Angono Public Information Office

📢 𝐌𝐚𝐬 𝐩𝐢𝐧𝐚𝐢𝐠𝐭𝐢𝐧𝐠 𝐧𝐚 𝐒𝐚𝐟𝐞𝐫 𝐂𝐢𝐭𝐢𝐞𝐬 𝐈𝐧𝐢𝐭𝐢𝐚𝐭𝐢𝐯𝐞 𝐬𝐚 𝐀𝐧𝐠𝐨𝐧𝐨! 🚨

Tuloy-tuloy at mas hinigpitan pa ang ating SAFER CITIES INITIATIVE dito sa Angono! Kasalukuyan itong ipinatutupad at mas lalo pang palalakasin ng ating Lokal na Pamahalaan katuwang ang Angono PNP. Alinsunod ito sa utos ni Sec. Junvic Remulla para masig**ong ang bawat kalsada ay payapa at ang bawat pamilya ay ligtas sa disgrasya.

Para sa kaayusan ng lahat, heto ang mga dapat tandaan at sundin:

🚫 Ipinagbabawal na ang pag-inom ng alak sa kalsada
🚫 Ipinagbabawal ang pagala-galang ng mga kabataan sa dis-oras ng gabi
🚫 Hindi pinapayagan ang paglabas sa pampublikong lugar nang walang sapat na kasuotan
🚫 Ipinagbabawal ang paggamit ng videoke o malalakas na sound system lampas alas-10 ng gabi

Ang mga hakbang na ito ay para maiwasan ang krimen at mapanatili ang disiplina sa ating bayan. Sa tulong ng ating mga pulis at sa inyong pakikiisa, mas magiging maayos ang ating kapaligiran.

📞 𝐊𝐮𝐧𝐠 𝐦𝐚𝐲 𝐭𝐚𝐧𝐨𝐧𝐠 𝐨 𝐫𝐞𝐩𝐨𝐫𝐭 𝐮𝐤𝐨𝐥 𝐬𝐚 𝐩𝐚𝐠𝐥𝐚𝐛𝐚𝐠? 𝐓𝐮𝐦𝐚𝐰𝐚𝐠 𝐥𝐚𝐧𝐠 𝐬𝐚 𝐦𝐠𝐚 𝐬𝐮𝐦𝐮𝐬𝐮𝐧𝐨𝐝 𝐧𝐚 𝐧𝐮𝐦𝐞𝐫𝐨:

ANG1UNO RESCUE COMMAND CENTER (24/7):
(02) 8570 5822 | 09178454950

MDRRMO:
(02) 8451 1711 | 09162420833

ANGONO PNP:
09985985719 | 09772744521

ANGONO BFP:
09173263399

UNIFIED EMERGENCY HOTLINE:
911

💬 Paalala sa lahat ng Angonoeño: Ang kaligtasan ay responsibilidad ng bawat isa. Sumunod sa mga ordinansa, makiisa sa mga programa ng pamahalaan, at maging bahagi ng pagbabago tungo sa isang ligtas, maayos, at maunlad na bayan.

🏠 𝘿𝙊𝘾 𝘿𝙊𝘾 𝘿𝙊𝘾, 𝙈𝘼𝙔 𝙆𝙐𝙈𝘼𝙆𝘼𝙏𝙊𝙆? 🩺

Nahihirapan ba kayong lumabas o maglakad dahil sa inyong karamdaman? Huwag nang mag-alala dahil ang gobyerno na mismo ang lalapit sa inyong pintuan!

