Barangay Sto. Domingo, Cainta, Rizal

06.02.2026
𝐃𝐄𝐂𝐋𝐎𝐆𝐆𝐈𝐍𝐆
📍Gloria St., Marick Subdivision

Kanina ay nakatanggap tayo ng report ukol sa baradong kanal sa lugar. Agad itong ininspeksyon, at ngayong araw ay isinagawa ang declogging operation upang mapanatili ang maayos na daloy ng tubig at maiwasan ang pagbaha.

Makikita sa mga larawan ang dami ng basura, patunay na ang maling pagtatapon ng kalat ay isa sa mga pangunahing sanhi ng pagbabara ng ating drainage system.

📌 Paalala:
❗ Huwag magtapon ng basura sa kanal at panatilihing malinis ang kapaligiran.

Lubos ang pasasalamat sa ating masisipag na Utility Workers sa kanilang dedikasyon at walang sawang serbisyo para sa ating barangay. 👏💪

𝐁𝐀𝐋𝐈𝐊-𝐄𝐒𝐊𝐖𝐄𝐋𝐀 𝐋𝐈𝐁𝐑𝐄𝐍𝐆 𝐆𝐔𝐏𝐈𝐓𝐀𝐍💇🏻‍♀️💇🏻

Bilang paghahanda sa nalalapit na pagbubukas ng klase, ang BSD Wellness Team, sa pakikipagtulungan ng Marick Elementary School SPTA, ay magsasagawa ng Libreng Gupitan para sa mga mag-aaral ng Marick Elementary School.

📅 June 3, 2026
⏰ 9:00 AM – 11:30 AM
📍 MES Auditorium

Inaanyayahan ang mga mag-aaral na samantalahin ang pagkakataong ito upang magkaroon ng maayos at malinis na gupit para sa pagbabalik-eskwela.

Magkakaroon din ng pampering activity para sa mga g**o ng Marick Elementary School bilang pagkilala sa kanilang mahalagang papel sa edukasyon ng ating kabataan.

Ang programang ito ay handog ni Punong Barangay Janice Gomez Tacsagon at Sangguniang Barangay, katuwang ang BSD Wellness Team at MES SPTA.

05.30.26
𝐏𝐑𝐎𝐉𝐄𝐂𝐓 𝐋𝐀𝐑𝐎: 𝐓𝐑𝐀𝐃𝐈𝐓𝐈𝐎𝐍𝐀𝐋 𝐆𝐀𝐌𝐄𝐒

Matagumpay na isinagawa ng ating Barangay ang Project Laro: Traditional Games sa San Buena Court, isang programang naglalayong muling buhayin ang mga larong Pilipinong kinagisnan ng mga nakaraang henerasyon at maipakilala ito sa ating mga kabataan.

Sa pamamagitan ng mga tradisyunal na laro, nabigyan ng pagkakataon ang mga bata na makisalamuha sa kanilang kapwa, maging aktibo sa pisikal na gawain, at maranasan ang saya ng paglalaro sa labas sa halip na magbabad sa mga gadgets at social media.

Ang programang ito ay bahagi ng ating patuloy na adhikain na mapanatili ang ating kultura at tradisyon habang nagtataguyod ng masaya, ligtas, at makabuluhang aktibidad para sa mga kabataan.

Ang programang ito ay handog ng Barangay Sto. Domingo sa pangunguna ni PB Janice Tacsagon-Curia at BCPC Committee Head Kgd. Myra Aquino, bilang suporta sa mga programang pangkabataan na nagtataguyod ng aktibong pamumuhay, pagkakaisa, at pagpapahalaga sa kulturang Pilipino.

Lubos din po nating pinasasalamatan ang San Buena HOA sa pangunguna ni Pres. Edwin Pafin para sa kanilang mahalagang tulong at pakikiisa upang maging matagumpay ang aktibidad na ito.

Sama-sama nating panatilihing buhay ang ating mga larong Pilipino at hikayatin ang mga kabataan na mas piliin ang aktibong paglalaro kaysa sa labis na paggamit ng gadgets.

