Ganesh tole, Ganesh tole, Pokhara (2026)

15/04/2026

pokhara

06/04/2026

अन्तर्वार्ता: एक पीडित जग्गाधनीको कथा

म:
६५ को मापदण्ड लागू हुनु भन्दा अघि यो जग्गा तपाईंको नै थियो?

जग्गाधनी:
हो, यो जग्गा मेरो नै थियो।

म:
तपाईंसँग लालपुर्जा थियो?

जग्गाधनी:
थियो, सबै कागजात ठीक थियो।

म:
तिरो (कर) तिर्नुभएको थियो?

जग्गाधनी:
नियमित रूपमा तिरेको थिएँ।

म:
त्यसो भए तपाईंको जग्गा कसरी अवैध भयो?

जग्गाधनी:
मलाई अहिलेसम्म पनि थाहा छैन… कसरी र किन अवैध बनाइयो।

म:
सरकारले कुनै मुआब्जा (क्षतिपूर्ति) दियो?

जग्गाधनी:
दिएको छैन… एक रुपैयाँ पनि छैन।

म:
घर भत्काउन आयो?

जग्गाधनी:
आयो… एकाएक आयो।

म:
तपाईंले कुनै व्यवसाय गर्दा कसैलाई अन्याय गर्नुभएको थियो?

जग्गाधनी:
कहिल्यै होइन… इमान्दारीले काम गरेको मान्छे हुँ।

म:
तपाईंले कुनै ठूलो अपराध गर्नुभएको छ?

जग्गाधनी:
अपराध केही गरेको छैन… तर बिहान ४:३० बजे घर भत्काउन आए।
त्यो बेला हामी सुतिरहेका थियौं… परिवार त्रसित भयो।