https://www.facebook.com/522101227645791/

Palden Lama, New Road, Kathmandu (2026)

07/10/2026

सुनपति गाउँपालिका वडा नं. १ निवासी प्रिय भाइ सुजन घिसिङलाई जन्मदिनको हार्दिक शुभकामना। 🎂🙏

आगामी दिनहरूमा अझ सफल, जिम्मेवार र समाजप्रति सकारात्मक सोचका साथ अघि बढ्दै आफ्नो ठाउँ र समुदायका लागि राम्रो काम गर्न सधैं प्रेरणा मिलिरहोस्।

स्वस्थ, सुखी, दीर्घायु तथा उज्ज्वल भविष्यको हार्दिक शुभकामना।
जन्मदिनको धेरै धेरै शुभकामना भाइ सुजन! 🎉🎂

07/10/2026

शुभ बिहानी शुभ दिन

समय आफ्नो गतिमा चलिरहन्छ,
मान्छेको मूल्य उसको कर्मले देखाउँछ।
अरूले के भने भन्ने होइन,
आफूले के गरेँ भन्ने महत्वपूर्ण हो।

शब्दभन्दा कर्म बलियो बनोस्,
पहिचानभन्दा चरित्र ठूलो रहोस्,
र यात्रा जति कठिन भए पनि लक्ष्यबाट नजर नहटोस्।

सबैमा सुख, शान्ति र उज्ज्वल दिनको हार्दिक शुभकामना।

07/10/2026

बागमती प्रदेशका माननीय प्रदेशसभा सदस्य, आदरणीय दाजु युवराज चौलागाईं ज्यूलाई जन्मदिनको हार्दिक मंगलमय शुभकामना। 💐🎂🙏

रामेछापको माटोसँग जोडिएर राष्ट्रिय राजनीतिमा सक्रिय रहनुभएका दाजु युवराज चौलागाईं केवल राजनीतिमा मात्र सीमित नाम होइन, प्रवासी नेपालीका समस्या, अधिकार र सरोकारका विषयलाई समेत निरन्तर उठाउँदै आउनुभएका व्यक्तित्व हुनुहुन्छ। देशभित्र होस् वा विदेशमा पसिना बगाइरहेका नेपालीका सवालमा आवाज उठाउने र उनीहरूको भावना तथा समस्यालाई राज्यसम्म पुर्‍याउने भूमिकाले उहाँप्रतिको सम्मान अझ बढाएको छ।

अनुभव, अध्ययन र स्पष्ट विचारका साथ जनताको पक्षमा निरन्तर आवाज उठाउँदै आउनुभएका दाजुको आगामी यात्रा अझ प्रभावकारी र उपलब्धिमूलक बनोस्। रामेछापदेखि देश र विदेशमा रहेका नेपालीको हितका विषयमा अझ सशक्त भूमिका निर्वाह गर्न सक्नुहोस् भन्ने हार्दिक शुभकामना।

दाजुलाई सुस्वास्थ्य दीर्घायु, सुख शान्ति निरन्तर सफलता र जनसेवामा थप ऊर्जा प्राप्त होस्।

जन्मदिनको हार्दिक मंगलमय शुभकामना, आदरणीय दाजु युवराज चौलागाईं ज्यू। 💐🎉🙏

03/10/2026

भगवानको अगाडि बसेर एउटा कुरा मनन गर्दैछु

आफ्नो स्वार्थका लागि अरूको दुःख, अधिकार र कमजोरीमाथि खेलवाड गर्नेहरूलाई समयले अवश्य चिनाउँछ।
पद, पैसा, पहुँच र सम्बन्धको आडमा आफूलाई ठूलो ठान्नेहरू पनि सम्झनुहोस् यी सबै अस्थायी हुन्।

एक दिन हामी सबै मर्छौँ।
न पद साथमा जान्छ, न पैसा न पहुँच, न स्वार्थ। अन्ततः साथमा जाने भनेको आफ्नै कर्म हो।

त्यसैले स्वार्थ होइन, मानवता रोजौँ।
अरूलाई प्रयोग गरेर होइन, अरूको सम्मान गरेर बाँचौँ।

बुद्धको बाटो शान्तिको बाटो हो तर शान्त हुनु भनेको गलत कुरामा मौन बस्नु होइन।
सत्य बोलौँ, गलत प्रवृत्तिको विरोध गरौँ र आफ्नो कर्म सफा राखौँ।

02/10/2026

दोरम्बा शैलुङ गाउँपालिका ५ निवासी, सेतीदेवी माध्यमिक विद्यालयका पूर्व प्रधानाध्यापक आदरणीय रिद्धी नारायण श्रेष्ठ तथा उहाँकी कान्छी सुपुत्री सतिस्मा श्रेष्ठको एकै दिन परेको जन्मदिनको विशेष अवसरमा सौभाग्यशाली बाबा छोरी दुवैलाई हार्दिक मंगलमय जन्मदिनको शुभकामना। 🎂💐

