VICEfriend KUYA MARK SEÑO

05/10/2026

𝗧𝗘𝗔𝗖𝗛𝗘𝗥, 𝗜𝗞𝗔𝗪 𝗡𝗔𝗠𝗔𝗡: 𝗣𝗔𝗚𝗣𝗨𝗣𝗨𝗚𝗔𝗬 𝗔𝗧 𝗣𝗔𝗦𝗔𝗦𝗔𝗟𝗔𝗠𝗔𝗧 𝗦𝗔 𝗔𝗧𝗜𝗡𝗚 𝗠𝗚𝗔 𝗚𝗨𝗥𝗢

Sa pagdiriwang ng World Teachers’ Day, nais pong ipaabot ng inyong lingkod, Vice Mayor Kuya Mark Seño, ang taos-pusong pasasalamat at pagpupugay sa lahat ng ating mga g**o na patuloy na naglalaan ng kanilang panahon, lakas, kaalaman, at puso para sa kinabukasan ng ating mga mag-aaral.

Sa temang “Teacher, Ikaw Naman,” binibigyang-pansin natin hindi lamang ang kanilang mahalagang papel sa paghubog ng mga kabataan, kundi maging ang kanilang kapakanan, kabuuang kalusugan at kagalingan, at patuloy na pag-unlad bilang mga propesyonal. Sapagkat sa likod ng bawat g**ong nagtuturo, gumagabay, at nagbibigay-inspirasyon ay isang taong nangangailangan din ng pang-unawa, suporta, pagkalinga, at pagpapahalaga.

Sa pamamagitan ng 4As of Gratitude: Appreciation, Admiration, Approval, and Attention, nawa ay higit nating maipakita ang ating pagkilala sa kanilang mga sakripisyo at pagsisikap. Hindi sapat na pasalamatan lamang sila sa isang araw. Nararapat na araw-araw nating ipadama na mahalaga ang kanilang boses, kinikilala ang kanilang mga ambag, at pinahahalagahan ang kanilang kapakanan.

Bilang inyong lingkod, naniniwala ako na ang pagbibigay-halaga sa ating mga g**o ay pagbibigay-halaga rin sa kinabukasan ng ating bayan. Ang kanilang dedikasyon ang nagsisilbing pundasyon ng isang edukado, may kakayahan, at responsableng henerasyon.

Sa lahat ng ating mga g**o, ngayon naman ay kayo ang ating bibigyang-pansin. Maraming salamat sa inyong walang sawang paglilingkod. Kayo ay mahalaga, kayo ay pinahahalagahan, at karapat-dapat din kayong alagaan.

Happy World Teachers’ Day sa ating magigiting na mga g**o!

02/10/2026

𝗚𝗥𝗔𝗡𝗗 𝗥𝗘-𝗢𝗣𝗘𝗡𝗜𝗡𝗚 𝗡𝗚 𝗬𝗔𝗠𝗔𝗛𝗔 𝗕𝗢𝗔𝗖, 𝗡𝗔𝗚𝗠𝗔𝗥𝗞𝗔 𝗡𝗚 𝗣𝗔𝗡𝗜𝗕𝗔𝗚𝗢𝗡𝗚 𝗬𝗨𝗚𝗧𝗢 𝗡𝗚 𝗣𝗔𝗚𝗟𝗔𝗚𝗢 𝗔𝗧 𝗣𝗔𝗚-𝗨𝗡𝗟𝗔𝗗

Isang karangalan para sa inyong lingkod, si Vice Mayor Kuya Mark Seño, ang maging bahagi ng makabuluhang pagdiriwang ng Grand Re-opening ng Yamaha Boac, na nagmamarka ng panibagong yugto sa patuloy na paglago at pagpapalawak ng kanilang negosyo sa ating bayan.

Dumalo rin sa okasyong ito ang mga miyembro ng ika-12 Sangguniang Bayan, mga executive ng Motorcentral Group of Companies, DTI Provincial Director G. Roniel Macatol at G. Neptune Gutierrez, DOLE Provincial Director G. Marjune Moreno, gayundin ang mga kinatawan mula sa Public Employment Service Office (PESO). Ang kanilang pakikiisa ay nagpapakita ng kahalagahan ng pagtutulungan ng pamahalaan at pribadong sektor sa pagsusulong ng isang masigla at maunlad na lokal na ekonomiya.

Bilang kinatawan ng ating mapag-aruga at mapagkalingang Ina ng Bayan, Mayor Armi DC. Carrion, ikinagagalak po ng inyong lingkod na masaksihan ang malaking pag-unlad ng Yamaha Boac. Mula sa Level C store classification nang una itong magbukas noong 2016, narating na nito ngayon ang Level A store classification. Ang mahalagang pagbabagong ito ay sumasalamin sa patuloy na paglago ng kanilang operasyon at sa tiwala nila sa potensiyal ng Boac bilang isang lugar para sa negosyo at pamumuhunan.

