Rampur Transformation Team, Rampur-5, Palpa (2026)

21/09/2026

📍 रामपुर नगरपालिका–५, भम्बक आर्मी ब्यारेक हुँदै तिलपुर जाने बाटो

व्यक्तिगत स्वार्थका कारण पानी सडकबाटै बग्ने अवस्था सिर्जना भएको देखिन्छ। करिब दुई दिनदेखि सडकमा पानी बगिरहेको अवस्था छ।

अहिले नै आवतजावतमा ठूलो समस्या नभए पनि यसरी नै पानी सडकबाट बगिरहने हो भने सडकको ग्रेभल बिग्रिँदै गएर सडक क्षति हुने र भविष्यमा आवतजावत गर्नसमेत कठिन हुन सक्ने अवस्था देखिन्छ।

आफ्नो व्यक्तिगत स्वार्थका लागि सार्वजनिक तथा साझा सम्पत्ति बिगार्ने काम कसैले पनि गर्नु हुँदैन। यो सडक कुनै एक व्यक्तिको मात्र होइन, हामी सबैको साझा सम्पत्ति हो।

🎥 तलको भिडियोमा सडकबाट पानी बगिरहेको वास्तविक अवस्था स्पष्ट रूपमा देख्न सक्नुहुन्छ।

सम्बन्धित निकाय तथा सरोकारवालाको ध्यान जाओस्।
व्यक्तिगत स्वार्थभन्दा माथि उठौँ, सार्वजनिक सम्पत्तिको संरक्षण गरौँ।

29/07/2026

जनताको आवाज कहिल्यै खेर जाँदैन।

रामपुर नगरपालिका वडा नं. ४ अन्तर्गत हातेमालो चोकदेखि इस्लामपुरसम्मको सडक को दयनीय अवस्थाबारे हामीले निरन्तर आवाज उठाउँदै आएका थियौँ। तलको फोटोमा पनि अहिलेको वास्तविक अवस्था देख्न सकिन्छ।

यस सडकको कालोपत्रेका लागि बजेट विनियोजन भएको खबरले हामीलाई खुशी बनाएको छ। अब यो योजना छिट्टै कार्यान्वयन भई स्थानीयवासीले सहज र सुरक्षित यात्रा गर्न पाउने विश्वास लिएका छौँ।

जनताको हितमा भएका सकारात्मक निर्णयको खुलेर स्वागत र समर्थन गर्नु पनि उत्तिकै आवश्यक छ। यस महत्वपूर्ण निर्णयका लागि रामपुर नगरपालिका, स्थानीय सरकार तथा सम्बन्धित सबै निकायप्रति हार्दिक धन्यवाद व्यक्त गर्दछौँ।

रामपुर ट्रान्सफर्मेसन टिम सधैंझैँ जनताको आवाज बनेर रचनात्मक खबरदारी गर्दै, विकासका सकारात्मक कामलाई खुलेर समर्थन गर्दै अगाडि बढिरहनेछ।

26/07/2026

“नेतृत्वको परीक्षा भाषणले होइन, कामले हुन्छ।”

आदरणीय वडा अध्यक्षज्यू,

वडा नम्बर ५ को नमुना मार्गमा सडकबत्ती जडान भइसकेको छ। जनताले अहिले नयाँ योजना मागेका छैनन्, जडान भइसकेको बत्ती बाल्न मात्र मागेका हुन्।

हरेक समस्यामा “अनुमति चाहिन्छ”, “प्रदेशले गर्नुपर्छ” भन्ने जवाफ दिने हो भने स्थानीय सरकारको जिम्मेवारी कहाँ रह्यो?

जब श्रेय लिने बेला आउँछ, विकास आफ्नो। तर समस्या समाधान गर्ने बेला आउँदा जिम्मेवारी अर्काको?

जनताले बहाना सुन्न जनप्रतिनिधि चुनेका होइनन्। समाधान खोज्ने, समन्वय गर्ने र काम सम्पन्न गर्ने जिम्मेवारी निर्वाचित नेतृत्वकै हो।

बत्ती जलेपछि मात्र नमुना मार्गले आफ्नो नाम सार्थक बनाउँछ। त्यसअघि “नमुना” भन्ने शब्द बोर्डमा मात्र सीमित हुन्छ।

