Kabataang San Juaneño

12/10/2026

Nagsagawa ang Provincial Assistance for Community, Public Employment, Youth and Sports Development Office (PACPEYSDO) ng 𝗟𝗲𝗮𝗱𝗲𝗿𝘀𝗵𝗶𝗽 𝗧𝗿𝗮𝗶𝗻𝗶𝗻𝗴 𝗮𝗻𝗱 𝗩𝗼𝗹𝘂𝗻𝘁𝗲𝗲𝗿𝗶𝘀𝗺 𝗦𝗲𝗺𝗶𝗻𝗮𝗿 katuwang ang Pamahalaang Bayan ng San Juan sa pamamagitan ng Local Youth Development Office nitong Sabado, Oktubre 10, 2026, na dinaluhan ng 50 Kabataang San Juaneño.

Layunin ng programa na higit pang paunlarin ang kakayahan ng kabataan sa pamumuno, pakikilahok, at bolunterismo. Bilang bahagi ng programa, isinagawa ang halalan ng bagong mga opisyal ng 𝗦.𝗔.𝗞.𝗧.𝗢. (Samahan ng Aktibong Kabataan Tungo sa magandang Oportunidad).

Malugod nating binabati ang mga bagong halal na opisyal!
𝗣𝗿𝗲𝘀𝗶𝗱𝗲𝗻𝘁: Kim Daryl S. Carpio
𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁: Kim Risha G. Mendoza
𝗦𝗲𝗰𝗿𝗲𝘁𝗮𝗿𝘆: Dwen Drexter L. Geba
𝗧𝗿𝗲𝗮𝘀𝘂𝗿𝗲𝗿: Gabriela M. Calibo
𝗔𝘂𝗱𝗶𝘁𝗼𝗿: Johncris V. Aguila

Nawa’y maging daan ang inyong pamumuno sa mas maraming oportunidad, matibay na pagkakaisa, at makabuluhang programang magbibigay-lakas at inspirasyon sa kapwa kabataan.

𝗦𝗮𝗺𝗮-𝘀𝗮𝗺𝗮 𝘀𝗮 𝗽𝗮𝗴𝗸𝗶𝗹𝗼𝘀, 𝘁𝘂𝗻𝗴𝗼 𝘀𝗮 𝗺𝗮𝘀 𝗺𝗮𝗴𝗮𝗻𝗱𝗮𝗻𝗴 𝗼𝗽𝗼𝗿𝘁𝘂𝗻𝗶𝗱𝗮𝗱!

12/10/2026

𝟱𝟬 𝗞𝗔𝗕𝗔𝗧𝗔𝗔𝗡𝗚 𝗦𝗔𝗡 𝗝𝗨𝗔𝗡𝗘Ñ𝗢, 𝗦𝗨𝗠𝗔𝗜𝗟𝗔𝗟𝗜𝗠 𝗦𝗔 𝗟𝗘𝗔𝗗𝗘𝗥𝗦𝗛𝗜𝗣 𝗧𝗥𝗔𝗜𝗡𝗜𝗡𝗚 𝗔𝗡𝗗 𝗩𝗢𝗟𝗨𝗡𝗧𝗘𝗘𝗥𝗜𝗦𝗠 𝗦𝗘𝗠𝗜𝗡𝗔𝗥

Matagumpay na isinagawa sa Bayan ng San Juan ang Leadership Training and Volunteerism Seminar 2026 sa inisyatibo ng Provincial Assistance for Community, Public Employment and Youth & Sports Development Office, katuwang ang Pamahalaang Bayan ng San Juan sa pamamagitan ng Local Youth Development Office nitong Sabado, Oktubre 10, 2026, sa New Municipal Hall.

Lumahok sa seminar ang 50 kabataan na nakibahagi sa pagsasanay na naglalayong linangin ang kanilang kakayahan sa pamumuno at bolunterismo.

Sa pangunguna ni MAYOR ILDEBRANDO D. SALUD, patuloy na sinusuportahan ng Pamahalaang Bayan ng San Juan ang mga programang naglalayong linangin ang kakayahan ng kabataan at hikayatin silang maging aktibong bahagi ng mga gawaing pangkomunidad.

