Gati Youth Club-GYC

13/10/2026

उत्कृष्ट प्रदर्शन र उत्कृष्ट जित! ⚽
आज भएको रोमाञ्चक फुटबल खेलमा गाती युथ क्लबले भोटेकोशी युथ फोर्सलाई ३-१ को फराकिलो गोल अन्तरले पराजित गर्दै शानदार जित हासिल गरेको छ!
मैदानमा खेलाडी साथीहरूले देखाउनुभएको उच्च अनुशासन, मेहेनत र उत्कृष्ट टिमवर्कको उच्च कदर गर्दै गाती युथ क्लबका सम्पूर्ण खेलाडी, प्रशिक्षक तथा टिम व्यवस्थापन पक्षलाई हार्दिक बधाई तथा शुभकामना व्यक्त गर्दछौँ! 👏🙌
यसरी नै आगामी खेलहरूमा पनि निरन्तर सफलताको अपेक्षा राख्दछौँ।

03/10/2026

हाम्रो गातीको शान, खेलकुदमा गाती युथ क्लबको पहिचान!🙏🙏🙏
भोटेकोशी गाउँपालिका वडा नं. ४, श्रीचौर फुटबल मैदानमा आयोजना हुन गइरहेको "विजया दशमी कप-२०८३" खुल्ला पुरुष 7A साइड फुटबल प्रतियोगिता मा हाम्रो गाती युथ क्लब को टोलीले पनि गातीको नाम र प्रतिष्ठा उच्च राख्ने उद्देश्यका साथ सहभागिता जनाउन गइरहेको छ।
हाम्रो गाउँ र सम्पूर्ण गातीवासीको प्रतिनिधित्व गर्दै मैदानमा उत्रिन लागेका हाम्रा उर्जावान युवा खेलाडीहरूको हौसला बढाउन, दर्ता शुल्क (रु. ४,०००/-), खेल सामग्री तथा अन्य व्यवस्थापकीय खर्चका लागि क्लबलाई आर्थिक सहयोगको आवश्यकता परेको छ।
तसर्थ, देश तथा विदेशमा रहनुभएका सम्पूर्ण आदरणीय दाजुभाइ, दिदीबहिनी, खेलप्रेमी तथा गातीवासी आमाबुबा–दाजुभाइहरूमा गाती युथ क्लबलाई आफ्नो तर्फबाट सक्दो आर्थिक तथा नैतिक सहयोग गरिदिनुहुन हार्दिक अपिल गर्दछौँ।
तपाईँहरूको सानो भन्दा सानो सहयोगले हाम्रा युवा खेलाडीहरूलाई मैदानमा उत्कृष्ट प्रदर्शन गर्न ठूलो बल र हौसला मिल्नेछ। आउनुहोस्, एकजुट भई खेलकुदको माध्यमबाट हाम्रो गातीको पहिचानलाई अझ फैलाऔँ!
"खेलकुदले जोडौँ, मित्रता बढाऔँ..."
सहयोग तथा सम्पर्कको लागि:
गाती युथ क्लब परिवार🙏🙏🙏

25/09/2026

"एक-अर्काको सहारा बनौँ, विपद्लाई मिलेर टारौँ।"

