Yau Da Gobe

Call Contact the organization

Yau Da Gobe Hango Haɗarin Kasuwanci | Dabarun Bunƙasa Dukiya | Gyara da Tsara Tsarin Kasuwanci na Zamani. Tattaunawarmu ta Sirri Ce.

Aslm alikum yan uwa wannan (page) mai asama kamar yadda kuka gani an samar dashine domin hadin kai da zaman lafiya ga mutane, allah yasa mudace

Kasuwancinka ba sai ya zama na kowa da kowa ba. Abin da ake buƙata shi ne ya zama na musamman ga ainihin mutanen da suke...
18/09/2026

Kasuwancinka ba sai ya zama na kowa da kowa ba. Abin da ake buƙata shi ne ya zama na musamman ga ainihin mutanen da suke buƙatarsa. Waɗannan su ne abubuwa 5 da ba za ka taɓa wasa da su ba idan kana gina sana'a. Kuma kada ka kuskura ka tsallake na ƙarshen, domin shi ne babban dalilin da yake binne kasuwanci da ransa.

1. Sanin Ainihin Kwastoman Da Kake Nema: Ka Daina ƙoƙarin burge kowa da kowa. Ka Gano ainihin mutanen da ka buɗe kasuwancin dominsu, sannan ka fahimci abin da suke buƙata a zahiri. Baka sayar da komai ga kowa.

2. Ka Zama Gwani A Abu Ɗaya: ka Bawa mutane gamsasshen dalilin da zai sa su riƙa tunawa da kai. Idan wata buƙata ta taso musu, ka tabbatar sunanka ko shagonka ne zai fara zuwa ransu kafin na kowa.

3. Ka Daina Kwaikwayon Kowa: Ba dole sai ka bi hanyar da abokan takararka suke bi ba. Ka Nemo naka tsarin wanda ya dace da kai kuma ya bambanta ka da sauran 'yan kasuwa.

4. ka Kasance Mai Sadaukarwa: Ba za ka iya yin komai a lokaci ɗaya ba. Wani lokacin dole ne ka haƙura da sayar da wasu kayan ko shiga wasu kasuwannin, domin ka fi ƙarfi a asalin ɓangaren da ka zaɓa ka kware a ciki.

5. Ka Gina Kasuwanci Mai Dogon Zango:
Ka Daina yin tsalle-tsalle kana bin duk wani sabon yayi ko canza sana'a don kawai kaga wani yana samun kuɗi a ciki. Tsaya ka gina naka tsarin, kuma ka bawa mutane lokaci su san ka da shi.

Ka riƙe wannan: Kasuwancin da yake ƙoƙarin sayar da komai ga kowa, a ƙarshe zai tashi a tutar babu, Amma kasuwancin da ya tsaya a kan tsarinsa a waje ɗaya, zai zama gagarabadau wanda ba a mantawa da shi.

Allah yasa mudace..................
MYBC ✍️

11/09/2026

‎1. Kayi Hakuri – Komai yana bukatar lokaci. Kada ka gaggauta nasara.
‎2. Sana’a tafi digiri a yau – Kwarewa tana kawo kudi fiye da takarda kawai.
‎3. Rage kashe kudi akan ’yan mata – Burge budurwa da kudi hauka ne.
‎4. Yi takunka cikin sirri – Kada ka bayyana shirin ka, masu hassada na jiran hakan.
‎5. Barcin safe na ragwaye ne – Tashi da wuri don samun albarka.
‎6. Kori abokan banza – Abota mara amfani tana hana cigaba.
‎7. Faduwa ba karshen rayuwa bace – Ka cigaba idan ka fadi, hakan yana koya maka jajircewa.
‎8. Kada kayi wasa da sallah – Sallah ita ce alakar ka da Allah, wato"connection dinka da Allah.
‎
‎Wannan shawarwari ne masu amfani ga duk matashi dake neman gyara rayuwarsa. Allah SWT yasa mudace
‎
M. YUSUF B. COMMUNICATIONS ✍️
‎

05/09/2026

Duk mutumin da ya ƙara ce muku ba a arziƙi da ƙananan sana'o'i, ku ce masa ƙarya yake yi.. TUNANI shi ne babban makamin duk wani ɗan kasuwan da yake son gina daula.

