City of Imus Council for the Protection of Children

🌐💙 International Safer Internet Day 2026

In solidarity with the global call for a safer digital space, the City Government of Imus and its City Council for the Protection of Children proudly support and commemorate this year’s Safer Internet Day with the localized theme:

“Ako, Ikaw, Tayo: Konektado at Protektado Laban sa OSAEC at CSAEM.”

Together, let us promote responsible digital citizenship, protect children from online sexual abuse and exploitation, and build a safe, empowering online environment for everyone.

✨ Stay informed.
✨ Stay vigilant.
✨ Stay connected — and protected.

𝟓𝟐𝟎 𝐈𝐦𝐮𝐬𝐞𝐧̃𝐨, 𝐧𝐚𝐤𝐢𝐬𝐚𝐲𝐚 𝐬𝐚 𝐏𝐖𝐃𝐬' 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬
𝐓𝐈𝐍𝐆𝐍𝐀𝐍: Higit 520 katao ang dumalo sa makulay na pagdiriwang ng PWDs' Festival of Talents na ginanap noong Nobyembre 26, 2025, sa City of Imus Sports Complex.
Pinangunahan ang programa ng Office of the Persons with Disability Affairs Officer at ni Special Needs (SNED) Program Supervisor Riza Garcia bilang resource speaker. Dinaluhan din ng mga opisyal ng Lungsod ang nasabing programa, kabilang sina City Vice Mayor Homer T. Saquilayan at mga miyembro ng Sangguniang Panlungsod.
Lumahok sa festival ang 10 SNED schools, tampok ang iba’t ibang pagtatanghal sa musika, sayaw, sining, at iba pang anyo ng malikhaing pagpapahayag.
Layunin ng programa na mabigyan ng plataporma ang PWDs upang maipakita ang kanilang mga talento at mapalakas ang kumpiyansa at pagpapahalaga sa sarili. Higit pa sa pagtatanghal, isinusulong ng festival ang inklusibidad, paglaban sa diskriminasyon, at ipinapakita na ang kapansanan ay hindi limitasyon, kundi isang natatanging anyo ng potensyal ng tao.

𝐄𝐥𝐞𝐦𝐞𝐧𝐭𝐚𝐫𝐲 𝐬𝐭𝐮𝐝𝐞𝐧𝐭𝐬 𝐧𝐚 𝐦𝐢𝐲𝐞𝐦𝐛𝐫𝐨 𝐧𝐠 𝐄𝐬𝐤𝐰𝐞𝐥𝐚 𝐊𝐨𝐨𝐩𝐞𝐫𝐚𝐭𝐢𝐛𝐚, 𝐝𝐮𝐦𝐚𝐥𝐨 𝟐𝟎𝟐𝟓 𝐄𝐊 𝐒𝐮𝐦𝐦𝐢𝐭: 𝐘𝐨𝐮𝐭𝐡 𝐅𝐢𝐧𝐚𝐧𝐜𝐢𝐚𝐥 𝐋𝐢𝐭𝐞𝐫𝐚𝐜𝐲 𝐅𝐞𝐬𝐭𝐢𝐯𝐚𝐥

𝐓𝐈𝐍𝐆𝐍𝐀𝐍: Sa layuning palakasin ang Eskwela Kooperatiba (EK) Program, isinagawa ng Office of the City Cooperatives Development Officer (OCCDO) ang 2025 EK Summit: Youth Financial Literacy Festival at awarding ceremony ng EK Buzzword Making Contest nitong Martes, Nobyembre 25, 2025, sa Function Hall ng New Imus City Government Center.

Ang patimpalak ay nagbigay-daan sa kabataan na ipamalas ang kanilang malikhaing kakayahan sa paggawa ng tagline na sumasalamin sa diwa ng pagtitipid, pag-iimpok, at kooperasyon. Bukod dito, sumailalim din ang mga kalahok sa mga gawaing inihananda ng OCCDO.

Narito naman ang mga nagwagi sa EK Buzzword Making Contest:
1st Place: Jairus Clyde Onceno – Pasong Buaya 3 Elementary School
2nd Place: Zoe Jaranilla – Pasong Buaya 3 Elementary School
3rd Place: Carlene Chane Montenegro – Imus National High School

Wagi naman sa People’s Choice Award (Social Media) si Queen Eiriel Reyes Magat ng General Emilio Aguinaldo National High School.

Kinilala rin ang mga Guardian Cooperative na may pinakamataas na savings deposit:
1️⃣ Anabu Development Cooperative
2️⃣ Campus and Community Multipurpose Cooperative
3️⃣ Pag-asa Community Multipurpose Cooperative

Narito naman ang mga paaralang may pinakamataas na savings deposit:
1️⃣ Pasong Buaya 3 Elementary School
2️⃣ Pasong Buaya 2 Elementary School
3️⃣ Anabu 2 Elementary School

Samantala, nakatanggap ng consolation prizes ang mga sumusunod na kooperatiba:
🔵 EMI Employees Development Cooperative
🔵 Imus Vendors Development Cooperative
🔵 Toclong 1st Multipurpose Cooperative
🔵 Kapit-Baryo Multipurpose Cooperative
🔵 Damayan sa Cavite Community Multipurpose Cooperative
🔵 Cavite Metro Multipurpose Cooperative

Ayon sa OCCDO, layunin ng programa na palakasin ang savings deposits ng mga kasapi, palawakin ang membership, at pumili ng opisyal na EK tagline na magsisilbing gabay sa mga susunod na taon.

