Adon Garin Katsina Mobile Media

26/09/2026

Maigirma Hon. Dr. Musa Lawal Jibia, PhD, FNIM, Adon Garin Katsina, ɗan takarar Majalisar Tarayya a Jam’iyyar ADC Mai Tarin Albarka, ya kai ziyarar dubiyar marasa lafiya a cikin Karamar Hukumar Kaita.

Inda ya ziyarci yaronsa kuma abokinmu na gwagwarmayar siyasa, Nasiru Umar BSO, wanda Allah ya jarabce shi da accident a cikin satin nan.

Daga bisani kuma ya wuce ya duba ɗaya daga cikin abokanmu, Hamisu Hame, shi ma dai Allah ya jarabce shi da accident a satin da ya gabata.

Inda ya yi addu’ar fatan samun lafiya a gare su, da ma sauran marasa lafiya na gida da na asibiti.

Daga ƙarshe, ya ziyarci wasu daga cikin jagororin matasa da ’yan siyasa.

Wannan ziyarar ta samu rakiyar Tsohon Kansilan Kaita, Hon. Abdullahi Trebour Kaita, tare da tawagar wasu daga cikin matasan tafiyar gidan siyasar Dr. Musa Lawal Jibia, PhD.

Babu shakka, wannan alama ce da ke nuna sanin muhimmancin masoya da magoya baya, da ke ƙara ba mu dalilan da za su sa mu sanya wannan ba wani Allah a gaba a kowane irin jagoranci.

Muna addu’ar Allah ya biya maka bukatunka, Jagora. 💪

20/09/2026

19/07/2026

Jagoranmu, Hon. Dr. Musa Lawal Jibia, PhD, FNIM, Adon Garin Katsina, ɗan takarar Majalisar Tarayya a Jam'iyyar ADC, tare da mai girma ɗan takarar Gwamnan Jihar Katsina na Jam'iyyar ADC, Distinguished SEN. Ahmad Babba Kaita sun halarci jana'izar marigayi Magaji Sauri, mahaifin Alhaji Ali Isa Girka, a garin Girka da ke Ƙaramar Hukumar Kaita.

Haka kuma Mahaifi ga Hon. Shamsu Abdallawa, ɗan takarar Majalisar Jiha na Ƙaramar Hukumar Kaita a Jam'iyyar ADC, ya kasance cikin tawagar.

A yayin ta'aziyyar, Hon. Dr. Musa Lawal Jibia ya bayyana cewa rasuwar Marigayi Magaji Sauri ba rashi ba ne ga al'ummar Girka ko Ƙaramar Hukumar Kaita kaɗai, illa rashi ne da ya shafi ɗaukacin al'ummar Jihar Katsina har ma da ƙasar Hausa baki ɗaya.

Ya ƙara da cewa, kasancewar marigayin mai riƙe da sarauta ne a masarautarmu ta gargajiya, ya bar kyakkyawan tarihi na shugabanci da gudanar da mulki cikin adalci, abin da al'umma da dama s**a shaida.

Muna addu'ar Allah Maɗaukakin Sarki Ya gafarta masa, Ya yalwata masa rahama, Ya sanya Aljannatul Firdausi ta zama makomarsa, Ya kuma bai wa iyalansa da ɗaukacin al'umma haƙurin jure wannan babban rashi. Ameen.

11/07/2026

Maigirma Jagora, Hon. Dr. Musa Lawal Jibia PhD, FNIM, Adon Garin Katsina, ɗan takarar Majalisar Tarayya mai wakiltar Kaita/Jibia a ƙarƙashin Jam'iyyar ADC, ya kai ziyarar ta'aziyya a garin Dankama.

Jagoran ya ziyarci gidan tsohon ɗan takarar Majalisar Jiha na Ƙaramar Hukumar Kaita a Jam'iyyar ADC, Hon. Sahibu Yusuf Dankama, domin miƙa ta'aziyyar rasuwar ƙanen mahaifinsa.

Daga bisani kuma, Jagoran ya kai ziyara zuwa Masarautar Dankama, inda ya miƙa ta'aziyyarsa tare da gaisuwa, sannan ya sake jaddada biyayyarsa ga iyayenmu Sarakunan Gargajiya.

Wannan ziyara ta sake nuna irin ɗa'a, ladabi, girmama al'ada, da kuma mutunta sarakunan gargajiya da Jagora Hon. Dr. Musa Lawal Jibia ke da shi.

Allah Ya jiƙan mamacin da rahama, Ya gafarta masa, Ya sanya Aljannatul Firdausi ta zama makomarsa. Allah Ya ba iyalai da al'ummar Dankama haƙurin jure wannan babban rashi. Amin.

Aminu Abubakar Kaita ✍️