Kagawad Raffu Malixi

Isang mapagpala at masaganang Bagong Taon sa inyong lahat!

Sa ating pagpasok sa taong 2026, nawa’y baunin natin ang mga aral at katatagang nakuha natin mula sa nagdaang taon. Ang bawat bagong simula ay isang mahalagang pagkakataon upang muling mangarap, magsumikap, at maglingkod nang may katapatan at pagmamahal sa kapwa.

Dalangin ko ang inyong kaligtasan, tagumpay sa bawat adhikain, at patuloy na pagkakaisa ng ating komunidad. Maging puno nawa ang inyong mga tahanan ng kapayapaan at biyayang walang hanggan.

Manigong Bagong Taon sa ating lahat!

Magandang balita!
𝗚𝗔𝗡𝗔𝗣 𝗡𝗔 𝗕𝗔𝗧𝗔𝗦 𝗡𝗔!

Sa naganap na ika-17 na Pangkaraniwang Pagpupulong ng ika-12 Sangguniang Bayan na ginanap noong ika-27 ng Oktubre, 2025, ay tuluyan ng sinang-ayunan at pinagtibay ang ating mga isinulong na panukalang ordinansa upang lalong maisaayos SOLID WASTE MANAGEMENT sa ating barangay alinsunod sa Republic Act 9003.

𝙊𝙍𝘿𝙄𝙉𝘼𝙉𝙎𝘼𝙉𝙂 𝙋𝘼𝙈𝘽𝘼𝙍𝘼𝙉𝙂𝘼𝙔 𝘽𝙇𝙂. 001-2025

“Isang Ordinansa na nagpapatupad ng mga alituntuning nagbabawal sa 𝗽𝗮𝗴𝗸𝗮𝗸𝗮𝗹𝗮𝘁, 𝗽𝗮𝗴𝘀𝘂𝘀𝘂𝗻𝗼𝗴, 𝗮𝘁 𝗶𝗹𝗲𝗴𝗮𝗹 𝗻𝗮 𝗽𝗮𝗴𝘁𝗮𝘁𝗮𝗽𝗼𝗻 𝗻𝗴 𝗯𝗮𝘀𝘂𝗿𝗮 sa nasasakupan ng Barangay Tibig at pagpapataw ng nararapat na kaparusahan sa mga lumabag dito.”

𝙊𝙍𝘿𝙄𝙉𝘼𝙉𝙎𝘼𝙉𝙂 𝙋𝘼𝙈𝘽𝘼𝙍𝘼𝙉𝙂𝘼𝙔 𝘽𝙇𝙂. 002-2025

“Isang Ordinansang ipinapatupad ang alituntuning “𝗡𝗼 𝗦𝗲𝗴𝗿𝗲𝗴𝗮𝘁𝗶𝗼𝗻, 𝗡𝗼 𝗖𝗼𝗹𝗹𝗲𝗰𝘁𝗶𝗼𝗻 𝗣𝗼𝗹𝗶𝗰𝘆” sa lahat ng kabahayan, Establisyemento, at institusyon sa Barangay Tibig, bilang bahagi ng maayos na pamamahala sa Solid Waste Management alinsunod sa Republic Act. 9003.”

Layunin ng mga ordinansa na ito ang 𝗛𝗜𝗞𝗔𝗬𝗔𝗧𝗜𝗡 𝗮𝘁 𝗠𝗔𝗜𝗦𝗨𝗟𝗢𝗡𝗚 𝗔𝗡𝗚 𝗗𝗜𝗦𝗜𝗣𝗟𝗜𝗡𝗔 ng bawat mamamayan sa mabuting pamamahala sa kanilang mga basura.

𝗠𝗔𝗣𝗔𝗡𝗔𝗧𝗜𝗟𝗜 𝗔𝗡𝗚 𝗞𝗔𝗟𝗜𝗡𝗜𝗦𝗔𝗡 𝗔𝗧 𝗞𝗔𝗔𝗬𝗨𝗦𝗔𝗡 at upang mabawasan ang ating suliranin sa basura.

Kabataan, tayo na! Ipakita ang iyong lakas, talino at paninindigan para sa bayan 🇵🇭

Magpa-rehistro mula October 20, 2025 hanggang May 18, 2026, 8:00AM-5:00PM, Lunes hanggang Sabado, kasama ang Holidays.

Para naman sa mga probinsya sa BARMM, ang voter registration ay mula May 1-18, 2026.

PAALALA: Magdala ng isang valid government-issued ID. Hindi tatanggapin ang cedula, Barangay-issued Certificate at Barangay ID.

PS. Tatanggapin ang lahat ng uri ng aplikasyon, kasama na ang TRANSFER.

𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟱!
Tara na, magbrigada na!

Bilang paghahanda sa nalalapit na pagbubukas ng klase para sa taong pampanuruan 2025–2026, isasagawa ang Brigada Eskwela sa darating na Hunyo 9–13, 2025. Inaanyayahan po namin ang lahat ng mga magulang, estudyante, alumni, partners, at iba pang miyembro ng komunidad na makiisa sa gawaing ito upang mapaghandaan ang pagbabalik ng ating mga mag-aaral.

📌 Ano ang kailangan?
May mga kagamitan po tayong kinakailangan para sa paglilinis, pagkukumpuni, at paghahanda ng mga silid-aralan at pasilidad ng paaralan. (Makikita po sa mga kalakip na larawan ang listahan ng ilan sa mga ito)

🤝 Paano tumulong?
Lubos po namin ipagpapasalamat ang mga nais mag-volunteer! Maaaring makipag-ugnayan agad sa aming opisina o mag-iwan ng mensahe sa aming FB page upang maayos natin ang inyong schedule ng pakikiisa sa buong linggo ng Brigada Eskwela.
Maraming salamat po sa patuloy na suporta at malasakit para sa ating paaralan at mga mag-aaral. Sama-sama nating ihanda ang ligtas, maayos, at masiglang pagbabalik-eskwela sa Paaralang Elementarya ng Tibig.



See translation

“𝐁𝐈𝐍𝐆𝐎 𝐊𝐀’ 𝐃𝐀𝐘”

Isang masayang hapon ang ating natunghayan noong ika-27 ng Pebrero, 2025 ng ating isagawa ang ating programang “BINGO KA’ DAY” kasabay ng ating kampanya upang mas maipaalam ang mga mahahalagang impormasyon para sa “BARANGAY INFORMATION CASTING SYSTEM” at bilang pakikiisa sa pagdiriwang ng “National Women’s Month” ngayong buwan ng Marso.

Ang simpleng proyekto pong handog ng inyong lingkod ay naging posible sa pakikipag-tulungan ng SMART Communications Inc.

Taos-pusong pasasalamat din po sa ating mga kasamahan sa paglilingkod at mga kaibigan na ginawang extra-special ang hapon na ito sa pagbibigay ng mga karagdagang pa-premyo para sa ating programa. Maraming Salamat po:

Konsehal Aron Ronald Cruz
Konsehal Jenar Du
Kapitan B**g Obias
At sa ating Punong Barangay Maria Rosario L. Gamboa.