Allah ne Mai azurtawa, amma dole sai da sababi.

Abin da ya kamata ku gane shi ne; su ƙananan sana'o'in MATAKI ne kamar Ladder da za ku yi amfani da su domin zuwa matakin da kuke so. Ba a fara gini daga sama, Duk wani matashi mai babban burin da ba shi da jari ko mai taimako, farawa da ƙaramar sana'a shi ne asalin gata a gare shi.

Akwai successful people wanda daga kananun sana'o'i s**a fara.

GA WASU SHAWARWARI MASU MATUƘAR MUHIMMANCI GA DUK WANI MAI ƘARAMIN SANA'A DA YAKE SON YIN ARZIƘI DA ITA:

1. Raba kuɗinka da na kasuwancinka: Babban kuskure shi ne ɗaukar kuɗin shiga a matsayin kuɗin kashewa. Jari daban, riba daban. Idan kana ciye duk abin da ka samu ba tare da lissafi ba, kashe sana'ar kake yi da hannunka.

2. Mayar da riba ta koma jari:
Kada ka sanya ribar ƙaramar sana'arka wajen canza waya ko sayen manyan kaya don burge mutane. Ka Mayar da kowane ƙwabo da ka samu a matsayin riba zuwa cikin harkar har sai ta yi kauri. Ƙaramar sana'a tana zama babba ne idan ba a tatsar jinin jikinta.

3. Cire kunya da nuna ƙarya:
Mutane ba za su ciyar da kai ba idan ka karye. Ka yi alfahari da sana'arka komai ƙanƙantarta, ka tallata ta da ƙarfin gwiwa. Zubar da aji a kan neman halas, shi ne ainihin cikar kamala da wayewa a idon masu hankali.

4. Ka Gina amana ba wai wayon kwana ɗaya ba: Amana ita ce babbar kadara da ta fi kuɗi muhimmanci. Kar ka cuci kwastoma don ka samu ribar gaggawa. Idan ka sayar masa da mafita da gaskiya, shi zai zama mai tallata ka a kyauta a wajen wasu mutanen.

5. Juriya, hakuri, tattali da Tawakkali:
Kasuwanci ba a yin sa a guje. Za ka ga ranar da ba za a sayi komai ba; a nan ne ake buƙatar juriyarka ba wai ka tsallaka wata sana'ar ba. Ka Natsu wuri ɗaya, ka zama gwani, sannan ka miƙa komai ga Mahaliccinka Shi kaɗai don Ya sanya albarka.

Ba inda kake a yanzu ne matsalar ba, inda tunaninka ya dosa ne ainihin maganar.
MYBC ✍️

HARKAN POS Ana Samun Kudi Sosai Ina Nufin SosaiKafin Ka Karyata Ni Ka Karanta Abunda Yake KasaA POS Ana Cire Kudi Kuma A...
05/09/2026

HARKAN POS Ana Samun Kudi Sosai Ina Nufin Sosai
Kafin Ka Karyata Ni Ka Karanta Abunda Yake Kasa
A POS Ana Cire Kudi Kuma Ana Turawa, Sannan Ana Withdraw And Transfer A Lokaci Daya
Wadannan Abubuwan Sune Akeyi A Harkar POS Mafi Yawa
Domin Basu Kadai Bane Akwai Biyan Bils Kamar Su Subscription Da Sauransu

Dukkan Services Dinnan Da Akeyi Da POS Idan Mutun Yayi Biyansa Akeyi
Yadda Kasan Mai Gyaran Waya Ko Mai Gyaran Mashin Duk Aikinda Da Sukayi Sai Anbiyasu To HKa Harkar POS Yake
Duk Abunda Kayi Biyanka Zaayi, In Bacin Checking Balance
POS Tana Chajinka Wani Dan Kudi Kadan Wanda Bazai Kai Ga Abunda Zaa Biyaka Ba👌
Misali Duk Aikinda Kayi Wanda Aka Baka 500 To Chajin POS Bazai Wuce 150 Naira Ba Ko Kasa Da Haka
Kuma Idan Wannan Yazo Ya Wuce Wani Zaizo Again

To Abun Tambaya Anan Shine
Meyasa Wasu Suke Complaint Basa Ganin Kudinda Ake Ta Fada Cewa Ana Samu
Kuma Tabbas Ana Samunsu?