अब स्पष्टीकरण होइन, परिणाम देखाउने समय हो।

01/07/2026

रामपुर नगरपालिका वडा नं. ५ का वडा अध्यक्षज्यू तथा सम्बन्धित निकायको ध्यानाकर्षण।
यो भिडियोमा देखिएको दृश्य रामपुर नगरपालिका वडा नं. ५ स्थित रामतुलसी माध्यमिक विद्यालयको क्याम्पस भवनको ठीक पछाडिको बाटोको हो।
यो बाटोको अवस्था यति दयनीय छ कि पैदल हिँड्नसमेत निकै कठिन भएको छ। विशेष गरी विद्यालयका विद्यार्थी, अभिभावक, शिक्षक तथा स्थानीय बासिन्दाले दैनिक रूपमा यही बाटो प्रयोग गर्नुपर्ने भएकाले उनीहरूले ठूलो सास्ती भोगिरहेका छन्। साना बालबालिकालाई विद्यालय ल्याउने–लाने क्रममा अभिभावकहरूलाई समेत निकै असहज भइरहेको छ।
विद्यालय परिसर नजिकै रहेको यो बाटो वर्षायाममा हिलो, पानी र फोहोरले भरिने गरेको छ। कुनै पनि बेला बालबालिका लड्न, चिप्लिन वा दुर्घटनामा पर्न सक्ने जोखिम रहेको छ। भिडियोमै पनि यो वास्तविक अवस्था स्पष्ट रूपमा देख्न सकिन्छ।
त्यसैले यस विषयलाई गम्भीर रूपमा लिनुहुन रामपुर नगरपालिका वडा नं. ५ का वडा अध्यक्षज्यू तथा सम्बन्धित निकायसँग हार्दिक अनुरोध गर्दछु। समयमै आवश्यक मर्मत तथा स्तरोन्नतिको व्यवस्था गरी विद्यार्थी, अभिभावक र स्थानीय बासिन्दाको सहज आवतजावत सुनिश्चित गरिदिनुहुन अपेक्षा गर्दछु।
विकास ठूला योजनाबाट मात्र होइन, नागरिकको दैनिक जीवन सहज बनाउने यस्ता आधारभूत आवश्यकताहरू पूरा हुँदा पनि अनुभूति हुन्छ।

28/06/2026

नमस्कार, म सुदन पोखरेल।

आज फेरि रामपुर नगरपालिका वडा नं. ५ मा निर्माणाधीन सडकको विषयमा केही महत्वपूर्ण कुरा राख्न चाहन्छु।

विकास हुनु अत्यन्तै सकारात्मक कुरा हो, र गुणस्तरीय विकास सबै नागरिकको चाहना पनि हो। तर विकासको नाममा हुने निर्माण कार्य दीर्घकालीन र मापदण्डअनुसार हुनुपर्छ भन्ने हाम्रो अपेक्षा हो।

हाल पिच भइरहेको यस सडकमा करिब चार मिटर मात्र चौडाइमा कालोपत्रे गरिँदैछ। यसरी साँघुरो पिच हुँदा सडकको दुवै किनारमा खाल्डाखुल्डी रहने, वर्षायाममा पानी जम्ने र केही समयमै सडक बिग्रिने जोखिम देखिन्छ। सार्वजनिक बजेटबाट बन्ने सडक वर्षौंसम्म टिक्ने गरी निर्माण हुनुपर्छ, छोटो समयमै पुनः मर्मत गर्नुपर्ने अवस्था आउनु हुँदैन।

त्यसैले मेरो विनम्र अनुरोध छ कि रामपुर नगरपालिकाले यस निर्माण कार्यको आवश्यक अनुगमन गरोस्, सम्बन्धित प्राविधिक तथा निर्माण कम्पनीले स्वीकृत मापदण्डअनुसार गुणस्तरीय निर्माण सुनिश्चित गरून्, र सडकलाई सुरक्षित, टिकाउ तथा भविष्यलाई समेत ध्यानमा राखेर निर्माण गरियोस्।

मेरो उद्देश्य कसैको विरोध गर्नु होइन, राम्रो विकास होस्, जनताको करबाट बनेको पूर्वाधार दिगो बनोस् भन्ने मात्रै हो।

धन्यवाद।

27/06/2026

मर्मस्पर्शी अपील!
रामपुर नगरपालिका वडा नम्बर १० की एक असहाय महिला विगत एक महिनादेखि पक्षाघात र नसासम्बन्धी गम्भीर रोगका कारण थलिएर कष्टकर जीवन बिताइरहनुभएको छ। उहाँका श्रीमान् परिवारको पालनपोषणका लागि भारतमा मजदुरी गर्दै हुनुहुन्छ र घरमा साना नानीबाबुहरू छन्।
आर्थिक अभावका कारण उहाँको उपचारमा ठुलो समस्या परेको छ। मानवीय संवेदनशीलतालाई ध्यानमा राखी, उहाँको शीघ्र स्वास्थ्यलाभका लागि आवश्यक पहलकदमीका लागि सम्बन्धित निकाय र सम्पूर्ण महानुभावहरूमा हार्दिक अनुरोध गर्दछु।
तपाईंहरूको एक सेयरले उहाँलाई नयाँ जीवन दिन सक्नेछ।
सहयोगका लागि सम्पर्क नम्बर: Ruby Khan 9765498195 Sudan Pokharel 9857083211🔔🇳🇵🇳🇵

