Kvt.com

01/10/2026

जिते गगनतिर, हारे देउवातिर ⚽️

काठमाडौं। नेपाली कांग्रेसभित्रको आन्तरिक शक्ति-संघर्ष उत्कर्षमा पुगेसँगै दुई समूह समानान्तर १५औँ महाधिवेशनको तयारीमा जुटेका छन्। गगन थापा नेतृत्वको संस्थापन पक्ष असोज महिनाभित्रै महाधिवेशन सम्पन्न गर्ने अन्तिम कसरतमा छ भने पूर्वसभापति शेरबहादुर देउवा पक्षले मंसीरका लागि महाधिवेशनको तयारी अगाडि बढाएको छ।

महाधिवेशनको मिति नजिकिँदै गर्दा दुवै समूहले सांगठनिक गतिविधि र शक्ति प्रदर्शनलाई तीव्र बनाएका छन्। बदलिँदो राजनीतिक परिवेश र युवा पुस्ताको मनोविज्ञानलाई मध्यनजर गर्दै दुवै पक्षले नयाँ पुस्तालाई आकर्षित गर्ने रणनीति अख्तियार गरेका छन्।

यस क्रममा गगन समूहले युवाहरूलाई आफ्नो पक्षमा तान्न ‘जेन–जी’ (नयाँ पुस्ता) उमेर समूहका लागि विशेष कोटा सुनिश्चित गरेको छ। यता देउवा समूहले पनि प्रतिस्पर्धामा पछि नपर्न जेन–जी पुस्ताका लागि छुट्टै प्रतिनिधित्व कोटा तोक्ने गृहकार्य थालेको छ।

पार्टीभित्र देखिएको तीव्र ध्रुवीकरणका बीच करिब एकतिहाइ आम कार्यकर्ता भने चारतारे झण्डा र ‘रूख’ चुनाव चिन्ह जता रहन्छ, उतै उभिने मनस्थितिमा देखिएका छन्।

यस मनोविज्ञानले तत्कालका लागि गगन समूहलाई ठूलो राजनीतिक तथा प्राविधिक लाभ दिलाएको छ। हाल पार्टीको वैधानिक आधिकारिकता, झण्डा र चुनाव चिन्ह गगन पक्षकै नियन्त्रणमा रहेकाले बहुसंख्यक संस्थापन पक्षधर कार्यकर्ता उनीहरूकै महाधिवेशनमा लामबद्ध हुने देखिएको छ।

पार्टीको संस्थापन हैसियत र वैधानिकता हातबाट फुत्किँदै गएको निष्कर्षसहित देउवा समूहले फरक रणनीतिक दाउपेच अघि सारेको छ। गगन पक्षको महाधिवेशनमा अवसर नपाएका, टिकट वितरणमा असन्तुष्ट बनेका तथा प्रतिस्पर्धामा पराजित भएका नेता-कार्यकर्ताहरूलाई समेटेर आफ्नो पक्ष बलियो बनाउने योजना देउवा समूहको छ।

सोही राजनीतिक गणितलाई ध्यानमा राखेर देउवा पक्षले संस्थापन समूहको महाधिवेशन सम्पन्न भएको केही समयपछि अर्थात् मंसीरका लागि महाधिवेशनको मिति तय गरेको हो। दुई समूहको यो समानान्तर अभ्यास र टकरावले ऐतिहासिक लोकतान्त्रिक दल कांग्रेसलाई औपचारिक विभाजनको दिशातिर धकेल्ने जोखिम झनै बढाएको छ।

04/09/2026

चाडै सकुशल फेला परेको समाचार सुन्न सबै आफन्तजन सहित सम्पूर्ण काकरभिट्टाका बासिन्दा आतुर छौ

01/09/2026

गत भदौ १० गते रसुवाको कालीगण्डकी मा आएको बिनासकारी भिषण बाढिमा सम्पर्क बिहिनि हुनु भएको मेचीनगर नगरपालिका काकडभिट्टा निवासी दिपक खरेल हालसम्म परिवारसङ्ग सम्पर्क बिहिन अवस्थामा छ । यस विपदको घडिमा आमा कृष्ण कुमारी खरेल आफ्नो छोरा सकुशल सम्पर्क गर्छन भनेर पर्खाईमा बसिरहेकी छिन । आशा गर्छौं हामी उहाँको जीवन सकुशल रहोस् र आफ्नो परिवारसङ्ग चाडै सम्पर्क होस् । यदि कहिँ कतै सम्पर्कमा आउनु भयो भने तल दिएको निम्न
परिवारको सम्पर्क नम्बरमा सहयोग गरिदिनु होला : 9745666627
984267 7500, 98049 18182, 9806098452

