https://www.facebook.com/104864976002207/

Barangay Gavino Maderan, General Mariano Alvarez (2026)

27/10/2026

ANUNSYO MULA SA GENERAL MARIANO ALVAREZ WATER DISTRICT (GMAWD)

PAUNAWA (NOTICE)
Petsa: Oktubre 26, 2026

Ipinapaalam sa publiko na ang Lupon ng mga Katiwala ng Local Water Utilities Administration (LWUA), alinsunod sa Board Resolution No. 09, Series of 2026, na may petsang Enero 22, 2026, ay nag-apruba sa paunang singil para sa septage/sanitation fee ng General Mariano Alvarez Water District (GMAWD), gaya ng sumusunod:

Halaga ng bayarin

1. Mga kostumer ng GMAWD

₱3.70 bawat cubic meter (cu.m.) ng konsumo sa tubig

2. Mga hindi kostumer ng GMAWD

₱4,388.89 bawat sambahayan para sa septic tank na may sukat na 1.4 cu.m. o mas maliit

Mga hindi kostumer ng GMAWD na may mas malaking septic tank

₱3,134.92 para sa bawat septic tank na mas malaki sa 1.4 cu.m.

2. Paano kokolektahin ang bayarin?
Para sa mga kostumer ng GMAWD, ang bayad ay ibabatay sa kanilang aktuwal na buwanang konsumo sa tubig, anuman ang klasipikasyon ng kanilang koneksiyon sa serbisyo. Isasama ito bilang karagdagang singil sa kanilang buwanang bill sa tubig.

Para naman sa mga hindi kostumer ng GMAWD, ang bayad sa paglilinis o pagsipsip ng laman ng septic tank ay kailangang bayaran nang pauna, alinsunod sa sistemang “pay-per-service” o magbabayad kapag gagamit ng serbisyo.

3. Kailan ito ipatutupad?
Ipinapaalam ng GMAWD na ipino-post nila ang mga bayaring inaprubahan ng LWUA sa loob ng nasasakupan ng Bayan ng General Mariano Alvarez, Cavite, nang pitong (7) araw bago ang pagpapatupad.

Kapag ipinatupad na, ang singil sa septage/sanitation ay magiging epektibo sa loob ng panahong hindi bababa sa limang (5) taon, mula 2026 hanggang 2030, na katumbas ng isang (1) siklo ng paglilinis o pagsipsip ng laman ng septic tank.

4. Para sa mga katanungan
Kung may mga katanungan tungkol sa abisong ito, maaaring makipag-ugnayan sa GMAWD sa pamamagitan ng mga sumusunod:

Telepono: (046) 460-4645

Email: [email protected]

Website: www.gmawaterdistrict.gov.ph

Lubos na gumagalang,

JULIET M. NACITA
General Manager

25/10/2026

MATAGUMPAY NA 2ND SEMESTER BARANGAY ASSEMBLY! 2026 BARANGAY GAVINO MADERAN

Taos-pusong pasasalamat sa lahat ng mga kabarangay na nakiisa at dumalo sa 2nd Semester Barangay Assembly ng Barangay Gavino Maderan.

Ang inyong pakikiisa, suporta, at aktibong partisipasyon ay mahalaga sa patuloy na pag-unlad ng ating barangay. Sa pamamagitan ng bukas na talakayan, pagbabahagi ng mga ulat, at pakikinig sa mga hinaing at mungkahi ng mamamayan, mas napagtitibay natin ang pagkakaisa at pagtutulungan para sa ikabubuti ng ating komunidad.

Maraming salamat sa ating mga opisyal ng barangay sa pangunguna ng ama ng Barangay Gavino Maderan Kap Valentin Iso mga kawani, mga katuwang na organisasyon, at sa bawat mamamayang patuloy na sumusuporta sa mga programa at proyekto ng ating barangay.