Sa pamamagitan ng mga ganitong programa, nabibigyan ang mga kabataan ng pagkakataong malinang ang kanilang kakayahan, mapalakas ang diwa ng bolunterismo, at mahubog bilang mga responsableng lider na makatutulong sa patuloy na pag-unlad ng bayan.

16/09/2026

YOUTH EMPOWERMENT CAMP 2026 | KABATAANG KATUWANG SA PAG-UNLAD
Dalawang araw ng pagkatuto, pagkakaisa, pakikipagkaibigan, at makabuluhang pagkilos para sa kabataan ng San Juan!
Isinagawa noong Setyembre 10–11, 2026 sa Punta Aguila Resort and Hotel, Brgy. Nagsaulay, San Juan, Batangas, ang Youth Empowerment Camp “Kabataang Katuwang sa Pag-unlad”, isang inisyatiba ng Municipal Cooperative Development Section (MCDS) at Municipal Cooperative Development Council (MCDC), katuwang ang Local Youth Development Office (LYDO) upang higit pang mapalakas ang kaalaman, kakayahan, leadership, at pakikilahok ng kabataan sa mga usaping may kinalaman sa cooperativism, entrepreneurship, community action, at responsible citizenship.
Lubos ang suporta ng Punong Bayan Kgg. ILDEBRANDO D. SALUD, na nagbigay ng inspirasyon at mensahe sa mga kabataan upang patuloy silang maging aktibong katuwang sa pagpapaunlad ng ating bayan.
Naging mas makabuluhan ang dalawang araw na camp sa pamamagitan ng iba't ibang talakayan, workshops, team-building activities, at group challenges na nagbigay sa mga kabataan ng pagkakataong matuto, makipagtulungan, at maipakita ang kanilang potensyal bilang mga susunod na lider ng komunidad sa pamamagitang ng mga resource speakers mula sa Sangguniang Kabataan Federation, Cooperative Development Authority (CDA), Provincial Cooperative Livelihood and Enterprise Development (PCLEDO), Department of Trade and Industry (DTI), Municipal Health Office (MHO), Youth on Mission Philippines Inc., at Philippine Army (16IB Maglilingkod-Batallion 2ID).
Sa pamamagitan ng kanilang pakikiisa, mas napalawak ang pananaw ng ating mga kabataan para sa mga bagong kaalaman. Ang camp ay naging pagkakataon upang mabuo ang samahan, tiwala, teamwork, at pagkakaisa ng ating kabataan.
Dahil ang kabataan ay hindi lamang mga lider ng bukas - sila rin ay mga katuwang sa pagbabago ngayon.

03/09/2026

Sa inisyatiba ni MAYOR ILDEBRANDO D. SALUD at sa pakikipagtulungan ng Municipal Social Welfare and Development Office (MSWDO) at Local Youth Development Office (LYDO), namahagi ang Pamahalaang Bayan ng San Juan ng kabuuang 4,000 school supplies sa mga mag-aaral mula Kindergarten, Grade 1, at Special Needs Education (SNED) sa mga pampublikong elementarya sa bayan.
Nakibahagi rin sa distribusyon si Executive Assistant Gino Joaquin R. Salud, kasama ang mga kawani ng iba’t ibang tanggapan ng Munisipyo, habang tumulong naman ang mga g**o at kawani ng mga paaralan sa maayos na pamamahagi ng mga kagamitan.
Layunin ng programa na mabigyan ng karagdagang suporta ang mga mag-aaral, lalo na ang mga nagmumula sa pamilyang higit na nangangailangan, at mapalakas ang kanilang access sa mga pangunahing kagamitang pang-edukasyon.
Bahagi ito ng patuloy na pagsisikap ng Lokal na Pamahalaan, sa pangunguna ni MAYOR BEEBONG SALUD, na suportahan ang kapakanan at edukasyon ng mga kabataang San Juaneño.

21/08/2026

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝐌𝐮𝐧𝐢𝐜𝐢𝐩𝐚𝐥𝐢𝐭𝐲 𝐨𝐟 𝐒𝐚𝐧 𝐉𝐮𝐚𝐧, 𝐁𝐚𝐭𝐚𝐧𝐠𝐚𝐬!