Patuloy po nating kilalanin at suportahan ang mga negosyong pinipiling mamuhunan at lumago sa ating bayan. Higit sa pagpapalawak ng kanilang operasyon, ang pag-unlad ng mga lokal na negosyo ay nagbubukas ng mga oportunidad sa trabaho, nagpapalakas sa ating ekonomiya, at nagbibigay ng mas maraming pagkakataon para sa ating mga kababayan. Sa sama-samang pagsisikap ng pamahalaan at pribadong sektor, patuloy nating maisusulong ang isang mas masigla at progresibong Boac.

01/10/2026

𝗘𝗥𝗛𝗔𝗥𝗗 𝗘𝗱𝘂𝗰𝗮𝘁𝗶𝗼𝗻𝗮𝗹 𝗦𝘆𝘀𝘁𝗲𝗺𝘀 𝗠𝗶𝗻𝗶-𝗢𝗹𝘆𝗺𝗽𝗶𝗰𝘀 𝘀𝗮 𝗘𝗦𝗧𝗜 𝗕𝗼𝗮𝗰, 𝗠𝗮𝗿𝗶𝗻𝗱𝘂𝗾𝘂𝗲, 𝗣𝗶𝗻𝗮𝘀𝗶𝗻𝗮𝘆𝗮𝗮𝗻 𝗻𝗮

Isa sa mga bagay na nagbibigay ng saya sa inyong lingkod ay ang makitang nabibigyan ng pagkakataon ang ating mga kabataan na maipakita ang kanilang talento, sipag, at determinasyon, lalo na sa larangan ng sports.

Kaya naman masaya akong makiisa, kasama si Mayor Armi DC. Carrion, sa pagbubukas ng ERHARD Educational Systems Mini-Olympics para sa Senior High School Basketball, na pinangunahan ng Educational Systems Technological Institute-Boac, Marinduque. Sa pagkakataong ito, tayo po ay kinakatawan ni Konsehal Nic Solomon upang maipaabot ang ating suporta at pakikiisa sa mga kabataang atleta mula sa iba’t ibang paaralan.

Bilang host school, naging makahulugan din ang kanilang pagtanggap sa mga delegasyon mula sa iba’t ibang bahagi ng MIMAROPA at Bulacan sa pamamagitan ng tradisyonal na Putong ng Marinduque. Higit pa sa isang seremonyal na pagtanggap, ipinakita nito ang natatanging kultura ng ating lalawigan at ang mainit na pagyakap sa mga panauhin at kalahok na naging bahagi ng pagdiriwang.

Kabilang sa mga kalahok ang Educational Systems Technological Institute-Marinduque, Erhard Science College-Bulacan Inc., Erhard Systems Technological Institute-Romblon, Erhard Science and Technology Institute-Oriental Mindoro, at Philippine Central Island Colleges-Occidental Mindoro.

Ikinagagalak ko rin ng inyong lingkod na makasama sa mahalagang okasyong ito ang aking kapwa lingkod-bayan sa Pamahalaang Bayan ng Boac, si G. Rafael “Buboy” Bugarin, Boac Municipal Sports Coordinator, na naging Guest Speaker ng programa. Bilang katuwang natin sa pagsusulong ng sports at paghubog sa ating mga kabataan, mahalaga ang kanyang patuloy na paglilingkod at suporta sa mga programang nagbibigay ng pagkakataon sa ating mga batang atleta.

Ang ganitong mga paligsahan ay hindi lamang tungkol sa panalo o pagkatalo. Mas mahalaga ang mga aral na natututunan sa bawat laro, ang disiplina, tiyaga, teamwork, respeto, at tapang na bumangon sa bawat hamon. Kasabay nito, mahalaga ring maipakilala sa ating mga panauhin ang kultura at tradisyon ng Marinduque, tulad ng Putong, na sumasalamin sa ating pagiging magiliw at mapagpatuloy.

Bilang inyong lingkod, patuloy nating susuportahan ang mga programang nagbibigay sa ating kabataan ng pagkakataong malinang ang kanilang talento, magkaroon ng makabuluhang karanasan, at higit na maniwala sa kanilang sariling kakayahan.

Sa lahat ng ating mga kabataang atleta, ibigay ninyo ang inyong best sa bawat laro. Maglaro nang may puso, pairalin ang respeto, at higit sa lahat, enjoy the game.

Laban lang, kabataan! Ang inyong talento, determinasyon, at pagkakaisa ay bahagi ng mas magandang kinabukasan.

01/10/2026

𝗣𝗔𝗧𝗨𝗟𝗢𝗬 𝗔𝗡𝗚 𝗟𝗔𝗕𝗔𝗡 𝗔𝗧 𝗣𝗔𝗚𝗞𝗔𝗞𝗔𝗜𝗦𝗔 𝗦𝗔 𝗟𝗔𝗥𝗔𝗡𝗚𝗔𝗡 𝗡𝗚 𝗣𝗔𝗟𝗔𝗞𝗔𝗦𝗔𝗡

Isang kapana-panabik at dikit na bakbakan ang naging tampok sa pagitan ng LGU Boac Basketball Team at Marinduque State University (MarSU) bilang bahagi ng nagpapatuloy na Boac Inter-Agency Basketball League Tournament, kung saan nagtapos ang laro sa iskor na 102–97, pabor sa MarSU.

