District Traffic Police Office, Banke

19/08/2026

मिति २०८३।०५।०३ गते जिल्ला बाँके बैजनाथ गा.पा.१ स्थित रत्न राजमार्ग अन्तर्गत चिसापानिमा सडक दुर्घटना न्युनिकरण गरी सुरक्षित सडक यात्रा प्रवर्धन गर्ने उद्येश्यले यस जिल्ला ट्राफिक प्रहरी कार्यालय बाँके र इलाका प्रहरी कार्यालय कोहलपुरको संयुक्त आयोजना र लुम्बिनी प्रदेश प्रहरी अस्पताल नेपालगंजको सहकार्यमा उक्त राजमार्गमा संचालन हुने यात्रु वाहक तथा मालवाहक सवारी साधनका २५ जना चालकहरुको लागु पदार्थ सेवन ड्रग टेष्ट किट मार्फत प्राविधिकद्वारा परिक्षण गरिएकोमा जस मध्ये ८ जना सेवन गरेको (positive) देखीएकोमा निज चालकहरुलाई थप अनुसन्धान तथा कारवाहीको लागि इलाका प्रहरी कार्यालय कोहलपुर बाँकेको नियन्त्रणमा राखिएको ।

30/07/2026

आज मिति २०८३।०४।१४ गते यस कार्यालय तथा माहतहत अस्थायी ट्राफिक प्रहरी पोष्टहरुले यस जिल्ला भित्र संचालित सामुदायिक तथा संस्थागत विद्यालयका ८१ वटा बसहरु स्कुल बस निर्देशीका, २०७४ बमोजिम संचालन भए /नभएको चेकजाँच गरी निर्देशिका विपरीत भएका ८ वटा स्कुलबसहरुलाई कारवाही गरीनुका साथै आगामि दिनहरुमा उक्त निर्देशिका बमोजिम संचालन गर्ने गरी सम्झाई बुझाई पठाईएको ।

15/07/2026

नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवल, रुपन्देहीबाट यस कार्यालयका कार्यालय प्रमुख लुम्बिनी प्रदेश अन्तर्गत जेष्ठ महिनाको "Best Traffic Police of the Month" घोषित हुनुभएकोमा हार्दिक बधाई ।

14/07/2026

10/07/2026

ट्राफिक नियम पालना गरौ सभ्य नागरीकको परिचय दिउँ

10/07/2026

मिति २०८३ असार २६......................................
जिल्ला ट्राफिक प्रहरी कार्यालय बाँके
सार्वजनिक सवारी साधनका चालक तथा सहचालकहरुको स्वास्थ्य अवस्थाका कारण दुर्घटनाको जोखिम बढ्न गई त्यसबाट सयौँ यात्रुको ज्यान समेत जोखिममा पर्ने सम्भावना धेरै हुने भई चालक सयौँ यात्रुलाई सुरक्षित गन्तव्य सम्म पुर्याउने सार्बजनिक जिम्मेवारी भएको व्यक्ति भएकोले निज शारिरीक तथा मानसिक रुपमा समेत स्वस्थ र तनदुरुस्त हुनुपर्छ भन्ने सन्देश आम चालक, यात्रु र सर्वसाधारण सम्म पुर्याउन र चालकहरुको आधारभूत स्वास्थ्य सम्बन्धी तथ्याङ्क लिई सोही मुताबिक आगामि योजना निर्माण गर्ने उद्देश्यले जिल्ला प्रहरी कार्यालय बाँके र जिल्ला ट्राफिक प्रहरी कार्यालय कोहलपुर बाँकेको आयोजनामा तथा लुम्बिनी प्रदेश प्रहरी अस्पताल नेपालगंज, फत्तेबाल आखाँ अस्पताल फुल्टेक्रा, ब्रिनोज कान सामुदायिक सेवा फुल्टेक्राको समन्वय र सहकार्यमा जिल्ला बाँके नेपालगंज उप-महानगरपालिका वडा नं. ४ स्थित बसपार्कमा यात्रुवाहक सार्वजनिक सवारी साधनका करिब ९० जना चालक तथा सह-चालकहरूको स्वास्थ्य परीक्षण गरीएको ।