Matsalar Ba Daga POS Din Bane Daga Mai POS Ne
Babban Abunda Yake Janyo Yawan Bacewar Kudi A POS
Shine Rashin Confirmation Bin Kididdigar Abunda Kakeyi A Harkar POS.
Wannan Shine Yake Bude Kofar Azo Gurinka A Yaudareka Abunda Kayi Kwana Uku Ko Hudu Kana Tarawa
Tayaya Kudinka Bazasu Bace Ba
Rana Daya Anzo An Cuceka Naira Dubu Sha Biyar Ko Ashirin Ko Ko 50,000?
Abu Na Biyu Dake Kawo Asara Shine Shiga Harkar POS Batareda Iliminta Ba
Kawai Mutun Yaji Ana Samun Kudi Kawai Yace Zai Shiga
Wanda Yakamata Ace Ana Yiwa Mutane Orientation Kafin Shiga Harkar
Saboda Harka Ce Babba Bata Wasa Ba
Wannan Shine Dalilin Dayasa Na Sadaukar Da Lokaci Na Na Rubuta Littafe Akan Harkan POS
Yadda Take Da Yadda Zaa yita Har Asamu Nasara Acikinta
Wanda Duk Wanda Yasamu Wannan Littafen Ya Karanta Shi Har Karshe To Insha Allahu
Zaiyi Nasara A Wannan Harkar
Kuma Littafen Da Yaren Mu Na Hausa Aka Rubutashi
Littafen Bayada Tsada Soft Copy Ne Naira Dubu Daya 🖕
Key Points Dinda Yakamata Mai POS Ya Rike Shine
Co

CONFIRMATIONS
Idan Zaka Cire Kudi Bayan Ka Cire Ka Tabbatar Nawa Kacire Sannan Ka Sallami Costomer
Idan Kazo Tura Kudi Kafin Kasaka Pin Ka Tabbatar Nawa Ne Zaka Saka Pin Akan Su Tafi
Idan Transfer Akayima Ba Ruwanka Da Reciept Ko Debit Alert
Kawai Kajira Sai Sanda Kaga Kudi Yazo Sannan Kabiya Costomer
Kafin Ka Cire Kudi Akan Atm Kafara Tabbatarda Cewa Akwai Network Ko Babu a Wannan Bankin?
Idan Kafito Aiki Kayi Lissafi Haka Idan Zaka Tashi Aiki Kayi Lissafi
Saboda Kasan Halinda Jarinka Yake Ciki
Sannan Lokaci Bayan Lokaci Ka Dinga Synchronizing na Transaction Dinka
Kayi Download Keys
Yin Haka Yana Sa Duk Transaction Dinda Kayi Successful Kuma Bai Sauka Akan Balance Dinka Ba Zai Sauka
Kamar Kayi Refreshing na Terminal Dinka Ne
Bayan Ka Kammala Aiki A Wannan Ranar Ka Kashe POS Din Gobe Ka Kara Kunnata
Saboda Rashin Yin Wannan Yanada Illa Sosai

03/09/2026

OPAY SUNA BIYANA NAIRA 196 A KULLUM TA CIKIN TSARIN OWEALTH.

Idan ka kirga, zai zama ₦5,880 a wata guda.

Wannan kuwa yana daidai da ribar da zaka iya samu a normal stocks da muke dasu a Nigeria, irin su BUA da Dangote.

Amma matsalar ba anan take ba.

Wannan ribar wasu sun ce haramun ce, wasu kuma sun ce babu laifi, tunda zai iya yiwuwa Opay suna kasuwanci mai kyau da kudinka bayan ka saka su a tsarin Owealth.