31/07/2026

ब्रोड पिक हिमपहिरो: एक नेपालीसहित दुई मृतकको सनाखत, निर्मल पूर्जाको अवस्था अज्ञातNims Dai

11/07/2026

नागरिकका संवैधानिक तथा मौलिक हक तथा कानूनी अधिकारका पक्षमा सार्वजनिक पैरवी मार्फ़त जनचेतना निर्माणका अभियान्त नवयुवा वौद्दिक व्यक्तित्व माजित अन्सारी लगायतमाथी भएको दुर्व्यवहारले सभ्य र आधुनिक राज्यलाई बदनाम गरेको छ । वहाँ लगायत सबैलाई ससम्मान रिहा गर्न माग गर्दछु Yogesh bhattarai

26/06/2026

नेपालमा अहिले ७० हजारभन्दा बढी लागुपदार्थका दुर्व्यसनीहरु छन्। तीमध्ये अधिकांश ३० वर्ष मुनिका छन्। स्कुले विद्यार्थीदेखि पाको उमेरका मानिससम्म लागुपदार्थका अम्मली छन्। अभिभावकले सन्तानको सुनौलो भविष्यको लागि स्कुल, कलेज पठाउँछन् तर कति सन्तान लागुपदार्थमा लिप्त भएर घर परिवारमा प्रलय ल्याउँछन्। साथीहरुको सिको, लहैलहै वा दबाबबाट कलिला बालबालिका र किशोरकिशोरी यसको लतमा पर्छन्। अहिलेको जटिल र प्रतिस्पर्धात्मक जमानामा चिन्ता वा तनाव कम गर्ने भ्रममा परी कति मानिसहरु लागुपदार्थ दुर्व्यसनी बन्न पुग्छन्। बढी आर्थिक स्वतन्त्रता पाएका मानिस दुर्व्यसनको जोखिममा हुन्छन्। जीवनका विभिन्न खड्कोमा असफल हुने मानिस पनि यो घातक बानीको सिकार बन्न सक्छन्। जस्तै परीक्षामा लगातार असफल, वैवाहिक जीवनमा तनाव वा असफलता, बेरोजगारी, पारिवारिक कलह, सामाजिक एकतामा कमी, प्रेममा धोका, उच्च महत्वकांक्षामा असफलता, कमजोर आत्मनियन्त्रण, मन्द प्रगति वा दुर्गति, आत्मविश्वासमा कमी, दूरदर्शिताको अभाव, अनुशासनहीनता, भविष्यप्रति संवेदनहीन, प्रभावकारी कानुनको अभाव, चेतनाको अभावआदि जस्ता पक्ष मानिसलाई लागुपदार्थको दुर्व्यसनमा फसाउने मूल कारक हुन्।
केही मानिसमा लागु पदार्थको दुर्व्यसनको प्रारम्भ सामान्य मानिने लतहरु जस्तै रक्सी, चुरोट, खैनी आदिको सेवनबाट सुरु भएको पाइन्छ। अनि उसले मात्रा बढाउँदै गएर गाँजा, चरेस आदिको सेवन गर्न थाल्छ र हेरोइन, कोकिन आदिसम्म पुग्ने र सुई लगाउनेजस्ता व्यसनमा फस्न पुग्छ। केही मानिस सिधै कडा लागुपदार्थको प्रयोगकर्ता बन्छन्। नजिक वा घनिष्ट मान्छे अझ आफूले सम्मान गर्ने व्यक्तिले खाएको देखेर लागुपदार्थको दुर्व्यसनमा लाग्ने पनि थुप्रै हुन्छन्।
लागुपदार्थको दुर्व्यसनले मानिसको मानसिक र शारिरिक पक्ष विकारग्रस्त बनाइदिन्छ। निराशा, व्यक्तित्वमा गडबडी, सिजोफ्रेनिया जस्ता विविध मानसिक रोग, आत्महत्या, क्यान्सर, मुटु रोग, हृदयघात, मस्तिष्कघात, सुई साटासाटबाट सर्ने एड्सजस्ता रोग दुर्व्यसनका घातक परिणाम हुन्। नेपालमा भएका कुल एचआईभी पोजिटिभका बिरामीमध्ये करिब १५ प्रतिशत मानिस लागुपदार्थको अम्मली भएको तथ्यांक छ। कडा खालको लागुपदार्थको अम्मलीको औसत आयु सामान्य मानिसको भन्दा धेरै कम हुन्छ। केही दुर्व्यसनी नशा सेवन गर्न पैसा नपुगेर चोरी, लुटपाटजस्ता अपराध गर्न पनि पछि पर्दैनन्। दुर्व्यसनीहरुबाट झैझगडा, हिंसा, सवारी दुर्घटना आदि निम्तिने डर बढी हुन्छ। घरको सुख, शान्ति र आर्थिक, सामाजिक पक्ष खल्बलिन पुग्छ। अत्यधिक लागुपदार्थको प्रयोगबाट मानिस निकम्मा बन्न पुग्छ। लागु पदार्थको लत लागेका मानिस अझ विशेषगरी युवा अनुत्पादक बन्दा घर, समाज र देशलाई पनि घाटा हुन्छ। लागु पदार्थ मानिसको बर्बर शत्रु हो। यसलाई नकार्नु पर्छ। यसको लत लागेको मानिस जीवन संघर्षमा असफल बन्न पुग्छ।