Sama-sama sa maayos, ligtas, at maunlad na Barangay Gavino Maderan! 🤝💚🩵

07/10/2026

PAANYAYA SA BARANGAY ASSEMBLY

2nd Semester – CY 2026

Mahal naming mga Ka-Barangay,

Isang mainit na pagbati po mula sa Barangay Gavino Maderan!

Inaanyayahan po namin ang lahat ng mga residente ng ating barangay na dumalo at makiisa sa gaganaping Barangay Assembly para sa 2nd Semester ng Taong 2026.

📅 Petsa: October 25, 2026
🕘 Oras: 9:00 ng Umaga
📍 Lugar: Block 04 Covered Court
🏘️ Barangay Gavino Maderan, General Mariano Alvarez, Cavite

Tema:

“Tayo na sa Barangay Assembly!
Nagkakaisang Tinig, Makabuluhang Usapan, at Sama-samang Pagkilos para sa Ating Komunidad.”

Ang Barangay Assembly ay isang mahalagang pagkakataon upang tayo ay magkaisa, makinig, magpalitan ng saloobin, talakayin ang mga mahahalagang usapin, at sama-samang bumuo ng mga hakbang para sa ikauunlad ng ating barangay.

Ang inyong presensya, pakikilahok at mga mungkahi ay mahalaga upang higit nating mapabuti ang mga programa, proyekto at serbisyo para sa bawat pamilyang Madereño.

Kaya naman, Tayo na sa Barangay Assembly!
Makilahok, makinig, magbigay ng suhestiyon, at maging bahagi ng pagbabago at pag-unlad ng ating komunidad.

Sama-sama nating itaguyod ang isang nagkakaisa, maayos, ligtas at progresibong Barangay Gavino Maderan!

Maraming salamat po at inaasahan namin ang inyong pakikiisa.

Mabuhay ang Barangay Gavino Maderan!
Mabuhay ang bawat Madereño!

18/09/2026

🩺🦷 MATAGUMPAY NA MEDICAL AT DENTAL MISSION ❤️

Taos-puso po kaming nagpapasalamat sa matagumpay na Medical at Dental Mission para sa mamamayan ng buong GMA na isinagawa sa ating mahal na Barangay Gavino Maderan.

Ang serbisyong ito ay hatid mula kay Governor Abeng Remulla, sa pakikipag-ugnayan ng ating butihing Vice Mayo Percy Cabuhat, at sa pakikipagtulungan ng ating Punong Barangay Valentin Iso Jr.

Lubos din ang aming pasasalamat sa ating mga masisipag na Kagawad Tita Aquino Pahila, Kagawad Beth Padilla, Block Leaders, LPU Nursing Student at mga Volunteers sa kanilang pag-aassistat pagtiyak na maayos na maihatid ang serbisyong pangkalusugan sa ating mga mamamayan. 🙏❤️

Ang ganitong mga programa ay malaking tulong upang mailapit sa ating mga mamamayan ang serbisyong medikal at dental, lalo na sa mga nangangailangan.

Maraming salamat po sa lahat ng bumuo, tumulong at nakibahagi sa gawaing ito. Patunay lamang na kapag sama-sama ang ating mga lingkod-bayan at komunidad, mas maraming buhay ang ating naaabot at natutulungan.

Serbisyo para sa kalusugan, malasakit para sa bawat kabarangay! ❤️

16/09/2026

🎂💐 MALIGAYANG KAARAWAN, KAGAWAD BETH PADILLA! 🩵💚

Sa araw ng inyong kaarawan, buong pusong bumabati ang buong Barangay Gavino Maderan sa isang lingkod-bayan na hindi lamang nagbibigay ng serbisyo, kundi nagbibigay din ng malasakit, panahon, at puso para sa kanyang mga kabarangay.

Ang inyong tapat at taos-pusong paglilingkod, pagiging handang makinig, tumulong, at umunawa sa pangangailangan ng ating mga kabarangay ay isang bagay na tunay na pinahahalagahan at ipinagmamalaki namin.

