Gangaram Yadav

10/09/2026

झण्डै ४५ वर्षअघि एउटा सानो कोठाबाट सुरु भएको यो शैक्षिक यात्रा आज यहाँसम्म आइपुगेको देख्दा मन गर्व र खुसीले भरियो।

आफूले स्थापना गरेको विद्यालय तथा कलेजमा पुनः पुगेर नेपालको दुर्गम क्षेत्रमा पनि शिक्षक, प्राध्यापक तथा कर्मचारीहरूको अथक मेहनत र समर्पणले गुणस्तरीय शिक्षा प्रदान भइरहेको देख्नु साँच्चै प्रेरणादायी अनुभव रह्यो।

यस यात्रामा योगदान पुर्‍याउने सम्पूर्ण शिक्षक, कर्मचारी, विद्यार्थी, अभिभावक तथा शुभेच्छुकहरूप्रति हार्दिक आभार। 🙏📚🇳🇵

A flying visit to the Shri Tapsi Baba School and College founded by...

29/08/2026

🇳🇵 नेपाली सेनालाई हार्दिक सलाम 🇳🇵

बाढीमा फसेका सयौँ नागरिकको उद्धारका लागि आफ्नो ज्यानको पर्वाह नगरी खटिनुभएका नेपाली सेना, पाइलट तथा सम्पूर्ण उद्धार टोलीप्रति हार्दिक सम्मान र कृतज्ञता।
तपाईंहरूको साहस, समर्पण र सेवाले संकटमा परेका धेरै परिवारमा आशा र जीवन फर्काएको छ।
🙏 राष्ट्र र जनताको सेवामा तपाईंहरूले देखाउनुभएको वीरता र समर्पणप्रति हार्दिक सलाम।
🇳🇵 जय नेपाल!

🇳🇵 A Salute to the Nepali Army 🇳🇵
My heartfelt appreciation and deepest respect to the Nepali Army, pilots and rescue teams who risked their lives to rescue hundreds of people stranded by the devastating floods.
Your courage, dedication and selfless service have brought hope to countless families in their darkest moments.
🙏 Thank you for standing with the people of Nepal when they needed you most. We salute your bravery and service.
🇳🇵 Jai Nepal!

operations are underway in after devastating ...

25/08/2026

श्री तपसी बाबा कलेज, टिल्ही, धनुषामा नेपाली सेनाले सञ्चालन गरेको NCC प्रशिक्षण कार्यक्रममा सहभागी विद्यार्थी भाइबहिनीहरूलाई देख्दा निकै राम्रो लाग्यो। 🙏🇳🇵

यस कलेजका संस्थापक तथा मेरा पिता श्री गंगाराम यादव जी मात्र होइन, गाउँका अभिभावकहरू पनि आफ्ना छोराछोरीले विद्यालयदेखि कलेजसम्मको शिक्षा र अहिले NCC जस्तो प्रशिक्षणमार्फत अनुशासन, आत्मरक्षा र नेतृत्वका सीपहरू सिक्दै अगाडि बढिरहेको देखेर खुशी हुनुहुन्छ।

नेपालको दुर्गम ग्रामीण क्षेत्रमा पनि बालबालिकाहरूले गुणस्तरीय शिक्षा र यस्ता अवसरहरू पाउनु उनीहरूको भविष्यका लागि महत्वपूर्ण छ। NCC प्रशिक्षणले उनीहरूको आत्मविश्वास र व्यक्तित्व विकासमा सहयोग गर्नुका साथै भविष्यमा नेपाली सेना वा नेपाल प्रहरीमा प्रवेश गरी राष्ट्रसेवाको बाटो रोज्नका लागि एउटा राम्रो आधार तयार गर्न सक्छ।

यस अवसरका लागि नेपाली सेना, साथै कलेजका प्रधानाध्यापकज्यू, शिक्षक तथा सम्पूर्ण विद्यालय/कलेज परिवारलाई कार्यक्रम सफल बनाउन गर्नुभएको सहयोग र समन्वयका लागि धन्यवाद।

विद्यार्थी भाइबहिनीहरूको उत्साह र सहभागिता प्रशंसनीय छ। उनीहरूको उज्ज्वल भविष्यका लागि हार्दिक शुभकामना। 🇳🇵

08/05/2026

दलित समुदायका बालबालिकाको शिक्षाका लागि श्री गंगाराम यादवज्यूले स्थापना गर्नुभएको यो विद्यालय आज पनि आधारभूत सुविधाविहीन अवस्थामा संघर्ष गरिरहेको छ। दुई साना कोठामा चार कक्षाहरू सञ्चालन भइरहेका छन्। शौचालय छैन, शिक्षकहरूका लागि कार्यालय छैन, घेराबार छैन, अनि सरकारी सहयोग पनि अहिलेसम्म पुगेको छैन।

शिक्षा प्रत्येक बालबालिकाको मौलिक अधिकार हो। त्यसैले नेपाल सरकार, स्थानीय तह तथा सम्बन्धित निकायहरूलाई यस दलित विद्यालयप्रति गम्भीर ध्यान दिन, आवश्यक पूर्वाधार निर्माण गर्न र सहयोग उपलब्ध गराउन हार्दिक अपिल गर्दछौं।

दलित बालबालिकाको भविष्य उज्यालो बनाउन आजको सहयोग अत्यन्त आवश्यक छ।

एसपी रिपोर्टरजनकपुरधाम, बैशाख २४ : धनुषामा एक विद्यालय छ, नाम हो दलित राप्रावि । विद्यालयको भौतिक संरचना पनि गरि द.....