लागुपदार्थ दुर्व्यसनविरुद्ध सबै एकजुट भएर लड्नुपर्छ। लागुपदार्थको उत्पादन, तस्करी र उपलब्धता रोक्न सबै पक्ष कर्तव्यनिष्ठ बन्नुपर्छ। यसका लागि कडा कानुनको निर्माण र प्रभावकारी कार्यान्वयन हुनुपर्छ साथै प्रहरीको सक्रियता पनि बढ्नुपर्छ। चाइना, भियतनामलगायत केही देशमा हेरोइनजस्ता खतरनाक लागुपदार्थको कारोबार गर्नेलाई मृत्युदण्डसम्मको सजाय दिइएका उखाहरण छन्। लागुपदार्थको दुश्चक्रले गर्दा कति अभिभावक निर्मम मानसिक यातना खेप्न बाध्य छन्। आफ्ना सन्तानहरु लागुपदार्थको दलदलमा नफसुन् भनेर अभिभावक सचेत र चनाखो बन्नुपर्छ। छोराछोरीका साथी समूह कस्ता छन्, कतै कुबाटोतर्फ त लागेका त छैनन् भन्ने आदि कुरामा सचेत बन्नुपर्छ। छोरोछोरीका दैनिक क्रियाकलापमा सकेसम्म निगरानी राख्नुपर्छ। साथसाथै लागुपदार्थ अति खराब हो भन्ने चेतना पनि दिनुपर्छ। कसैले असामान्य व्यवहार देखाउन थाल्यो भने परिस्थिति चिन्ताजनक हुन्छ। दुब्लाउँदै जानु, आफ्नो जीम्मेवारीबाट पन्छने कोसिस गर्नु, हातमा सुई घोपेका छाप हुनु, विनासूचना घरबाट कतै गइरहनु, आँखा र अनुहारको चमक हराउनु, शरीर र मुखबाट अनौठा गन्ध आउनु, झुम्म वा लठ्ठ भएर बस्नु, अत्यधिक पैसाको माग गर्नुआदि गर्न थाले लागुपदार्थको अम्मलमा फसेको हुन सक्छ। विद्यालयमा हरेक विद्यार्थीको चालचलनमा निगरानी राख्नु हरेक शिक्षकको नैतिक जीम्मेवारी हो। शिक्षक र अभिभावकको सञ्चार आदानप्रदान भइरहनुपर्छ। विद्यालय/कलेज, टोल, बस्ती, समाज आदिमा लागुपदार्थको विरुद्धमा जनचेतनाका कार्यक्रम भइरहनुपर्छ। हरेक मानिसले के चेतना पाउनुपर्छ भने लागु पदार्थको दलदलमा फसेपछि यसबाट बाहिरिन अति नै कठिन हुन्छ र कतिपय अवस्थामा असम्भव पनि हुन्छ। यसका लागि सञ्चार माध्यमको गहन भूमिका हुन्छ। सञ्चार माध्यमले लागुपदार्थ सेवनको परिणामको बारेमा जनतालाई प्रभावकारी जानकारी दिनु लागुपदार्थ दुर्व्यसन घटाउने प्रभावकारी माध्यम हो।
लागुपदार्थको दुर्व्यसनमा फसेका मानिसलाई शारीरिक दण्ड दिएर वा गाली गरेर हैन बरु असल परामर्श दिएर उनीहरूको मनःस्थिति परिवर्तन गर्न र दुर्व्यसनबाट मुक्त बनाउन प्रभावकारी कदम चालिनुपर्छ। उनीहरुलाई सम्झाइबुझाई गरेर नशा छोड्ने आत्मबल प्रदान गरिनुपर्छ। यतिले मात्र भएन भने लागुपदार्थ दुर्व्यसनको उपचार गर्ने विशेषज्ञलाई जति सक्दो छिटो देखाउन ढिला गर्नु हुँदैन। सल्लाहअनुसार पुनर्स्थापना वा सुधार केन्द्रमा जान सकिन्छ। सकेसम्म कोही पनि लागुपदार्थको दुर्व्यसनमा नलागुन्, लागि हाले भने पनि परामर्श वा उपचार पाएर पुनर्स्थापित होऊन्। उनीहरूलाई घृणा होइन माया र सहयोग प्राप्त होस्। हामी सबै मिलेर लागुपदार्थको दुर्व्यसनबाट बचौँ र बचाऔँ।