Wasu kuma s**a ce:

“A’a, ai ba za ka haɗa Owealth da stock market ba.”

Saboda idan kamfanin da ka saka hannun jari a cikinsa bai samu riba ba, ba lallai ne ya biya ka riba ba.

Su kuma Opay, ko sun samu riba ko basu samu ba, dole ne su biya ka wannan adadin da aka tsara.

Kaga tsarin ya bambanta da tsarin kasuwancin da ake kira Musharakah/Mudarabah, wanda ribar ke da alaƙa da sakamakon kasuwanci.

Toh ni dai, ba na encouraging kowa akan aikata hakan, har sai ka yi bincike na ilimi sannan ka fahimci yadda tsarin yake.

Amma menene ra’ayinku akan wannan?

Coach Ahmad

Idan kana da jarin ₦300,000 kuma burinka shine ka kai business capital ɗinka zuwa ₦2,000,000, dole ne kayi ƙoƙarin samar...
01/09/2026

Idan kana da jarin ₦300,000 kuma burinka shine ka kai business capital ɗinka zuwa ₦2,000,000, dole ne kayi ƙoƙarin samar da kusan 566.7% increase daga asalin capital ɗinka na ₦300,000.

Yin hakan ba ƙaramin aiki bane, saboda haka dole ne ka gina system ɗin da zai kula maka da abubuwa guda huɗu a lokaci guda: Profitability, Liquidity, Capital Preservation da Personal Consumption.

Bari mu ɗan duba waɗannan bayanan kaɗan. 👇

Wasu bayanai daga NBS/SMEDAN sun nuna cewa MSMEs, wato ƙanana da matsakaitan kasuwanci, suna taka muhimmiyar rawa a tattalin arzikin ƙasar mu Nigeria, yayin da PwC ta bayyana cewa a binciken MSME na 2021, MSMEs sun kasance 46.32% na GDP, 96.9% na businesses da 87.9% na employment.

Hakan yana nuna mana cewa ƙaramin jari ba abin rainawa bane, hanya ce ta samun kuɗi sosai, kuma ƙananun kasuwanci suna daga cikin abubuwan da ke da tasiri sosai a tattalin arzikin Najeriya.

Ba duk ribar da aka samu ake mayarwa cikin business ba. Mai kasuwanci mutum ne, kuma yana da bukatar abinci, transport fee, sutura da sauran bukatu. Saboda haka, tsarin ya kamata a samar masa da business capital account da owner's living account.

Idan ba'a rarraba su haka ba, mai kasuwanci zai iya ganin kudade da yawa a account dinsa yayi tunanin business ɗinsa yana girma ne, alhali yana cigaba da cinye working capital ɗin kasuwancin ba tare da ya ankara ba.

Idan kana da jarin ₦300,000, ga yadda zaka iya tsara jarin naka: ₦200,000 a matsayin core working capital, ₦30,000 a matsayin operating cash domin transport, data, packaging da ƙananan business expenses, ₦20,000 a matsayin market-testing budget domin gwada sabbin products, ₦20,000 a matsayin emergency reserve, sannan ₦30,000 a matsayin initial personal living allowance.

Wannan lissafin ba tsayayyen formula ba ne, allocation ne zai iya canzawa gwargwadon ƙarfin business, irin business ɗin da ake yi da kuma capital ɗin da business ɗin yake da shi amma falsafar itace ba za'a haɗa dukkan kuɗin business da kuɗin kashewa a accou

27/08/2026

Samun kudi abu ne mai sauƙi idan aka kwatanta shi da "iya riƙe kudi da gina shi." Mutane da yawa ba talauci ne matsalarsu ba, rashin dabarar kare abin da ya shigo ne yake mayar da su baya:

1. Haɗa Kudin Jari da na Abincin Gida: Cin riba da jari a lokaci guda ba tare da ware albashin kanka ba. Da zarar kana ɗiban kudin sana'a kana biyan buƙatun yau da kullum, kasuwancinka yana gab da mutuwa.