Sa bawat araw na kayo ay naglilingkod, ipinapakita ninyo na ang tunay na serbisyo ay hindi nasusukat sa posisyon, kundi sa pusong handang maglingkod nang walang hinihintay na kapalit. 🩵💚

🙏 Nawa'y pagpalain pa kayo ng Poong Maykapal ng mahabang buhay, mabuting kalusugan, kalakasan, kaligayahan, at mas marami pang biyaya upang patuloy ninyong maging inspirasyon at sandigan ng ating komunidad.

🎉 Maligayang Kaarawan, Kagawad Beth Padilla!
Maraming salamat sa inyong puso sa paglilingkod. 🩵💚

Mula sa inyong pamilya sa Barangay Gavino Maderan — HAPPY BIRTHDAY! 🎂💐🎈

14/09/2026

𝐌𝐄𝐃𝐈𝐂𝐀𝐋 & 𝐃𝐄𝐍𝐓𝐀𝐋 𝐌𝐈𝐒𝐒𝐈𝐎𝐍 🩺🦷💙

Mga GMAnians, may libreng 𝐌𝐞𝐝𝐢𝐜𝐚𝐥 𝐚𝐭 𝐃𝐞𝐧𝐭𝐚𝐥 𝐌𝐢𝐬𝐬𝐢𝐨𝐧 po tayo ngayong 𝐒𝐞𝐩𝐭𝐞𝐦𝐛𝐞𝐫 𝟏𝟕, 𝐓𝐡𝐮𝐫𝐬𝐝𝐚𝐲, 𝟕:𝟎𝟎 𝐀𝐌–𝟐:𝟎𝟎 𝐏𝐌 sa 𝐌𝐚𝐝𝐞𝐫𝐚𝐧 𝐂𝐨𝐯𝐞𝐫𝐞𝐝 𝐂𝐨𝐮𝐫𝐭, sa tabi ng Barangay Hall ng Barangay Maderan.

𝐋𝐢𝐛𝐫𝐞 𝐩𝐨 𝐢𝐭𝐨 𝐩𝐚𝐫𝐚 𝐬𝐚 𝐥𝐚𝐡𝐚𝐭 𝐧𝐠 𝐆𝐌𝐀𝐧𝐢𝐚𝐧𝐬. 💙

Ito po ay mula kay 𝐆𝐨𝐯𝐞𝐫𝐧𝐨𝐫 𝐀𝐛𝐞𝐧𝐠 𝐑𝐞𝐦𝐮𝐥𝐥𝐚 𝐚𝐭 𝐕𝐢𝐜𝐞 𝐌𝐚𝐲𝐨𝐫 𝐏𝐞𝐫𝐜𝐲 𝐂𝐚𝐛𝐮𝐡𝐚𝐭 bilang bahagi ng patuloy na serbisyong pangkalusugan para po sa ating mga kababayan.

🚨 50 SLOTS LANG PO PARA SA DENTAL!
First come, first served po ang ating slots para sa mga nais magpabunot ng ngipin.

🦷 PAALALA PARA SA MAGPAPABUNOT NG NGIPIN

Hindi po maaaring magpabunot kung:
• Puyat
• May ubo o sipon
• May high blood pressure
• Gutom — dapat ay kumain ng kanin bago magpabunot
• May malubhang sakit
• May diabetes
• May buwanang dalaw
• Nakabraces, maliban kung may pahintulot ng inyong dentista
• Nakainom ng alak
• Wisdom tooth ang ipapabunot

Libre po ito para sa lahat ng GMAnians. Kaya kung kailangan ninyo ng medical o dental check-up, punta lang po tayo sa Maderan Covered Court sa September 17!

12/09/2026

🚧 INSPEKSYON NG MGA DAAN SA ATING BARANGAY

Nagsagawa ng personal na inspeksyon ang ating Punong Barangay Valentin Iso sa ilang mga daan sa ating barangay upang makita at masuri ang kanilang kasalukuyang kalagayan.