𝟒,𝟎𝟎𝟎 𝐄𝐂𝐂𝐃 𝐥𝐞𝐚𝐫𝐧𝐞𝐫𝐬, 𝐥𝐮𝐦𝐚𝐡𝐨𝐤 𝐬𝐚 𝐓𝐚𝐤𝐛𝐮𝐥𝐢𝐥𝐢𝐭 𝟐𝟎𝟐𝟓

𝐓𝐈𝐍𝐆𝐍𝐀𝐍: Tumakbo ang mahigit 4,000 Early Child Care and Development (ECCD) learners at kanilang mga magulang sa Takbulilit 2025 na ginanap noong Biyernes, Nobyembre 14, 2025, sa City of Imus Grandstand and Track Oval.

Ayon sa Office of the City Social Welfare and Development Officer (OCSWDO), layunin ng Takbulilit 2025 na hikayatin ang mga bata sa aktibong paglalaro kasama ang kanilang mga magulang.

Dumalo bilang panauhing pandangal si Konsehal Shernan Jaro na nagbigay rin ng suporta sa mga bata at magulang na lumahok sa programa.

Ang Takbulilit 2025 ay bahagi ng mga pagdiriwang ng Pamahalaang Lungsod ng Imus ngayong National Children’s Month.

𝟗𝟖 𝐤𝐚𝐛𝐚𝐭𝐚𝐚𝐧𝐠 𝐈𝐦𝐮𝐬𝐞𝐧̃𝐨, 𝐥𝐮𝐦𝐚𝐡𝐨𝐤 𝐬𝐚 𝐁𝐨𝐨𝐤 𝐂𝐡𝐚𝐫𝐚𝐜𝐭𝐞𝐫 𝐂𝐨𝐬𝐭𝐮𝐦𝐞 𝐂𝐨𝐦𝐩𝐞𝐭𝐢𝐭𝐢𝐨𝐧 𝐧𝐠 𝐈𝐦𝐮𝐬 𝐋𝐆𝐔

𝐓𝐈𝐍𝐆𝐍𝐀𝐍: Talento sa malikhaing kasuotan at pagsasadula ang ipinamalas ng 98 batang Imuseño sa Book Character Costume Competition: Dressing up and Acting Out – Year 5 ng City of Imus Public Library noong Huwebes, Nobyembre 13, 2025.

Ginanap ang pagtitipon sa City of Imus Youth Center na sinundan ng parada mula Imus Pilot Elementary School patungong City of Imus Sports Complex, kung saan idinaos ang paggawad ng mga parangal.

Nahati sa apat na kategorya ang kumpetisyon na nilahukan ng mga batang Imuseño mula Kinder hanggang Grade 12.

Hinirang na 1st place at Best in Costume si Zayn Johann Tulang na nag-ala Paboreal sa unang kategorya.

Si Jiah Kelsey Papa naman ang nakakuha ng 1st place sa ikalawang kategorya matapos mag-ala Thumbelina, habang si Zabrina Jazzrelle Tulang ang nakakuha ng Best in Costume sa kanyang Te Fiti/Te Ka costume.

Samantala, wagi si Joeiana Altheaia Canada na mapanalunan ang unang puwesto na nag-ala Rapunzel at si Gemaica Angelynne Leopoldo ang Best in Costume sa kanyang kasuotang Elphaba sa ikatlong kategorya.

Napanalunan naman ni Jade Ann Restar Casipit ang unang puwesto bilang The Queen of Hearts at ni Kurt Russian Maaño ang Best in Costume bilang Captain Ahab sa ikaapat na kategorya.

Nagsilbing hurado sa kompetisyon sina retired Department of Education Supervisor Feliz Tayao, Microsoft Innovative Educator Expert Kate Medina Bare, at School Librarian Mabel Musa ng St. Michael Institute of Bacoor.

Ang taunang kompetisyon ay patuloy na nagtataguyod ng malikhaing pagbasa at pagpapahalaga sa literatura sa kabataan ng Imus.

𝐄𝐊 𝐀𝐀𝐬𝐞𝐧𝐬𝐨 𝐏𝐫𝐨𝐠𝐫𝐚𝐦 𝐧𝐠 𝐎𝐂𝐂𝐃𝐎, 𝐝𝐢𝐧𝐚𝐥𝐮𝐡𝐚𝐧 𝐧𝐠 𝟒𝟎 𝐞𝐬𝐭𝐮𝐝𝐲𝐚𝐧𝐭𝐞

𝐓𝐈𝐍𝐆𝐍𝐀𝐍: Pagbuo ng negosyo ang natutunan ng humigit-kumulang 40 estudyante sa Imus sa ginanap na Eskwela Kooperatiba (EK) AAsenso Program: “Business Idea Development, Mentoring, and Pitching” ng Office of the City Cooperatives Development Officer noong Miyerkules, Nobyembre 12, 2025, sa CLTC Building, Brgy. Poblacion 2-A.