Isang malaking karangalan para sa ating bayan ang pagkakamit ng 2nd Place – Linggo ng Kabataan Excellence Award sa buong Lalawigan ng Batangas!

Sa pamamagitan ng pagtutulungan, pagkakaisa, at dedikasyon ng Local Youth Development Office (LYDO) at SK Federation San Juan, matagumpay nating naipakita ang aktibong pakikilahok, makabuluhang programa, at patuloy na malasakit para sa kapakanan at pag-unlad ng kabataan.

Dahil sa ating sama-samang pagsisikap, naiuwi ng San Juan ang ikalawang puwesto, kasama ang ₱20,000.00 cash prize at ₱80,000.00 halaga ng proyekto na mapapakinabangan ng ating mga kabataan.

Ang pagkilalang ito ay ginanap ngayong Biyernes, Agosto 21, 2026 sa Batulao Hall, Sotogrande Hotel and Convention Center, Bauan, Batangas, at tinanggap ng Sangguniang Kabataan Federation of San Juan sa pangunguna ng SK Federation President, Hon. Jeryk Dwight Rafhael R. Bait.

Taos-pusong pasasalamat sa ating minamahal na Punong Bayan, Mayor Ildebrando D. Salud, sa ating Vice Mayor Anthony Marasigan, at sa ating mga Sangguniang Bayan Members, sa kanilang patuloy na suporta, tiwala, at malasakit sa mga programa, proyekto, at aktibidad para sa ating kabataan. Ang inyong suporta ay malaking bahagi ng bawat tagumpay na ating nakakamit.

Ang tagumpay na ito ay hindi lamang isang parangal. Ito ay pagkilala sa sipag, pagkakaisa, malasakit, at dedikasyon ng bawat taong naging bahagi at katuwang sa pagsusulong ng mga programa at inisyatiba para sa kabataan.

Mabuhay ang Bayan ng San Juan!
Mabuhay ang Kabataang San Juaneño!

17/08/2026

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢 | 𝗔𝗟𝗧𝗘𝗥𝗡𝗔𝗧𝗜𝗩𝗘 𝗪𝗢𝗥𝗞 𝗔𝗥𝗥𝗔𝗡𝗚𝗘𝗠𝗘𝗡𝗧𝗦 𝗦𝗔 𝗠𝗚𝗔 𝗧𝗔𝗡𝗚𝗚𝗔𝗣𝗔𝗡 𝗡𝗚 𝗚𝗢𝗕𝗬𝗘𝗥𝗡𝗢; 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗘𝗦 𝗦𝗔 𝗠𝗚𝗔 𝗣𝗔𝗔𝗥𝗔𝗟𝗔𝗡 𝗦𝗔 𝗔𝗚𝗢𝗦𝗧𝗢 𝟭𝟴, 𝗜𝗣𝗔𝗧𝗨𝗧𝗨𝗣𝗔𝗗 𝗦𝗔 𝗦𝗔𝗡 𝗝𝗨𝗔𝗡

Alinsunod sa rekomendasyon ng National Disaster Risk Reduction and Management Council (NDRRMC) kaugnay ng patuloy na malakas na pag-ulan dulot ng Southwest Monsoon (Habagat), ipatutupad sa mga tanggapan ng Pamahalaang Bayan ng San Juan ang alternative work arrangements bukas, Martes, Agosto 18, 2026.

Dahil dito, pansamantalang hindi isasagawa ang regular na face-to-face na transaksyon sa mga tanggapan ng Munisipyo. Gayunman, mananatiling operational ang mga tanggapan at kawani na kabilang sa disaster response, health services, at iba pang essential services upang matiyak ang tuloy-tuloy na paghahatid ng kinakailangang serbisyo sa publiko.

Samantala, ipatutupad din sa lahat ng antas ng mga pampubliko at pribadong paaralan sa San Juan ang alternative learning modes bilang tugon sa posibleng epekto ng Habagat.