26/06/2026

रा.न.पा. वडा नं. ४ को इस्लामपुर–हातेमाले चोक जोड्ने सडकको अवस्था आज पनि निकै दयनीय छ। वर्षौंदेखि स्थानीय बासिन्दाले यही समस्या झेलिरहेका छन्, तर समाधानका लागि ठोस पहल हुन सकेको छैन। चुनावका बेला विकासका अनेकौं प्रतिबद्धता गरिन्छ, तर चुनाव सकिएपछि यो सडक भने उही पुरानै अवस्थामा छ।
यस क्षेत्रबाट धेरै नेता र जनप्रतिनिधि बने, तर इस्लामपुरले अपेक्षित विकास पाउन सकेन। चालु आर्थिक वर्षमा समेत यस क्षेत्रका आवश्यक विकास योजनामा पर्याप्त बजेट नपर्नु स्थानीयवासीका लागि निराशाजनक विषय बनेको छ।
इस्लामपुर केवल भोट लिने ठाउँ होइन, विकासको समान अधिकार भएको बस्ती पनि हो। त्यसैले इस्लामपुर–हातेमाले चोक सडकको स्तरोन्नति लगायत यहाँका आधारभूत पूर्वाधार निर्माणमा सम्बन्धित वडा कार्यालय, नगरपालिका, जनप्रतिनिधि तथा राजनीतिक नेतृत्वको गम्भीर ध्यानाकर्षण गराउन चाहन्छौं। अब आश्वासनभन्दा काम देखिने समय आएको छ।
फोटो साभार: कासिम अली
रा.न.पा. वडा नं. ४ | RAT Member🔔🇳🇵

20/06/2026

स्थानीय सरकार तथा सम्बन्धित निकायको ध्यानाकर्षण गराउन चाहन्छौँ।
रामपुर नगरपालिकामा सञ्चालन भइरहेका केही जिप तथा सवारीसाधनहरू जथाभावी ठाउँमा पार्किङ गर्ने, बाटोमै रोकेर यात्रु चढाउने–ओराल्ने तथा विभिन्न स्थानबाट यात्रु सङ्कलन गर्ने गरेको देखिन्छ। यसले बजार क्षेत्र अस्तव्यस्त बनाउनुका साथै सर्वसाधारणलाई असहजता र ट्राफिक व्यवस्थापनमा समेत चुनौती सिर्जना गरिरहेको छ।
वर्षौंदेखि बसपार्क निर्माण तथा व्यवस्थापनका लागि बजेट विनियोजन भइरहेको चर्चा सुनिन्छ। यदि बसपार्कको पर्याप्त व्यवस्था छैन भने त्यसलाई छिटो सम्पन्न गरी सवारीसाधनहरूलाई व्यवस्थित रूपमा सञ्चालन हुने वातावरण बनाउन आवश्यक छ। र यदि बसपार्कको व्यवस्था छ भने पनि सबै सवारीसाधनलाई एउटै प्रणालीभित्र ल्याई नियमअनुसार सञ्चालन गराइनुपर्छ।
जिप तथा अन्य सार्वजनिक सवारीसाधनहरूलाई उचित स्थानको व्यवस्था गरी त्यहीँबाट यात्रु चढाउने–ओराल्ने र सञ्चालन गर्ने व्यवस्था मिलाइयो भने बजार थप व्यवस्थित, सुरक्षित र सुन्दर बन्न सक्छ। यसले यात्रु, चालक तथा व्यवसायी सबैलाई सहजता प्रदान गर्नेछ।
त्यसैले रामपुर नगरपालिकासहित सम्बन्धित निकायले यस विषयमा गम्भीर ध्यान दिई यातायात व्यवस्थापनलाई प्रभावकारी बनाउन आवश्यक कदम चालोस् भन्ने हाम्रो अनुरोध छ। व्यवस्थित यातायात र सुन्दर बजार निर्माणमा सबैको साथ र सहयोग आवश्यक छ।🇳🇵

19/06/2026

"चौर सानो हुन्छ भनेर वर्षौँदेखि रहेको मन्दिर सारियो। तर आज त्यही चौरको बीचबाट बाटो लैजाने काम भइरहेको छ। अझ अचम्म त के भने, बाटो लैजानका लागि छेउतिर प्रशस्त ठाउँ हुँदाहुँदै पनि बीचैबाट किन? आखिर यो कसको योजना हो र यसको उद्देश्य के हो? चौर जोगाउन मन्दिर सारिएको थियो कि चौर नै टुक्र्याउन? त्यो बेला भएको यत्रो विवाद, बहस र निर्णय अन्ततः यही परिणामका लागि थियो त?"

"मन्दिर सारेर चौर बचायौँ भनियो। आज त्यही चौरको बीच चिरेर बाटो बनाइँदैछ। बाटो लैजान छेउतिर पर्याप्त ठाउँ हुँदाहुँदै बीचैबाट किन? कसको स्वार्थ र कसको सोचले यस्तो निर्णय गरायो? जनताले प्रश्न गर्न पाउने कि नपाउने?" 🔥

19/06/2026

रामपुर अस्पतालको प्रशासकीय प्रमुखसंग हाम्रो त्यहाँ भएको रेबिज खोपको कमि लगायत बिभिन्न किसिमका गतिविधिबारे छलफल तथा विचार विमर्श सम्बन्धित छोटो बैठक 🙏🇳🇵 जय नेपाल 🇳🇵जय घण्टी

Rampur Transformation Team

21/09/2026

29/07/2026

26/07/2026

01/07/2026

28/06/2026

27/06/2026

26/06/2026

20/06/2026

19/06/2026

19/06/2026

Address

Website

Alerts

Shortcuts

Share

Category

Listing takedown request