06/07/2026

06/07/2026

निरीक्षण,अनुमगण तथा निर्देशन सम्बोधन कार्यक्रम सम्पन्न

जिल्ला ट्राफिक प्रहरी कार्यालय कोहललुर बाँके
मिति २०८३।०३।२२ गते

तालुक लुम्बिनी प्रदेश प्रहरी कार्यालय तुल्सीपुर, दाङ कार्यालयका कार्यालय प्रमुख प्र.ना.म.नि श्री भुपेन्द्र बहादुर खत्री ज्यू र तालुक नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवल,रुपन्देहीका कार्यालय प्रमुख प्रहरी उपरीक्षक निशान थापा ज्यूले यस कार्यालयको आन्तरिक तथा बाह्य तर्फको निरीक्षण गर्नु भई जिल्ला ट्राफिक प्रहरी कार्यालय बाँके तथा यस कार्यालय मातहत पोष्टहरुमा कार्यरत प्रहरी कर्मचारीहरुलाई आचरण तथा ब्यबहार सभ्य गर्ने,नागरिक मैत्री प्रहरी सेवा प्रदान गर्ने काम कारवाही चुस्त दुरुस्त रुपमा गर्न हुनका साथै आर्थिक सुन्य सहनसिलतामा रही उच्च मनोवलका साथै सेवामुखी भई कार्य सम्पादन गर्न भनि अमुल्य निर्देशन दिनु भएको

13/06/2026

जिल्ला ट्राफिक प्रहरी कार्यालय बाँके .............................................................

मिति २०८३।०२।३० गते बिहान ०८ बजे देखी १३:०० बजेसम्म यस कार्यालय र यातायात व्यवस्था कार्यालय नेपालगंज बाँकेको संयुक्त आयोजनामा दुबै कार्यालयका कार्यालय प्रमुख र मेकानिकल ईन्जिनियर समेतको उपस्थितिमा राप्तिसोनारी गा.पा.०२ अगैया स्थित पुर्व पश्चिम राजमार्गमा लामो तथा छोटो दुरीमा सञ्चालित बिभिन्न किसिमका सवारी साधनको भौतिक परिक्षण, कागजात परिक्षण, यान्त्रिक परिक्षण गरी चेकिङ्गको क्रममा १६१(एक सयएकसठ्ठी) वटा सवारी साधनहरुलाई चेक जाँच गर्दा चेकिङ्ग टोलिले स्वरुप परिवर्तन, ओभर लोड, भवरलोड, सिट क्षमता भन्दा बढी यात्रु बोक्ने र बैकल्पिक सिट, मुडा राखि यात्रा गराउने, जाँचपास नगराएका, रुट परमिट नलिएका, नविकरण समेत नगरेका लगाएत बिभिन्न ट्राफिक नियम उल्लघंन गरी सञ्चालनमा आएका १८ वटा सवारी साधनहरुलाई यस कार्यालयबाट तथा यातायात व्यवस्था कार्यालयबाट २ वटा सवारी सधनलाई कानून बमोजिम कारवाही गर्नुका साथै वैकल्पिक ३१ वटा सिट तथा १४ वटा मुडा र ३० थान आफुखुसि राखिएका लाईटहरु निकालीएको ।

08/06/2026

आफुखुशी स्वरुप परिवर्तन गरी अत्यधिक चर्को ध्वनि निकाल्ने ३(तिन) वटा बुलेट मोटरसाईकललाई यस कार्यालयको मातहत अस्थायी ट्राफिक प्रहरी पोष्ट नेपालगंजको ट्राफिक चेकिंङ्ग टोलिले नियन्त्रणमा लिई यातायात व्यवस्था कार्यालय नेपालगंज बाँकेलाई कारवाहीको लागि सिफारिस गरिएकोमा यातायात कार्यालय बाट प्रत्येक मोटरसाईकल लाई रु १०,०००(दश) हजारका दरले कारवाही गरीएको ।
“आफुखुशी स्वरुप परिवर्तन गरी सवारी साधन नचलाऔं”
ट्राफिक नियम नियमको पालना गरौ
दुर्घटनाबाट आफु पनि बचौ, र अरुलाई पनि बचाऊ
धन्यवाद !
जिल्ला ट्राफिक प्रहरी कार्यालय कोहलपुर ,बाँके