📢 विपद् सतर्कता तथा पूर्वतयारीसम्बन्धी जरुरी अपिल! 📢
"सावधानीमा नै सुरक्षा छ: विपद्‌मा सहकार्य, हाम्रो दायित्व!"
आदरणीय गाउँ ,स्थानीय अभिभावक तथा सम्पूर्ण समुदायवासी महानुभावहरू,
गएको असोज ८ गतेदेखि लगातार भइरहेको अविरल वर्षाका कारण देशभरका विभिन्न स्थानहरूसँगै हाम्रो आसपासका क्षेत्रमा पनि बाढी, पहिरो र डुबानको जोखिम उच्च बनेको कुरा हामी सबैमा सर्वविदितै छ।
यस कठिन र चुनौतीपूर्ण परिस्थितिमा सम्भावित जोखिम तथा क्षतिलाई न्यूनीकरण गर्नका लागि गाति युथ क्लब सम्पूर्ण समुदायवासीहरूमा उच्च सतर्कता अपनाउन र एकापसमा हातेमालो गर्न हार्दिक आह्वान गर्दछ।
हामी सबैले ध्यान दिनुपर्ने प्रमुख विषयहरू:
१. उच्च सतर्कता र सुरक्षित बसोबास:
नदी, खोला तथा पहिरोको जोखिम भएका क्षेत्र आसपास रहनुभएकाहरूले विशेष सावधानी अपनाऔँ।
अति आवश्यक कामबाहेक जोखिमपूर्ण बाटोमा यात्रा नगरौँ।
२. द्रुत सूचना आदानप्रदान:
आफ्नो टोल वा आसपासमा बाढी, पहिरो वा बाटो अवरुद्ध भएको देखिएमा तुरुन्तै छिमेकी, क्लबका प्रतिनिधि तथा स्थानीय प्रशासनलाई जानकारी गराऔँ।
आधिकारिक र तथ्यपूर्ण सूचना मात्र प्रवाह गरौँ, अफवाहको पछि नलागौँ।
३. पारस्परिक सहकार्य र सहयोग:
विपद्‌को घडीमा जेष्ठ नागरिक, बालबालिका, गर्भवती तथा असक्त व्यक्तिहरूलाई प्राथमिकताका साथ सुरक्षित स्थानमा सार्न सहयोग गरौँ।
क्लबका सम्पूर्ण युवा साथीहरूलाई आवश्यक परेको खण्डमा उद्धार र राहतका लागि तयारी अवस्थामा रहन अनुरोध गरिन्छ।
हाम्रो सानो सावधानी, पूर्वसूचना र बलियो सहकार्यले नै सम्भावित ठूलो क्षतिबाट समुदायलाई जोगाउन सक्छ। धैर्य धारण गरौँ, सुरक्षित रहौँ र एक-अर्काको सहारा बनौँ!
आकस्मिक सहयोग वा सूचनाका लागि:
नेपाल प्रहरी: १०-०
सशस्त्र प्रहरी बल: १०३
गाति युथ क्लब सम्पर्क: [ वाङ्ग्दि तामाङ्ग: 9848831831
(भूपेन्द्र श्रेष्ठ : 9863693665
गाति युथ क्लब 🤝

14/09/2026

जनैपूर्णिमा विशेष सरसफाई कार्यक्रम: आर्थिक सहयोग संकलन विवरण
आदरणीय आमाबुबा, दाजुभाइ तथा दिदीबहिनीहरू,
हार्दिक नमस्कार।🙏🙏🙏
गएको पावन पर्व जनैपूर्णिमाको शुभ अवसरमा हाम्रो गाती क्लबको अगुवाइमा ऐतिहासिक तथा धार्मिक स्थल टुंगटुंग भुमेश्वर महादेव थान परिसर, पर्यटकीय क्षेत्र एवं गाउँका मुख्य बाटोघाटाहरू सरसफाई गर्ने कार्य सफलतापूर्वक सम्पन्न भएको छ।
मेला तथा जात्रामा आउनुहुने सम्पूर्ण तीर्थयात्री एवं पर्यटकहरूलाई सहज र स्वच्छ वातावरण मिलाउने उद्देश्यका साथ सञ्चालन गरिएको यस अभियानमा जोडिएर आर्थिक, भौतिक तथा नैतिक सहयोग पुर्याउनुहुने सम्पूर्ण महानुभावहरूप्रति गाती क्लब हार्दिक आभार व्यक्त गर्दछ।
तपाईंहरूले दिनुभएको योगदानको कदर गर्दै संकलित आर्थिक सहयोगको पारदर्शी विवरण तल प्रस्तुत गरिएको छ:
सहयोगदाताहरूको नामावली तथा संकलित रकम:
१. Daniel Schäfer (जर्मन - दीप प्रज्वलन कार्यक्रमको लागि सहयोग): रु. १८,००० /-
२. Namgel Tamang: रु. ४,००० /-
३. Uttam Gubhaju: रु. ३,००० /-
४. Jeveen Shrestha: रु. ३,००० /-
५. Gopal Shrestha: रु. २,१०० /-
६. Surendra Shrestha: रु. १,६६६ /-
७. Laxmi Shrestha (Pushpa Mummy): रु. १,६०० /-
८. Bhupendra Shrestha: रु. १,५१५ /-
९. Sujata Shrestha: रु. १,५०० /-
१०. Wangdhi Tamang: रु. १,५०० /-
११. Bishal Gubhaju: रु. १,३४३ /-
१२. Rajkumar Gubhaju: रु. १,२५० /-
१३. Apasara Shrestha: रु. १,१०० /-
१४. Sanjay Tamang: रु. १,००१ /-
१५. Durga Dash Shrestha: रु. १,००० /-
१६. Ashis Shrestha: रु. १,००० /-
जम्मा संकलित रकम: रु. ४४,५७५ /-
यस पुनित कार्यमा प्रत्यक्ष तथा अप्रत्यक्ष रूपमा सहयोग गर्नुहुने सम्पूर्ण गाउँवासी तथा शुभचिन्तकहरूमा गाती क्लब परिवार हार्दिक धन्यवाद ज्ञापन गर्दछ।🙏🙏🙏
– गाती क्लब परिवार

