Makabayan Southern Mindanao

08/10/2026

PONDONG NINAKAW SA BAYAN: ISOLI MO NA, INDAY SARA!

Pinagtitibay ng Commission on Audit (COA) with finality ang disallowance sa ₱73.287 milyong confidential fund ng Office of the Vice President (OVP) noong 2022, matapos nitong ibasura ang motion for reconsideration ni Vice President Sara Duterte at iba pang opisyal ng OVP. Ayon sa COA, hindi sapat ang mga acknowledgment receipts at iba pang dokumentasyong isinumite upang mapatunayan ang wastong paggamit ng nasabing pondo.

Hindi maliit na halaga ang ₱73 milyon. Sa halip na mapunta sa kuwestiyonableng gastusing hindi sapat ang dokumentasyon, maaari itong ilaan sa mga serbisyong direktang kailangan ng mamamayan, tulad ng dagdag na pondo para sa mga silid-aralan, pagpapalawak ng health care services sa mga probinsya, at iba pang batayang pangangailangan ng mga Pilipino.

Kaya habang dinidinig ang impeachment trial laban kay Sara Duterte, hindi sapat na ibalik lamang ang ₱73 milyon. Ang pagbabalik ng pondo ay hindi awtomatikong nag-aalis ng pananagutan sa paggamit nito. Sa halip, ang pinal na disallowance ng COA ay higit na nagpapatingkad sa usapin ng paggamit ng confidential funds, na kabilang sa mga alegasyong kinakaharap ni Duterte sa impeachment trial.

Hindi sapat ang refund dahil ang kailangan ng mamamayan ay pananagutan. Ang ₱73 milyon ay pera ng taumbayan.

Sa gitna ng kakulangan sa pondo para sa edukasyon, kalusugan, pagkain, at iba pang batayang serbisyo, nararapat lamang na matiyak ang accountability ng mga opisyal sa paggamit ng pondo ng bayan at mapanagot ang sinumang mapatutunayang lumabag sa batas at tiwala ng publiko.

08/10/2026

IMBESTIGAHAN ANG SUNOD-SUNOD NA INSIDENTE SA MGA LANDFILL!

Naghahain ang MAKABAYAN BLOC, sa pangunguna nina ACT Teachers Party-list Rep. Antonio L. Tinio, Gabriela Women’s Party Rep. Sarah Elago, at Kabataan Party-list Rep. Renee Co, ng House Resolution No. 1528 upang ipanawagan ang joint investigation sa sunod-sunod na insidente sa mga landfill sa iba’t ibang bahagi ng bansa.

Mula sa pagguho ng landfill sa Cebu at Rizal, sunog sa Navotas, hanggang sa bagong insidente sa New Carmen Sanitary Landfill sa Davao City, nagdudulot ang mga insidenteng ito ng panganib sa kalusugan at kaligtasan ng mga komunidad at mga waste worker.

Layunin ng resolusyon na siyasatin ang mga insidente, ang epekto nito sa kapaligiran at mamamayan, gayundin ang kalagayan at working conditions ng mga waste worker.

08/10/2026

NO TO FLOATING STATUS! IPAGLABAN ANG DECENT WORK AT SECURITY OF TENURE!

Ngayong World Day for Decent Work, naghain ang MAKABAYAN BLOC sa pangunguna nina Kabataan Party-list Rep. Renee Co, Gabriela Women’s Party Rep. Sarah Elago, at ACT Teachers Party-list Rep. Antonio Rinio ng House Bill No. 11642, o “Prohibition of Floating Status and Protection of Employment Continuity Act.”

Para sa BPO workers, hindi matatawag na decent work ang trabahong walang seguridad sa tenure kung saan maaaring ilagay ang manggagawa sa floating status, mawalan ng sahod at benepisyo, at paghintayin nang walang katiyakan para sa redeployment.

Sa ilalim ng panukala, ipinagbabawal ang floating status, off-detail, standby, forced or involuntary leave without pay, at iba pang kahalintulad na sistema na maaaring gamitin upang labahin ang seguridad sa trabaho. Itinutulak din nito ang redeployment at retraining bago tuluyang tanggalin ang isang manggagawa.

Pass the No to Floating Status Bill!

08/10/2026

MAKABAYAN FILES:
HOUSE RESOLUTION NO.1512

SUNOD-SUNOD NA REPRESYON SA KABATAAN, IMBESTIGAHAN!

Kasunod ng pagsususpinde sa apat na student leader ng University of Santo Tomas (UST), naghain sina Kabataan Party-list Rep. Renee Louise M. Co, Gabriela Women’s Party Rep. Sarah Jane I. Elago, at ACT Teachers Party-list Rep. Antonio L. Tinio ng House Resolution No. 1512 upang ipanawagan ang imbestigasyon sa tumitinding represyon laban sa kabataan at mga estudyante sa loob ng mga pamantasan sa bansa.

Kahapon ay inilabas ng administrasyon ng UST ang resolusyon para sa suspensyon ng apat na Student leaders matapos silang sumailalim sa disciplinary proceedings kaugnay ng kanilang komprontasyon sa Philippine Air Force (PAF) sa isang campus exhibit hinggil sa military operations at iba pang paglabag sa karapatang pantao ng ahensya.

Kinokondena ng resolusyon ang mga paglabag sa academic freedom, kalayaan sa pagpapahayag, pagtitipon, at pag-oorganisa ng mga kabataan at estudyante, kabilang ang mga insidenteng may kaugnayan sa kanilang pagtutol sa korapsyon sa pondo para sa flood control at iba pang isyung panlipunan.

07/10/2026

MAKABAYAN FILES:
HOUSE RESOLUTION NO.1496

IMBESTIGAHAN ANG EPEKTO NG SUPER EL NIÑO SA MAGSASAKA AT MANGINGISDA!

Naghain ang MAKABAYAN BLOC (KABATAAN PARTYLIST, Gabriela Women's Party. ACT Teachers Party-List) ng House Resolution No. 1496 upang igiit ang imbestigasyon sa epekto ng Super El Niño sa kabuhayan ng mga magsasaka at mangingisda, gayundin sa tugon at mga hakbang ng pamahalaan upang tugunan ang epekto nito.

Hindi dapat mapabayaan ang mga sektor na unang tinatamaan ng matinding init at mga sakuna. Sa harap ng banta ng Super El Niño, kailangang matiyak ang agarang suporta at konkretong hakbang para maprotektahan ang kabuhayan at pagkain ng mamamayan.

Itinutulak ng Makabayan bloc ang isang masusing imbestigasyon upang matukoy ang lawak ng epekto sa mga magsasaka at mangingisda at masuri kung sapat at napapanahon ang mga hakbang ng pamahalaan.

Mababasa ang buong House Resolution sa link na ito:
https://drive.google.com/file/d/1NMQj6Xv4rrcNyHz7HGsHvgqQ4EDQ707K/view?usp=share_link

29/09/2026

26/09/2026