ARDC-Albay Breeding Station

𝐀𝐑𝐃𝐂-𝐀𝐁𝐒, 𝐍𝐚𝐤𝐚𝐦𝐢𝐭 𝐚𝐧𝐠 𝐆𝐨𝐨𝐝 𝐀𝐠𝐫𝐢𝐜𝐮𝐥𝐭𝐮𝐫𝐚𝐥 𝐏𝐫𝐚𝐜𝐭𝐢𝐜𝐞𝐬 (𝐆𝐀𝐏) 𝐂𝐨𝐦𝐩𝐥𝐢𝐚𝐧𝐭 𝐦𝐮𝐥𝐚 𝐬𝐚 𝐁𝐏𝐈

Matagumpay na nakapasa sa inspeksyon ng Bureau of Plant Industry (BPI) ang Albay Research
and Development Center – Albay Breeding Station (ARDC-ABS) at ngayon ay opisyal nang Good
Agricultural Practices (GAP) compliant.
Ang pagkilalang ito ay patunay ng pagsunod ng istasyon sa mga itinakdang pamantayan ng ligtas,
maayos, at napapanatiling produksyon sa agrikultura. Ipinapakita rin nito ang dedikasyon at
pagtutulungan ng pamunuan at mga kawani ng ARDC-ABS upang mapanatili ang kalidad at
kahusayan sa kanilang mga gawain.

𝐈𝐍 𝐏𝐇𝐎𝐓𝐎𝐒 | 𝐃𝐚𝐲 𝟑 𝐨𝐟 𝐭𝐡𝐞 𝐁𝐔 𝐆𝐮𝐢𝐧𝐨𝐛𝐚𝐭𝐚𝐧 𝐀𝐠𝐫𝐢-𝐅𝐢𝐞𝐬𝐭𝐚

DA-ARDC continues distributing free IEC materials and seeds to students, farmers, and participants in support of sustainable agriculture.

𝐃𝐀𝐘 𝟐 | Patuloy ang aktibong pakikibahagi ng DA-ARDC sa 3rd BU Guinobatan Agri-Fiesta ngayong ikalawang araw, Setyembre 4, 2025, muling namahagi ang DA-RFO 5 ARDC ng mga libreng binhi at IEC materials sa mga magsasaka at mga estudyante.
📷 Adrian Carl D. Bangate | ✍🏻 Dianne C. Abejuela (ABS Staff)

𝐃𝐀-𝐀𝐑𝐃𝐂 𝐊𝐚𝐛𝐢𝐥𝐚𝐧𝐠 𝐬𝐚 𝟑𝐫𝐝 𝐁𝐔 𝐆𝐮𝐢𝐧𝐨𝐛𝐚𝐭𝐚𝐧 𝐀𝐠𝐫𝐢-𝐅𝐢𝐞𝐬𝐭𝐚, 𝐍𝐚𝐠𝐡𝐚𝐭𝐢𝐝 𝐧𝐠 𝐒𝐮𝐩𝐨𝐫𝐭𝐚 𝐬𝐚 𝐌𝐚𝐠𝐬𝐚𝐬𝐚𝐤𝐚, 𝐄𝐬𝐭𝐮𝐝𝐲𝐚𝐧𝐭𝐞 𝐚𝐭 𝐊𝐨𝐦𝐮𝐧𝐢𝐝𝐚𝐝

Guinobatan, Albay – Nakiisa ang Department of Agriculture RFO 5–Albay Research and Development Center (DARFO 5-ARDC) sa 3rd BU Guinobatan Agri-Fiesta na ginaganap mula Setyembre 3–6, 2025, na may temang “𝐇𝐀𝐑𝐕𝐄𝐒𝐓: 𝐇𝐚𝐫𝐧𝐞𝐬𝐬𝐢𝐧𝐠 𝐀𝐠𝐫𝐢-𝐅𝐨𝐫𝐞𝐬𝐭𝐫𝐲 𝐑𝐞𝐬𝐞𝐚𝐫𝐜𝐡, 𝐕𝐞𝐧𝐭𝐮𝐫𝐞𝐬, 𝐚𝐧𝐝 𝐄𝐱𝐭𝐞𝐧𝐬𝐢𝐨𝐧 𝐟𝐨𝐫 𝐒𝐮𝐬𝐭𝐚𝐢𝐧𝐚𝐛𝐥𝐞 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧.”

Bilang suporta, namahagi ang DA-ARDC ng mga libreng binhi at IEC materials para sa mga magsasaka, estudyante, at iba pang kalahok upang hikayatin ang paggamit ng makabagong teknolohiya at kaalamang maka-agham.

Pinagsama-sama ng Bicol University Guinobatan ang iba’t ibang sektor kabilang ang mga organisasyon ng magsasaka, lokal na pamahalaan, mga institusyong akademiko, at pribadong kasosyo. Sa naturang pagtitipon, ibinahagi ang iba’t ibang inobasyon, teknolohiya, at oportunidad sa kabuhayan na nagpapakita ng mahalagang papel ng agrikultura at kagubatan sa lokal at pambansang pag-unlad.

📷 Adrian Carl D. Bangate | ✍🏻 Dianne C. Abejuela (ABS STAFF)

𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐏𝐚𝐠𝐩𝐚𝐩𝐚𝐭𝐮𝐩𝐚𝐝 𝐧𝐠 𝐃𝐀–𝐃𝐎𝐋𝐄 𝐓𝐔𝐏𝐀𝐃 𝐂𝐨𝐥𝐥𝐚𝐛𝐨𝐫𝐚𝐭𝐢𝐨𝐧 𝐏𝐫𝐨𝐠𝐫𝐚𝐦 𝐬𝐚 𝐀𝐥𝐛𝐚𝐲 𝐑𝐞𝐬𝐞𝐚𝐫𝐜𝐡 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫-𝐀𝐥𝐛𝐚𝐲 𝐁𝐫𝐞𝐞𝐝𝐢𝐧𝐠 𝐒𝐭𝐚𝐭𝐢𝐨𝐧 (𝐀𝐑𝐃𝐂-𝐀𝐁𝐒), 𝐍𝐚𝐠𝐛𝐢𝐠𝐚𝐲 𝐧𝐠 𝐊𝐚𝐛𝐮𝐡𝐚𝐲𝐚𝐧 𝐚𝐭 𝐒𝐮𝐩𝐨𝐫𝐭𝐚 𝐬𝐚 𝐌𝐠𝐚 𝐁𝐞𝐧𝐞𝐩𝐢𝐬𝐲𝐚𝐫𝐲𝐨

Matagumpay na naisagawa ang DA–DOLE TUPAD Collaboration Program nitong Agosto 22, 2025 sa Albay Research and Development Center–Albay Breeding Station (ARDC-ABS), Camalig, Albay, kung saan siyam (9) na benepisyaryo ang nakapagtapos. Maliban sa kanilang sweldo, tumanggap din ang mga nagtapos ng mga garden tools, tig-iisang sako ng pantanim na mais, at tig-dalawang mallard ducks bilang karagdagang suporta sa kanilang kabuhayan. Kabilang sa mga nagtapos sina Aira B. Nebreja at Marcy N. Guiriba na kapwa nagpahayag ng kanilang pasasalamat at pagbabahagi ng kanilang naging karanasan mula sa programa.

Ayon sa kanila, naging daan ang programa upang magkaroon sila ng mas mataas na tiwala sa sarili at mas malinaw na pagtanaw sa kanilang hinaharap.( Dianne Abejuela- ABS)