https://www.facebook.com/2047255055368907/

Hamro Mirchaiya, Mahindra Highway, Siraha (2026)

28/09/2026

यो हप्ता भित्रमा मिर्चैया नगरपालिकामा पुन: राष्ट्रिय परिचयपत्र विवरण संकलन कार्य सुरु हुने भएको छ ।

26/09/2026

हाम्रो कमलदह, हाम्रो गौरव! 🌿
कमलदहको प्राकृतिक सुन्दरता र धार्मिक आस्थालाई जोगाउँदै यस क्षेत्रको बृहत्तर विकासका लागि हामी सबै एकजुट हौं। पर्यटकीय सम्पदाको रक्षा गर्नु र यसलाई भावी पुस्ताका लागि सुरक्षित राख्नु हाम्रो नागरिक कर्तव्य हो।
🙏 कमलदह महारानीले हामी सबैको कल्याण गरून्!

25/09/2026

मोटरसाइकल चोरी भएको सूचना
सिरहाको मिर्चैया नगरपालिका–स्थित थाना चौकबाट मधेस प्रदेश ०१–००४ प ६२४५ नम्बरको रातो–कालो रंगको पल्सर मोटरसाइकल चोरी भएको छ।

मोटरसाइकलको लक तोडेर चोरी गरी लगिएको बताइएको छ। चोरीमा संलग्न व्यक्ति तथा मोटरसाइकलको खोजीमा सहयोग गरिदिन सम्बन्धित सबैमा अनुरोध छ।
📞 सम्पर्क: ९८४१७३७६५५
मोटरसाइकलबारे कुनै जानकारी प्राप्त भएमा उक्त नम्बरमा तत्काल जानकारी गराइदिनुहोला।

23/09/2026

निःशुल्क आँखा शिविर तथा शल्यक्रियासम्बन्धी अत्यन्त जरुरी सूचना!सर्वसधारण सबैमा जानकारी गराउनुका साथै हार्दिक अनुरोध गरिन्छ कि, रामलाल गोलच्छा आँखा अस्पताल प्रतिष्ठान, विराटनगर तथा तिलगंगा आँखा प्रतिष्ठानको व्यवस्थापनमा हुन लागेको निःशुल्क आँखा शिविर सञ्चालन हुने भएको छ।

मिति: २०८३ साल आश्विन ०९ गते, शुक्रबार
समय: बिहान ९:०० बजेदेखि
स्थान: स्वास्थ्य चौकी, राघोपुर बजार (मिर्चैया न.पा.-३)

शिविरको विशेषता: आँखाको समस्या तथा नियमित जाँच गराउनुपर्ने महानुभावहरूका लागि जाँच। साथै, शिविरमा छनोट भएका मोतिविन्दु (Cataract) का बिरामीहरूको फुलकुमारी महतो मेमोरियल अस्पताल, कर्जन्हा-११ मा निःशुल्क अप्रेसन गरिनेछ।

थप जानकारी
सम्पर्कका लागि:नुर अलि (दृष्टि विशेषज्ञ): ९८०७७४४१७१
आयोजक:पवित्री देवी यादव (वडा अध्यक्ष, मिर्चैया न.पा.-३, राघोपुर) आर्थिक सहयोग: Australian Aid, The Fred Hollows Foundation, Ruit Foundation

आफ्नो आँखाको समयमै जाँच गराएर मौकाको फाइदा लिनुहोला र यो सन्देश सकेसम्म धेरैभन्दा धेरै माझ पुर्याएर सहयोग गरिदिनुहुन अनुरोध छ।

22/09/2026

Who will be the next?