𝐑𝐄𝐒𝐈𝐃𝐄𝐍𝐓 𝐎𝐅 𝐓𝐇𝐄 𝐌𝐎𝐍𝐓𝐇 🎉🍋

Good news, mga taga-𝐌𝐚𝐫𝐢𝐜𝐤 𝐒𝐮𝐛𝐝𝐢𝐯𝐢𝐬𝐢𝐨𝐧! 🎊

Treat your family and friends to your favorite Chinese dishes and enjoy a 𝐅𝐑𝐄𝐄 𝐋𝐄𝐌𝐎𝐍 𝐂𝐇𝐈𝐂𝐊𝐄𝐍 from Super Bowl of China East Ortigas! 🥢🍗

📍 Exclusive for Marick Subdivision Residents
✅ Present your valid Resident ID
✅ Minimum purchase of ₱1,500
✅ Dine-in only

📅 Promo Period: June 1–30, 2026

Don’t miss this delicious resident-exclusive treat! Visit Super Bowl of China East Ortigas and savor authentic Chinese favorites with a FREE bonus on us! 😋

𝐀𝐧𝐭𝐢-𝐑𝐚𝐛𝐢𝐞𝐬 𝐕𝐚𝐜𝐜𝐢𝐧𝐚𝐭𝐢𝐨𝐧 𝐃𝐚𝐲 𝐟𝐨𝐫 𝐃𝐨𝐠𝐬 & 𝐂𝐚𝐭𝐬‼️🐕🐈🦮🐩🐈‍⬛🐕‍🦺

Ang programang ito ay bahagi ng patuloy na adbokasiya ni Mayor Johnielle Keith Pasion Nieto sa ilalim ng pakikipagtulungan ng One Cainta Veterinary Office upang mapanatiling ligtas at rabies-free ang ating komunidad.

📆 Narito ang schedule para sa ngayong buwan ng June. Inaanyayahan ang lahat ng pet owners na samantalahin ang libreng serbisyong ito sa mga susunod pang schedule.

📅 𝗝𝘂𝗻𝗲 𝟵, 𝟮𝟬𝟮𝟲 | 𝗧𝘂𝗲𝘀𝗱𝗮𝘆 | 𝟳-𝟴𝗔𝗠 (𝘀𝘁𝗮𝗿𝘁)
📍 St. Joseph Covered Court

📅 𝗝𝘂𝗻𝗲 𝟭𝟬, 𝟮𝟬𝟮𝟲 | 𝗪𝗲𝗱𝗻𝗲𝘀𝗱𝗮𝘆 | 𝟳-𝟴𝗔𝗠 (𝘀𝘁𝗮𝗿𝘁)
📍 Villarica Multipurpose Hall

📅 𝗝𝘂𝗻𝗲 𝟭𝟲, 𝟮𝟬𝟮𝟲 | 𝗧𝘂𝗲𝘀𝗱𝗮𝘆 | 𝟳-𝟴𝗔𝗠 (𝘀𝘁𝗮𝗿𝘁)
📍 CVS 1&2, Open Space

📅 𝗝𝘂𝗻𝗲 𝟭𝟴, 𝟮𝟬𝟮𝟲 | 𝗧𝗵𝘂𝗿𝘀𝗱𝗮𝘆 | 𝟳-𝟴𝗔𝗠 (𝘀𝘁𝗮𝗿𝘁)
📍 Dacon & Kasibulan Covered Court

📞 Para sa mga request sa susunod na buwan ng Hulyo, maaaring tumawag sa Cainta Veterinary Office sa 8696-2598 at hanapin sina Miss Weng o Grace.
🏢 Maaari ring mag-walk-in mula Monday to Friday, 8:00 AM- 5:00 PM sa Veterinary Office sa Municipal Grounds.

Patuloy po tayong magtulungan para sa kaligtasan ng bawat pamilya at alagang hayop sa ating bayan. 🐾💙

Source: OneCainta Page
https://www.facebook.com/share/p/18ndLinfX1/?mibextid=wwXIfr

06.01.2026
𝐁𝐒𝐃 𝐅𝐋𝐀𝐆 𝐂𝐄𝐑𝐄𝐌𝐎𝐍𝐘
Host: Delta One

Ngayong buwan ng Hunyo, ipinagdiriwang natin ang Araw ng Kalayaan at kasabay nito ay ating binabalikan ang unang kalahati ng taong 2026. Sa loob ng anim na buwan, sama-sama nating hinarap ang iba't ibang hamon at nagsikap na maihatid ang mga programang makatutugon sa pangangailangan ng ating komunidad.