एकै दिन जन्मदिन पर्नु केवल संयोग होइन बाबा छोरीबीचको आत्मीय सम्बन्धलाई अझ विशेष बनाउने सुन्दर अवसर हो।

शिक्षाको क्षेत्रमा ज्ञान र संस्कार बाँडेर धेरै पुस्ताको भविष्य निर्माण गर्न योगदान पुर्‍याउनुभएका आदरणीय सरको योगदानप्रति उच्च सम्मान छ। सतिस्माको आगामी जीवन पनि सफलता, क्षमता र उज्ज्वल भविष्यतर्फ निरन्तर अघि बढोस्।

बाबाको अनुभव र छोरीको ऊर्जा दुवैको जीवन सधैँ प्रेरणादायी बनिरहोस्।

दुवैजनालाई सुस्वास्थ्य, दीर्घायु, सुख, शान्ति, सफलता र समृद्धिको हार्दिक शुभकामना।

जन्मदिनको धेरै धेरै शुभकामना 🎉🎂

02/10/2026

छातीमा हात राखेर एकपटक सोचौँ आजको नेपाल यहाँसम्म आइपुग्नुको इतिहास हामीले बिर्सन मिल्छ?

राणा शासन अन्त्य गर्ने संघर्षदेखि पञ्चायती व्यवस्था हटाएर बहुदलीय प्रजातन्त्र स्थापना गर्ने आन्दोलनसम्म, १० वर्षे जनयुद्धमार्फत उठाइएको संविधानसभाको एजेण्डादेखि शान्ति प्रक्रिया, २०६२/६३ को जनआन्दोलन अन्तरिम सरकार, संविधानसभा हुँदै लोकतान्त्रिक गणतन्त्र स्थापना गर्नेसम्म विभिन्न राजनीतिक शक्ति, आन्दोलन र नेपाली जनताको महत्वपूर्ण योगदान रहेको इतिहासलाई नकार्न मिल्दैन।

जसले जुन कालखण्डमा देशको राजनीतिक परिवर्तनका लागि योगदान गरे त्यसको सम्मान हुनुपर्छ। इतिहासलाई आफूअनुकूल मात्र व्याख्या गरेर परिवर्तनको वास्तविक यात्रालाई अधुरो बनाउन हुँदैन।

तर इतिहासको सम्मान गर्नुको अर्थ वर्तमानका कमजोरीमाथि प्रश्न गर्न नपाइने भन्ने पनि होइन।

भ्रष्टाचार, बेथिति, अनियमितता, दण्डहीनता, जवाफदेहिताको अभाव र शासनसत्ताप्रतिको बढ्दो जनअसन्तुष्टिले अन्ततः राजनीतिक संकट र सत्ता परिवर्तनको अवस्था सिर्जना गर्‍यो। जनताको असन्तुष्टिलाई बेवास्ता गर्न नसकिने अवस्था आयो र त्यसैको परिणामस्वरूप अहिलेको शासन व्यवस्था र सरकारसम्मको राजनीतिक यात्रा अघि बढेको हो।

त्यसैले आजको बहसलाई केवल जेन जी’ को विषयमा सीमित गरेर पुग्दैन। उनीहरूले उठाएका प्रश्नको पृष्ठभूमि के हो? जनता किन वाक्कदिक्क भए? भ्रष्टाचार र बेथितिविरुद्ध किन आवाज उठ्यो? लामो राजनीतिक संघर्ष र परिवर्तनपछि पनि जनतामा किन यति ठूलो असन्तुष्टि पैदा भयो?

यी प्रश्नको इमानदार जवाफ खोज्नुपर्छ।

म कुनै पार्टीको कार्यकर्ता वा नेता भएर होइन, एउटा नेपाली नागरिकको हैसियतले यो कुरा राख्दैछु। म त केवल आफ्नो मनमा उठेका प्रश्नहरू समाजसामु राख्ने एउटा माध्यम मात्र हुँ।

त्यसैले नागरिक समाज पत्रकार मानव अधिकारकर्मी
बुद्धिजीवी सामाजिक अभियन्ता र आम नागरिक सबैले इतिहास पढौँ परिवर्तनमा योगदान गर्ने सबै पक्षलाई सम्मान गरौँ र वर्तमानका कमजोरीमाथि पनि निर्भीक भएर प्रश्न गरौँ।

कसैको पक्ष वा विपक्षमा होइन सत्य तथ्य, इतिहास, सुशासन र जनताको हितको पक्षमा बोलौँ।

इतिहास नबिर्सौँ वर्तमानको यथार्थबाट नभागौँ।
भ्रष्टाचार र बेथितिमाथि प्रश्न गरौँ जवाफदेहिता खोजौँ।

किनकि परिवर्तनको इतिहास सम्झिनु हाम्रो जिम्मेवारी हो भने, परिवर्तनपछि जनताले उठाएका प्रश्न सुन्नु र शासनसत्तालाई जवाफदेही बनाउनु पनि नागरिकको उत्तिकै महत्वपूर्ण जिम्मेवारी हो ।