09/09/2026

आज मिति-२०८३ भाद्र २४ गतेका दिन यस गाती युवा क्ल्बको आयोजनामा श्री कालीदेवी माध्यमिक विधालयको प्राङ्गनमा शोक शभा तथा दीप प्रज्वलन कार्यक्रम सम्पन्न गरियो।हाम्रो निमन्त्रणा लाई स्वीकार गरी उपस्थित हुनु भएका सम्पूर्णमा धन्यवाद व्यक्त गर्दछौँ।भोटेकोशी बाढीबाट दिवंगत हुनु भएका सम्पूर्णमा भावपूर्ण श्रद्धान्जली अर्पण गर्दै शोकाकुल परिवारजनमा गहिरो समवेदना व्यक्त गर्दै धैर्य धारण गर्ने शक्ति प्राप्तिको लागि भगवान् संग प्राथना गर्दछौँ।बेपता भएर खोजीकार्य गरिरहनु भएका परिवारको आफन्तजन शीघ्र सम्पर्कमा आओस भनि कामना गर्दछौँ।

08/09/2026

भावपूर्ण श्रद्धाञ्जली तथा दीप प्रज्वलन कार्यक्रमसम्बन्धी सूचना
आदरणीय आमाबुबा, दाजुभाइ तथा दिदीबहिनीहरू,
भर्खरै रसुवामा गएको अकल्पनीय र विनाशकारी बाढीका कारण हाम्रै बाह्रबिसे नगरपालिका वडा नं. ६ अन्तर्गत गाती, मान्द्रा र सोताङ गाउँका गरी जम्मा ९ जना दाजुभाइहरु वित्नुभएको स्तब्धकारी खबरले हामी लाई अत्यन्तै मर्माहत र शोकाकुल बनाएको छ। यस अकल्पनीय घटनाले सिङ्गो गाउँ नै स्तब्ध र शोकमग्न बनेको छ।
दैवी प्रकोपको यस कठिन घडीमा दिवङ्गत हुनुभएका सम्पूर्ण ९ जना व्यक्तिहरूको आत्माको चिर शान्तिको कामना गर्दै उहाँहरूप्रति हार्दिक श्रद्धाञ्जली अर्पण गर्नका लागि गाती युथ क्लबको आयोजनामा "भावपूर्ण श्रद्धाञ्जली तथा दीप प्रज्वलन कार्यक्रम" आयोजना गर्न गइरहेका छौँ।
तसर्थ, दिवङ्गत आत्माहरूलाई श्रद्धासुमन अर्पण गर्न तथा शोकसन्तप्त परिवारजनप्रति समवेदना प्रकट गर्नका लागि गाती, मान्द्रा, सोताङलगायत सम्पूर्ण वडावासी, समाजसेवी, बुद्धिजीवी तथा युवा साथीहरूलाई उक्त कार्यक्रममा गरिमामय उपस्थितिको लागि हार्दिक अनुरोध गर्दछौँ।
कार्यक्रमको विवरण:
मिति: आउँदो भदौ २४ गते
समय: साँझ [४:००बजे]
स्थान: [श्री काली देवी माध्यामिक बिधालयका प्रागन गाति गाउँ ]
दिवङ्गत आत्माहरूले चिर शान्ति पाउन र शोकसन्तप्त परिवारजनलाई यो बज्रपात सहने शक्ति मिलोस् भन्ने कामना गर्दछौँ।
आयोजक:
गाती युथ क्लब
बाह्रबिसे नगरपालिका - ६, गाती, सिन्धुपाल्चोक