Sa atas ng ating Punong Bayan, Mayor Gerry Calderon, patuloy na inilalapit ng 𝐃𝐨𝐜-𝐭𝐨-𝐃𝐨𝐨𝐫 𝐏𝐫𝐨𝐠𝐫𝐚𝐦 ang serbisyong medikal 𝐩𝐚𝐫𝐚 𝐥𝐚𝐦𝐚𝐧𝐠 𝐬𝐚 𝐚𝐭𝐢𝐧𝐠 𝐦𝐠𝐚 𝐤𝐚𝐛𝐚𝐛𝐚𝐲𝐚𝐧𝐠 𝐦𝐚𝐲 𝐦𝐨𝐛𝐢𝐥𝐢𝐭𝐲 𝐩𝐫𝐨𝐛𝐥𝐞𝐦𝐬 𝐨 𝐦𝐠𝐚 𝐛𝐞𝐝𝐫𝐢𝐝𝐝𝐞𝐧 𝐧𝐚 𝐡𝐢𝐧𝐝𝐢 𝐭𝐚𝐥𝐚𝐠𝐚 𝐤𝐚𝐲𝐚𝐧𝐠 𝐦𝐚𝐠𝐬𝐚𝐝𝐲𝐚 𝐬𝐚 𝐌𝐮𝐧𝐢𝐜𝐢𝐩𝐚𝐥 𝐇𝐞𝐚𝐥𝐭𝐡 𝐂𝐞𝐧𝐭𝐞𝐫 𝐨 𝐁𝐚𝐫𝐚𝐧𝐠𝐚𝐲 𝐇𝐞𝐚𝐥𝐭𝐡 𝐒𝐭𝐚𝐭𝐢𝐨𝐧𝐬. Kung ang pasyente ay hindi makapunta sa center, ang ating medical team ang pupunta mismo sa inyong tahanan para magbigay ng libre at de-kalidad na kalingang medikal.

📝 𝙋𝙖𝙖𝙣𝙤 𝙈𝙖𝙜-𝙚𝙣𝙧𝙤𝙡𝙡 𝙨𝙖 𝙋𝙧𝙤𝙜𝙧𝙖𝙢𝙖?

Para sa mga qualified na pasyente, napakadali lang ng proseso. Piliin lamang ang isa sa mga sumusunod na paraan:

1. 𝐌𝐚𝐤𝐢𝐩𝐚𝐠-𝐮𝐠𝐧𝐚𝐲𝐚𝐧 𝐬𝐚 𝐂𝐞𝐧𝐭𝐞𝐫: Magpasuyo sa isang kapamilya na mag-inquire sa Barangay Health Center na nakakasakop sa inyong lugar.
2. 𝐌𝐚𝐠-𝐦𝐞𝐬𝐬𝐚𝐠𝐞 𝐬𝐚 𝐅𝐚𝐜𝐞𝐛𝐨𝐨𝐤: Mag-send ng direktang mensahe sa opisyal na page ng Angono Public Information Office.
3. 𝐌𝐚𝐠-𝐟𝐢𝐥𝐥 𝐮𝐩 𝐎𝐧𝐥𝐢𝐧𝐞: Direktang sagutan ang online enrollment form sa link na ito: https://forms.gle/5XfLcAaPyFEcRnA89 o kaya ay i-scan ang QR code na makikita sa ibaba.

“𝘈𝘭𝘢𝘨𝘢𝘯𝘨 𝘋𝘦𝘬𝘢𝘭𝘪𝘥𝘢𝘥, 𝘏𝘢𝘵𝘪𝘥 𝘴𝘢 𝘉𝘢𝘸𝘢𝘵 𝘒𝘰𝘮𝘶𝘯𝘪𝘥𝘢𝘥.”

Huwag nang patagalin o ipagpaliban ang inyong nararamdaman. Mag-enroll na ngayon para ang tulong ng mga doktor at nurse ay dumarating nang diretso sa inyong tahanan. Dahil sa Angono, ang kalusugan at kaligtasan ng bawat mamamayan ang ating prayoridad!

[DAY 3] 𝐌𝐆𝐀 𝐁𝐄𝐍𝐄𝐏𝐈𝐒𝐘𝐀𝐑𝐘𝐎 𝐍𝐆 𝐏𝐑𝐎𝐉𝐄𝐂𝐓 𝐋𝐀𝐖𝐀 𝐀𝐓 𝐁𝐈𝐍𝐇𝐈, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐍𝐀𝐊𝐀𝐏𝐀𝐆𝐓𝐀𝐏𝐎𝐒 𝐒𝐀 𝐈𝐊𝐀𝐓𝐋𝐎𝐍𝐆 𝐀𝐑𝐀𝐖 𝐍𝐆 𝐎𝐑𝐘𝐄𝐍𝐓𝐀𝐒𝐘𝐎𝐍 𝐀𝐓 𝐏𝐀𝐆𝐒𝐀𝐒𝐀𝐍𝐀𝐘!
ni Emmanuel Rafael

Idinaos ngayong araw, Hunyo 4, 2026, ang ikatlong araw ng Oryentasyon at Pagsasanay para sa mga benepisyaryo ng Risk Resiliency Program through Cash-for-Training and Work (RRP-CFTW) Project LAWA at BINHI.
Ang aktibidad na ito ay pinangunahan ng Department of Social Welfare and Development (DSWD) Region IV-A.