Ang Araw ng Kalayaan ay paalala ng katapangan, pagkakaisa, at pagmamahal sa bayan. Nawa’y magsilbi rin itong inspirasyon upang ipagpatuloy natin ang tapat, responsable, at makabuluhang paglilingkod para sa kapakanan ng bawat mamamayan.

Maraming salamat sa inyong patuloy na suporta at pakikiisa. Sa nalalabing bahagi ng taon, sama-sama nating itaguyod ang mga adhikain para sa isang mas maayos, mas ligtas, at mas maunlad na Barangay.

Bilang pagtatapos, nagbigay ng paalala si PB Janice sa lahat na maging dahilan ng pagkakasundo at hindi ng pagkakawatak-watak. Aniya, ang bawat kwento ay may dalawang panig kaya mahalagang pakinggan at unawain ang magkabilang panig bago humusga o magbigay ng opinyon. Sa pamamagitan ng paggalang, maayos na pakikipag-usap, at bukas na pag-iisip, mas mapapanatili natin ang pagkakaisa at kapayapaan sa ating komunidad.

Mabuhay ang Kalayaan! Mabuhay ang sambayanang Pilipino! 🇵🇭

𝐂𝐄𝐑𝐓𝐈𝐅𝐈𝐂𝐀𝐓𝐄 𝐎𝐅 𝐀𝐏𝐏𝐑𝐄𝐂𝐈𝐀𝐓𝐈𝐎𝐍✨

Sa ngalan ng Barangay Sto. Domingo, Taos-puso kaming nagpapasalamat sa St. Joseph Elementary School sa pagbibigay ng 𝐂𝐞𝐫𝐭𝐢𝐟𝐢𝐜𝐚𝐭𝐞 𝐨𝐟 𝐀𝐩𝐩𝐫𝐞𝐜𝐢𝐚𝐭𝐢𝐨𝐧 bilang pagkilala sa aming munting ambag at suporta sa 𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝟐𝟎𝟐𝟔.

Lubos naming pinahahalagahan ang pagkilalang ito at nagsisilbing inspirasyon upang lalo pa naming pag-ibayuhin ang aming paglilingkod sa komunidad, lalo na sa larangan ng edukasyon.

Ang tagumpay ng Brigada Eskwela ay patunay na sa pamamagitan ng bayanihan, pagkakaisa, at sama-samang pagkilos ng paaralan, pamahalaan, at komunidad, masisig**o natin ang isang maayos at ligtas na kapaligiran para sa ating mga mag-aaral.

Muli, maraming salamat sa pagkilala. Nawa’y magpatuloy ang ating matibay na pagtutulungan para sa ikauunlad ng edukasyon at kinabukasan ng ating mga kabataan.

05.29.2026
𝐒𝐄𝐑𝐁𝐈𝐒𝐘𝐎𝐍𝐆 𝐌𝐄𝐃𝐈𝐊𝐀𝐋

Nagsagawa ng Serbisyong Medikal ang 𝙑𝙞𝙡𝙡𝙖𝙜𝙚 𝙀𝙖𝙨𝙩 𝙃𝙚𝙖𝙡𝙩𝙝 𝘾𝙚𝙣𝙩𝙚𝙧 sa mga 4𝙋𝙨 𝙢𝙚𝙢𝙗𝙚𝙧𝙨 at sa mga pasyente mula sa iba't-ibang lugar na sakop nila.
Ang mga serbisyong ginawa ay:
🏥General Consultation para sa Adult at
Pediatric Patients
🏥YAKAP Prescription at Medication Claiming
🏥4Ps Annual Physical Examination
🏥HPV Vaccination Drive

𝐁𝐚𝐜𝐤𝐠𝐫𝐨𝐮𝐧𝐝:
Noong araw ay iilan lang ang nagpupunta sa 𝑽𝒊𝒍𝒍𝒂𝒈𝒆 𝑬𝒂𝒔𝒕 𝑯𝒆𝒂𝒍𝒕𝒉 𝑪𝒆𝒏𝒕𝒆𝒓 na nasa Ground Floor ng 2nd Building sa tabi ng Covered Court.
Sa pagpasok ng taong 2025 ay kapansin-pansin ang pagdami ng mga kumokonsultang pasyente mula sa Village East at sa mga katabing Subdivision. May 𝑫𝒐𝒄𝒕𝒐𝒓, 𝑵𝒖𝒓𝒔𝒆, 𝑺𝒕𝒂𝒇𝒇 𝒂𝒕 𝑩𝑯𝑾 na regular nang tumitingin at sumusuri sa ating mga pasyente. Sa pagdating ng 𝑷𝒉𝒊𝒍𝒉𝒆𝒂𝒍𝒕𝒉 𝒀𝑨𝑲𝑨𝑷 𝑷𝒓𝒐𝒈𝒓𝒂𝒎 ay dinagsa ito ng mga Seniors at ibang Maintenance Medicine beneficiaries. Naging katuwang din natin ang 𝑴𝑬𝑫𝑺𝑶𝑼𝑹𝑪𝑬 bilang 𝒀𝑨𝑲𝑨𝑷 𝑮𝒂𝒎𝒐𝒕 𝑷𝒓𝒐𝒗𝒊𝒅𝒆𝒓 sa pagbibigay ng ibang gamot. Maraming serbisyo ang naibibigay ng VEHC.