12/06/2026

देशको रक्षा कुनै काठमाडौंका महलमा बस्ने भन्दा पनि स्थानिय सिमानामा बसेका बासिन्दाको महत्वपुर्ण भुमिका छ र रहन्छ पनि डटेर लडनु पर्दछ बिदेशी सेनासंग जय देश

07/06/2026

सगरमाथा वा अन्य हिमाल चढ्न नसके पनि यो चुचुरो चढेर सगरमाथा र छेउछाउका शिखर हेर्नुको आनन्द शब्दमा बयान गर्न सकिँदैन।

07/06/2026

अमेरिकामा चार करोड ५५ लाखको जागिर छोडेका नेपाली इन्जिनियरको ‘भाइरल’ कथा

विश्वकै प्रतिष्ठित प्रविधि कम्पनी गुगल (गुगल) मा वार्षिक तीन लाख अमेरिकी डलर (चार करोड ५५ लाख रुपैयाँ) को आकर्षक तलब।

धेरैका लागि यो जीवनकै सबैभन्दा ठुलो सपना हुन सक्छ। तर नेपालमा जन्मे-हुर्केका सफ्टवेयर इन्जिनियर प्रतीक कार्कीका लागि भने यो लोभलाग्दो वास्तविकता एच-१ बी भिसाका कारण एकाएक एउटा अनिश्चितताको भुमरीमा बदलियो। लगातार चार पटकसम्म भाग्यले साथ नदिएपछि उनले जुन साहस देखाए, त्यसले उनलाई आज एउटा सफल उद्यमी मात्र बनाएन, बरु अमेरिकाको 'ग्रिन कार्ड' सम्म पुर्‍यायो। हालै सामाजिक सञ्जाल 'एक्स' (ट्विटर) मा आफ्नो संघर्ष र सफलताको कथा साझा गरेपछि प्रतीक यतिबेला विश्वभर भाइरल भइरहेका छन्।

अमेरिकासँग उनको सम्बन्ध बाल्यकालदेखि नै जोडिएको थियो। उनका बुबाले अमेरिकाको प्रतिष्ठित हार्वर्ड विश्वविद्यालय र क्यालिफोर्निया विश्वविद्यालय, बर्कलेमा पोस्टडक्टोरल अनुसन्धानकर्ताको रूपमा काम गर्थे। तर पारिवारिक सम्बन्धमा दरार आएपछि आमाबुबा अलग भए। दुई ससाना छोराहरूको पालनपोषण र भविष्यका लागि उनका बुबाले अमेरिकामा बनाएको सुखद करियर र जीवन चटक्कै छोडेर नेपाल फर्कने कठिन निर्णय लिए।

नेपाल फर्केपछि उनीहरू काठमाडौंमा हजुरबुबा-हजुरआमाको घरको एउटा सानो अटारी कोठा मा बस्न थाले। प्रतीक लेख्छन्, 'हाम्रा लागि बाबाले अमेरिकाको सबै कुरा त्याग्नुभयो। नेपाल छोडेपछिका मेरा हरेक पाइलाहरू बाबाले सुरु गरेर अधुरो छोडेको त्यही यात्रालाई पूरा गर्नमा केन्द्रित थिए।'