Bilang bahagi ng ating koponan, personal na naranasan ng inyong lingkod, Vice Mayor Kuya Mark Seño, kasama ang mga kapwa kawani sa LGU Boac, ang matinding palitan ng opensa at depensa sa buong laro. Ipinamalas ng bawat manlalaro ang kanilang determinasyon, pagtutulungan, at kagustuhang maibigay ang kanilang makakaya hanggang sa huling segundo. Bagama't hindi natin nakuha ang panalo sa pagkakataong ito, nananatiling mahalaga ang karanasang hatid ng bawat laban.

Para sa inyong lingkod, ang palakasan ay hindi lamang tungkol sa puntos at panalo. Higit sa lahat, nagsisilbi itong daan upang mapatatag ang samahan, maisulong ang malusog na pamumuhay, at mapalalim ang pagkakaisa at pakikipagkaibigan sa pagitan ng iba't ibang tanggapan at institusyon.

Maraming salamat sa lahat ng sumusuporta sa ating koponan. Bawi tayo sa susunod na laro! Good game MarSU.

30/09/2026

HAPPENING NOW: In celebration of the 126th Civil Service Anniversary, the Boac Human Resource Management Office held an Employees’ Makeover activity as a tribute to their dedicated service.

29/09/2026

Kung ikaw ay 𝗜𝗡𝗔𝗔𝗡𝗔𝗞 𝗡𝗜 𝗩𝗜𝗖𝗘 𝗠𝗔𝗬𝗢𝗥 𝗞𝗨𝗬𝗔 𝗠𝗔𝗥𝗞 𝗦𝗘Ñ𝗢 sa 𝗞𝗔𝗦𝗔𝗟, 𝗕𝗜𝗡𝗬𝗔𝗚, o 𝗞𝗨𝗠𝗣𝗜𝗟, inaanyayahan po kayong makibahagi at isumite ang inyong larawan at iba pang kinakailangang impormasyon gamit ang link na ito: https://forms.gle/M6MK46EB3fmV9jhw9

Para sa kumpletong requirements at iba pang kinakailangang impormasyon, mangyaring tingnan ang larawan na kalakip ng post na ito at sundin ang mga nakasaad na panuntunan at kinakailangang dokumento.

Para naman po sa mga nangangailangan 𝗻𝗴 𝗽𝗲𝗿𝘀𝗼𝗻𝗮𝗹 𝗻𝗮 𝘁𝘂𝗹𝗼𝗻𝗴 𝘀𝗮 𝗽𝗮𝗴𝘀𝗮𝗴𝗼𝘁 𝗻𝗴 𝗳𝗼𝗿𝗺, maaari kayong magtungo sa 𝗧𝗮𝗻𝗴𝗴𝗮𝗽𝗮𝗻 𝗻𝗴 𝗣𝗮𝗻𝗴𝗮𝗹𝗮𝘄𝗮𝗻𝗴 𝗣𝘂𝗻𝗼𝗻𝗴 𝗕𝗮𝘆𝗮𝗻, na matatagpuan sa 𝗜𝗸𝗮𝗹𝗮𝘄𝗮𝗻𝗴 𝗣𝗮𝗹𝗮𝗽𝗮𝗴 𝗻𝗴 𝗠𝘂𝗻𝗶𝗰𝗶𝗽𝗮𝗹 𝗕𝘂𝗶𝗹𝗱𝗶𝗻𝗴. Handa po ang aming staff na magbigay ng gabay at tumulong sa maayos na pagsagot at pagsusumite ng kinakailangang impormasyon.

𝗔𝗻𝗴 𝗺𝗴𝗮 𝘄𝗮𝗹𝗸-𝗶𝗻 𝗰𝗹𝗶𝗲𝗻𝘁𝘀 𝗽𝗼 𝗮𝘆 𝘁𝗮𝘁𝗮𝗻𝗴𝗴𝗮𝗽𝗶𝗻 𝘀𝗶𝗺𝘂𝗹𝗮 𝗦𝗲𝘁𝘆𝗲𝗺𝗯𝗿𝗲 𝟴, 𝟮𝟬𝟮𝟲, 𝗺𝘂𝗹𝗮 𝟴:𝟬𝟬 𝗔𝗠 𝗵𝗮𝗻𝗴𝗴𝗮𝗻𝗴 𝟱:𝟬𝟬 𝗣𝗠.

At kung may kakilala po kayong inaanak ni Vice Mayor Kuya Mark Seño, 𝗶-𝗺𝗲𝗻𝘁𝗶𝗼𝗻 lamang sila sa comment section o 𝗶-𝘀𝗵𝗮𝗿𝗲 ang post na ito upang makarating sa kanila ang mensaheng ito.

29/09/2026