25/09/2026
๐ง๐๐ข๐ฆ-๐ฃ๐จ๐ฆ๐ข๐ก๐ ๐ฃ๐๐ฆ๐๐ฆ๐๐๐๐ ๐๐ง ๐ ๐จ๐๐ ๐ฆ๐ ๐ง๐๐๐ ๐ฃ๐ฅ๐ข๐๐ฅ๐๐ฆ๐๐๐ข๐ก๐ ๐ฃ๐๐๐๐๐๐๐๐ข
Sa aming mga minamahal na Ka-Barangay,
Taos-puso po kaming nagpapasalamat sa bawat isa sa inyo na patuloy na nagbigay ng tiwala, suporta, oras, at pagmamahal sa Team Progresibong Pagbabago. Sa bawat pakikipag-usap, pagdamay, at pagpapakita ng suporta, naramdaman namin na hindi kami nag-iisa sa hangaring magkaroon ng mas maayos, mas maunlad, at mas makabuluhang serbisyo para sa ating barangay.
Hindi namin itatago na may panghihinayang at pagkadismaya kami sa naging desisyon na ipagpaliban ang Barangay Elections. Marami sa atin ang naghanda, naglaan ng panahon, at nagkaroon ng pag-asa para sa isang bagong yugto ng ating barangay.
Ngunit bilang mga mamamayang gumagalang sa batas at sa proseso ng ating pamahalaan, tinatanggap at iginagalang namin ang naging desisyon. Maaaring ipinagpaliban ang halalan, ngunit hindi ipinagpaliban ang aming hangaring maglingkod.
Ang aming pagkakaisa, malasakit, at pakikipagkapwa ay hindi nakasalalay sa isang halalan. Patuloy kaming tutulong, makikinig, at makikiisa sa ating mga Ka-Barangay sa abot ng aming makakaya.
Sa lahat ng naniwala at sumuporta sa Team Progresibong Pagbabagoโmaraming, maraming salamat po. Ang inyong suporta ay hindi namin itinuturing na nasayang. Sa halip, ito ay nagsisilbing inspirasyon upang ipagpatuloy ang mabuting layunin at serbisyo para sa ating komunidad.
Hindi man natuloy ang halalan, tuloy ang malasakit.
Hindi man ngayon ang pagkakataon, hindi titigil ang paglilingkod.
Mula sa aming buong Team Progresibong Pagbabago, maraming salamat, Ka-Barangay!โค๏ธ
Para sa Barangay. Para sa bawat Ka-Barangay. Para sa Progresibong Pagbabago.
