Comelec Northern Samar - OPES

𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬: 𝗕𝗮𝗴𝗼𝗻𝗴 𝗦𝗰𝗵𝗲𝗱𝘂𝗹𝗲 𝗻𝗴 𝗖𝗢𝗠𝗘𝗟𝗘𝗖 𝘀𝗮 𝗔𝗯𝗿𝗶𝗹 𝟮𝟬𝟮𝟲

Pansamantalang sarado ang lahat ng opisina ng COMELEC nationwide tuwing Lunes bilang pagsuporta sa energy conservation policy ng pamahalaan.

Walang operasyon sa mga sumusunod na petsa:
❌ Abril 6, 2026
❌ Abril 13, 2026
❌ Abril 20, 2026
❌ Abril 27, 2026

⏰ 𝗦𝘁𝗮𝗻𝗱𝗮𝗿𝗱 𝗢𝗽𝗲𝗿𝗮𝘁𝗶𝗼𝗻𝘀: 𝗠𝗮𝗿𝘁𝗲𝘀-𝗦𝗮𝗯𝗮𝗱𝗼, 𝟴:𝟬𝟬𝗔𝗠–𝟱:𝟬𝟬𝗣𝗠
✅ Voter Registration
✅ Voter Certification
✅ Iba pang transaksyon

PAGDIRIWANG NG KABABAIHAN: COMELEC NORTHERN SAMAR AT LGU SILVINO LUBOS, NAGSAGAWA NG GAD SEMINAR AT VOTER’S EDUCATION

Ika-23 ng Marso, taong 2026 | SILVINO LUBOS, NORTHERN SAMAR — Bilang pakikiisa sa pagdiriwang ng National Women’s Month ngayong Marso 2026, matagumpay na naisagawa ng Commission on Elections (COMELEC) Northern Samar, katuwang ang Lokal na Pamahalaan ng Silvino Lubos, ang isang Gender and Development (GAD) Seminar at Voter’s Education para sa mga kababaihan at residente ng komunidad.

Sa ilalim ng pambansang tema para sa taong 2026 na “WE for Gender Equality and Inclusive Society” at sub-temang “Lead Like the Babaylans, Filipinas!”, binigyang-diin ng aktibidad ang mahalagang papel ng mga kababaihan sa pamumuno at pagbuo ng bansa. Layunin ng seminar na ito na itaas ang antas ng kamalayan ng mga kababaihan pagdating sa kanilang mga karapatan at ang kahalagahan ng kanilang boses sa demokratikong proseso.

Nagsimula ang programa sa isang parada na nilahukan ng mga kalahok mula sa iba’t ibang sektor ng komunidad. Sinundan ito ng rehistrasyon at pormal na pagbubukas sa pamamagitan ng panalangin at pag-awit ng Pambansang Awit ng Pilipinas, COMELEC Hymn, at Silvino Lubos Municipal Hymn. Isinagawa rin ang pagkilala sa mga kalahok at mga panauhin.

Nagbigay ng mensahe si Dr. Agner S. Sagonoy, kasama sina Dr. Marilyn Baldoza, Dr. Lucio Lobos, Hon. Remedios I. Espinar, at Hon. Leo Lao Jarito, na nagbahagi ng kanilang suporta para sa adbokasiya sa kababaihan at pagiging responsableng mamamayan.

Sa bahagi ng talakayan, ibinahagi nina Ms. Jessa Mae O. Tagle-Sosing (RMT) ang HIV Awareness at ni Dr. Shanroe C. Cayong ang Women’s Wellness. Tinalakay naman ni Atty. Fidel C. Amacna, Provincial Election Supervisor III ng COMELEC Northern Samar, ang Safe Spaces Act (R.A. 11313), habang ipinaliwanag ni PSSg. Joan M. Lim ang R.A. 8353, at ni Hon. Susan R. Mananguile ang R.A. 9710.

Lubos na binigyang-diin sa isang mahalagang mensahe ni Assistant Regional Election Director Atty. Maria Corazon S. Montallana, na nagpaalala na ang tunay na empowerment ng kababaihan ay nagsisimula sa kaalaman sa kanilang mga karapatan at sa tapang na ipaglaban ang mga ito. Kanyang hinikayat ang bawat isa na maging mulat, mapanindigan, at aktibong makilahok hindi lamang sa usaping panlipunan kundi lalo na sa demokratikong proseso tulad ng pagboto.