Ang 200 na benipisyaryo mula sa apat na estratehikong barangay ng Angono, ang Mahabang Parang, Poblacion Ibaba, San Isidro, at San Roque ay nakiisa sa ikatlong araw ng programa.

Nagsimula ang programa sa mga aktibidad at laro tulad ng interactive reading story, larong "Bring Me" na may kakaibang twist, para mapraktis ang pagkakaisa, pagtutulungan ng mga benepisyaryo. Sinundan ng teaching session ng Urban Vegetable Gardening kasama si Michelle R Guevarra isang Aqua Culturist. Dito tinalakay n'ya ang mga ang mga pwedeng itanim at mga paraan kung paano ang tamang routine sa pag-aalaga ng mga tanim na gulay.

Mula naman sa Angono Tourism, nagbigay naman ng tips si Sir Adonis Antolines ng mga paraan kung paano ang Social Media Managing for Online Selling. Dito tinalakay n'ya ang gamit ng sosyal midya sa pagbenta ng mga produkto, kung ano ang pwedeng ibenta, at mga marketing strategies para maibenta nang maayos ang mga produkto.

Natapos ang ikatlong araw ng programa sa pag-aalala ng mga dapat gawin, safety protocols at ilang mga reminders para sa mga benipisyaryo.

📷✒️: Emmanuel Rafael, James Serote

𝐈𝐏𝐈𝐍𝐀𝐆𝐁𝐀𝐁𝐀𝐖𝐀𝐋 𝐀𝐍𝐆 𝐏𝐀𝐆𝐒𝐔𝐒𝐔𝐍𝐎𝐆 𝐎 𝐏𝐀𝐆𝐒𝐈𝐒𝐈𝐆𝐀 (𝐎𝐏𝐄𝐍 𝐁𝐔𝐑𝐍𝐈𝐍𝐆)

Paalala mula sa Pamahalaang Bayan ng Angono na mahigpit na IPINAGBABAWAL ang pagsusunog o pagsisiga ng basura o ang open burning of solid waste alinsunod sa RA 9003 o Ecological Solid Waste Management Act of 2000 at ng Municipal Ordinance No. 08-561.

Ang pagsisiga ay nagdudulot rin ng problema sa baga (paghinga) o pagbaba ng kalusugan at maaaring pagmulan din ng pagkawala ng ari-arian o buhay sa biglaan paglaki ng sunog lalo na ngayong panahon ng tag-init.

May 𝐦𝐮𝐥𝐭𝐚𝐧𝐠 𝐤𝐚𝐭𝐮𝐦𝐛𝐚𝐬 𝐚𝐧𝐠 𝐩𝐚𝐠𝐥𝐚𝐛𝐚𝐠 sa nasabing ordinansa.

Kung kayo ay may nais 𝐢-𝐫𝐞𝐩𝐨𝐫𝐭 ay tumawag lamang sa numerong 0917-512-0575 o magsend ng mensahe sa Angono Public Information Office FB page o sa ating MENRO head na si Mr. Gilbert Merino sa kaniyang Facebook Messenger.

