01/10/2026
हामीले चिन्न नसकेका पात्र !
हजुरहरुका बीच ढिलो गरि पुगेको परिचय (माता शैलेश्वरी मन्दिर, सिलगढीसँग सम्बन्धित मैले आफुले गुरु भनी सम्बोधन गर्नेगर्छु) : वहाँ मेरा अभिन्न मित्र, परिस्थितिका कारण निजको बारेमा यसपटक त धेरै कसैलाई भन्न सकिएन तर कैलाली निर्वाचन क्षेत्र नं. १ बाट क्रियाशील सदस्यता लिएर बसाइँसराइका क्रममा धनगढी उपमहानगरपालिका, वडा नं ६ मा आउनुभएका, हामीमध्ये धेरैले अझै पर्याप्त रूपमा चिन्न नसकेका एउटा सम्भावनायुक्त व्यक्तित्व हुनुहुन्छ—तेजशंकर भट्ट ।
नेपाल जेसिजमा रहदा हाम्रा राष्ट्रिय अध्यक्ष भैसकेका कुशल प्रशिक्षक एवं विभिन्न सामाजिक तथा संस्थागत जिम्मेवारी सफलतापूर्वक निर्वाह गरिसक्नुभएका उहाँले आफ्नो क्षेत्रमा इमान्दारी, सक्रियता र जिम्मेवारीका साथ लामो समयदेखि निरन्तर योगदान दिँदै आउनुभएको छ । तर अस्ति भरखरै सम्पन्न नेपाली काँग्रेसको १५औँ महाधिवेशनअन्तर्गत यस निर्वाचन क्षेत्रमा भएको क्षेत्रीय अधिवेशनबाट उहाँ खुला महाधिवेशन प्रतिनिधिमा निर्वाचित हुन नसक्नु दुःखद् र सोचनीय विषय हो । मेरो आजसम्मको व्यक्तिगत अनुभवले एउटा तीतो यथार्थ देखाएको छ—हामी राजनीतिक अवसर र जिम्मेवारी बाँडफाँड गर्दा कहिलेकाहीँ नातागोता, जात, धर्म, भेग, क्षेत्र र व्यक्तिगत समीकरणलाई प्राथमिकता दिन पुग्छौँ। त्यसक्रममा संगठन र समाजका लागि वास्तवमै आवश्यक, योग्य र योगदान दिएका पात्रहरू ओझेलमा पर्न सक्छन् । यो कसैप्रतिको आरोप होइन; हाम्रो सामूहिक राजनीतिक सोच र संस्कारमाथिको आत्मसमीक्षा हो । आज हामीले कुनै सक्षम पात्रलाई चिन्न नसक्दा एउटा व्यक्ति पछाडि पर्न सक्छ। तर यही प्रवृत्ति निरन्तर दोहोरिँदै गयो भने यसको असर व्यक्तिमा मात्र सीमित रहँदैन—सिंगो संगठन र समाजले त्यसको मूल्य चुकाउनुपर्ने हुन्छ ।
त्यसैले अब समयमै सोचौँ—
हामीले रोज्ने पात्र हाम्रो नजिकको हो कि हाम्रो समाज र संगठनका लागि आवश्यक पात्र हो ?
किनकि नाताभन्दा योग्यता, समीकरणभन्दा योगदान र पहिचानभन्दा इमान्दारीलाई प्राथमिकता दिने राजनीतिक संस्कार निर्माण गर्न सके मात्र हाम्रो संगठन अझ बलियो, सक्षम र भरोसायोग्य बन्न सक्छ ।
जय नेपाल 🇳🇵