Pinapayuhan ang lahat na manatiling alerto, patuloy na subaybayan ang mga opisyal na abiso ng Pamahalaang Bayan at iba pang kinauukulang ahensya, at unahin ang kaligtasan sa gitna ng patuloy na malakas na pag-ulan dulot ng Habagat.




https://www.facebook.com/share/p/1858qougZr/
via Presidential Communications Office
Posted today: August 17 (5:38 p.m.)

17/08/2026

𝗝𝗨𝗔𝗡-𝗦𝗧𝗢𝗣 𝗘𝗠𝗣𝗟𝗢𝗬𝗠𝗘𝗡𝗧 𝗛𝗨𝗕, 𝗡𝗔𝗚𝗕𝗨𝗞𝗔𝗦 𝗡𝗚 𝗟𝗜𝗕𝗢-𝗟𝗜𝗕𝗢𝗡𝗚 𝗝𝗢𝗕 𝗩𝗔𝗖𝗔𝗡𝗖𝗜𝗘𝗦 𝗦𝗔 𝗦𝗔𝗡 𝗝𝗨𝗔𝗡

Dumalo ang humigit-kumulang 170 aplikante sa Juan-Stop Employment Hub: Local Job Fair 2026 na pinangunahan ng Local Youth Development Office (LYDO) at Sangguniang Kabataan (SK) Federation, katuwang ang Public Employment Service Office (PESO) ng Pamahalaang Bayan ng San Juan, nitong Huwebes, Agosto 13 sa Gen. Leandro R. Mendoza Memorial Sports Center (Municipal Gymnasium), Brgy. Poblacion.

Bahagi ang job fair ng Linggo ng Kabataan 2026 at nilahukan ng 13 lokal na kompanya na nag-alok ng libo-libong job vacancies para sa mga aplikante. Nakiisa rin ang Bureau of Jail Management and Penology (BJMP) para sa recruitment ng mga interesadong maging Jail Officer.

Naghatid din ng serbisyo at impormasyon ang Social Security System (SSS), Government Service Insurance System (GSIS), Philippine Health Insurance Corporation (PhilHealth), at Home Development Mutual Fund (Pag-IBIG) upang matulungan ang mga aplikante at iba pang mamamayan sa kanilang mga pangangailangan kaugnay ng mga benepisyo at serbisyo ng ahensya.

Dumalo bilang suporta sa aktibidad sina Executive Assistant Gino Joaquin R. Salud, SK Federation President Jeryk Dwight Rafhael Bait, at kinatawan ng Department of Labor and Employment (DOLE) Batangas Provincial Office na si Mr. Leomar De Torres.

Ang aktibidad ay isinagawa sa ilalim ng pamumuno ni MAYOR ILDEBRANDO D. SALUD, bilang bahagi ng mga programa para sa kabataan at paghahatid ng oportunidad sa trabaho sa mga mamamayan ng San Juan.

17/08/2026

12/08/2026

𝗕𝗨𝗞𝗔𝗦 𝗡𝗔! | 𝗝𝗨𝗔𝗡-𝗦𝗧𝗢𝗣 𝗘𝗠𝗣𝗟𝗢𝗬𝗠𝗘𝗡𝗧 𝗛𝗨𝗕: 𝗟𝗢𝗖𝗔𝗟 𝗝𝗢𝗕 𝗙𝗔𝗜𝗥 𝟮𝟬𝟮𝟲

Inaanyayahan ng Pamahalaang Bayan ng San Juan, sa pakikipagtulungan ng Local Youth Development Office (LYDO) at Public Employment Service Office (PESO), ang lahat ng kwalipikadong jobseekers na dumalo sa Juan-Stop Employment Hub: Local Job Fair 2026, na gaganapin bukas, Agosto 13, 2026 (Huwebes), ganap na alas-7:00 ng umaga, sa General Leandro R. Mendoza Sports Center (Municipal Gymnasium), Brgy. Poblacion, San Juan, Batangas.

📌 Online Registration: https://short.do/QenQ0M

Makibahagi, makipag-ugnayan, at samantalahin ang mga oportunidad na hatid ng Juan-Stop Employment Hub: Local Job Fair 2026.

Kita-kita po tayo bukas!