Maneesh Yadav

05/08/2026

हार्दिक आमन्त्रण

समावेशी लोकतन्त्र, संघीयता, सामाजिक न्याय र समृद्ध नेपालको साझा यात्रालाई थप सशक्त बनाउन आयोजित "अग्रगामी मोर्चा घोषणा कार्यक्रम" मा सम्पूर्ण युवा, विद्यार्थी तथा लोकतन्त्रप्रेमी महानुभावहरूलाई हार्दिक आमन्त्रण गर्दछौं।

🗓 मिति: श्रावण २३ गते, शनिवार
🕛 समय: दिउँसो १२:०० बजे
📍 स्थान: काठमाडौं Banquet, थापागाउँ, बानेश्वर

आउनुहोस्, एकता, सहकार्य र परिवर्तनको साझा संकल्प सहित समावेशी, लोकतान्त्रिक र समृद्ध नेपालको निर्माणका लागि अग्रगामी अभियानमा सहभागी बनौं।

हार्दिक आमन्त्रण!

मनिष यादव
केन्द्रीय अध्यक्ष
समाजवादी युवा संघ, नेपाल

23/06/2026

सामाजिक सञ्जाल बन्द गर्ने प्रयास र भ्रष्टतन्त्रविरुद्ध नयाँ पुस्ताबाट उठेको असंगठित युवा विद्रोहले देशको राजनीतिक परिस्थिति नै बदलिदियो। यस आन्दोलनलाई कसैले आफ्नो अनुकूल प्रयोग गरेको होला, कसैले परिमार्जन गरेको होला, कसैले राजनीतिक लाभका लागि उपयोग गरेको पनि हुन सक्छ। तर यो विद्रोहको अस्तित्व र त्यसको प्रभावलाई इन्कार गर्न सकिँदैन।

यो आन्दोलन संगठित थिएन, स्पष्ट नेतृत्वमा पनि थिएन। त्यसैले प्रयोग र दुरुपयोग दुवै भएको हुन सक्छ। तर त्यसको मूल कारण भने एउटा गहिरो सामाजिक, आर्थिक र राजनीतिक पीडा थियो, जसलाई राज्य, राजनीतिक दल र नेतृत्वले लामो समयदेखि बेवास्ता गर्दै आएका छन्।

यो देशमा एउटा यस्तो पुस्ता छ, जसको पीडा, भोगाइ र वास्तविक अवस्थालाई सरकार, पुराना तथा नयाँ राजनीतिक दल, नेता र सरोकारवाला निकायहरूले न त ठीकसँग हेरेका छन्, न त बुझ्ने प्रयास गरेका छन्।

यो पुस्ता बेरोजगारीको मारमा बाँचिरहेको छ। व्यवसायमा लागेकाहरू पनि आर्थिक दबाब र अनिश्चितताको चपेटामा छन्। राजनीतिमा उनीहरूलाई सधैं तेस्रो दर्जाको नागरिकझैँ व्यवहार गरिएको छ। यही पुस्ता किसान पनि हो, श्रमिक पनि हो, उद्यमी पनि हो।

यही पुस्ताको काँधमा परिवार चलाउने जिम्मेवारी छ। यही पुस्ताले आफ्ना वृद्ध बुबाआमाको हेरचाह गर्नुपर्छ। यही पुस्ता आफ्ना छोराछोरीको भविष्य निर्माणका लागि भोक, अभाव र संघर्ष सहँदै कठोर परिश्रम गरिरहेको छ। यही पुस्ता अवसरको खोजीमा पलायन हुन बाध्य छ।

यही पुस्ता राति एक्लै रोइरहेको हुन्छ, तर दिनमा मुस्कुराएर समाजको सामना गरिरहेको हुन्छ। यही पुस्ताले अपमान सहन्छ, तिरस्कार भोग्छ र असमानता तथा विभेदको अनुभव गरिरहेको छ। यही पुस्ता अस्पतालको कोरिडोरमा आफ्ना बुबाआमा वा परिवारका सदस्यहरूको उपचारका लागि असहाय र चिन्तित भएर टोलाइरहेको देखिन्छ।