18/09/2026

आदरणीय मिर्चैयाबासी दाजुभाइ तथा दिदीबहिनीहरू,
मिर्चैया नगरपालिका वडा नं. ७, फुलबरियाको सडक अहिले पोखरीमा परिणत भएको दृश्यले हाम्रो स्थानीय विकासको वास्तविक धरातल देखाइदिएको छ। नालाको निकास नहुँदा घर-घरको फोहोर पानी र वर्षाको भल मुख्य सडकमै जमेर ताल बनेको छ, जसका कारण स्थानीय जनता र विशेष गरी स्कुले बालबालिकाहरूले चरम सास्ती भोग्नुपरेको छ।
स्थलगत रिपोर्टमा देखिएको दृश्य र स्थानीयको आक्रोश:
विद्यार्थी र सर्वसाधारणलाई सास्ती: भिडियोमा स्पष्ट देखिन्छ साना-साना विद्यार्थीहरू जुत्ता-चप्पल हातमा बोकेर, हिलो र फोहोर पानीमा स्कुल जान बाध्य छन्। स्थानीय बासिन्दा, महिला तथा वृद्धवृद्धाहरूले आफ्नै घर अगाडि बाटो नहुँदा दैनिक जीवन अस्तव्यस्त बनेको गुनासो पोखेका छन्।
नाला बन्यो तर निकास गायब: स्थानीयहरूका अनुसार सडक र नाला खन्दा इन्जिनियरिङ अध्ययन र प्राकृतिक बहावको कुनै ख्याल गरिएन। पानीको अन्तिम निकास (Outfall) नबनाई बीचमै काम छाडिएका कारण यो समस्या आएको हो।
वडाध्यक्षको भनाइ र प्रतिबद्धता:
यस समस्याबारे वडा कार्यालयमा बुझ्दा सम्बन्धित वडाध्यक्षले बजेटको सीमितता, ढल निकासको स्थायी पूर्वाधार निर्माणमा प्राविधिक कठिनाइ तथा समन्वयको अभाव रहेको उल्लेख गर्दै यसलाई छिट्टै समाधान गर्ने आश्वासन दिनुभएको छ। तर स्थानीयहरूको प्रश्न छ "के आश्वासनले मात्र सडकको हिलो सुक्छ र हाम्रा बच्चाहरू सुरक्षित हुन्छन्?"

विकास भनेको बजेट सक्ने बहाना मात्र हुनुहुँदैन; जनताको जीवन सहज बनाउने माध्यम हुनुपर्छ। यो समस्याको तत्काल समाधानका लागि सम्बन्धित सबैको ध्यानाकर्षण गराउँदछौँ!

Video and reporting by Ramnarayan Thakur

16/09/2026

निर्वाचन प्रवर्द्धन तथा विज्ञापनसम्बन्धी सूचना

आगामी निर्वाचनमा उम्मेदवारी दिनुभएका वा उम्मेदवारी दिने तयारीमा रहनुभएका उम्मेदवार तथा सम्बन्धित पक्षहरूले आफ्ना एजेण्डा, घोषणापत्र, नीति तथा निर्वाचनसम्बन्धी सन्देश हाम्रो पेजमार्फत सार्वजनिक गर्न चाहनुहुन्छ भने, आवश्यक सामग्री तथा विवरण हामीलाई पठाउन सक्नुहुन्छ।

📩 पेज इनबक्स / SMS:
हाम्रो पेजमा सिधै Direct Message पठाउनुहोस्।

📧 इमेलमार्फत:
Email: [email protected]

📌 पठाउनुपर्ने विवरण:
• उम्मेदवारको नाम
• उम्मेदवारको फोटो
• उम्मेदवारी दिने निर्वाचन क्षेत्र/पद
• राजनीतिक दल वा स्वतन्त्र उम्मेदवारको विवरण
• एजेण्डा/घोषणापत्र
• प्रचार सामग्री वा पोस्ट
• सम्पर्क विवरण
• आवश्यक अन्य सम्बन्धित जानकारी

ℹ️ नोट: प्रकाशित सामग्री सम्बन्धित उम्मेदवार वा पक्षबाट प्राप्त जानकारीका आधारमा हुनेछ। सामग्रीको प्रकाशनले पेजको समर्थन, अनुमोदन वा कुनै उम्मेदवार/दलप्रतिको पक्षधरता जनाउँदैन। लागू निर्वाचन कानून तथा निर्वाचन आचारसंहिताको पालना सम्बन्धित पक्षको जिम्मेवारी हुनेछ।

समुदायलाई निर्वाचनसम्बन्धी जानकारीमा पहुँच पुर्‍याउन सहयोग गरौं।

15/09/2026

Suren Kumar जी लेख्नु हुन्छ !

