Inopacan Water System

Inopacan Water System Contact information, map and directions, contact form, opening hours, services, ratings, photos, videos and announcements from Inopacan Water System, Public & Government Service, Inopacan.

24/08/2026

Water Supply Update

Tungod sa padayon nga ka-init sa panahon, naapektuhan ang atong mga tinubdan sa tubig, ilabina ang Tonngo Spring ug Bito River, nga miresulta sa pagkunhod sa suplay sa tubig sa atong mga lugar.

Kami nanghinaot sa inyong lawom nga pagsabot ug pagpailub, mga water consumers, samtang atong giatubang kini nga sitwasyon nga may kalabotan sa kasamtangang kahimtang sa panahon.

Isip temporaryong solusyon alang sa mga apektadong lugar, ipatuman ang water rationing, uban sa tabang ug koordinasyon sa Bureau of Fire Protection (BFP), aron makatabang sa paghatag og tubig ngadto sa mga lugar nga grabe nga naapektuhan sa kakulang sa suplay.

Daghang salamat sa inyong pagsabot, kooperasyon, ug pagpailub.

Inopacan Water System

13/05/2026

Water Update sa Sitio Tagaytay ug Sitio Maluy-a, Barangay Tao-taon

Alang sa kasayuran sa tanang residente sa Sitio Tagaytay ug Sitio Maluy-a:

Sa ginahimong pag-susi sa atong field personnel ganiha sa inyong lugar, nasuta nga ang hinungdan sa pagkawala sa supply sa tubig mao ang pag-undang sa pag-andar sa pump submotor nga naka-install sa collector tank. Tungod niini, walay tubig nga mapasaka ngadto sa reservoir nga maoy naghatag og suplay sa maong mga sitio.

Ugma puhon sa buntag, paga-haw-ason ug paga-ayohon kini sa atong technical personnel aron nga maibalik ang serbisyo sa tubig.

Kami nagahangyo sa inyong pagsabot ug pasensya samtang pagahimoon ang pag-ayo sa maong pasilidad.

Daghang salamat.

COMMON NGA MGA PANGUTANA MAHITUNGOD SA BILL SA TUBIG 1. Ngano nisobra man ug ₱10 ang SCF? Dili ba ₱10 ra kada bulan?Basi...
07/04/2026

COMMON NGA MGA PANGUTANA MAHITUNGOD SA BILL SA TUBIG

1. Ngano nisobra man ug ₱10 ang SCF? Dili ba ₱10 ra kada bulan?

Basi sa Ordinance No. 19-09 (Senior Citizens Year-End Allowance) Section 4 (General Provisions), subsection C (Funding Sources), number 3: ang ₱10.00 ginakolekta kada bulan.

Dugang pa gyud ug ₱1.00 kada cubic meter kung mosobra sa 50 cubic meters ang inyong konsumo.

2. Ngano naa man “Others” nga charge sa amoang bill?

Basi sa Ordinance No. 21-07 (Water Rate for Elevated Areas) Section 3 (General Provisions), subsection 3.2 a.1: adunay dugang nga ₱6.50 kada cubic meter base sa actual consumption (para sa mga lugar nga gigamitan og pumping system).

3. Ngano dako man amoang water bill?

Posibleng hinungdan:

Leak sa linya sa tubig – mahimong naa kay tagas nga wala nimo namatikdi. Girekomendar nga kanunay ninyo bantayan ang inyong linya.

Error sa reading o encoding – dili malikayan usahay bisan naningkamot mi nga malikayan kini mao nga mangayo mi sa inyo pag sabot.

Kung makabantay mo og kalit nga pagtaas sa inyong water bill, palihog adto dayon sa opisina sa Water System aron kini masusi ug masulbad dayon.

Palihug usab pagdala sa inyong mga previous bill ug mga resibo sa nabayaran na aron mas sayon ug mas paspas ang pag-review sa inyong account.

Daghang salamat sa inyong pagsabot ug padayon nga suporta! Godbless sa tanan.

Alang sa Kasayuran sa TananMao kini ang nahitabo sa atong water distribution lines nga nag-supply sa Sitio Katotong ug I...
06/04/2026

Alang sa Kasayuran sa Tanan

Mao kini ang nahitabo sa atong water distribution lines nga nag-supply sa Sitio Katotong ug Inopacan Ville sa Barangay Tinago. Kung kinsa man ang naghimo niini, kami nanghinaot nga dili na kini usbon.

Kung aduna man mo mga concerns bahin sa supply sa tubig sa inyong lugar, palihug ayaw intawn panghilabti ang atong mga linya kay dili kini makahatag og solusyon. Hinuon, mahimo pa kining hinungdan sa mas dako nga problema sa ubang konsumidor.

Daghang salamat & God bless.

12/03/2026

PAHIBALO

Sa tanang consumers sa tubig, kung aduna mo mga pangutana o concerns mahitungod sa inyong water bill, palihug lamang nga moadto sa opisina aron mahatagan og hustong tubag ang matag pangutana.

Palihug usab pagdala sa inyong mga previous bill ug mga resibo sa nabayaran na aron mas dali ang pag-review sa inyong account.

Daghang salamat sa inyong kooperasyon.

God bless.

WATER SYSTEM UPDATESTo enhance water service delivery and ensure efficient distribution, several priority infrastructure...
27/02/2026

WATER SYSTEM UPDATES

To enhance water service delivery and ensure efficient distribution, several priority infrastructure projects have been implemented and are ongoing.