29/09/2026

सडकछेउको चियाको बिलसमेत तिर्न नसक्ने दिनमा मजदुर र श्रमिकसँगै बसेर चिया खानेहरू, सत्ताको स्वाद चाखेपछि हिजोका साथी, सहयात्री र संघर्षका दिनहरू नै बिर्सिएझैँ गर्छन्।

सत्ताको मोह गजबको हुँदोरहेछ। सत्तामा पुगेपछि आफ्ना कमजोरी र गलत कामबारे नागरिकको हैसियतले प्रश्न उठाउँदा जवाफ दिनुको सट्टा उल्टै आलोचना गर्ने, प्रश्न गर्नेहरूलाई खेद्न खोज्ने र आफ्नै कार्यकर्ताले गलत कुराविरुद्ध आवाज उठाउँदा समेत उसैलाई गलत बाटो लागेको आरोप लगाउने प्रवृत्ति देखिन्छ।

तर नागरिक भएर प्रश्न गर्नु अपराध होइन। गलतलाई गलत भन्नु विरोध होइन, नागरिकको अधिकार र जिम्मेवारी हो।

सच्चा इमानदार मानिस स्वार्थका लागि झुक्दैन। ऊ प्रश्न गर्न डराउँदैन, आलोचनाबाट भाग्दैन र आफ्नो श्रममा विश्वास गरेर आफ्नै जीविकोपार्जन गर्न तयार हुन्छ।

स्वार्थमा डुबेकाहरूलाई प्रश्न असह्य हुन्छ, तर इमानदार मानिसलाई प्रश्नसँग डर हुँदैन।

एउटा कुरा सधैँ सम्झिनुपर्छ—सत्ता स्थायी हुँदैन, धेरै समय टिक्दैन। आजको कुर्सी भोलि अरूको हुन सक्छ। त्यसैले सत्ताको घमण्ड होइन, नागरिकप्रतिको जिम्मेवारी र जवाफदेहिता ठूलो कुरा हो।

नागरिक चुप लागेर बस्नुपर्ने होइन—नागरिकले प्रश्न गर्नैपर्छ। सच्चा इमानदारहरू न सत्ताको अगाडि झुक्छन्, न स्वार्थको अगाडि।

29/09/2026

दोरम्बा शैलुङ गाउँपालिका वडा नं. ६ निवासी, गाडी व्यवसायी ॐ श्रेष्ठ भाइलाई जन्मदिनको हार्दिक शुभकामना। 🎂

परिवारको जिम्मेवारीलाई दृढताका साथ निभाउँदै, समाजलाई परेको बेला बोलीभन्दा कर्मले सहयोग गर्ने, दुःखमा साथ दिने र आवश्यक पर्दा अगाडि उभिने सहयोगी व्यक्तित्व ॐ श्रेष्ठ भाइप्रति विशेष सम्मान।

यस्तै असल सोच, सहयोगी भावना र सामाजिक जिम्मेवारीका साथ अझ अगाडि बढ्नुहोस्। परिवारको गौरव र समाजको भरोसा बन्ने यात्रामा निरन्तर सफलता मिलोस्।

सुस्वास्थ्य, दीर्घायु, सुख–शान्ति र समृद्धिको हार्दिक मंगलमय शुभकामना।

29/09/2026

शुभ बिहानी 🙏🌅
Good Morning! ☀️

नयाँ आशा, सकारात्मक सोच र सुन्दर मुस्कान लिएर दिनको सुरुवात होस्।
आजको दिन सुख, शान्ति, स्वास्थ्य र सफलताले भरिपूर्ण रहोस्।
शुभ बिहानी तथा मंगलमय दिनको हार्दिक शुभकामना! ❤️

27/09/2026

शुभ बिहानी, नमस्कार!

वर्षाले भिजेको यो बिहानीसँगै स्वदेश तथा विदेशमा रहनुभएका सम्पूर्ण नेपाली दाजुभाइ, दिदीबहिनी तथा आमाबुबाहरूमा हार्दिक मंगलमय शुभकामना।

जहाँ हुनुहुन्छ, त्यहीँबाट एकअर्काको सुख, शान्ति र सुरक्षाको कामना गरौँ। विशेषगरी अहिले भइरहेको वर्षाका कारण कसैको घरपरिवारमा कुनै विपत्ति नआओस्, जनधनको क्षति नहोस् र सबै सुरक्षित रहनुहोस् भन्ने हार्दिक प्रार्थना गर्दछु।

आजको दिन सबैका लागि सुरक्षित, सुखद, शान्तिमय र सफल बनोस्।
सबै नेपालीको जय होस्। 🇳🇵❤️

Palden Lama

07/10/2026

07/10/2026

07/10/2026

03/10/2026

02/10/2026

02/10/2026

29/09/2026

29/09/2026

29/09/2026

27/09/2026

Address

Website

Alerts

Shortcuts

Share

Category

Listing takedown request