यही पुस्ताको काँधमा परिवार, समाज, संस्कृति, धर्म, नैतिकता र जिम्मेवारीको भारी बोझ छ। तर विडम्बना, यही पुस्तालाई हेर्ने, बुझ्ने र यसको समस्या समाधान गर्ने न सरकार देखिन्छ, न समाज, न त राजनीतिक नेतृत्व।

यस पुस्ताको पीडा क्रमशः विद्रोहमा रूपान्तरण हुँदै जानेछ। यसको असन्तुष्टि उग्र अवस्थातर्फ बढ्दै जानेछ। जब यो पुस्ता आफ्नो पीडा, जिम्मेवारी र भविष्यको चिन्तासहित आन्दोलनमा उत्रिन्छ, त्यो आन्दोलन केवल आफ्ना लागि हुनेछैन। त्यो आफ्ना परिवारका लागि हुनेछ, आफ्ना सन्ततिका लागि हुनेछ, र भविष्यका पुस्ताले यस्तै बोझ र पीडा बोक्न नपरोस् भन्ने उद्देश्यका साथ हुनेछ।

त्यो संघर्ष अवश्य हुनेछ। त्यो संघर्ष क्रमशः संगठित हुँदैछ। त्यो संघर्ष तात्दैछ। र, त्यो संघर्ष यही पीडित पुस्ताले आफ्नै नेतृत्वमा गर्नेछ।

अब कुनै पनि पुस्ता अरूको राजनीतिक स्वार्थका लागि रगत बगाउन तयार छैन। अब बलिदान आफ्ना अधिकारका लागि हुनेछ, आफ्ना सपनाका लागि हुनेछ, नयाँ युवा पुस्ताको सम्मानित जीवनका लागि हुनेछ। सुखी, समृद्ध र आत्मसम्मानी युवाको भविष्य निर्माणका लागि हुनेछ।

यो संघर्ष कुनै व्यक्ति वा दलको मात्र हुने छैन। यो जिम्मेवार पुस्ताहरूको साझा संघर्ष हुनेछ। यो संघर्ष सबै पुस्ताको सम्मान, अवसर, न्याय र भविष्यका लागि हुनेछ।

संघर्षको दिशा बदलिँदैछन्। अब संघर्ष सत्ता परिवर्तनका लागि मात्र होइन, पुस्ताको जीवन परिवर्तनका लागि हुनेछ।

#मनिष

12/06/2026

जसपा, नेपालमा परिवर्तन केवल संगठनात्मक तहमा मात्र होइन, राजनीतिक प्रस्तुतिकरण, दृष्टिकोण र नेतृत्व शैलीमा समेत आवश्यक छ। हामीले हिजोको शोषित, उपेक्षित र अधिकारविहीन मधेशलाई संघर्ष, त्याग र बलिदानकै बलमा आजको अवस्थासम्म पुर्‍याएका हौं। हिजो मधेश पूर्ण रूपमा राज्य संरचनाबाट बहिष्कृत थियो भने आज सीमित रूपमा भए पनि राज्यको विभिन्न तहमा आफ्नो उपस्थिति स्थापित गर्न सफल भएको छ।

तर समयसँगै संघर्षको स्वरूप र परिवर्तनका आवश्यकता पनि बदलिन्छन्। परिवर्तनशील समूह, समाज र संस्थाले मात्र विकासका नयाँ आयामहरू स्थापित गर्छन् र नेतृत्वदायी भूमिकामा रहन्छन्। परिवर्तन आफैंमा प्रकृतिको नियम र विज्ञानको अविरल सिद्धान्त हो। हामीले चाहे पनि वा नचाहे पनि समयको परिवर्तनशील चक्र कहिल्यै रोकिँदैन।

जसपा, नेपाल केवल एउटा राजनीतिक दल होइन। यो मधेशी, आदिवासी, जनजाति, दलित, महिला, मुस्लिम तथा सम्पूर्ण उत्पीडित र शोषित समुदायको संघर्ष, त्याग र बलिदानको इतिहास बोकेको राजनीतिक शक्ति हो। त्यसैले जसपा, नेपालको अन्त्य होइन, सुधारसहित पुनर्निर्माण आवश्यक छ। यसले परिवर्तनको नयाँ शैली, नयाँ सोच, आधुनिक व्यवस्थापन र दूरदर्शी नेतृत्वलाई आत्मसात् गर्नुपर्छ।