📢 𝐖𝐀𝐋𝐀𝐍𝐆 𝐏𝐀𝐒𝐎𝐊: 𝐑𝐈𝐙𝐀𝐋 𝐃𝐀𝐘 𝐀𝐘 𝐏𝐑𝐎𝐂𝐋𝐀𝐌𝐄𝐃 𝐍𝐀, 𝐏𝐀𝐑𝐀 𝐒𝐀 𝟏𝟐𝟓𝐓𝐇 𝐅𝐎𝐔𝐍𝐃𝐈𝐍𝐆 𝐀𝐍𝐍𝐈𝐕𝐄𝐑𝐒𝐀𝐑𝐘 𝐍𝐆 𝐀𝐓𝐈𝐍𝐆 𝐏𝐑𝐎𝐁𝐈𝐍𝐒𝐘𝐀! 🏛️

Idineklara ng Malacañang, sa pamamagitan ng Proclamation No. 1287, na ang darating na Huwebes, 𝐉𝐮𝐧𝐞 𝟏𝟏, 𝟐𝟎𝟐𝟔, ay isang 𝙎𝙥𝙚𝙘𝙞𝙖𝙡 𝙉𝙤𝙣-𝙒𝙤𝙧𝙠𝙞𝙣𝙜 𝘿𝙖𝙮 𝙨𝙖 𝙗𝙪𝙤𝙣𝙜 𝙡𝙖𝙡𝙖𝙬𝙞𝙜𝙖𝙣 𝙣𝙜 𝙍𝙞𝙯𝙖𝙡. Ang anunsyong ito ay nilagdaan ni Acting Executive Secretary Ralph G. Recto, sa ilalim ng awtoridad ng ating Pangulong Ferdinand R. Marcos, Jr.

Ang holiday na ito ay bilang pagkilala sa makasaysayang 125th Founding Anniversary ng Probinsya ng Rizal. Layunin ng proklamasyon na bigyan ang lahat ng mga Rizaleño ng pagkakataon na makiisa, magsaya, at ipagdiwang ang milestone na ito kasama ang kanilang mga pamilya.

𝐃𝐈𝐆𝐈𝐓𝐀𝐋 𝐒𝐊𝐈𝐋𝐋𝐒 𝐍𝐆 𝐌𝐆𝐀 𝐓𝐄𝐀𝐂𝐇𝐄𝐑𝐒, 𝐏𝐈𝐍𝐀𝐋𝐀𝐊𝐀𝐒! 𝐌𝐒 𝐄𝐗𝐂𝐄𝐋 𝐓𝐑𝐀𝐈𝐍𝐈𝐍𝐆 𝐏𝐀𝐑𝐀 𝐒𝐀 𝐌𝐆𝐀 𝐂𝐇𝐈𝐋𝐃 𝐃𝐄𝐕𝐄𝐋𝐎𝐏𝐌𝐄𝐍𝐓 𝐖𝐎𝐑𝐊𝐄𝐑𝐒 𝐍𝐆 𝐀𝐍𝐆𝐎𝐍𝐎, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐆𝐈𝐍𝐀𝐍𝐀𝐏 𝐊𝐀𝐇𝐀𝐏𝐎𝐍!
ni Niña Benjamin

Naging matagumpay at makabuluhan ang naganap na Basic Microsoft Excel Training kahapon, June 3, 2026, sa Mayor's Conference Hall. Ang buong araw na aktibidad na ito ay inilunsad bilang bahagi ng paghahanda para sa 𝘾𝙝𝙞𝙡𝙙 𝘿𝙚𝙫𝙚𝙡𝙤𝙥𝙢𝙚𝙣𝙩 𝙒𝙤𝙧𝙠𝙚𝙧𝙨 𝙒𝙚𝙚𝙠.

Dinaluhan ito ng 34 na Child Development Workers at Teachers (CDW/Ts) mula sa iba't-ibang barangay ng ating bayan na excited matuto ng mga bagong computer skills para sa kanilang pagtuturo at serbisyo.

Ang pangunahing layunin ng training ay matulungan ang ating mga g**o na mapabilis ang kanilang trabaho para mas marami silang oras sa pag-aalaga sa ating mga tsikitíng. Katuwang ng MSWDO - Angono ang MICTO na siyang nagfacilitate ng nasabing seminar. Dahil ang ating mga CDW/Ts ay hindi lang nagtuturo kundi nag-aayos din ng mga papeles, malaking tulong ang kaalaman sa MS Excel upang mapadali ang kanilang record-keeping.

Sa pamamagitan nito, mas mabilis na ang pag-track ng attendance, progress reports, at inventory ng learning materials nang hindi manu-mano.

Bukod dito, mas madali na rin silang makakapag-generate ng accurate at organized reports na isinusumite sa Municipal Social Welfare and Development Office (MSWDO) at iba pang partner agencies, habang sabay na napapalakas ang kanilang digital skills para sa modernong administrative work.

Naniniwala ang ating Lokal na Pamahalaan na ang pagbibigay ng dagdag-kaalaman sa ating mga CDW/Ts ay isang magandang investment para sa kinabukasan ng bayan. Dahil kung mas bawas ang kanilang oras sa mabigat na paper works, mas marami silang panahon para magampanan ang kanilang best role, ang mag-aruga at magturo sa mga kabataan ng ating community.