These include the installation of transmission pipelines from the Marao Water Treatment Plant to Linao; the expansion of distribution lines in Sitio Katotong and Sitio Magatas (Tinago), and Sitio Lawis (Tao-taon); the construction of a new collector tank for Sitio Batuan; and the ongoing rehabilitation of the Inopacan water system.

These projects are being implemented under the leadership of Hon. Azucena P. Mirambel, in coordination with the Municipal Water System’s technical and field personnel, whose expertise and dedication continue to drive improvements in local water service delivery.

May God bless us all.

14/02/2026

Maayong gabii sa tanan.

Tubag kung ngano nga walay tubig ang Batuan hangtod karon:

Niadtong miaging adlaw, naputlan og kuryente sa Leyte Electric Cooperative Inc. (LEYECO) ang pumping station sa Batuan. Tungod niini, mihunong ang pag-andar sa bomba sa tubig, mao nga walay agas hangtod karon.

Ngano naputlan?

Ang opisina wala makadawat og billing statement gikan sa LEYECO, ug wala usab mi makadawat og disconnection notice. Busa wala dayon nabayran ang bayranan, nga maoy hinungdan sa pagputol sa kuryente.

Karong Lunes sa buntag, ihatag na ang tseke ngadto sa LEYECO aron ma-reconnect dayon ang linya sa Batuan pumping station.

Ugma sa buntag, magsugod ang pag-rasyon og tubig para sa Batuan.

Nanghinaot kami sa inyong pagsabot ug pasensya samtang ginahimo namo ang tanan aron masulbad dayon kini nga problema.

Daghang salamat.

16/01/2026

WATER SUPPLY UPDATE

Tungod sa padayon nga pag-ulan nga dala sa Bagyong Ada, nagbaha ang Bito River ug naapektuhan ang atong main source sa tubig. Tungod kay taas pa ang tubig sa kasamtangan, dili pa makaadto ang atong water system field personnel aron pagsuta sa kahimtang.

Sa karon, ang Tonggo Spring maoy nagasuplay sa atong tubig.

Ang Inopacan Water System nanghinaot sa inyong pagsabot sa kasamtangang kahimtang sa suplay sa tubig. Sa dihang mohunong na ang pag ulan ug moubos na ang tubig sa Bito River, maningkamot dayon ang atong personnel nga maibalik sa labing madali nga panahon ang normal nga suplay sa tubig.

Daghang salamat ug mag-amping tang tanan.

Ongoing Repair Works of the Main Transmission PipelinesSa kasamtangan, padayon ang pag-install sa 6” uPVC pipelines isip...
12/01/2026

Ongoing Repair Works of the Main Transmission Pipelines

Sa kasamtangan, padayon ang pag-install sa 6” uPVC pipelines isip permanenteng ilis sa mga nadaot nga pipeline sections. Target nga mahuman ang mga repair works karong semanaha, kon itugot sa Ginoo.

Samtang nagpadayon ang teknikal nga mga kalihukan, ang Tonggo Spring ug ang temporaryong 2.5” P.E. transmission line nga gi-install gikan sa Bito River maoy nagasuporta sa kasamtangang suplay sa tubig. Tungod sa limitadong kapasidad sa Tonggo Spring, adunay pagkunhod sa volume ug pressure sa suplay sa tubig.

Aron masiguro ang water distribution sa mga apektadong lugar, padayon nga nagapatuman ang Inopacan Water System sa water rationing operations.

Ang Lokal nga Pangagamhanan sa Inopacan, ubos sa pagdumala ni Mayor Azucena P. Mirambel, kauban ang Inopacan Water System, padayon nga naningkamot aron mapasig-uli sa labing madali nga panahon ang normal nga operasyon sa water supply system.

Naghangyo kami sa padayon nga pagsabot ug kooperasyon sa tanan samtang nagpadayon ang mga repair works.

Daghang salamat and God bless us all.

WATER SUPPLY UPDATEAng Inopacan Water System (IWS) nagpahibalo nga padayon ang repair works sa main transmission pipelin...
06/01/2026

WATER SUPPLY UPDATE

Ang Inopacan Water System (IWS) nagpahibalo nga padayon ang repair works sa main transmission pipelines sa Bito River, Brgy. Marao. Sa kasamtangan, nagapadayon ang pag-install sa 6” uPVC pipelines isip ilis sa mga nadaot nga pipeline sections.

Samtang nagpadayon ang mga teknikal nga kalihukan, ang Tonggo Spring ug ang temporaryong gi install na 2.5” P.E. transmission line gikan sa Bito River maoy nagasuporta sa kasamtangang suplay sa tubig. Tungod sa limitadong kapasidad sa Tonggo Spring, adunay pagkunhod sa volume ug pressure sa suplay sa tubig.

Aron masiguro ang water distribution sa mga apektadong lugar, padayon nga nagapatuman ang IWS sa water rationing operations.

Ang Lokal nga Pangagamhanan sa Inopacan, ubos sa pagdumala ni Mayor Azucena P. Mirambel, kauban ang Inopacan Water System, padayon nga naningkamot aron mapasig-uli sa labing madali ang normal nga suplay sa tubig.

Naghangyo kami sa padayon nga pagsabot ug kooperasyon sa katawhan samtang nagpadayon ang mga repair works.

Daghang salamat & God bless us all.

Address

Inopacan
6522

Opening Hours

Monday 8am - 5am
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Inopacan Water System posts news and promotions. Your email address will not be used for any other purpose, and you can unsubscribe at any time.

Shortcuts

Share

Category