हामीले जसपा, नेपाललाई वैचारिक, सैद्धान्तिक र राजनीतिक रूपमा सबल नेताहरूको थलो बनाउँदै अग्रजहरूको योगदान, ज्ञान र अनुभवलाई नयाँ पुस्तासम्म विस्तार गर्न सक्नुपर्छ। जसपा, नेपाललाई हरेक उत्पीडित समुदायको साझा राजनीतिक घर र नेपाललाई सामाजिक लोकतन्त्रको मार्गमा अगाडि बढाउन सक्ने संस्थागत शक्तिका रूपमा विकास गर्न सकिन्छ। तर त्यसका लागि नयाँ ऊर्जा, नयाँ सोच र नयाँ प्रतिबद्धता आवश्यक छ।

यदि हामी विभाजित मानसिकता, व्यक्तिगत स्वार्थ र साना अवसरवादभन्दा माथि उठ्न सकेनौं भने सामाजिक लोकतन्त्र, सामाजिक न्याय, समानता, सामाजिक अर्थतन्त्र, विभेदरहित समाज, साझा विकास तथा सबैका लागि सम्मान र अवसरजस्ता न्यायपूर्ण अवधारणाहरूको आधार निर्माण गर्न सक्ने छैनौं। परिणामस्वरूप हामी इतिहासले दिएको महत्वपूर्ण अवसरबाट वञ्चित हुनेछौं।

आजको समय चुनौतीसँगै अवसरको पनि समय हो। नेपालमा नेपाली समाज, संस्कृति र यथार्थअनुकूल सामाजिक लोकतन्त्रलाई संस्थागत गर्न संगठित प्रयास र सक्षम नेतृत्व आवश्यक छ। नेपाली जनताको समग्र विकास, सम्मानपूर्ण जीवन र साझा समृद्धि केवल अनियन्त्रित पूँजीवाद वा कठोर साम्यवादबाट सम्भव देखिएको छैन। त्यसैले सामाजिक लोकतन्त्रको व्यापक बहस, प्रचार र संस्थागत विकासको नेतृत्व जसपा, नेपालले लिनुपर्छ।

यदि हामी पुरानै सोच, व्यक्तिगत महत्वाकांक्षा र साना राजनीतिक अवसरहरूको खोजीमै सीमित रह्यौं भने जनताको हित, नेपालको भविष्य निर्माण र इतिहासप्रतिको हाम्रो जिम्मेवारीबाट अलग हुँदै जानेछौं। अन्ततः हामी स्वयं कमजोर बन्दै विलुप्तिको दिशामा अघि बढ्नेछौं।

समयअनुसार आवश्यक परिवर्तनलाई समयमै आत्मसात् गर्न सक्नु नै आजको अपरिहार्य आवश्यकता हो। यसप्रति हुने ढिलाइ हाम्रो लागि आत्मघाती सावित हुन सक्छ।

जसपा, नेपालको नयाँ आवाज

"Social Democracy: Freedom with Equality, Growth with Justice, Prosperity for All."

"सामाजिक लोकतन्त्र: समानता सहित स्वतन्त्रता, न्याय सहित विकास, सबैका लागि समृद्धि।"

हाम्रो विचार बलियो छ, नवीन छ र नेपालको भविष्यका लागि अत्यन्त आवश्यक छ। हामी विचार, सिद्धान्त र नीतिका हिसाबले कमजोर छैनौं; समस्या हामीले आफ्नै शक्ति, विचार र सम्भावनालाई पर्याप्त सम्मान र संगठित गर्न नसक्नुमा छ।

पार्टीभित्र केही अवसरवादी, आपराधिक प्रवृत्तिका व्यक्ति तथा अराजनीतिक समूहहरूको प्रभावले संगठनलाई कमजोर बनाउने प्रयास भइरहेको छ। यदि पार्टी नेतृत्व र इमानदार जसपा, नेपालका नेता–कार्यकर्ताहरूले दृढतापूर्वक यस्ता प्रवृत्तिहरूलाई परास्त गर्न सके भने हाम्रो संघर्ष, योगदान र बलिदानको इतिहास युगौंसम्म जीवित रहनेछ।

