Neta Jawaf Deu

जेलबाट फरारपछि आतंक फैलाउँदै हिँडेका गणेश कार्की गो ली लागेर प क्राउ

जडीबुटी क्षेत्रमा गो ली प्रहारपछि पक्रा उ परेका गणेश कार्की पूर्व प्रहरी जवान रहेको र पछि विभिन्न आपराधिक घटनामा संलग्न हुँदै जेल सजाय भोगेर समेत फरार भएका व्यक्ति भएको प्रहरीले जनाएको छ। २०६१ सालमा प्रहरी सेवामा प्रवेश गरेका उनले २०६४ सालमा जागिर छाडेका थिए। त्यसपछि उनी अभद्र व्यवहार, हातहतियार तथा कर्तव्य ज्यान मुद्दामा संलग्न भई कैद सजाय समेत भोगेका थिए।

२०७९ सालमा डाँका चोरी मुद्दामा कैद भुक्तान गरिरहेका उनी २०८२ भदौमा कारागारबाट फरार भएका थिए। फरार भएपछि उनले काठमाडौं उपत्यकामा प्रहरीको नक्कली परिचय दिँदै लुटपाट, चोरी तथा विभिन्न आपराधिक गतिविधि गरेको आरोप प्रहरीले लगाएको छ। कपन, गौशाला, तिलगंगा लगायत क्षेत्रमा भएका लुटपाट घटनामा उनको संलग्नता देखिएको प्रहरीको दाबी छ।

खोजीका क्रममा गएराति जडीबुटीमा पक्राउ गर्न खोज्दा भाग्ने प्रयास गरेपछि गोली हानेर नियन्त्रणमा लिइएको र उनको खुट्टामा गोली लागेको प्रहरीले जनाएको छ। अहिले उनको ट्रमा सेन्टरमा उपचार भइरहेको छ।

Damak Case Update : दमकमा मृत अवस्थामा फेला परेकी एक महिलाको पहिचान खुलेको छ। प्रहरीले दिएको जानकारी अनुसार मृतक जिल्ला दमक नगरपालिका–८ बसन्त टोल निवासी नारायण तिवारीकी २१ वर्षीया छोरी रोमा भन्ने रमा तिवारी रहेको सनाखत भएको हो। मिति २०८३ जेठ १७ गते मृतकका बुवा नारायण तिवारी र आमा मुना तिवारीले शव हेरेर रमा तिवारी भएको पुष्टि गरेका हुन्। प्रारम्भिक अनुसन्धानका क्रममा रमा तिवारी मिति २०८३ जेठ १३ गते राति करिब ९:३० बजे घरबाट निस्किएकी र त्यसपछि घर नफर्किएको बुझिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।