Sa pangunguna ni Punong Barangay Janice Gomez Tacsagon kasama ang buong Sangguniang Barangay, patuloy nating pinalalakas at sinusuportahan ang mga programang pangkalusugan para sa kapakanan ng bawat mamamayan ng Barangay Sto. Domingo.

Patuloy nating pakikinggan ang mga suhestiyon at puna ng ating mga residente upang lalo pang mapabuti ang kalidad ng serbisyong medikal na ating inihahatid.

Maraming salamat at mabuhay ang buong Village East Health Center sa inyong mahusay, maayos, at malasakit na serbisyo para sa ating komunidad!

05.28.2026
𝐁𝐀𝐂𝐊 𝐓𝐎 𝐒𝐂𝐇𝐎𝐎𝐋 𝐏𝐑𝐎𝐆𝐑𝐀𝐌 – 𝐘𝐄𝐀𝐑 𝟏𝟐 (𝐅𝐑𝐄𝐄 𝐒𝐂𝐇𝐎𝐎𝐋 𝐒𝐔𝐏𝐏𝐋𝐈𝐄𝐒 𝐅𝐎𝐑 𝐈𝐍𝐂𝐎𝐌𝐈𝐍𝐆 𝐆𝐑𝐀𝐃𝐄 𝟑 𝐒𝐓𝐔𝐃𝐄𝐍𝐓𝐒)

Matagumpay na naisagawa ang ika-12 taon ng ating Back to School Program na naglalayong makatulong sa paghahanda ng mga kabataang mag-aaral para sa nalalapit na pasukan.

Sa pamamagitan ng programang ito, maraming incoming Grade 3 students ang nabigyan ng libreng school supplies na magagamit nila sa kanilang pag-aaral. Nawa’y maging inspirasyon ito upang lalo silang magsikap at maabot ang kanilang mga pangarap.

Lubos ang aming pasasalamat sa mga magulang at mag-aaral na nakiisa at nakiisa sa programa. Patuloy nating suportahan ang edukasyon bilang mahalagang pundasyon ng isang maunlad na kinabukasan.

Ang programang ito ay handog ng Sangguniang Barangay sa pangunguna ni Punong Barangay Janice G. Tacsagon-Curia kasama ang mga miyembro ng Sangguniang Barangay, bilang patunay ng kanilang patuloy na suporta sa sektor ng edukasyon at sa kabataan ng ating komunidad.

“Ang edukasyon ay susi sa mas maliwanag na kinabukasan.”

05.26.2026
𝐆𝐚𝐫𝐝𝐞𝐧 𝐇𝐚𝐫𝐯𝐞𝐬𝐭 🌱
📍 𝘉𝘚𝘋 𝘜𝘳𝘣𝘢𝘯 𝘎𝘢𝘳𝘥𝘦𝘯

Mula sa ating munting urban garden, matagumpay nating naani ang sariwa at masustansyang petchay na ipinamahagi sa ilan nating mga residente sa San Buena. 🥬😊

Patunay na sa simpleng pagtatanim ay may malaking maitutulong sa komunidad — dagdag pagkain, dagdag kabuhayan, at dagdag pagkakaisa. 🌿

“𝙺𝚊𝚙𝚊𝚐 𝚖𝚊𝚢 𝚒𝚝𝚒𝚗𝚊𝚗𝚒𝚖, 𝚊𝚢 𝚖𝚊𝚢 𝚊𝚊𝚗𝚒𝚑𝚒𝚗.”

Ang programang ito ay hatid ng Sangguniang Barangay ng Barangay Sto. Domingo.💚