एउटा शौचालयले उठाएका धेरै प्रश्नहरू
करिब एक महिना अगाडि म १४ दिनका लागि नेपाल घर गएको थिएँ। घर पुगेको भोलिपल्ट नै हाम्रो वडा कार्यालयमा स्वागत तथा सम्मान कार्यक्रम आयोजना गरिएको थियो। हाम्रो क्लबलाई पनि निमन्त्रणा गरिएको थियो, त्यसैले म कार्यक्रममा सहभागी भएँ।
कार्यक्रममा सबैले हाम्रो गाउँ, वडा, संस्कार, संस्कृति र विकासका बारेमा राम्रो–राम्रो कुरा गर्नुभयो। आफ्नै ठाउँको बारेमा सकारात्मक कुरा सुन्दा मलाई गर्व पनि महसुस भइरहेको थियो।
तर कार्यक्रमको अन्तिमतिर म वडा कार्यालयको शौचालय गएँ।
त्यहाँको अवस्था देखेर मेरो मन एकाएक खिन्न भयो।
बाहिर हलमा हामी सभ्यता, संस्कार, विकास र समृद्धिको कुरा गरिरहेका थियौँ। तर त्यही कार्यालयको सार्वजनिक शौचालयको अवस्था भने अत्यन्तै फोहोर र बेवास्ता गरिएको थियो। त्यहीँबाट मेरो मनमा एउटा प्रश्न उठ्यो !
के विकास भनेको भाषण र कार्यक्रममा मात्र सीमित कुरा हो?
म हलमा फर्किएँ र मेरो छेउमा बस्नुभएको एक जना दाइलाई शौचालयको अवस्थाबारे बताएँ। उहाँले हाँसेर कुरा छोडिदिनुभयो। पछि मलाई यस्तो विषयमा धेरै कुरा नगर्न पनि सुझाव दिइयो। तर मेरो मनले त्यो कुरा छोड्न सकेन। मैले वडा कार्यालयका कर्मचारी, वडा प्रतिनिधि तथा अन्य व्यक्तिहरूसँग पनि यस विषयमा कुरा गरेँ। धेरै पटक “गर्छौँ”, “हेर्छौँ” भन्ने जवाफ आयो।
तर तीन–चार दिनपछि म फेरि साथी र भाइसँग वडा कार्यालय गएँ। शौचालयको अवस्था उस्तै थियो। हामीले कार्यालयका कर्मचारीसँग सोध्यौँ। कसैले नगरपालिकाबाट सामग्री नआएको कुरा गर्नुभयो। कसैले अध्यक्षज्यू वा माथिल्लो निकायको आदेश चाहिने कुरा गर्नुभयो। कार्यालय सहयोगीले त शौचालय सफा गर्न आवश्यक सामग्रीसमेत उपलब्ध नभएको बताउनुभयो। पछि नगरपालिकामा बुझ्दा अर्को जानकारी पाइयो हरेक वडालाई आवश्यक सरसफाइ सामग्री उपलब्ध हुने व्यवस्था रहेको कुरा आयो। अब यहाँ प्रश्न कसलाई दोष दिने भन्ने मात्र होइन।
प्रश्न जिम्मेवारी कसको हो भन्ने हो।
एउटा वडा कार्यालयको सामान्य शौचालय सफा राख्न नसक्ने अवस्था किन सिर्जना हुन्छ? शौचालय सफा गर्ने सामान्य सामग्रीको व्यवस्थापन गर्न किन यति धेरै अन्योल हुन्छ?
नागरिकले यस्तो सामान्य समस्या उठाउँदा किन त्यसलाई सहज रूपमा समाधान गर्नेभन्दा “यो कुरा नगर” भन्ने वातावरण बन्न खोज्छ?
हामी “स्मार्ट वडा”, “सुन्दर गाउँ”, “विकास”, “समृद्धि” र “सभ्य समाज”को कुरा गर्छौँ।तर विकासको सुरुवात कहाँबाट हुन्छ? मेरो विचारमा विकास करोडौँ रुपैयाँको सडक वा ठूलो भवनबाट मात्र सुरु हुँदैन।विकास जिम्मेवारीबाट सुरु हुन्छ।सरसफाइबाट सुरु हुन्छ।सार्वजनिक सम्पत्तिको संरक्षणबाट सुरु हुन्छ।नागरिकको प्रश्न सुन्ने संस्कारबाट सुरु हुन्छ।र समस्या देख्दा दोष एकअर्कामाथि थोपर्ने होइन, समाधान खोज्ने इच्छाबाट सुरु हुन्छ।मलाई सबैभन्दा धेरै चिन्ता लागेको अर्को कुरा हाम्रो समाजको मानसिकता हो। हामीलाई सानैदेखि सिकाइन्छ आफूभन्दा ठूलालाई सम्मान गर्नुपर्छ।म पनि यस कुरामा पूर्ण रूपमा विश्वास गर्छु।
तर प्रश्न छ:
के ठूलालाई सम्मान गर्नुको अर्थ गलत कुरा देख्दा चुप लाग्नु हो?