05/09/2026

ध्यानाकर्षण गराइएको सार्वजनिक सूचना📢📢📢
प्रापक: शिवश्री हाइड्रोपावर (चाकु खोला जलविद्युत आयोजना)
विषय: हाइटेन्सन प्रसारण लाइनका कारण उत्पन्न जोखिम नियन्त्रण तथा शीघ्र समाधान सम्बन्धमा।
बाह्रबिसे नगरपालिका वडा नं. ६, गाती स्थित निजी जग्गा माथिबाट गएको शिवश्री हाइड्रोपावरको हाइटेन्सन प्रसारण लाइनका तारहरूले स्थानीय रुख-बिरुवा र पातहरूलाई छोएर पटक-पटक 'लाइन सर्ट' हुने, ठूलो धुवाँ आउने र विद्युत प्रसारणमा अवरोध पुग्ने गरेको समस्याप्रति गाती युवा क्लबको गम्भीर ध्यानाकर्षण भएको छ।
स्थानीय बासिन्दाहरू सो ठाउँमा घाँस-दाउरा गर्न वा वस्तुभाउ चराउन जाँदा जुनसुकै बेला ठूलो मानवीय क्षति तथा दुर्घटना हुन सक्ने उच्च जोखिम सिर्जना भएको छ। सर्वसाधारणको ज्यान नै जोखिममा पारिरेहेको यस्तो संवेदनशील विषयमा समयमै ध्यान नदिइए ठूलो दुर्घटना हुन सक्ने देखिन्छ।
अतः गाती युवा क्लब यसै पोस्टमार्फत शिवश्री हाइड्रोपावर व्यवस्थापन पक्षलाई उक्त जोखिमपूर्ण ठाउँको तत्काल प्राविधिक निरीक्षण गरी:
तारमा छुने रुखका हाँगाबिंगा सुरक्षित रूपमा कटान गर्न,
आवश्यक परे तारको उचाइ वा रेखाङ्कन व्यवस्थापन गर्न, र
सम्भावित मानवीय क्षति रोक्न शीघ्रभन्दा शीघ्र ठोस कदम चाल्न जोडदार माग गर्दछ।
कुनै पनि क्षति हुनुअघि नै यस समस्याको स्थायी र सुरक्षित समाधानका लागि सम्बन्धित पक्षको ध्यानाकर्षण गराइन्छ।
— गाती युवा क्लब
बाह्रबिसे-६, गाती, सिन्धुपाल्चोक🙏🙏🙏

26/08/2026

26/08/2026

सकुशल उद्धारको कामना तथा हार्दिक अपिल 🙏
आज रसुवा जिल्लामा घटेको दुखद घटनामा हाम्रा बाह्रबिसे नगरपालिका, वडा नं. ६ (सिन्धुपाल्चोक) का प्रिय दाजुभाइहरू— चन्द्रलाल शाक्य ,राम श्रेष्ठ, ईश्वर श्रेष्ठ, श्रीकृष्ण श्रेष्ठ र टेक राज श्रेष्ठ अथवा बिजय श्रेष्ठ ,युव राज नेपाली लगायतका अन्य व्यक्तिहरू पनि हालसम्म सम्पर्कविहीन हुनुहुन्छ र यो खबरले अत्यन्तै स्तब्ध र चिन्तित बनाएको छ।
उहाँहरू सबैजनाको शीघ्र खोजी, उद्धार तथा पूर्ण कुशलताको हार्दिक कामना गर्दछौं।
संबंधित निकाय, उद्धार टोली र स्थानीय प्रशासनसँग प्रभावकारी रूपमा शीघ्र खोजी कार्य अघि बढाइदिनुहुन जोडदार अनुरोध गर्दछौं। साथै, उहाँहरूका बारेमा वा उहाँहरू सम्पर्कमा आएको कुनै पनि जानकारी वा सुइँको पाउनुहुने महानुभावहरूले तुरुन्तै परिवार वा नजिकैको प्रहरी कार्यालयमा खबर गरी सहयोग गरिदिनुहुन हार्दिक अपिल गर्दछौं।