नयाँ ऊर्जा, नयाँ आवरण र नयाँ दृष्टिकोणसहित जसपा, नेपाललाई पुनः सशक्त, संगठित, निर्णायक र नेतृत्वदायी शक्तिका रूपमा निर्माण गर्न सकिन्छ। त्यसमार्फत नेपालका सम्पूर्ण उत्पीडित र शोषित समुदायसँग सम्मानजनक सहकार्य गर्दै हामी केवल समृद्ध नेपाल मात्र होइन, खुसी, स्वस्थ, आत्मनिर्भर, सुरक्षित र न्यायपूर्ण नेपाल निर्माण गर्न सक्छौं।

धन्यवाद।

मनिष यादव

07/05/2026

🔥 अब मौन होइन, संघर्षको समय आएको छ!
युवाको भविष्यमाथि भइरहेको अन्याय,
भ्रष्टाचार र बेरोजगारीविरुद्ध एकजुट हुँदैछौं मधेशका युवा।

✊ सुशासन, रोजगारी, युवा सहभागिता र समृद्ध मधेशका लागि
“संघर्ष यात्रा”
📍 विरगंज ➝ जनकपुरधाम
📍 सप्तरी ➝ जनकपुरधाम

संयुक्त युवा अभियान, साझा सङ्कल्प, साझा लक्ष्य — समृद्ध मधेश!

हामी सबै एकजुट होऔं।

#संघर्षयात्रा

02/05/2026

संघर्ष यात्राको तयारीमा जुट्न मधेशका सम्पूर्ण युवामा हार्दिक अपिल गर्दछु।

सुशासन, जनताको आधारभूत सेवा, हरेक क्षेत्रमा स्नातक तहसम्मको आधुनिक, सिपमूलक र निःशुल्क शिक्षा, प्रत्येक पालिका र जिल्लामा विज्ञसहितको सुविधा सम्पन्न स्वास्थ्य सेवा, युवाहरूका लागि रोजगार सिर्जना तथा आवश्यक अनुदान, बजार र रोजगार बैंकको स्थापना, भ्रष्टाचाररहित सरकार, पारदर्शिता र न्याय सुनिश्चितता, लागुऔषधको पूर्ण नियन्त्रण, गरिब जनताका लागि उत्तरदायी सरकार, विपन्न वर्गका लागि न्यायालयमा न्यायिक परामर्श सेवा, प्रत्येक पालिकामा ग्रामीण बजार, हरेक वडामा खाद्यान्न सुरक्षाका लागि कोल्ड स्टोर, प्रत्येक पालिकामा खेल एकेडेमी, ई-लाइब्रेरी तथा पुस्तकालय, आईटी र एआई तालिम, प्रत्येक विद्यालयमा अनिवार्य आईटी शिक्षा, सांस्कृतिक केन्द्र, स्वास्थ्य परीक्षण ल्याब, ऐतिहासिक स्थलहरूमा भव्य संग्रहालय, खेत–खेतमा सिँचाइ सुविधा, राजमार्गमा सुविधा सम्पन्न मोबाइल एम्बुलेन्स र प्राथमिक उपचार केन्द्र, डाटा सेन्टर तथा साइबर सुरक्षा केन्द्र, सोलार ऊर्जा प्लान्ट, ग्रामीण महिला समूहको सशक्तीकरण, ग्रामीण उत्पादन प्रवर्द्धन, युवा व्यवसायिक कृषि समूह, नवीनतम स्टार्टअप र प्रविधि अनुसन्धानका लागि वार्षिक ५ अर्बभन्दा बढीको स्टार्टअप फण्ड, समाज तथा मानव विकासका लागि युवा स्वयंसेवक अभियान, व्यापार तथा उद्यम विकासका लागि विज्ञ मेंटरशिप कार्यक्रम, प्रत्येक पालिकामा उद्यमशीलता विकास हब, विज्ञान प्रयोगशाला स्थापना, हुलाकी राजमार्गमा सार्वजनिक यातायात सञ्चालन, वीरगञ्ज–जनकपुरधाम २४ घण्टा खुला बजार, पर्यटकीय स्थलहरूको संरक्षणसहित आधुनिकीकरण, नदी–पोखरी–कुलो संरक्षण, जंगल संरक्षण तथा चुरे क्षेत्रमा व्यापक वृक्षारोपण, साथै स्वायत्तता र आत्मनिर्णय अधिकारसहितको प्रदेश, जनताका लागि लोककल्याणकारी, उत्तरदायी र जवाफदेही सरकार निर्माण हाम्रो प्रष्ट लक्ष्य र मुद्दाहरु हुन।