Tinalakay rin ni Mr. Johnny B. Morales ang Voter’s Education, na nagbigay-diin sa kahalagahan ng pagiging responsableng botante.

Sa pagtatapos ng programa, isinagawa ang pamamahagi ng sertipiko at closing remarks ni Mr. Renato Madronio, Election Officer III ng OEO Silvino Lubos.

Ang kolaborasyong ito sa pagitan ng COMELEC Northern Samar at LGU Silvino ay isang mahalagang hakbang upang masiguro na ang bawat babae sa mga komunidad ay may sapat na kaalaman at kapangyarihang makilahok sa pag-unlad ng lipunan.

February 19, 2026 | Northern Samar Provincial Jail
Bobon, Northern Samar

Araw ng huwebes, ika-19 ng Pebrero, ay muling nag sagawa ng isang Outreach Program na may kasamang Voter's Education at Satellite Registration ang COMELEC Northern Samar sampo ng mga kawani nito na pinangunahan ng COMELEC - Bobon Northern Samar sa Northern Samar Provincial Jail. Nilalayon ng gawaing ito na muli ay makapag bigay ng serbisyo sa mga kapatid nating nasa piitan sa pamamagitan ng mga munting tulong na ipinamahagi sa mga kalahok sa nasabing gawain.

Hindi lamang naka sentro ang programa sa pagpapasaya kundi ay pagbibigay din ng kaalaman sa kanila na bagaman ay nasa piitan sila ngunit mayroon pa rin silang mga karapatan at kabilang dito ay ang lumahok sa halalan alinsunod sa batas na umiiral. Sa pamamagitan nito ay naipababatid natin sa kanila ang kahalagahan ng pag pili ng tamang mamumuno at higit sa lahat ay naipa-dama sa kanila na sila man din ay bahagi pa rin ng komunidad.

Ang programa ay nagtapos sa pag-sasagawa ng Satellite Registration sa loob ng pasilidad. Nawa ay maunawan at mabatid nating lahat na ang karapatan, kailanman ay di masisiil at higit sa lahat ay hindi nakakulong.

𝐂𝐀𝐋𝐄𝐍𝐃𝐀𝐑 𝐎𝐅 𝐀𝐂𝐓𝐈𝐕𝐈𝐓𝐈𝐄𝐒 𝐈𝐍 𝐂𝐎𝐍𝐍𝐄𝐂𝐓𝐈𝐎𝐍 𝐖𝐈𝐓𝐇 𝐓𝐇𝐄 𝐍𝐎𝐕𝐄𝐌𝐁𝐄𝐑 𝟐, 𝟐𝟎𝟐𝟔 𝐁𝐀𝐑𝐀𝐍𝐆𝐀𝐘 𝐀𝐍𝐃 𝐒𝐀𝐍𝐆𝐆𝐔𝐍𝐈𝐀𝐍𝐆 𝐊𝐀𝐁𝐀𝐓𝐀𝐀𝐍 𝐄𝐋𝐄𝐂𝐓𝐈𝐎𝐍𝐒

📅 October 20, 2025 - May 18, 2026
👉Voter Registration Period (Nationwide except BARMM)

📅 February 9 - March 31, 2026
👉Voter Registration Period in BARMM

📅 September 28 - October 5, 2026
👉Filing of Certificates of Candidacy

📅 September 28 - October 21, 2026
👉Campaigning is Prohibited

📅 October 3 - November 9, 2026
👉Election Period
👉Gun Ban

📅 October 22-31, 2026
👉Campaign Period

📅 November 1, 2026
👉Eve of Election Day
👉Liquor Ban
👉Campaigning is Prohibited

📅 November 2, 2026
👉ELECTION DAY
👉Liquor Ban
👉Campaigning is Prohibited

📅 December 2, 2026
👉Last Day to File Statement of Contributions and Expenditures (SOCE)

❗️PAALALA: Suspended ang voter registration sa Antipolo City, Rizal mula January 19 - March 22, 2026 upang magbigay-daan sa mga aktibidad kaugnay ng isasagawang March 14, 2026 Special Elections sa 2nd Legislative District ng Antipolo City.