के नागरिकले आफ्नो वडा कार्यालयको सरसफाइबारे प्रश्न गर्न पाउँदैन? के समस्या देखाउनु असम्मान हो? के प्रश्न गर्ने व्यक्ति विरोधी हुन्छ? शिक्षित हुनुको अर्थ केवल डिग्री लिनु मात्र होइन। शिक्षाको वास्तविक अर्थ सही र गलत छुट्याउन सक्नु हो। समस्या देख्दा प्रश्न गर्न सक्नु हो। सम्मानजनक तरिकाले आफ्नो विचार राख्न सक्नु हो।र जिम्मेवार व्यक्तिलाई जवाफदेही बनाउन सक्नु हो। आज हाम्रो समाजमा एउटा समस्या छ।धेरै मानिसहरू गलत कुरा देखेर पनि बोल्न चाहँदैनन्।किनकि कसैलाई रिस उठ्ला।सम्बन्ध बिग्रेला।ठूलो मान्छेले नराम्रो मान्ला।भोलि आफ्नो काम पर्दा समस्या होला।त्यसैले हामी चुप लाग्छौँ।तर यदि सबै मानिस चुप लाग्ने हो भने परिवर्तन कसरी आउँछ?जो बोल्छ, उसलाई रोक्ने।जो प्रश्न गर्छ, उसलाई असहज मान्ने।जो कमजोरी देखाउँछ, उसलाई विरोधी ठान्ने।यदि हामीले यही संस्कार विकास गरिरहेका छौँ भने हामी कस्तो समाज बनाउँदैछौँ?हामीलाई वास्तवमा कस्तो समाज चाहिएको हो? जहाँ नागरिकले प्रश्न गर्न नपाओस्? जहाँ नेतृत्वको सम्मानको नाममा कमजोरी लुकाइयोस्? जहाँ विकासका ठूला भाषण हुन्छन् तर आधारभूत सरसफाइसमेत सुनिश्चित हुँदैन? कि यस्तो समाज जहाँ नागरिकले सम्मानपूर्वक प्रश्न गर्न सकोस्, नेतृत्वले आलोचना सुन्न सकोस्, कर्मचारीले आफ्नो जिम्मेवारी बुझोस् र समस्या देखेपछि समाधान खोजियोस्? मेरो विचारमा नेतृत्वको वास्तविक परीक्षा चुनावको भाषणमा हुँदैन। नेतृत्वको वास्तविक परीक्षा दैनिक जिम्मेवारीमा हुन्छ। एउटा सार्वजनिक कार्यालय कति व्यवस्थित छ? शौचालय कति सफा छ? नागरिकसँग कस्तो व्यवहार गरिन्छ? समस्या उठाउँदा नेतृत्वले कस्तो प्रतिक्रिया दिन्छ? यिनै साना कुराहरूले नेतृत्वको वास्तविक चरित्र देखाउँछन्।हामीले विकासको कुरा धेरै गर्छौँ। तर विकासको कुरा गर्नुअघि एउटा प्रश्न आफैँलाई सोधौँ।
के हामीले आफ्नो जिम्मामा रहेको सामान्य काम पनि इमानदारीपूर्वक गर्न सकेका छौँ?
एउटा वडा कार्यालयको शौचालय सफा राख्न सकिँदैन भने “स्मार्ट वडा”को सपना केवल भाषणमा सीमित हुन सक्छ। परिवर्तन ठूला नाराबाट सुरु हुँदैन। परिवर्तन जिम्मेवारीबाट सुरु हुन्छ। र जिम्मेवारीको सुरुवात आफ्नो अगाडिको समस्या समाधान गर्नबाट हुन्छ। अन्त्यमा म यति मात्र भन्न चाहन्छु । प्रश्न गर्नु असम्मान होइन। सम्मानपूर्वक सही कुरा उठाउनु एउटा सचेत नागरिकको अधिकार मात्र होइन, कर्तव्य पनि हो। किनकि चुप लागेर समस्या कहिल्यै समाधान हुँदैन। र हामीले कस्तो समाज बनाउने भन्ने कुरा आज हामी गलत देख्दा बोल्छौँ कि चुप लाग्छौँ भन्ने कुराले निर्धारण गर्छ।
एउटा शौचालयको प्रश्नबाट सुरु भएको यो कुरा वास्तवमा हाम्रो जिम्मेवारी, नेतृत्व र समाजको संस्कारमाथिको प्रश्न हो।
हामीलाई भाषण गर्ने समाज चाहिएको हो कि जिम्मेवारी लिने समाज? निर्णय हाम्रो हातमा छ।

#सुशासन #नागरिकसचेतना #स्थानीयसरकार #युवाआवाज

09/09/2026

सूचना! सूचना !! सूचना !!!

07/09/2026

बोलपत्र रद्द तथा पुनः आह्वान सम्बन्धी अत्यन्त जरुरी सूचना ।

Hamro Mirchaiya

28/09/2026

26/09/2026

25/09/2026

23/09/2026

22/09/2026

18/09/2026

16/09/2026

15/09/2026

09/09/2026

07/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request