Layunin ng isinagawang pag-iinspeksyon na matukoy ang mga bahaging may sira, lubak at iba pang kailangang ayusin, upang maipagbigay-alam at maisama sa pagpaplano at paglalaan ng pondo para sa kinakailangang pagkukumpuni o pagsasaayos.

Ang hakbang na ito ay bahagi ng patuloy na pagsisikap ng Pamahalaang Barangay na mapabuti ang kalagayan ng ating mga kalsada at matiyak ang mas ligtas at maayos na daanan para sa lahat ng residente.

Sa pamamagitan ng maayos na pagpaplano, pagtutulungan at tamang paggamit ng pondo, patuloy nating isusulong ang mga proyektong tunay na makatutulong sa ating komunidad.

Serbisyong nakikita, aksyong nararamdaman, at kalsadang unti-unting inaayos para sa bawat mamamayan. 🇵🇭

11/09/2026

MATAGUMPAY NA INITIAL INVENTORY OF BARANGAY PROPERTY! 🏛️📑

Matagumpay na naisagawa ang Initial Inventory of Barangay Property bilang bahagi ng patuloy na pagsunod ng ating Barangay sa DILG Memorandum Circular No. 2026-021, na naglalayong tiyakin ang maayos na Inventory and Turn-over of Barangay and SK Properties, Financial Records, and Documents (BPFRDs).

Ang gawaing ito ay mahalagang hakbang upang matiyak na ang lahat ng ari-arian, kagamitan, financial records, books of accounts, supporting documents, at iba pang mahahalagang dokumento ng Barangay at Sangguniang Kabataan (SK) ay maayos na natutukoy, nasusuri, naitatala at napapangalagaan.

Layunin din ng inventory na mapanatili ang wasto, kumpleto at updated na records ng mga pag-aari ng Barangay, matiyak ang tamang accountability sa paggamit ng mga kagamitan at resources, at maiwasan ang pagkawala, pagkasira o maling paggamit ng mga ito.

Higit sa isang simpleng pagtatala, ang gawaing ito ay nagpapakita ng ating pananagutan bilang mga lingkod-bayan na pangalagaan ang bawat ari-arian at dokumentong ipinagkatiwala sa atin ng ating mga kabarangay. Ito ay bahagi ng pagsusulong ng transparency, accountability, good governance, proper documentation, at responsible public service. 🤝📚

Taos-pusong pasasalamat sa lahat ng nakiisa, gumabay at naglaan ng oras at kaalaman upang maging maayos at matagumpay ang gawaing ito, sa pangunguna ng ating MLGOO Ma’am Alice Caguitla Bay, kasama ang Accounting Office – Ate Sarah Respeto, Ate Thess Ramos, LYDO Mico Llantos, at iba pang mga kasamang naging bahagi ng aktibidad.

Ang pagtutulungan ng iba't ibang tanggapan ay malaking bahagi upang matiyak na ang bawat proseso ay naisagawa nang maayos, sistematiko at naaayon sa mga umiiral na alituntunin.

💙 Sa maayos na records, malinaw na accountability; sa tamang pangangalaga ng ari-arian, mas matatag na serbisyo para sa bawat mamamayan.

Patuloy nating isusulong ang isang Barangay na maayos, transparent, responsable at tapat sa paglilingkod.

Serbisyong may puso, pamamahalang may pananagutan! 🇵🇭🤝

11/09/2026

🚨🚨 PINAKAMAHIGPIT NA BABALA! 🚨🚨

⚠️ SA MGA PATULOY NA NAGNANAKAW AT PUMUPUTOL NG KABLE NG KURYENTE:

HUMINTO NA KAYO!

Ang pagputol at pagnanakaw ng kable ng kuryente ay HINDI BIRUAN AT HINDI SIMPLENG PAGNANAKAW LAMANG. Maaari itong magdulot ng PAGKAMATAY, SUNOG, PAGKAKURYENTE, at MALAWAKANG PAGKAWALA NG KURYENTE sa ating komunidad.