References:
COMELEC Resolution No. 11177:https://comelec.gov.ph/php-tpls-attachments/2025BSKE/Resolutions/com_res_11177.pdf
COMELEC Resolution No. 11191:https://comelec.gov.ph/php-tpls-attachments/2025BSKE/Resolutions/com_res_11191.pdf

𝐂𝐎𝐌𝐄𝐋𝐄𝐂 𝐒𝐓𝐀𝐓𝐄𝐌𝐄𝐍𝐓 | 𝟐𝟖 𝐉𝐚𝐧𝐮𝐚𝐫𝐲 𝟐𝟎𝟐𝟔

𝐂𝐎𝐌𝐄𝐋𝐄𝐂 𝐃𝐞𝐟𝐞𝐫𝐬 𝐭𝐡𝐞 𝐂𝐨𝐧𝐝𝐮𝐜𝐭 𝐨𝐟 𝐭𝐡𝐞 𝐌𝐚𝐫𝐜𝐡 𝟑𝟎, 𝟐𝟎𝟐𝟔 𝐁𝐀𝐑𝐌𝐌 𝐏𝐚𝐫𝐥𝐢𝐚𝐦𝐞𝐧𝐭𝐚𝐫𝐲 𝐄𝐥𝐞𝐜𝐭𝐢𝐨𝐧𝐬

Intramuros, Manila – Today, the Commission on Elections (COMELEC) En Banc promulgated COMELEC Minute Resolution No. 26-0071 which resolved the following in connection with the conduct of the March 30, 2026 BARMM Parliamentary Elections, to wit:

1.) DEFER the conduct of the BARMM Parliamentary Elections scheduled on March 30, 2026 until a new date is fixed by law.

2.) NOTE the recommendations as well as the assessment of timelines on the mandatory preliminary activities, specifically:
🔘The election timelines are already too proximate which rendered the conduct of the BARMM Parliamentary Elections no longer feasible.
🔘The varied legal implications such as: (a) The effectivity of Parliament Bill No. 415 falls well within the prohibition of Republic Act No. 8189 (The Voters Registration Act of 1996) which proscribes the alteration of a precinct at the start of the Election Period; and (b) The conduct of Assemblies and Conventions for the election of Parliamentary Sectoral Representatives cannot proceed until the date of the elections is set pursuant to the pronouncement of the Honorable Supreme Court in the cases of Ali, Jr. v. BTA and COMELEC and Macapaar v. BTA and COMELEC.

3.) SET ASIDE and TERMINATE all activities under COMELEC Resolution Nos. 11181 and 11184 or the Calendar of Activities and Period of Certain Prohibited Acts in connection with the March 30, 2026 BARMM Parliamentary Elections and the Calendar of Activities and Periods for the conduct of Assemblies and Conventions for the Election of Parliamentary Sectorial Representatives in connection with the March 30, 2026 BARMM Parliamentary Elections, respectively.

Accordingly, the BARMM Parliamentary Elections will not push through on March 30, 2026.

Year End Specials

December 18, 2025 | Dalakit, Catarman Northern Samar

Bago magpalit ng taon ay idinaos ng COMELEC Northern Samar ang kanilang taonang Year End Party. Naglalayon ito na kahit papaano ay magkaroon ng pasasalamat sa mga natamasang mga biyaya, nalagpasang mga pagsubok, muling pagbubuklod ng mga samahan at higit sa lahat pagtanaw sa isang bagong pagasa sa paparating na bagong taon.

Ibat-ibang mga pagtatanghal ang inihain ng bawat kawani na masasabi naman natin na WOW! Amazing. Mga malilikhaing mga pangalan ng grupo ang natuklasan, katulad na lamang ng grupong "The Virgin Singers" at ang kanilang awiting espanyol na wari baga'y mga taga Mehiko ang nanghaharana sa iyo.

Papahuli din ba ang grupo ng mga dancers na hindi lamang pang-daigdig kundi pangkalawakan. Kung si Zaido ang Pulis Pangkalawakan, ang Quantum Galactic Dancers naman ang mga Dancer na Pangkalawakan! Sa galing nila ay mapapaisip kang totoo nga ang mga Intergalactic species.

Hindi lang pangkalawakan kundi pati galing Disney ay dumayo pa! Ang legendary trio ng tatlong Disney Princesses ay nagtanghal. Hindi rin papahuli ang "The Dreamers" na sa una ay trio hanggang sa huli ay naging isang grupo, kumbaga open-membership ang atake, aray ko!

Happy Holidays sa ating lahat at hari nawa ay mamalagi at manaig sa bawat isa ang saya at kapayaan!