वर्षौँको कडा मेहनतपछि प्रतीक उच्च शिक्षा र करियरका लागि पुनः अमेरिका पुगे। उनले गुगलमा सिनियर सफ्टवेयर इन्जिनियरको रूपमा काम पाए, जहाँ उनको वार्षिक कमाइ चार करोड ५५ लाख रुपैयाँभन्दा बढी थियो। तर अमेरिकामा उनको कानुनी बसाइ हरेक वर्ष खोलिने एच-१बी भिसा लटरीको 'चिट्ठा' मा निर्भर थियो।

दुई वर्षअघि जब चौथो पटक पनि उनको नाम लटरीमा परेन, उनी छाँगाबाट खसेजस्तै भए। प्रतीक सम्झिन्छन्, 'मलाई अझै याद छ मेरो दिमागमा के चलिरहेको थियो। मेरी श्रीमती, हाम्रा बिरालाहरू र हामीले बुनेको संसार यहीँ थियो। म क्यानडा सर्ने वा नेपाल फर्केर आफूले माया गरेको मान्छेभन्दा हजारौँ माइल टाढा बस्नुपर्ने सोचमा डुबेको थिएँ।'

त्यो निराशाजनक रात प्रतीक आत्तिएर घर फर्के। उनकी श्रीमतीले उनलाई ढाडस दिँदै भनिन्, 'हामीसँग केही समय टिक्न पुग्ने बचत छ, र आखिर यो तिम्रो सपना हो।' श्रीमतीको यही एउटै वाक्यले उनलाई ठुलो जोखिम मोल्ने आँट दियो।

२७ वर्षको उमेरमा प्रतीकले गुगलको करोडौँको जागिरबाट राजीनामा दिए। जागिर छोडेपछिका केही महिनाहरू निकै तनावपूर्ण र चुनौतीपूर्ण रहेको उनलाई स्मरण छ। उनले सान फ्रान्सिस्कोमा विभिन्न सल्लाहकार, साथीहरू र प्राविधिकहरूसँग नयाँ आइडियामा काम गर्न थाले। गुगलमा काम गर्दा एआई (एआई) प्रोजेक्टहरूमा देखिएका समस्याहरूलाई सुधार्ने सोचका साथ उनले 'एन्थ्रोमाइन्ड' (एन्थ्रोमाइन्ड) नामक आर्टिफिसियल इन्टेलिजेन्स स्टार्टअपको जग बसाले। सान फ्रान्सिस्कोकै एक कार्यक्रममा उनको भेट मन्नत नामकी सह-संस्थापकसँग भयो, जो ठ्याक्कै त्यही समस्याको समाधान खोजिरहेकी थिइन्। लगत्तै उनीहरूले लगानी (भिसी फन्डिङ) र पहिलो प्रोजेक्ट पनि पाए।

उनले 'ओ-१' भिसाका लागि आवेदन दिए, जसलाई प्राविधिक क्षेत्रमा असाधारण क्षमता भएका व्यक्तिहरूलाई दिइने भएकाले 'आइन्स्टाइन भिसा' पनि भनिन्छ। गुगलमा रहँदा गरेका कामहरू, विभिन्न ह्याकाथनहरूमा निर्णायक (जज) बनेको अनुभव र आफ्ना प्राविधिक लेखहरू समेटेर उनले बलियो फाइल तयार पारे। उनको 'ओ-१' भिसा स्वीकृत भयो अनि त्यसकै आधारमा ग्रिन कार्डको प्रक्रिया अगाडि बढ्यो।

अध्यागमनको ल डाइँ जितेपछि प्रतीक र उनकी श्रीमतीले हालै अमेरिकाको स्थायी बसोबास अनुमति पत्र (ग्रिन कार्ड) प्राप्त गरेका छन्। आफ्नो हातमा ग्रिन कार्ड समातेको तस्बिर साझा गर्दै प्रतीकले भावुक हुँदै लेखेका छन्, 'आज मेरी श्रीमती र म दुवैको हातमा ग्रिन कार्ड छ। दुई आप्रवासी, एउटा कम्पनी र भान्साको टेबलमा भएको त्यो एक कुराकानी, जसले हाम्रो सबै कुरा बदलिदियो। बाबा, यो सफलता हजुरका लागि हो, हजुरको त्याग र सिकाएका पाठहरूका लागि धन्यवाद! हाम्रो अध्यागमनको यात्रा त सकियो, तर 'एन्थ्रोमाइन्ड' को यात्रा भर्खर सुरु हुँदैछ।'

उनको यो कथा अहिले सामाजिक सञ्जालमा ठुलो चर्चाको कारण बनेको छ्।उनि प्रशंसा योग्य पनि छ।

01/06/2026