Patuloy na nagsisikap ang PAMUNUANG BARANGAY na mapanatili ang kaayusan, seguridad, at magandang serbisyo para sa lahat ng residente

🔴 BABALA:
Sinumang mahuhuling nagnanakaw o pumuputol ng kable ay AGAD NA IREREPORT SA PULISYA AT SA MGA KINAUUKULANG AHENSYA at maaaring humarap sa KAUKULANG KASO AT PARUSA SA ILALIM NG BATAS.

📹 Sa mga lugar na may CCTV o iba pang monitoring, ang anumang kahina-hinalang kilos ay maaaring MA-DOKUMENTO AT MAGAMIT BILANG EBIDENSYA.

❌ WALANG PALUSOT.
❌ WALANG PATAWAD SA PAGNANAKAW.
❌ HUWAG NINYONG SUBUKAN ANG PASENSYA NG KOMUNIDAD.

ISANG PAGPUTOL NG KABLE, MAAARING MAGING SANHI NG ISANG BUHAY NA MAWAWALA.

🛑 HUWAG MAGNAKAW NG KABLE!
🛑 HUWAG MAGLAGAY SA PANGANIB NG BUHAY NG IBA!
🛑 ANG MAHULI AY MANANAGOT SA BATAS!

MABUTING MAGHANAPBUHAY NANG MARANGAL KAYSA BUHAYIN ANG PAMILYA SA PERWISYO NG IBA.

04/09/2026

PAALALA AT PAGPAPALIWANAG UKOL SA PAGPILI NG MGA BAGONG BENEPISYARYO NG 4Ps

Nais pong ipabatid ng Pamunuan ng Barangay na wala pong direktang kinalaman ang Barangay Officials sa pagpili, pag-apruba, o pagtatalaga ng mga bagong benepisyaryo ng Pantawid Pamilyang Pilipino Program (4Ps).

Ang proseso ng pagtukoy at pagpili ng mga kwalipikadong benepisyaryo ay isinasagawa ng Department of Social Welfare and Development (DSWD) batay sa kanilang opisyal na proseso at mga datos na ginagamit ng pamahalaan, kabilang ang mga datos mula sa Philippine Statistics Authority (PSA).

Samakatuwid, ang mga pangalan ng mga bagong benepisyaryo na naitalaga o naipadala sa ating barangay ay hindi pinili, isinama, o inirekomenda ng Punong Barangay o ng mga Kagawad. Ang Barangay ay tumatanggap lamang at nagbibigay ng kaukulang koordinasyon at impormasyon hinggil sa mga programang ipinapatupad ng DSWD para maipaalam sa mga kwalipikado at bagong meyembro ng 4ps sa pamamagitan ng posting sa opisyal na fb page ng barangay.

Nauunawaan po namin na maaaring magkaroon ng mga katanungan o agam-agam kung bakit may ilang pamilya na napabilang at mayroon namang hindi. Gayunpaman, nais naming linawin na wala po kinalaman ang Pamunuan ng Barangay sa listahan ng mga benepisyaryo dahil ang pagtukoy ay nasa ilalim ng proseso at pamantayan ng DSWD.

Hinihiling po namin ang inyong pang-unawa at paggalang sa proseso. Para sa mga katanungan tungkol sa qualification, validation, inclusion, exclusion, o status ng 4Ps, mas mainam pong direktang makipag-ugnayan sa kinauukulang tanggapan ng DSWD upang mabigyan kayo ng tamang impormasyon.

Ang Pamunuan ng Barangay ay patuloy na nakikiisa at nagbibigay ng suporta sa mga programa ng pamahalaan para sa kapakanan ng ating mga residente.

Maraming salamat po sa inyong pang-unawa at pakikiisa.

Barangay Gavino Maderan

27/10/2026

25/10/2026

07/10/2026

18/09/2026

16/09/2026

14/09/2026

12/09/2026

11/09/2026

11/09/2026

04/09/2026

Address

Website

Alerts

Shortcuts

Share

Category

Other Government Organizations in General Mariano Alvarez

Listing takedown request