✍️ मधेश प्रदेश सरकारमा बढ्दै गएको भ्रष्टाचार र अराजकताको विरुद्ध संघर्ष
✍️ केन्द्र सरकारले प्रदेशलाई दिनुपर्ने स्वायत्तताका लागि संघर्ष
✍️ जनप्रतिनिधिहरू जनता होइन, योजना केन्द्रित बन्न पुगेको अवस्थाको विरुद्ध संघर्ष
✍️ युवाहरूका लागि, युवाहरूद्वारा संघर्ष
✍️ युवा प्रतिनिधित्व सुनिश्चितताका लागि संघर्ष
✍️ मधेशमा सुशासन स्थापनाका लागि संघर्ष
✍️ हाम्रो साझा संघर्ष

संघर्ष यात्रा — युवाहरूको आफ्नो देश, प्रदेश र समाजप्रति उत्तरदायित्वसहितको अभियान।

मिति र समय यथाशीघ्र घोषणा गरिनेछ।

#संघर्ष #यात्रा #मधेश #युवा

#मनिष

06/04/2026

मधेशका केही नेताहरूका घर त बने होलान्, तर जनताका लागि अस्पताल बन्न सकेनन्, विद्यार्थीका लागि गुणस्तरीय विद्यालय स्थापना हुन सकेनन्, र युवाहरूका लागि रोजगारी सिर्जना हुन सकेन। यही यथार्थले देखाउँछ कि मधेश प्रदेश सरकार र प्रदेश सभा सदस्यहरू पूर्ण रूपमा असफल भएका छन्।

विश्वविद्यालय र स्वास्थ्य विज्ञान प्रतिष्ठानजस्ता महत्वपूर्ण परियोजनाहरू अझै पनि अलपत्र अवस्थामा छन्, जबकि ढलान, ग्रेभल र साना योजनाहरूको नाममा कमिसनखोरी र अनियमितता झन् बढ्दै गएको छ।

अब मधेशका युवाहरूले चुप लागेर बस्ने अवस्था छैन। “जय मधेश” भन्दै नारा लगाउने र चुनावमा भोट हाल्ने मात्रले समस्या समाधान हुने देखिएन। अब परिवर्तनका लागि स्पष्ट दृष्टिकोण र सशक्त निर्णय आवश्यक छ र त्यो समय आइसकेको छ।

मधेशलाई भ्रष्ट मानसिकता र कमजोर नेतृत्वबाट मुक्त गराउनु आजको अपरिहार्य आवश्यकता हो। यो केवल अधिकार मात्र होइन, हाम्रो जिम्मेवारी र दायित्व पनि हो।

27/03/2026

27/03/2026

रामनवमीको पावन उपलक्ष्यमा हार्दिक मंगलमय शुभकामना।

्री_राम

26/03/2026

26/03/2026

सबै हेर्दैछु, बुझ्दैछु, आफैँलाई परिमार्जित पनि गर्दै छु। समय अनुकूल र वातावरण अनुसार आफु भित्र परिवर्तन ल्याउँदैछु। परिवर्तन नै जीवनको निरन्तर र अनिवार्य प्रकृया हो।

म पनि यस Transit Period मा आफु भित्र नयापन सहितको दिशा र उर्जासहितको कार्य गर्न यस मानव शरीर र चेतनालाई Restructure, Upgrade, Update गर्दैछु।

From Janaki Mandir