Isang malaking pasasalamat sa lahat ng nakiisa at sumuporta upang maging matagumpay ang training na ito!

𝐔𝐑𝐆𝐄𝐍𝐓 𝐂𝐀𝐋𝐋 𝐅𝐎𝐑 𝐁𝐑𝐄𝐀𝐒𝐓 𝐌𝐈𝐋𝐊 𝐇𝐄𝐑𝐎𝐄𝐒!

Ang Angono Municipal Health Office – Milk Hub ay nangangailangan ng donasyong BREASTMILK para sa mga ina-admit na premature at may sakit na mga sanggol.

Nananawagan ng tulong ang pamahalaan sa mga ina na kasalukuyang nagpapasuso at nagpoproduce ng mas maraming gatas kaysa sa kailangan ng iyong sanggol, maaari kayong maging eligible donor. Makakatanggap ng libreng nutrition kits ang bawat donor.

Ang klinika ng Angono MHO Milk Hub ay bukas mula Lunes hanggang Biyernes ng 8:00am to 5:00pm.

Maraming salamat po!

‼️ 𝑷𝑹𝑶𝑻𝑬𝑲𝑺𝒀𝑶𝑵 𝑺𝑨 𝑲𝑨𝑮𝑨𝑻, 𝑷𝑨𝑹𝑨 𝑺𝑨 𝑳𝑨𝑯𝑨𝑻! ‼️

Huwag mag-panic kung may kagat o kalmot ng alaga, dahil may agarang solusyon tayo para sa pamilya! Para iwas-kaba kapag nakagat ng a*o o pusa, huwag nang patagalin pa. Sa tulong ng TUROK (2+1) program ng Pamahalaang Bayan at Mag-ama Magkasama, kumpleto ang ibibigay na anti-rabies shots para sa inyong kaligtasan.

𝑼𝒏𝒂𝒏𝒈 𝑻𝒖𝒓𝒐𝒌: 𝑳𝑰𝑩𝑹𝑬 sa ating Animal Bite Treatment Center (depende sa availability ng gamot)
𝑷𝒂𝒏𝒈𝒂𝒍𝒂𝒘𝒂𝒏𝒈 𝑻𝒖𝒓𝒐𝒌: 𝑺𝒂𝒔𝒂𝒈𝒖𝒕𝒊𝒏 𝒏𝒈 𝒎𝒂𝒚-𝒂𝒓𝒊 ng a*o o pusang nakakagat o nakakalmot
𝑷𝒂𝒏𝒈𝒂𝒕𝒍𝒐𝒏𝒈 𝑻𝒖𝒓𝒐𝒌: 𝑳𝑰𝑩𝑹𝑬 𝒎𝒖𝒍𝒊 sa ating Animal Bite Treatment Center (depende sa availability ng gamot)

Magpabakuna agad kung ikaw ay nakagat o nakalmot ng a*o o pusa. Paalala rin sa ating mga pet owners na maging responsable sa kanilang mga alagang fur babies. Pakisunod ang mga detalye sa ibaba:

🕐 𝐈𝐒𝐊𝐄𝐃𝐘𝐔𝐋:
Lunes hanggang Biyernes ng 8:00AM-5:00PM

🏛️ 𝐋𝐎𝐊𝐀𝐒𝐘𝐎𝐍:
Animal Bite Treatment Center (sa loob ng municipal compound)

📋 𝐑𝐄𝐐𝐔𝐈𝐑𝐄𝐌𝐄𝐍𝐓𝐒:
Para sa mga matatanda (18 years old pataas):
- Valid ID na may address ng Angono.
- Barangay ID.
- Kung ang valid ID ay walang address ng Angono, magdala ng Barangay Certificate of Residency.
Para sa mga menor de edad (18 years old pababa)
- ID o Birth Certificate ng bata.
- Kasama ang Magulang
- Kung walang address ng Angono ang valid ID, maaaring kumuha ng barangay certificate of residency (Angono residents)

Kung Guardian ang Kasama
- Dapat ay 18 years old pataas ang guardian.
- AUTHORIZATION LETTER mula sa magulang na nakalagay ang mga ss:
> pangalan ng batang babakunahan
> pangalan ng legal guardian
> pangalan at pirma ng magulang na pumayag pasamahan ang anak na mabakunahan ng anti-rabies.
- Valid ID ng magulang at guardian (may address ng Angono o Certificate of Residency).