Sa pamamagitan nito, naipakilala sa mga kabataan ang mga batayang konsepto ng entrepreneurship sa praktikal na paraan, hikayatin ang kanilang pagkamalikhain at pagtutulungan sa pagbuo ng business ideas, at bigyan ng pagkakataong maipakita ang kanilang talento pagdating sa pagnenegosyo.

Nagsilbing panelists sa nasabing aktibidad sina Jane Maghanoy, Kayen Lucille Serrano, Katrina Paula Caballe, at Annalyn Hernandez.

Ang EK AAsenso Program ay patuloy na nagiging daan upang mahubog ang susunod na henerasyon ng mga Imuseño na handang magtaguyod ng makabagong ideya at mga konsepto sa negosyo.

𝟒𝟎 𝐒𝐞𝐧𝐢𝐨𝐫 𝐇𝐢𝐠𝐡 𝐒𝐜𝐡𝐨𝐨𝐥𝐬 𝐚𝐭 𝐦𝐢𝐲𝐞𝐦𝐛𝐫𝐨 𝐧𝐠 𝐄𝐬𝐤𝐰𝐞𝐥𝐚 𝐊𝐨𝐨𝐩𝐞𝐫𝐚𝐭𝐢𝐛𝐚, 𝐬𝐮𝐦𝐚𝐛𝐚𝐤 𝐬𝐚 𝐄𝐧𝐭𝐫𝐞𝐩𝐫𝐞𝐧𝐞𝐮𝐫𝐬𝐡𝐢𝐩 𝐁𝐚𝐬𝐢𝐜 𝐓𝐫𝐚𝐢𝐧𝐢𝐧𝐠

𝐓𝐈𝐍𝐆𝐍𝐀𝐍: Natuto ng mga pangunahing kaalaman sa pagnenegosyo ang 40 kabataang Imuseño na miyembro ng Eskwela Kooperatiba (EK) sa isinagawang Entrepreneurship Basic Training ng Office of the City Cooperatives Development Officer noong Miyerkules, Nobyembre 5, at Huwebes, Nobyembre 6, 2025, na ginanap sa 2nd Floor, Cooperative and Livelihood Training Center Building, Brgy. Poblacion 2-A.

Nanguna sa pagtuturo sina Jane Maghanoy, Kayen Lucille, C. Serrano, Katrina, Paula M. Caballe, at Annalyn S. Hernandez, kung saan tinalakay ang mahahalagang paksa tulad ng Discovering the Entrepreneur in You, Smart Money: Costing & Pricing, Branding & Selling in the Digital Age, at Business Proposal Writing.

Layunin ng programa na hubugin ang kaisipan at kasanayan ng mga miyembro ng EK sa larangan ng pagnenegosyo sa pamamagitan ng simple, praktikal, at makabuluhang konsepto ng entrepreneurship.

Congratulations, City of Imus!

CINEMAKABATA 2025 FILM SHOWING 🎬

Experience stories that challenge, inspire, and awaken.

📽️ Morning Screening: 9:30 AM – 12:30 PM
📽️ Afternoon Screening: 1:30 PM – 4:30 PM

TICKETS ARE FREE!
You may claim your walk-in tickets at the cinema entrance. Only 100 tickets will be available for walk-in audiences.

Be part of a movement told through film. 🩵💚

𝐏𝐑𝐄𝐒𝐄𝐍𝐓𝐈𝐍𝐆 𝐓𝐇𝐄 𝟗 𝐎𝐅𝐅𝐈𝐂𝐈𝐀𝐋 𝐄𝐍𝐓𝐑𝐈𝐄𝐒 𝐅𝐎𝐑 𝐓𝐇𝐈𝐒 𝐘𝐄𝐀𝐑'𝐒 𝐂𝐈𝐍𝐄𝐌𝐀𝐊𝐀𝐁𝐀𝐓𝐀 𝐒𝐇𝐎𝐑𝐓 𝐅𝐈𝐋𝐌 𝐅𝐄𝐒𝐓𝐈𝐕𝐀𝐋 𝟐𝟎𝟐𝟓!

Ngayong taon, hindi lang pelikula ang ihahain namin—isang makapangyarihang panawagan.

Our young filmmakers rise to the challenge with stories that confront reality, ignite awareness, and inspire courage amidst the fight against illegal drugs.

Abangan ang official film showing schedules!

CINEMAKABATA Short Film Festival 2025: “Say No to Drugs: Empowering the Youth for a Better Future”

NATIONAL CHILDREN'S MONTH NA!

Sa temang “OSAEC-CSAEM Wakasan: Kaligtasan at Karapatan ng Bawat Bata, Ipaglaban,” sama-sama nating ipagdiwang ang National Children’s Month 2025!

Narito ang Calendar of Activities ng Pamahalaang Lungsod ng Imus bilang patunay ng ating patuloy na adbokasiya sa karapatan, kaligtasan, at kapakanan ng bawat batang Imuseño. 👧👦💙