18/08/2026
Ang panahon ng sakuna ay parang isang salamin. Dito natin nakikita na ang diwa ng bayanihan ay buhay na buhay sa ating bayan—at ipinapaalala nito sa atin na ang tunay na paglilingkod ay may busilak na intensyon at walang hinihinging kapalit. Sa kabilang banda, ito rin ay isang paalala sa bawat lingkod-bayan na ang bawat piso mula sa kaban ng bayan ay sagrado. Ito ay pagmamay-ari ng ating mga mamamayan, kaya’t marapat lamang na maibalik ito sa kanila nang buo, may respeto, at nakatuon para sa kapakanan ng lahat, hindi ng iilan lamang.