𝗧𝗮𝘆𝗼 𝗮𝘆 𝗺𝘂𝗹𝗶𝗻𝗴 𝗺𝗮𝗴𝗯𝗮𝘆𝗮𝗻𝗶𝗵𝗮𝗻 𝘀𝗮 𝗗𝘂𝗴𝗼𝗻𝗴 𝗔𝗹𝗮𝘆 𝗠𝗼.. 𝗕𝘂𝗵𝗮𝘆 𝗞𝗼..

Ano: Dugong Alay Mo, Buhay Ko
Kailan: Hunyo 21, 2026 (araw ng Linggo) 7:00am-12:00pm
Saan: Bloomingdale Covered Court Brgy. San Pedro, Angono, Rizal

May mga ilang paalala bago magdonate ng dugo:

- Makakuha ng sapat na pahinga o pagtulog
- Walang alak ng anumang uri 24 oras bago ang donasyon ng dugo
- Walang gamot ng anumang uri 24 oras bago ang donasyon ng dugo
- Kumain bago ang donasyon ng dugo
- Uminom ng maraming tubig
- Bawal manigarilyo apat (4) na oras bago ang donasyon ng dugo

Maging isang bayani sa pamamagitan ng pag-alay dugo.

[DAY 2] 𝐌𝐆𝐀 𝐁𝐄𝐍𝐄𝐏𝐈𝐒𝐘𝐀𝐑𝐘𝐎 𝐍𝐆 𝐏𝐑𝐎𝐉𝐄𝐂𝐓 𝐋𝐀𝐖𝐀 𝐀𝐓 𝐁𝐈𝐍𝐇𝐈, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐍𝐀𝐊𝐀𝐏𝐀𝐆𝐓𝐀𝐏𝐎𝐒 𝐒𝐀 𝐈𝐊𝐀𝐋𝐀𝐖𝐀𝐍𝐆 𝐀𝐑𝐀𝐖 𝐍𝐆 𝐎𝐑𝐘𝐄𝐍𝐓𝐀𝐒𝐘𝐎𝐍 𝐀𝐓 𝐏𝐀𝐆𝐒𝐀𝐒𝐀𝐍𝐀𝐘!
ni Lhian Ramos

Bilang pagpapatuloy sa ikalawang taon ng pagpapatupad ng Risk Resiliency Program through Cash-for-Training and Work (RRP-CFTW) Project LAWA at BINHI, idinaos ngayong araw, Hunyo 3, 2026, ang ikalawang araw ng Oryentasyon at Pagsasanay para sa mga benepisyaryo. Ang aktibidad na ito ay pinangunahan ng Department of Social Welfare and Development (DSWD) Region IV-A.

Nakiisa sa ikalawang araw ng programa ang 200 benepisyaryo na nagmula sa apat na estratehikong barangay ng Angono—ang Mahabang Parang, Poblacion Ibaba, San Isidro, at San Roque.

Sa pagbubukas ng programa sa umaga, matapos ang rehistrasyon at mga pambungad na seremonya, pormal na tinalakay ngayong ikalawang araw ang tatlong core values ng DSWD pati na rin ang pagkilala sa mga pangunahing programa nito tulad ng 4Ps, AICS, SLP, CLPS at iba pang mga programa ng Department of Social Welfare and Development (DSWD) na mapapakinabangan ng mga benepisyaryo. Kasabay ng pagbabalik-tanaw sa mga naunang paksa, isinagawa rin ang Group Organization kung saan binuo at pinagbuklod ang mga kalahok upang masig**o ang maayos na koordinasyon at pagkakaisa sa mga susunod na bahagi ng proyekto.

Pagdating ng hapon, nakatuon naman ang talakayan sa paggabay sa pangkabuhayan at pamamahala. Naging highlight sa bahaging ito ang presentasyon ukol sa Production and Community-based Marketing Strategies na pinangunahan ng mga kinatawan mula sa Angono PESO Office, upang ituro ang mga tamang diskarte sa pagbebenta ng lokal na produkto. Sinundan ito ng pagsasanay sa Financial Management at Bookkeeping para sa wastong paghawak at paglilista ng pondo at kita.

📷✒️: Lhian Ramos & Niña Benjamin