2. Bada Bashi Saboda Kunyar Mutane: Bayar da kayan sana'arka bashi ga abokai ko dangi don kawai kana jin kunyar cewa "A'a", alhali kasan biyan zai zama yaƙi.

3. Gasar Rayuwa da Mutanen Waje (Lifestyle Inflation): Da zarar an samu wata ɗan ƙaramar riba, sai a yi saurin sauya waya, sutura, ko mota don kawai a nuna cewa "harka ta buɗe.

4. Rashin Rubuta Lissafi (Bookkeeping): Gudanar da sana'a a ka ba tare da littafin da ke rubuta abin da ya shigo, abin da ya fita, da ribar da aka samu ba a kowace rana.

5. Ɗaukar Ma'aikaci Don Zumunci Ba Don Ƙwarewa Ba: Saka dangi ko aboki marar kishi ko ƙwarewa ya kula da dukiyarka da sunan taimako.

6. Cinye Riba Kafin Jari Ya Yi Ƙarfi: Kasuwancin da ke buƙatar shekaru 2 zuwa 3 ana mayar da ribarsa ciki don ya yi rassa, amma a fara cinye ribar tun a watan farko.

7. Mantawa da Haƙƙin Sadaka da Zakka: Duk arziƙin da aka hana marasa ƙarfi haƙƙinsu a ciki, albarkarsa tana gushewa cikin cututtuka ko asarar da ba a shirya mata ba.

8. Dogaro da Kwastoma Ɗaya ko Hanyar Kasuwa Ɗaya: Rashin neman sabbin dabaru ko sabbin kwastomomi, da zaton cewa waɗanda kake da su a yanzu zasu dawwama har abada.

Arziƙi ba yawan abin da ke shigo maka a hannu bane, hikimar yadda kake sarrafa shi da kuma riƙe shi ita ce take mayar da kai mai 'yancin kudi. Wanda ya iya kiyaye ƙananan kudadensa da mutunta sana'arsa, shi ne zai iya riƙe maƙudan miliyoyi a gaba.

Ga takaitattun dokoki guda shida wadanda kiyaye su yana baka damar yin kasuwanci ko harka da danginka ko abokinka na kus...
23/08/2026

Ga takaitattun dokoki guda shida wadanda kiyaye su yana baka damar yin kasuwanci ko harka da danginka ko abokinka na kusa ba tare da kun sami sabani ko asarar kudi ba:

1. Kada ka yi kasuwanci ba tare da rubutu a takarda ba: Ko da dan'uwanka ne na jini, ku rubuta dukkan yarjejeniyar kudin a takarda. Rubutu yana kiyaye amana kuma yana hana sabani a gaba.

2. Raba zancen abuta da na kudi daban: Lokacin da kuke cikin harkar kasuwancin, ku yi magana a matsayin abokan kasuwanci, ba abokai ba. Kada ka yarda a shigo da tausayi inda ya kamata a yi lissafi.

3. Kada ka bayar da kaya bashi saboda kunya: Idan danginka ya nemi kaya bashi alhalin kasan zai gurgunta jarin shagonka, ka ce "A'a" cikin ladabi. Kunyar bayar da rance ita ce ke kashe kasuwanci.

4. Tsayar da tsarin riba da asara tun farko: Tsaida takamaiman yadda za a raba kudin riba ko daukar asara kafin ku kaddamar da harkar. Rashin bayyana wannan yana sanya zargi lokacin da kudi ya shigo.

5. Biyan ladan aiki na kwarai kamar kowa: Idan danginka ko abokinka yana taya ka aiki a shagonka, ka biya shi kudin hakkinsa kamar kowa. Kada ka yi amfani da kusancinku wajen tauye masa kudi.

6. Kada ka dauki kudin harkar don warware matsalar gida: Idan kuna kasuwanci tare, dabi'ar daukar kudi don warware matsalar dangi ba tare da lissafi ba yana lalata harkar kuma yana janyo babban fada.

Address

Maitumbi
Keffi

Telephone

08033753568

Website

Alerts

Be the first to know and let us send you an email when Yau Da Gobe posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Yau Da Gobe:

Shortcuts

Share