05/05/2026

श्री गंगाराम यादवज्यूद्वारा स्थापना गरिएको दलित विद्यालय आजसम्म पनि सरकारी बेवास्ताको मारमा परेको छ। दलित समुदायका बालबालिकालाई शिक्षाको अवसर प्रदान गर्ने उद्देश्यले खोलिएको यस विद्यालयमा अहिले पनि आधारभूत सुविधाहरूको अत्यन्त अभाव छ।

विद्यालयमा जम्मा दुई साना कोठामा चार कक्षाहरू सञ्चालन भइरहेका छन्। शिक्षकहरूका लागि छुट्टै कार्यालयको व्यवस्था छैन। बालबालिका र शिक्षकहरूका लागि शौचालय जस्तो अत्यावश्यक सुविधा समेत उपलब्ध छैन। विद्यालयमा घेराबार (बाउन्ड्री वाल) नहुँदा सुरक्षाको समस्या पनि उत्तिकै गम्भीर छ।

यस्ता कठिन परिस्थितिमा पनि विद्यालयले आफ्नो यात्रा जारी राखिरहेको छ, तर यसरी दीर्घकालीन रूपमा गुणस्तरीय शिक्षा सम्भव छैन। दलित समुदायका बालबालिकाहरूको भविष्य सुरक्षित गर्न र उनीहरूलाई समान अवसर दिन सरकारको ध्यान र सहयोग अत्यावश्यक छ।

यस विद्यालयको अवस्थालाई सुधार गर्न तत्काल आवश्यक पूर्वाधार विकास, आर्थिक सहयोग र नीतिगत समर्थनका लागि सम्बन्धित निकायहरूलाई ध्यान दिन अनुरोध गर्दछौं। शिक्षा सबैको अधिकार हो—यो अधिकारबाट कुनै पनि बालबालिका वञ्चित हुनुहुँदैन।

गंगाराम यादवको पहल: विपन्न विद्यार्थीलाई सामग्री र छात्रवृत्ति #धनुषा #छात्रवृत्ति #समाजसेवा

25/04/2026

SSP बाट DIG मा सिफारिस हुनु भएकोमा राजेश उप्रेती भाइलाई हार्दिक बधाई तथा शुभकामना।
तपाईंको निरन्तर मेहनत, इमान्दारिता र उत्कृष्ट नेतृत्व क्षमताले आज यो सफलता दिलाएको हो। हामीले माता जानकीसँग गरेको प्रार्थना आज सफल भएको देख्दा निकै खुशी लागेको छ।
आगामी दिनहरूमा अझ उच्च सफलता, सम्मान र गौरव प्राप्त गर्नुहोस् भन्ने हार्दिक कामना। 🇳🇵

05/04/2026

नेपालमा नयाँ सरकार गठन भएको छ। यो परिवर्तनसँगै आम जनताको ठूलो आशा र अपेक्षा जोडिएको छ। तर विगतका धेरै सरकारहरूले किसान र कृषि क्षेत्रलाई आवश्यक ध्यान दिन सकेनन्, जसका कारण आज पनि किसानहरू अनेक समस्यासँग संघर्ष गरिरहेका छन्।

किसान नै देशको आधार हुन्। उनीहरूको मिहिनेतले हाम्रो भान्सा चलिरहेको छ, तर उनीहरू स्वयं सुरक्षित र सम्मानित जीवनबाट टाढा छन्। अबको सरकारले कृषिलाई प्राथमिकतामा राख्दै किसानहरूको समस्या—उचित मूल्य, आधुनिक प्रविधि, सिंचाइ, मल–बीउको सहज उपलब्धता र बजार व्यवस्थापन—जस्ता विषयहरूमा गम्भीर ध्यान दिनुपर्छ।

नयाँ सरकारसँग हाम्रो विनम्र अनुरोध छ—किसान र कृषि क्षेत्रलाई उपेक्षा नगरी, देशको समृद्धिका लागि यसलाई मुख्य आधारका रूपमा विकास गरियोस्।

#किसानकोसम्मान #कृषिप्राथमिकता #नयाँसरकार

30/03/2026

"So proud to be your parent. Happy Birthday dear Sumit . God bless u always 😍

21/03/2026

इस्लाम धर्मावलम्बीहरूको महान पर्व ईद-उल-फित्रको उपलक्षमा देश तथा विदेशमा रहनुभएका सम्पूर्ण परिवार, आफन्त तथा शुभचिन्तकहरूमा सुख, शान्ति एवम् समृद्धिको हार्दिक शुभकामना व्यक्त गर्दछु।

एक–अर्काप्रति सम्मान, समझदारी र एकताले समाजलाई अझ सुदृढ बनाउनेछ भन्ने कामना गर्दै, ईदको यस पावन अवसरले भाइचारा, प्रेम र मेलमिलापको भावना अझ प्रगाढ बनाओस्।
ईद मुबारक! 🤍

23/01/2026

आज वसन्त पञ्चमी अर्थात् सरस्वती पूजा। ज्ञान, कला र विवेककी अधिष्ठात्री देवी सरस्वतीको आराधना गर्ने पावन दिन। हाम्रो समाजलाई अन्धकारबाट उज्यालो तर्फ लैजान र विकासको पथमा अघि बढ्न हामीलाई सही विवेक र ज्ञानको आवश्यकता पर्दछ। अज्ञानता हटाउने भगवती सरस्वतीले हाम्रो रक्षा गरून्।

समस्त आमा-बुबा, दाजु-भाइ तथा दिदी-बहिनीहरूमा सरस्वती पूजा तथा वसन्त पञ्चमीको हार्दिक मंगलमय शुभकामना!

सरस्वती पूजा एवम् वसन्त पञ्चमीको हार्दिक शुभकामना।

माता सरस्वतीको आशीर्वाद शिरोपर रहोस्, बद्धि, विवेक र ज्ञान बढ्दै जाओस्, सत्कर्मले सफलताको मार्ग पछ्याओस्।