Tejero Health and Birthing Center

Medical Mission para sa mga langga nga Lolo ug Lola karon nang Hunyo 13

THBC HEALTH SERVICES

Samtang padayon ang atong paghatag og health services sa THBC, wala usab nato gipasagdan ang atong mga igsoon nga biktima sa sunog sa Sitio Silangan 2. Nagpabilin ang atong medical station sa evacuation center aron masiguro nga aduna dayoy mahatag nga tabang medikal, pag-atiman, ug suporta alang sa ilang panginahanglan.

MANY THANKS TO TZU CHI

Heartfelt thanks to the Tzu Chi Foundation for extending ayuda to the fire victims of Sitio Silangan 2.

Your kindness and generosity continue to bring hope to our community. We also remember your support during the COVID-19 pandemic when you provided sacks of rice to many residents of Sitio Silangan 2.

Daghang salamat for always being a blessing to those in need. God bless you more.

HEALTH ROUNDS SA MGA MODULAR TENTS NAGPADAYON

Padayon nga nagpahigayon og health rounds ang mga Barangay Health Workers (BHWs) sa mga modular tents sa evacuation center aron mamonitor ang kahimtang sa panglawas sa mga biktima sa sunog sa Sitio Silangan 2.

Pinaagi niini nga inisyatiba, matag tent gisuroy sa mga BHW aron masuta ang posibleng mga sakit sama sa hilanat, ubo, sip-on, diarrhea, skin diseases, ug uban pang health concerns ilabina sa mga bata, senior citizens, buntis, ug persons with comorbidities.

Ang THBC naghatag usab og health education ug pahimangno sa kalimpyo,
blood pressure monitoring,
referral sa mga nanginahanglan og medical consultation,
ug suporta sa breastfeeding mothers ug kabataan.

Ang regular nga health rounds importante aron malikayan ang pagkatap sa sakit sulod sa evacuation center ug masiguro ang kaluwasan ug kaayohan sa mga internally displaced persons (IDPs).

Breastfeeding Station alang sa mga Biktima sa Sunog sa Sitio Silangan 2

Tungod sa sunog nga nakaapekto sa mga residente sa Sitio Silangan 2, dako kaayong tabang ang pag-establisar og Breastfeeding Station sulod sa evacuation center aron maatiman ang panginahanglan sa mga inahan ug mga masuso nga biktima sa sunog.

Ang Breastfeeding Station usa ka luwas ug pribadong lugar sa evacuation center diin ang mga inahan makapasuso sa ilang mga anak panahon sa kalamidad.

Nakatabang usab kini sa paglikay sa sakit ug malnutrition sa mga bata.

MEDICAL STATION SA EVAC CENTER

Nagpabilin ang atong medical station aron pag-atiman sa panglawas sa mga apektadong pamilya sa Sitio Silangan 2 atol sa krisis.

Ang medical station makatabang sa :

1.Paghatag dayon og first aid ug konsultasyon

2.Pag-monitor sa blood pressure, blood sugar, ug kahimtang sa senior citizens, buntis, kabataan ug persons with comorbidities

3.Pag-apod-apod og tambal ug bitamina

4.Paglikay sa pagkatap sa sakit sama sa ubo, trangkaso, diarrhea ug skin infections

5.Paghatag og bakuna ug tetanus toxoid kon adunay samad o kadaot

6.Mental health support ug psychosocial assistance alang sa mga na-trauma sa sunog

7.Referral sa ospital kon adunay seryosong kondisyon

ANIA USAB ATONG PAHIMANGNO SA MGA IDPs o internally displaced persons:

1.Magpabiling limpyo sa lawas ug palibot aron malikayan ang sakit.

2.Manghunaw pirmi sa kamot ilabi na sa dili pa mokaon ug human mogamit sa kasilyas.

3.Inom pirmi og limpyo ug luwas nga tubig aron malikayan ang dehydration.

4.Ayaw pag-inom og tambal nga walay tambag sa health workers o doktor.

5.Bantayi ang mga bata aron malikayan ang aksidente ug pagkatakod sa sakit.

6.Kon adunay hilanat, ubo, kalibanga, samad o lisod pagginhawa, adto dayon sa medical station.

7.Likayi ang panigarilyo sulod sa evacuation center aron malikayan ang sunog ug sakit sa baga.

8.Magtinabangay sa pagmintinar sa kalimpyo ug kahapsay sa evacuation center.

9.Sundon ang health protocols ug tambag sa mga health workers ug barangay officials.

10.Ayaw kahadlok mangayo og tabang ilabi na kon adunay emotional stress o trauma human sa sunog.

HAPAG sa Barangay Tejero