda ya lashe kyautar ₦7.5m a bikin bayar da kyaututtukan MSMEs na ƙasa na shekarar 2026.

Ya yaba wa Dr. Ruma da tawagarsa, da kamfanin Cranewood Integrated Services Ltd., wanda ke kula da aiwatar da shirin, da sauran masu ruwa da tsaki bisa gudummawar da s**a bayar.

Gwamna Radda ya buƙaci waɗanda s**a amfana da shirin da su yi amfani da tallafin yadda ya kamata, su riƙa adana bayanan kasuwancinsu, inganta ayyukansu, tare da kiyaye kayan aikin da aka samar musu da kuma amfani da su bisa manufar da aka tanade su dominta.

MS Ingawa
SSA, Media & Strategy
Katsina State Government

October 19, 2026.

"RFI HAUSA" TA BAIWA MAGOYA BAYAN 'KATSINA UNITED' KAYAUTTUKAN JERSEY DA IPhone.Kwamishinana Ma'aikatar Matasa da Wasa...
18/10/2026

"RFI HAUSA" TA BAIWA MAGOYA BAYAN 'KATSINA UNITED' KAYAUTTUKAN JERSEY DA IPhone.

Kwamishinana Ma'aikatar Matasa da Wasanni na Jihar Katsina, Hon. Engr. Surajo Yazeed Abukur, PhD, ya karɓi kyaututtukan da gidan rediyon RFI ya bayar domin tallafa wa ’yan wasa da magoya bayan ƙungiyar ƙwallon ƙafa ta Katsina United.

Kyaututtukan sun haɗa da rigunan ƙwallon ƙafa na Katsina United da wayoyin iPhone, a wani yunƙuri na ƙarfafa wasanni, tallafa wa ’yan wasa da magoya baya, tare da ƙara haskaka ƙungiyar Katsina United.

Da yake nuna jin daɗinsa kan wannan karamci, Kwamishinan ya yaba da kyaututtukan da kuma ƙoƙarin gidan rediyon RFI wajen hadin guiwa tsakanin ta Katsina United da magoya bayanta. Ya bayyana muhimmancin irin wannan gudummawa wajen ƙarfafa gwiwar masu ruwa da tsaki a harkokin wasanni da bunƙasa ƙwallon ƙafa a Jihar Katsina.

Katsina State Government
Katsina United FC Fans Group󱢏
APC Social Media Organisation Katsina State
Gwagware Media Center -GMC

Matar Gwamna, Hajiya Fatima Radda Ta Jagoranci Tattakin Wayar da Kan Mata Kan Sankarar Mama, Gwamna Radda Ya Yi Kira Kan...
17/10/2026

Matar Gwamna, Hajiya Fatima Radda Ta Jagoranci Tattakin Wayar da Kan Mata Kan Sankarar Mama, Gwamna Radda Ya Yi Kira Kan Muhimmancin Saurin Gwaji

Mai ɗakin Gwamnan Jihar Katsina, Hajiya Fatima Dikko Radda, ta jagoranci tattakin wayar da kan mata game da cutar sankarar mama, tare da jaddada muhimmancin yin gwaji da wuri domin gano cutar da kuma samun kulawar lafiya cikin lokaci.

Tattakin na shekarar 2026, wanda ƙungiyar agaji ta Pledging Aid Charity Foundation ta shirya, na daga cikin ƙoƙarin wayar da kan al’umma kan illolin cutar sankarar mama da kuma muhimmancin ɗaukar matakan kariya ta hanyar duba lafiyar jiki akai-akai.

Gwamnan Jihar Katsina, Malam Dikko Umaru Radda, ya halarci wani ɓangare na rufe taron, inda ya jaddada muhimmancin wayar da kan jama’a da kuma ƙarfafa mata su riƙa zuwa asibitoci domin yin gwajin cutar tun da wuri.

A ƙarshen shirin, an tsara gudanar da gwajin sankarar mama ga dubban mata domin taimakawa wajen gano waɗanda ka iya kasancewa ɗauke da cutar, ta yadda za su samu kulawa da wuri.

Shirin ya nuna muhimmancin haɗin gwiwar gwamnati da ƙungiyoyin agaji wajen bunƙasa lafiyar al’umma, musamman ta hanyar wayar da kai da ƙarfafa mata su ba da muhimmanci ga gwajin lafiya.

A jawabin rufe taron, Mai ɗakin Gwamnan Jihar Katsina, Hajiya Fatima Dikko Radda, ta jaddada muhimmancin saurin gwajin sankarar mama, tana mai kira ga mata da su riƙa zuwa asibitoci domin duba lafiyarsu da wuri.

Ta kuma bayyana irin kokarin gidauniyar jin kan Pledging Aid Charity Foundation, wajen shirya shirin wayar da kan jama’a, tare da ƙarfafa mata da su yi amfani da damar gwajin da aka tanada domin dubban mata.

MS Ingawa
SSA, Media & Strategy
Katsina State Government

October 17, 2026.

Address

Kofar Kaura Layout Katsina
Katsina

Telephone

+2349039416720

Website

Alerts

Be the first to know and let us send you an email when APC Social Media Organisation Katsina State posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to APC Social Media Organisation Katsina State:

Shortcuts

Share

Category